|
اللي(بيداروا علي خيبتهم) بيشجعوا مصر ... و احنا مش معاهم !!
السلام عليكم و رحمة الله و بركاته , طبعا مما لا ( شك ) فيه و لا ( دبوس ) Download82502 إن ( المصريين بيشجعوا مصرDownload38171 ... و احنا معاهم ) , لكن الجدير بالذكر إن في نفس الوقت هتلاقي مثلاً إن : اليهود بيصنعوا أسلحة نووية .... و احنا مش معاهم Download38373 , و إن الشيعة الإيرانيين بيصنعوا أسلحة نووية برضه ... و احنا برضه مش معاهم Download28994 , و طبعا الأمريكان و الفرنسيين و الألمان و الروس و ...... بيصنعوا نووي و طيارات و عربيات و صواريخ Download89587 و ...... و احنا أكيد مش معاهم Download40881 ؟؟ يا باشا احنا بنـ(شجع شجع Download70692 ... مصر بتلعب ) .. و طبعا ( ما فيش مناسبة أهم من تشجيع مصر Download59618 ) , و كده كفاية علينا قوي .. و قشطة خالص , و بيني و بينك , أسهل من حكاية اننا نشتغل دي , و نعمل نووي و صواريخ و طيارات و الكلام الكبير ده Download25670 , و أهم حاجة إننا (نرضي ضميرنا ) Download74721 و نلاقي حاجة - و لو هايفة - نتعلق بيها , و نقنع نفسنا إننا كده بنعمل اللي علينا ... و زيادة حتتين Download59470 !! ........................... |
شكلك فاهم يانصه
|
با عم أصل إحنا دولة طيبه مش بتاع مشاكل وبعدين خلينا نكون واقعين هنجيب منين عشان نعمل الحاجات دى دحنا بنشحت وعلينا ديون لطوب الأرض يا عم عثمان خلى الطابق مستور داحنا ماشين بمبدأ إصرف ما فى الجيب يأتيك ما فى الغيب ،، تيجى تقولى نووى وصواريخ وطيارات ـ قلبك أبيض |
صحيح مش لاقيين حاجه نعملها
اشتغلنا نفسنا ودى كفايه علينا قوى |
ما هو يا Sir.7amato مصر مداينة علشان بتشتري الطيارات و العربيات و...... ومتصنعهاش عندها بس كدا أحسن أصل أحنا مش بنعمل الحاجة بضمير هتلاقي كل يوم نصيبة أكبر من اللي قبلها وربنا يسترها سبونا بس نشجع من بعيد.... |
انتوا مسمعتوش
انه في اقتراح بتصنيع اول مقاتله حربيه في مصر!!!!! ده كويس جدا اهو بدانا نتطور بس برضه هنشجع ليييييييييييييييييييييييييييييييييه؟؟؟؟ لان احنا زي مامحمد قال معندناش ضمير فلو فكرنا نعمل نووي مش بعيد نعمل مصيبه تودي العالم في داهيه عشان في واحد ماركزش في شغله وزى ماقال سير حماتوا احنا مديونين لطوب الارض وبنشحت من كل الدول في العالم خليها مستورة ياعم احنا مالنا ومال النووى طب انا راضيه زمتك دا شكل شعب بيفكر في النووي اصلا ده احنا اخرنا نفكر في انبوبه البوتاجاز الفاضيه حنملاها منين؟؟؟ |
احناا شعب مانتقرنش بشعوب العالم ولا بعقليتهم احنا شعب حصل علي كأس الامم الافريقيه 6 مرات رقم قياسي (حد عملها قبل كده) احنا شعب عندنا زويل واحد ( هما بقي عندهم منه كتيرر اووي) احنا شعب بنتعامل بالديموقراطيه وفيه حريه ( بس كل ده حسب بنود الحكومه ) احناا شعب زي الفل واشطه مش نتقارن بالشعوب التعبانه دي ايه يعني نووي ايه يعني يصنعوا مقاتلات حربيه هماا ناس عندهم امكانيات بس للاسف احنا شعب مسلوب منه امكانياته سواء الفكريه او حريه الرأي او ........ الخ جزاك الله كل خير علي موضوعك يا عثمان |
الاعضاء قالوا كل اللى فى نفسهم وزياده
وكل واحد فيهم ياعينى شايل ومستكفى وبيقول الحمدلله احنا احسن من غيرنا بكتير وبعدين احنا ناس مسالمه لا لينا ف النووى ولا فى الطيران ولا الكلام دا مستوانا اعلى من كدا بكتير والحمدلله ان الطابق لسه الى حد ما مستور خلى الفلوس تضيع على اللعيبه وخدوا مكافات اد كدا والهيافات والذى منه والشعب اللى منهم تعبان واللى عايز يتجوز ومش قادر ومشاكل بالكووووووووووووووم وفى الاخر ربنا كبير وموجود |
اقتباس:
اقتباس:
اشكر كل من زار الموضوع وكل من سا هم برأيه |
الحمد لله على كل حال ..
انا بقول نصنع تكاتك الأول نبدأ المشوار واحدة واحدة ياجماعة نصنع تكاتك اللوقت ناخد خبرة ونبقى ميت فل وعشرة شوية شوية نوصل ونبقى بنصنع صواريخ نطلع بيها القمر وقتها تكون الدول التانيه راحت سكنت الكواكب التانيه عموما انا أؤمن بشىء مفاده ومعناه يأتى من قول الله عز وجل "لا يغير الله ما بقوم حتى يغيروا ما بأنفسهم " |
الحمد لله اللى احنا لسه فينا صحة نشجع
|
الشئ الوحيد اللى يدعو للتفائل ان الشعب متشائم :bm: |
| الساعة الآن 02:17 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى