ممكن تساعدونى

**marim_mahmoud** · 2009-01-03, 03:28 PM

بسم الله الرحمن الرحيم

السلام عليكم ورحمة الله وبركاته

انا بدخل على المنتدى كتير وبحبه جدا

وبتعجبنى المواضيع والأعضاء كمان

انا ممكن اطلب منكم مساعدتى ؟؟؟

انا خطيبى عايز يعمل هو وواحد صديقه مشروع

وهما مش عارفيين يعملوا مشروع اية

مع العلم إن رأس المال صغير

وهما بيدوروا على حاجة تكون حلال اوى

يعنى فكروا فى البلاى استيشن بس خايفيين منه علشان يعتبر فيه لهو شوية

فممكن تدونى اقتراحتكم ؟؟؟

ll;k jshu],kn

**marim_mahmoud** · 2009-01-03, 04:22 PM

معلش يعنى ممكن حتى حد يقولى على مواقع

فيها أفكار للمشاريع الصغيرة

**Eng.Shapon** · 2009-01-03, 05:13 PM

اختي العزيزه

اولا: اهلا بيكي ونورتي منتداكي

تانيا: لإقامة اي مشروع صغير او كبير

لازم تشوفي المنطقه اللي هيتعمل فيها المشروع

نظامها ايه ؟

يعني شوفي المنطقه او القريه هيه محتاجه ايه ونبتدي نشوف طرق عملها او تشغلها

يعني الشخص بيشوف بلده محتاجه ايه او فيها عجز في ايه

مثلا ممكن تكون محتاجة سنترال او مطعم صغير او محل بقاله او صاله نت

او اي حاجه يكون عليها اقبال

ومحدش يعرف الكلام دا الا حضرتك بصفتك عايشه في المكان

وممكن توضحي لنا موقع البلد او خصائصها
وممكن نساعدك في اختيار المشروع

ولكي كل احترامي

Eng.Shapon

**lewo nardo rewo** · 2009-01-03, 08:04 PM

ممكن تعملوا المشروع دا عادي

و ممكن كمان تقفلوا المحل ساعة الصلاة و تفتحوا تاني

**Sir.7amato** · 2009-01-03, 08:16 PM

أختى الغاليه ،،

منوره المنتدى ونحن فى قمه سعادتنا بإنضمامك لينا
عن طلبك زى ما شابون قالك ،،
ممكن تشوفى المكان الى انت فيه محتاج ايه ،،

أو أنا عن نفسى فى مشروع فى دماغى إن شاء الله هعمله
وهو عمل مشحمه لغسيل السيارات وتشحيمها وتغيير جميع أنواع الزيوت
بس أوعو تكونو من بلدى أصل كده هنقطع على بعض ـ

تمنيتنا بالتوفيق إن شاء الله
ويارب يكون مشروعى عجبك

**ابن مصر** · 2009-01-03, 08:22 PM

قوليلي رأس المال أد ايه وانا أقولك على المشروع اللي ينجح بيه باذن الله

وأهلا بيكي في المنتدى

**vip** · 2009-01-03, 10:46 PM

السلام عليكم ورحمه الله وبركاته

اكيد الاخ Shapon قال اللى انا عاوز اقوله

بس لازم تحسبى ممزيات المشروع وعيوبه

وغير كدا لما ربنا يكرمك وتعملى المشروع

ان شاء الله يكبر وحده وحده

بس لازم تختارى المكان الصحيح

وتعملى ميزه معينه وان شاء الله ربنا هيكرمك وينجح

بالنسبه للاخ 7amato اكيد
عاوز مشحمه يابانى هههههه
من عند.......
ومفيش اى مشاكل

مع خالص تحيـاتى لــكم
mi(

)do

**marim_mahmoud** · 2009-01-04, 10:11 AM

شكرا ليكم كلكم على اهتمامكم وردودكم

هو المكان هيكون فى اسكندرية لكن فين بالتحديد

لسة متحددش المكان بالظبط

بس اكيد هيكون فى حى من الأحياء الشعبية لان الأحياء الراقية إيجار المحلات فيها بيكون عالى جدا

ورأس المال مش كبير انا والله معرفش هو كام بالظبط

بس فى الغالب مش هيتعدى الـ 10 آلاف جنيه