زمان , ودلوقتى

زمان ودلوقتى

زمـان.. ودلوقتـي

خروج الولد وموعد رجوعه البيت
زمان: كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري
دلوقتي: تلاقي الولد داخل الساعة 1 صباحاً, باباه يقوله كويس انك متأخرتش النهاردة!!, يرد الولد: تأخير ايه يا مان أنا طالع اغير هدومي ونازل تاني, انا وكام واحد من اصحابي عندنا ماتش كده على الماشي.. خش انت نام ومتقلقش وانا مش هتأخر.. الاب نام وصحي ونزل يصلي الفجر وهو راجع يلاقي ابنه عند بتاع الفول بياكل: ايه يابني انت لسه مروحتش؟ يرد الولد: اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل,, يكمل الولد: بعدين لقينا عصافير بطننا (بتطير) قلنا نسدها
*******
البنت لما حد يسألها.. إنتى مخطوبة؟
زمان: - لسه ربنا مأذنش, وعينها فى الأرض ووشها يحمر
دلوقتي: - لأ ليه عندك عريس؟ إيدي على كتفك.. ناس معندهاش نظر
*******
الولد داخل على باباه ياخد مصروف الاسبوع
زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه
دلوقتى: - إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟ يالا اختصر عشان معنديش وقت وصاحبي بيرنلي عشان انزل.. ايه يا عم مش سامعني يعني؟ عايز الفلووووس...المونييييي
*******
دخول الاب البيت
زمان: يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى: الولد قاعد قدام الكمبيوتر او بيتفرج على ماتش كورة، البنت بتتكلم فى التليفون.. مش فاضيين يعملوا ايه!!.. الاب على الباب بيخبط.. مع العلم ان الاب ليه خبطة مميزة يعني عارفين انه اللى على الباب.. الاب خبط مرة واتنين ويرن الجرس.. فين وفين البنت اخدت بالها ان فى حد بيخبط: انت يابني متسيب اللي في ايدك ده وتروح تفتح لبابا, يرد الاخ: نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة, ترد: نعم؟؟على الاقل انا بتكلم فى التليفون اقول ايه لصاحبتي يعني؟؟ انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟.. يرد: ماتعدلي كلامك معايا انا اخوكي والولد هنا وكلامي لازم يتسمع.. ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
*******
نزول المرأة للعمل
زمان: كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي: - هوا قاسم امين.. هو اللى بهدلنا.. هو اللى نزلنا الشغل وخلانا نتبهدل.. انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا؟؟
*******
ولد حب يتعرف على بنت
زمان: الولد لو راح يكلم بنت.. بعد ما تطلع عينه.. يحمر وشها.. ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها
دلوقتي: الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي عليها اخوها ومعاه صاحبته يعملها باي من بعيد وهى ترد عليه ويمشي.. يمكن افتكر اللى واقف معاها ده عمود نور.. طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي.. يعني حتى مش خطيبها.. هيعدي عليا دلوقتي وعلى فكرة بيغير عليا موووت
*******
نزول الولد لشراء احتياجات البيت
زمان: كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر
دلوقتي: الام يطلع عينها من التحايل على الولد ينزل يجيب حاجة من البقال اللي جنبهم.. حتى يرد: ماتخلي فلانة تنزل ماهي قاعدة ما بتعملش حاجة.. الام تقوله: يابني اختك المفروض ماتنزلش كتير ديه مهما كانت بنت والوقت متاخر.. يرد: بنت يعني ايه؟؟ العو هياكلها مثلا؟ ولا الاشكيف مستنيها؟ دي بنتك تخوف بلد.. تقول الأم: يابني انت المفروض راجل البيت.. يرد: وانتوا خليتوا فيها راجل مش طالبتم بالمساواة؟ يالا اشربوا عشان تبقوا تقولوا الراجل زى الست.. هى فى حاجات وحاجات لأ يعني؟؟ حاجة غريبة اوي

---

.lhk ,]g,rjn

اولا
ميرسى ليكى على المقارنه دى
بس انا بجد كان نفسى اقرا فى اخر الموضوع
فى ولاد وبنا لسه زى شباب زمان
بجد فى ناس كويسه مش الكل

هههههههههههههههههه
هم يبكى وهم يضحك

هههههههههههه
بس علي فكرة في حاجات والله موجوده

فقرة نزول البنت السوق دي انا والله واحد من الناس وولد اهو

لازم حاجة البيت انا اللي بشتريها

سمك واشويه والخضرة والجرجير
لحمه فراخ
بقوليات
اي حاجه انا اللي بشتريها


هو بيني وبينك اه الواحد طالع عينه بس برده الواحد يخلي عنده دم يعني هاينزل اخته ولا امه وهو موجود ليه !!!

اولا
ميرسى ليكى على المقارنه دى
بس انا بجد كان نفسى اقرا فى اخر الموضوع
فى ولاد وبنا لسه زى شباب زمان
بجد فى ناس كويسه مش الكل

هو طبعا فى ناس محترمة ده اكيد
بس الظاهرة العامة او الاكثرية دلوقتى فعلا زى مالموضوع بيقول

هههههههههههههههههه
هم يبكى وهم يضحك

هههههههههه
فعلا يا ميرو

هههههههههههه
بس علي فكرة في حاجات والله موجوده

فقرة نزول البنت السوق دي انا والله واحد من الناس وولد اهو

لازم حاجة البيت انا اللي بشتريها

سمك واشويه والخضرة والجرجير
لحمه فراخ
بقوليات
اي حاجه انا اللي بشتريها


هو بيني وبينك اه الواحد طالع عينه بس برده الواحد يخلي عنده دم يعني هاينزل اخته ولا امه وهو موجود ليه !!!

هههههههههه يا محمد انت حالة نادرة يا ابنى

ههههههههه قول للزمان ارجع يا زمان

ربنا يهدي شباب وبنات المسلمين جميعا

هههههههههههه
بس علي فكرة في حاجات والله موجوده

فقرة نزول البنت السوق دي انا والله واحد من الناس وولد اهو

لازم حاجة البيت انا اللي بشتريها

سمك واشويه والخضرة والجرجير
لحمه فراخ
بقوليات
اي حاجه انا اللي بشتريها

ربنا يكتر من أمثالك يا محمد الولاد هيعملوا عليك انقلاب دلوقت
وكله بثوابه بقي

الولد داخل على باباه ياخد مصروف الاسبوع
زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه
دلوقتى: - إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟

ههههههه
والله حاجه تدحك فعلا
انا عن نفسي مع ابويا لسه زي زمان
لأنه عودنا علي حاجه زمان وخير زمان

فقرة نزول البنت السوق دي انا والله واحد من الناس وولد اهو

لازم حاجة البيت انا اللي بشتريها

سمك واشويه والخضرة والجرجير
لحمه فراخ
بقوليات
اي حاجه انا اللي بشتريها

فدي بقي يا اخ محمد عندك حق
مافيش داعي يبقي راجل في البيت ومراتة هي اللي تشتري
انا عن نفسي بجيب معظم حاجات البيت
ماعدا الجرجير علشان مابعرفش انقيه ههه


اشكرك فجر لطرح لموضوع

انا برده مع محمد وشابون فى حكاية انه مينفعش
يكون فيه راجل فى البيت ويسيب اخته ولا مامته ولا زوجته تنزل تشترى
بس الحاجه اللى ملاحظها كمان بين زمان والوقت
الواحدة كزوجة او ام
كانت زمان لو موظفة وراحت الشغل متاخر صحباتها يسالوها اتاخرتى ليه تقول كنت بغسل ولا بطبخ
تعالى الوقت اساليها
تقولك كنت سهرانه بكلم اختى ولا اى حد على التشات ولا بلعب على الكمبيوتر كده يعنى
وتسيب اولادها ولا تهتمش بيهم
دا برده حاجة غريبه فعلا بين زمان والوقت

بس الموضوعه تعبيراته صعبه اوووووي

ومش اتوقع ان الواقع يكون بنفس النظام ده

انما لغه الحوار في السن ده لا صعبه جدااا

شكرا فجر علي طرحك للموضوع

ههههه

موضوع جميل


بس فى ولاد رجاله اوى ذى زمان ويمكن اكتر

بس البنات هم اللى عاوزين المساواه