زي ما أنتم عارفين أنا خلصت إمتحانات الأسبوع إللي فات
وزي ما أنتم عارفين برضه أنا ما بحبش أتخلى عن صحابي
وزي ما أنتم عارفين برضه إن الصديق وقت الضيق
مش هلكّ كتير
أنا كنت بمتحن وصاحبي إللي ورايا كل شوية يغمزلي ويخبطني في ظهري وأنا بطنشه وفضل يغمزلي كده ييجي ربع ساعة آخر ما زهقت قلتله عاوز ايه !! ؟
قاللي : السؤال الرابع ( ب )
كل ده واحنا بنتكلم بصوت واطي جدا
ومن حظي الأسود كان بيراقب علينا أستاذ عثمان بتاع الكيمياء والاستاذ ده بيني وبينه ثأر ولازم يصفيه فيا .
فأنا لسه بقول لصاحبي أول كلمتين أستاذ عثمان شافني , ولقيته جالي كده وبيقولي بتعمل ايه ؟؟؟؟؟؟؟؟؟؟
توقعوا قلتله إيه ؟
بلعب
بشرب
بأخد المسطرة من صاحبي
بلون
لا انا قلتله : أنا بغشش يا أستاذ
ومن حظي الحلو الأستاذ لقيته بيديني درس ديني ووعظ عرفت بعد كده أنه أستاذ محترم .. 
ههههه
نوادر من لجنة الامتحان
العرض العادي
