... , مصر , معاهم , اللي(بيداروا , احنا , بيشجعوا , خيبتهم) , على

اللي(بيداروا علي خيبتهم) بيشجعوا مصر ... و احنا مش معاهم !!

السلام عليكم و رحمة الله و بركاته ,

طبعا مما لا ( شك ) فيه و لا ( دبوس ) إن
( المصريين بيشجعوا مصر ... و احنا معاهم ) ,

لكن الجدير بالذكر إن في نفس الوقت هتلاقي مثلاً إن :

اليهود بيصنعوا أسلحة نووية ....
و احنا مش معاهم ,

و إن الشيعة الإيرانيين بيصنعوا أسلحة نووية برضه ...

و احنا برضه مش معاهم

,

و طبعا الأمريكان و الفرنسيين و الألمان و الروس و ......
بيصنعوا نووي و طيارات و عربيات و صواريخ و ......
و احنا أكيد مش معاهم

,

.
.
.
.
.

أمال إحنا بنعمل إيه يا عم الكتكوت

؟؟

يا باشا احنا بنـ(شجع شجع ... مصر بتلعب ) ..

و طبعا ( ما فيش مناسبة أهم من تشجيع مصر ) ,

و كده كفاية علينا قوي .. و قشطة خالص ,

و بيني و بينك , أسهل من حكاية اننا نشتغل دي , و نعمل نووي و صواريخ و طيارات و الكلام الكبير ده ,

و أهم حاجة إننا (نرضي ضميرنا ) و نلاقي حاجة - و لو هايفة - نتعلق بيها ,

و نقنع نفسنا إننا كده بنعمل اللي علينا ... و زيادة حتتين !!

...........................

---

hggd(fd]hv,h ugd odfjil) fda[u,h lwv >>> , hpkh la luhil !! ugn

شكلك فاهم يانصه

با عم أصل إحنا دولة طيبه مش بتاع مشاكل
وبعدين خلينا نكون واقعين هنجيب منين عشان نعمل الحاجات دى
دحنا بنشحت وعلينا ديون لطوب الأرض
يا عم عثمان خلى الطابق مستور
داحنا ماشين بمبدأ إصرف ما فى الجيب يأتيك ما فى الغيب ،،
تيجى تقولى نووى وصواريخ وطيارات ـ قلبك أبيض

صحيح مش لاقيين حاجه نعملها
اشتغلنا نفسنا ودى كفايه علينا قوى

ما هو يا Sir.7amato مصر مداينة
علشان بتشتري الطيارات و العربيات و......
ومتصنعهاش عندها
بس كدا أحسن
أصل أحنا مش بنعمل الحاجة بضمير
هتلاقي كل يوم نصيبة أكبر من اللي قبلها
وربنا يسترها
سبونا بس نشجع من بعيد....

انتوا مسمعتوش
انه في اقتراح بتصنيع اول مقاتله حربيه في مصر!!!!!
ده كويس جدا
اهو بدانا نتطور
بس برضه هنشجع
ليييييييييييييييييييييييييييييييييه؟؟؟؟
لان احنا زي مامحمد قال معندناش ضمير فلو فكرنا نعمل نووي مش بعيد نعمل مصيبه تودي العالم في داهيه عشان في واحد ماركزش في شغله

وزى ماقال سير حماتوا احنا مديونين لطوب الارض وبنشحت من كل الدول في العالم

خليها مستورة ياعم
احنا مالنا ومال النووى
طب انا راضيه زمتك
دا شكل شعب بيفكر في النووي اصلا ده احنا اخرنا نفكر في انبوبه البوتاجاز الفاضيه حنملاها منين؟؟؟

تقبل المرور

احناا شعب مانتقرنش بشعوب العالم ولا بعقليتهم

احنا شعب حصل علي كأس الامم الافريقيه 6 مرات رقم قياسي (حد عملها قبل كده)

احنا شعب عندنا زويل واحد ( هما بقي عندهم منه كتيرر اووي)

احنا شعب بنتعامل بالديموقراطيه وفيه حريه ( بس كل ده حسب بنود الحكومه )

احناا شعب زي الفل واشطه

مش نتقارن بالشعوب التعبانه دي ايه يعني نووي ايه يعني يصنعوا مقاتلات حربيه هماا ناس عندهم امكانيات

بس للاسف احنا شعب مسلوب منه امكانياته سواء الفكريه او حريه الرأي او ........ الخ

جزاك الله كل خير علي موضوعك يا عثمان

الاعضاء قالوا كل اللى فى نفسهم وزياده
وكل واحد فيهم ياعينى شايل ومستكفى وبيقول الحمدلله احنا احسن من غيرنا بكتير
وبعدين احنا ناس مسالمه لا لينا ف النووى ولا فى الطيران ولا الكلام دا
مستوانا اعلى من كدا بكتير والحمدلله ان الطابق لسه الى حد ما مستور
خلى الفلوس تضيع على اللعيبه وخدوا مكافات اد كدا والهيافات والذى منه
والشعب اللى منهم تعبان واللى عايز يتجوز ومش قادر ومشاكل بالكووووووووووووووم
وفى الاخر ربنا كبير وموجود

المشاركة الأصلية كتبت بواسطة sir.7amato

با عم أصل إحنا دولة طيبه مش بتاع مشاكل
وبعدين خلينا نكون واقعين هنجيب منين عشان نعمل الحاجات دى
دحنا بنشحت وعلينا ديون لطوب الأرض

يعنى احنا ممعناش نصنع عربيه ولا حتى تكت ولا موتوسيكل ( مش هقولك طياره ) ومعانا ندى لكل لاعب بالمليون مكافأه عشان ايه عشان لعبه .....حسبى الله ونعم الوكيل ...

المشاركة الأصلية كتبت بواسطة محمد الجزار

أصل أحنا مش بنعمل الحاجة بضمير
هتلاقي كل يوم نصيبة أكبر من اللي قبلها

مهو برده يا عم محمد لما يكون الموظف ولا العامل بيشتغل وطالع عينه ويجى فى الاخر المرتب اللى بياخده مش مكفيه لا هو ولا عياله يبقى لازم مش هيشتغل مضمير و يزوغ من شغله عشان يقضى مصلحه هنا ولا هنا عشان يطلع منها (سبوبه) تساعده على العيشه وعلى الفواتير بتاع الحكومه


اشكر كل من زار الموضوع وكل من سا هم برأيه

الحمد لله على كل حال ..

انا بقول نصنع تكاتك الأول نبدأ المشوار واحدة واحدة ياجماعة

نصنع تكاتك اللوقت ناخد خبرة ونبقى ميت فل وعشرة شوية شوية نوصل ونبقى بنصنع صواريخ نطلع بيها القمر
وقتها تكون الدول التانيه راحت سكنت الكواكب التانيه

عموما انا أؤمن بشىء مفاده ومعناه يأتى من قول الله عز وجل
"لا يغير الله ما بقوم حتى يغيروا ما بأنفسهم "

الحمد لله اللى احنا لسه فينا صحة نشجع

الشئ الوحيد اللى يدعو للتفائل ان الشعب متشائم