... , أيـــــــــام , بينهم.. , زمــــــــــــــأن , والفرق , ودلوقتى

أيـــــــــام زمــــــــــــــان ... ودلوقتى .... !!

السلاام عليكم ورحمة الله وبركاته


اهلا بااخواتى التيفاويه والزوار فى هذا الموضوع

أيام زمان كان التعليم ليه قيمه كبيره عن الوقت بكتير يعنى كان اللى معاه شهاده دا ياسلاام ياما هنا ياما هناك وياحلاوة بئه لو كان مجموعه يجيب كليه من كليات القمه يبقى منتهى الحلاوة طبعا وكانوا يخلصوا من هنا وجواب التعيين على طول ويستلم وظيفه فى مجاله وحياه كانت زى الفل .. حتى لما كان يتقدم لحد ياسلاام دا معاه شهاده وشغال وظيفه محترمه ....
الوقت بئه التعليم اصبح تحصيل حاصل يعنى فايدته انك بتتعلم القرايه والكتابه والحساب وكلمتين انجليزى وشكرا اى نعم العلم نور بس كان زمان ليه قيمه كبيره عن الوقت وعلشان تشتغل بشهادتك يكون بواسطه بئه واللى زينا وسيطه ربنا او ان تكون خريج من كليات القمه وبتقدير كويس اوى وباقى الكليات تخلص من هنا وتبدأ رحلة الكورسات على حسب المجال اللى انت حابه وتخلص من الكورسات تبدأ تدور على وظيفه فى شركه خاصه لو حالتك حلوة هتبدأ مشروع صغير مع نفسك وانت حظك وفى اللى بييئس وياخد من قاصرها ويقعد على قهوة او يشترى توك توك او يسافر برا وهو رزقه وفى الاول وفى الاخر دى ارزاق ومقسمها المولى سبحانه وتعالى


الجنيه زمان كان قيمه على ما اسمع انه كان بيساوى 3 دولار وكان بيجيب دهب كمان وكانت ست البيت بتنزل بقروش تجيب حاجات البيت وطلباته وزمان كانوا يعملوا السمنه والجبنه والحاجات دى فى البيت كان بخيره يعنى والبركه كانت موجوده ....
الوقت الجنيه ولا ليه اى لازمه تقبض مرتب كبير ولا صغير بيضيع مبيكملش حاجه يعنى اللى عنده اسره يدوب اول 10 او 15 يوم يعدوا وبعد كدا الجذمه تبقى ضيقه وربنا بيسترها حتى الاطفال الصغيره مبقاش يملا عينهم الجنيه دا طبعا عايز يروح السيبر يلعب هناك الساعه ب2 جنيه وعايز مش عارف ايه هم تانى لوحده

زمان كانت الخلفه ماشاءالله بال 5 و ال6 ولاد ومش فارق كل واحد بيجى برزقه وتلاقى البلد كانت رايقه وحلوة انما الوقت بينظموا النسل يدوب 2 كفايه ولو 1 يبقى كتر خيرك اوى والبلد زحمه والحال ايه اشطه


الجواز زمان كان العمليه سهله وبسيطه يااما هتجوز فى اوضتك فى بيت والدك ووالدتك او ليك شقه مثلا فى بيت العيله هتوضبها وتقعد فيها وخلااص يااما هتاجر شقه ايجار دايم ب3 او 4 جنيه الايجارات بتاع زمان دى ....
الوقت نسبه العنوسه ما شااءلله فى الطالع وعلشان تفكر تتجوز اى نعم ربنا بيسر فى الجواز بطريقه غير عاديه سبحان الله فعلاا يعنى بس تلاقى الحمل بئه الشقه ان كانت موجوده فى بيت عيله دا يبقى كرم كبير لو مش موجوده ياعينى ايجار جديد وتنطيط كل سنتين من شقه للتانيه غير عفش وشبكه ومهر وهم ناقع تانى

-----------------------------------------------
فروق كتير جدااااااااااااااا من زمان والوقت لسه فى اكتر بس مش حاضر فى دماغى حاليا اللى عنده اى اضافه يحطها واللى متفق معايا فى كلامى على الرحب والسعه واللى مش متفق مفيش اى مشكله .. لكم آراء ولى آراء ... والاختلاف لا يفسد للود قضيه

وفى النهايه معلش رغيت كتير منتظرة ارائكم ياتيفاويه فى الموضوع دا

والسلاام ختام ؛؛
فى أمان الله ؛؛

---

HdJJJJJJJJJhl .lJJJJJJJJJJJJJJhk >>> ,]g,rjn >>>> !! fdkil>> .lJJJJJJJJJJJJJJHk ,hgtvr

مكنش فى انفتاح

مكنش فى انترنت

مكنش فى جرنان يلمس وزير فما بالك برئيس جمهوريه

مكنش فى موبايل فى ايد بياع البيكيا

مكنش الناس بيبصوا للفوارق الطبقيه

مكنش فى عجز فى الاعمال الحرفيه

مكنش فى اختفاء تدريجى للفلاح المصرى وتدمنه

مكنش فى معلومات طول الليل والنهار عن العالم كله بين ايد الشعب

كفايه كده دلوقتى

مكنش فيه تاكسي لندن .. بل والطائر ..

....... مكنش .. مكنش .. مكنش

بس اللي كان واختفي .. الا من رحم ربي .. الاحترام .. وحط تحتها مليون مليون خط ..

"

::

زمان : كان في حب بين الناس والأحتترام

الأن : اين الأحترام والحب بين الناس

زمان

مكنشي في طيارات

مكنشي في نت

مكنشي في حاجات كتير

الأجيال بتطور

"

::

فعلا زمان مكانش فى نت ولا طيارات
ولا موبايل فى ايد كل الشعب تقريبا
الحياه اتطورت كتير
افتكر زمان كان التليفزيون ابيض واسود وقناتين الاولى والتانيه
ويخلص الارسال لوقت معين وبقيه اليوم تششششششششششش
الايام دى تليفزيون الوان وشاشات ال سى دى وريسفرات وعالم تانى

زمان كانت مصر معروفه بالقمح والقطن المصرى الابيض الصافى
الوقت بقينا بنستوردهم من برا دا حتى علبة الكبريت بنستوردها
والصينى غرق الدنيا ولا عزاء للانتاج المصرى
اقل الاشياء بقينا بنستوردها

اكيد الوقت فى مزايا كتير وتطورات اكتر عن زمان
بس لاشك ان البركه ايام زمان كانت موجوده والصحه كمان كانت موجوده والخير تلاقيه فى كل مكان والحب والود والاحترام عن الوقت

وكل شويه هتكتشف فروق اكتر واكتر بين زمان والوقت
والعيب مش فى الزمان العيب فينا احناا