!!! , ...... , الامتحان , فترة , قبل

فترة ما قبل الامتحان ...... !!!

أول يومين: مرحلة اللا مبالاه


ولا كان الراجل قال ان علينا امتحان. الحياه ماشية عادي


اليوم 3 – اليوم 4: مرحلة الاستهتار


-" سمعت, بيقولوا علينا امتحان!!"
-يا عم فوكاااااااااك .. احنا فييين و الامتحان فييين


اليوم 5 – اليوم 6: مرحلة شعارات الاستعداد للمزاكره


انا خلاص هابدأ ازاكر, لازم الم نفسي .. كده مش هاينفع .. و اليومين بيضيعوا فى نفس الكلام


اليوم 7 – اليوم 8: المزاكرة


مزاكره بجد بقى .. يعنى الواحد يبقى عليه 100 صفحه ياخدوا اسبوع يخلص فى اليومين دول 50 مثلا


اليوم 9: الاسترخااااااااااااااء


بما انه اول مره يفتح كتاب من اول السنه. بيحس انه عمل انجاز خلاص. و لازم يستريح و يكفى نفسه من الراحه


اليوم 10: ليلة الامتحان

الطالب فى اول اليوم بيحاول يزاكر. و فجاه بيكتشف حقيقه ان المجهود الذهنى اللى عمله من يومين خلاه مش قادر يفتح الماده و ياخد معلومات تانى.-طبعا ده بغض النظر عن الطالب المخلص المقفل الماده اللى هايقعد يراجع, مابقاش في الكلام ده خلاص.- فى الحاله دى اليوم ده بينقسم لعده أنواع



1-اليأس:"انا كده كده فاشل!"."يا عم اسمع الكلام انا تعبان اصلا و مش هاقدر اذاكر!". "يا عم الماده صعبه .. انا مش متفائل" .. و خد من ده اليوم كله.


2-الاكتئاب: الطالب مالهوش نفس يكلم حد و كل اللى يكلمه يكرهه فى عيشته.و قاعد مش بيزاكر و فى اللى شغال يولع فى سجاير. و افكار متتابعه فى الانتحار و السب و اللعن فى الماده و الكليه و الدراسه.





3-التنشين: و دى مرحله مهمه جدا و اساسيه عند كتير من الطلبه. و تنقسم الى مرحلتين اساسيتين


أ-تحديد المنهج: الطالب يبقى داخل مالهوش دعوه ب اللى محدده الدكتور. الطالب منشن على شويه حاجات و خلاص بقى هو ده المنهج بتاعه.
ب-الأحصائيات: هاجاوب على سؤالين و أخبط فى التالت. بكده ممكن أجيب اكتر من نص الدرجه. ولددددددد يابني, طول عمرك فناااان.



4-التخطيط:ياترى انا هاقعد جنب مين بكره ؟؟؟؟ و تروح متصل بيه, يا فلان! انت مزاكر؟؟ طيب انا هاعدي عليك بدرى علشان نروح سوي, نسلى بعد يا راجل بدل الغلب اللى الواحد فيه ده.شد حيلك بس و ذاكر كويس,أحسن تضيعنى معاك! احم, قصدى أحسن ماتحلش كويس بكره



5- المزاكرة الجماعية: "يلا يا جدعان تتلم و نشوف هانعمل ايه فى اللى علينا بكره ده". يتلموا الطلبه و يقعدوا يخبطوا فى اى حاجه. و عادة ما بتقلب بهلس.



6-الغباء, الهبل,استخراج المواهب, و التهيييييييييييس:تلاقيه رايق و مشغل أغانى و بيرقص و بيتنطط و بيعمل اي كلام فاضي و فى الطراوه! شويه يزاكر شويه ياكل شويه ينام شويه يقلش شويه يتغابى .. ممكن تلاقيه بيغنى أو بيألف ..وده تعرف انه فى كليه من الكليات العلميه على طول

7- الهدوووووووووووء: و دي آخر مرحله و بتيجي بعد ما الطالب يعدي على واحده او اكثر من المراحل اللى فوق. و فيها بيقعد الطالب يشوف اللى ليه و اللى عليه و يحدد هو فعلا هايعمل ايه بعد ما اتأكد ان هو ده الواقع المفروض عليه.

---

tjvm lh rfg hghljphk >>>>>> !!!

الغباء, الهبل,استخراج المواهب, و التهيييييييييييس:تلاقيه رايق و مشغل أغانى و بيرقص و بيتنطط و بيعمل اي كلام فاضي و فى الطراوه! شويه يزاكر شويه ياكل شويه ينام شويه يقلش شويه يتغابى .. ممكن تلاقيه بيغنى أو بيألف ..وده تعرف انه فى كليه من الكليات العلميه على طول

دا اكتر حاجه بعملها
وادخل الامتحان وربنا يستر
بصراحه عملتها فى امتحانين
والحمد لله عديتهم بالظبط
لو كنت نقصت نص درجه كنت شيلتهم
جميل جدا التوبيك فارس
سلمت يداك فكرتنى بايام يارب يعديها على خير

الله يرحمها مرحله وعدت قبل الامتحانات
التهييس دا كان على اعلى مستوى فى المرحله دى
واللى هو بئه مفيش نوم ولازم اخلص المنهج
على الاقل اجيب مقبول اهو اعدى وخلااص
كانت اياااااااااااااااااام وعدت خلااص
تسلم يافارس