كيكة الشوكولاته

2012-10-14, 01:44 PM

السلام عليكم ورحمة الله وبركاته

جايبه لكم طريقه عمل كيكة الشوكولاته لذيذه
طبعا بعد محاولات كثيره بائت بالفشل وكان مصيرها ...... وانتوا عارفين فين راحت بعد كذا
ومع كذا مايئست رغم ما ماعانيته من تحطيم للمعنويات >>>لكن كان شعاري لا يئس مع الحياة
وقبل لا أبدا بالمقادير والطريقه حابه اقول لكم الطريقه الناجحه لعمل كيكه طريه ولذيذه عشان الي بتغلط غلطتي تستفيد أن شاء الله وتضبط معاها وأكيد أغلبكم بيعرف الطريقه بس حبيت أفيد
اهم شي انكم وانتوا بتحضروا الكيكه تولعوا الفرن قبل لاتدخلوا الكيكه بربع ساعه تقريبا
ولما تخلصوا من التحضير وتدخلوا الكيكه الفرن تحطوها في نص الفرن يعني لا تخلوا الكيكه تحت في الفرن لا في النص ولما تقفلوا الفرن على الكيكه تخلوها نصف ساعه من دون ماتفتحوا الفرن نهائيا >>> وهذا سر نجاح كيكتي بعد المحاولات الفاشله الي ذكرتها سابقا لاني كنت ادخل الكيكه في الفرن تحت وافضل كل شوي افتح
الفرن يعني شوفوني مراقبه ممتازه واعرف شغلي تمام وفي النهايه الكيكه المسكينه يحصلها هبوط غير متوقع أو تنحرق لاني احطها في الفرن تحت واستغرب أيش الي ممكن يكون صار لهاوطبعا بتكون غير صالحه للاكل لين عرفت السر والحمد لله ونصف ساعه وتكون الحراره متوسطه وقت كافي لنضوج الكيكه وعلى ضمانتي ونطفي من تحت ونولع من فوق الى ان تتنضج الكيكه وبعد المقدمه نبدأ في المقادير
المقادير
4 بيضات -اصبع زبده في حرارة الغرفه - كأس سكر ناعم- ملعقه كبيره بكنغ بودر -كاس حليب سايل -2 ملعقه كاكاو بودره - ملعقه مربى اي نوع_2 كاس دقيق- فانليا عشان البيض- ورشه ملح
الطريقه
يفصل البياض عن الصفار نجيب زبديه ونضع فيها الزبده السايحه مع نصف كميه السكر ونخفقها بالمضرب تبع الخلاط حتى يكون عندنا قوام كريمي بعدين نضيف الصفار بالتدريج واحنا نخفق ونضيف المربى عشان يخلي الكيكه هشه بعدين نروح لبياض البيض ونضع فوقه بقية السكر ورشه ملح ونخفقه بيصير مثل الرغوه >> حلو التشبيه بعدين نضيفه على الخلطه السابقه تبع الزبده والصفار ونكمل خفق نكون قبل نخلنا الدقيق مع الكاكاو مع الخميره ونبدا نضيف شوي من الدقيق وشوي من الحليب ونخلط حتى تخلص الكميه
ونولع على الفرن من قبل زي ماذكرت سابقا وندخل الصينيه في المنتصف ونخليها نصف ساعه من دون مانفتح على الفرن بعدين نطفي ونشغل من فوق
وبعد ما تخرجوها من الفرن تعملوا الصوص بتاعها
بالطريقه الي تفضلوها أو تعمل مثل ماعملت
جبت حليب مركز انا عاملته في البيت وشوكولاته هيرشي وتخلطوها مع بعض وتسكبوها فوق الكيكه وتخلوها تبرد شوي وتقطعوها عشان ماتغلبكم وانتم تقطعوها وتقدم مع القهوه العربيه وصحه وهنا
وعذروني مافي صور لطريقه من البدايه لاني من زمان ماسويتها بس لقيت صوره وحده لها في جهازي كنت محتفظه فيها من فرحتي بنجاح الكيكه
وآخيرا انتهت قصتي مع الكيك

;d;m hga,;,ghji

كيكة الشوكولاته

السلام عليكم ورحمة الله وبركاته جايبه لكم طريقه عمل كيكة الشوكولاته لذيذه طبعا بعد محاولات كثيره بائت بالفشل وكان مصيرها :009:...... وانتوا عارفين فين راحت بعد كذا ومع