|
ممكن تساعدونى
بسم الله الرحمن الرحيم السلام عليكم ورحمة الله وبركاته انا بدخل على المنتدى كتير وبحبه جدا وبتعجبنى المواضيع والأعضاء كمان انا ممكن اطلب منكم مساعدتى ؟؟؟ انا خطيبى عايز يعمل هو وواحد صديقه مشروع وهما مش عارفيين يعملوا مشروع اية مع العلم إن رأس المال صغير وهما بيدوروا على حاجة تكون حلال اوى يعنى فكروا فى البلاى استيشن بس خايفيين منه علشان يعتبر فيه لهو شوية فممكن تدونى اقتراحتكم ؟؟؟ |
معلش يعنى ممكن حتى حد يقولى على مواقع فيها أفكار للمشاريع الصغيرة |
اختي العزيزه اولا: اهلا بيكي ونورتي منتداكي تانيا: لإقامة اي مشروع صغير او كبير لازم تشوفي المنطقه اللي هيتعمل فيها المشروع نظامها ايه ؟ يعني شوفي المنطقه او القريه هيه محتاجه ايه ونبتدي نشوف طرق عملها او تشغلها يعني الشخص بيشوف بلده محتاجه ايه او فيها عجز في ايه مثلا ممكن تكون محتاجة سنترال او مطعم صغير او محل بقاله او صاله نت او اي حاجه يكون عليها اقبال ومحدش يعرف الكلام دا الا حضرتك بصفتك عايشه في المكان وممكن توضحي لنا موقع البلد او خصائصها وممكن نساعدك في اختيار المشروع ولكي كل احترامي Eng.Shapon |
ممكن تعملوا المشروع دا عادي
و ممكن كمان تقفلوا المحل ساعة الصلاة و تفتحوا تاني |
أختى الغاليه ،،
منوره المنتدى ونحن فى قمه سعادتنا بإنضمامك لينا عن طلبك زى ما شابون قالك ،، ممكن تشوفى المكان الى انت فيه محتاج ايه ،، أو أنا عن نفسى فى مشروع فى دماغى إن شاء الله هعمله وهو عمل مشحمه لغسيل السيارات وتشحيمها وتغيير جميع أنواع الزيوت بس أوعو تكونو من بلدى أصل كده هنقطع على بعض ـ تمنيتنا بالتوفيق إن شاء الله ويارب يكون مشروعى عجبك |
قوليلي رأس المال أد ايه وانا أقولك على المشروع اللي ينجح بيه باذن الله
وأهلا بيكي في المنتدى |
السلام عليكم ورحمه الله وبركاته اكيد الاخ Shapon قال اللى انا عاوز اقوله بس لازم تحسبى ممزيات المشروع وعيوبه وغير كدا لما ربنا يكرمك وتعملى المشروع ان شاء الله يكبر وحده وحده بس لازم تختارى المكان الصحيح وتعملى ميزه معينه وان شاء الله ربنا هيكرمك وينجح بالنسبه للاخ 7amato اكيد عاوز مشحمه يابانى هههههه من عند....... ومفيش اى مشاكل:bm: مع خالص تحيـاتى لــكم mi(:36_17_4[1]:)do |
شكرا ليكم كلكم على اهتمامكم وردودكم
هو المكان هيكون فى اسكندرية لكن فين بالتحديد لسة متحددش المكان بالظبط بس اكيد هيكون فى حى من الأحياء الشعبية لان الأحياء الراقية إيجار المحلات فيها بيكون عالى جدا ورأس المال مش كبير انا والله معرفش هو كام بالظبط بس فى الغالب مش هيتعدى الـ 10 آلاف جنيه |
لو 10000 ألاف جنية مبلغ مش قليل ممكن يقرب من الجامعة يجيب محل صغير ماكينة تصوير بحوالي 2500 جنية تقريبا الى 3500 وجهاز كمبيوتر بـ2000 وخط انترنت دي اس ال بسرعة كويسة وطابعة ليزر والوان في حدود 1000 جنية يبدأ يعمل دعاية لأبحاث علمية يعملها ، وكمان شغل مكتبي يعني تغليف كتابة وطباعة تصوير وإن شاء الله ربنا يفتح عليكم بالخير المشروع ده ممكن تلاقوا منه كتير لكن اللي بيتميز بعمل شغل نضيف ويحترم زباينه يعمل أحلى واجب معاه وأتمنالكم زواج مبارك قريبا |
| الساعة الآن 05:11 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى