بنات 2000

طبعا انا شفت حملة الحجاب فقلت ازاي مش اشارك
فيها دا انا اسلوماندي برضه لازم اشارك فتعالوا نشوف حال بنات 2000 في قصيده عاميه
انما ايه جامده مش من تاليفي ......

بَنَاتْ 2000 بنات مُوضهْ
عقولهم لِسَّه فى الرُّوضَهْ
سَاعِةْ مَا تْحِبّ تِتْمَاكْيِجْ
بتقعد شهر فى الأوضه
و تطلع وِشَّهَا مْلَزَّقْ
و عِينْ خَضْرَا … و عِينْ سُودَه
و تِمْشِى لِبْسَهَا مْحَزَّقْ
و تِتْلَوَّى زي الدُّودَه
ما تِعْرَفْ ( ضُهْر ) كَامْ ركعه
لكن عارفه ( هانى شنوده )
و تغلط لو قَرَتْ ( فاتحه )
و حافظه شْرِيط ( على حميده )
بَنَات إيهْ دُولْ ؟! … مش عارفْ

يا وِيلَكْ يا اللِّى تِتْجَوِّزْ
من النوع دا .. دا أصله خطير

لو انت معاك مال الدنيا
قُصَادْ طَلَبَاتْهَا تِبْقَى فَقِيرْ
و لو قلت لْهَا :" عايْز آكل "
تقول مشغوله فى الْمَانِيكِيرْ
و تِلْقَى الْمِشْط فِى الْحَلَّهْ
و تلقى الجزمه ع المواسير
و من دا كتير يا حلو اشرب
عذاب أموره م الأمامير

ما هُمَّا دُولْ بَنَاتْ 2000
زي الرَّابْسُو .. يِرَغِّى كْتِيرْ
لكِنْ لاَ يْنَضَّف الْهِدْمَهْ
و رِيحْتُه تْجِيبْ لَك الْبَوَاسِيرْ
بَنَاتْ إيهْ دُولْ ؟! … مش عارف

ما كَاتْ قُدَّامَك الْهَادْيَهْ
و بِتْصَلِّى و بنت حلال
لا تعرف رُوجْ و لا خْلافُهْ

كَاتْ أَخْلاَقْهَا عَال الْعَالْ
و لِْبس الْحِشْمَه خَلاَّهَا
تِزِيد فوق الجمال دا جمال
تقوم ترفضها و تْبَدِّلْ
ملاك طاهر … بـ " ساميه جمال ؟!"

ارجو ان الفكره تكون وصلت يا جماعه ......

---

fkhj 2000

ازيك يا اسلام بيه

ياريت تظبط التنسيق شويه زوغيرين
وبلاش موضوع النقل وخلاص
المفروض انك مش مستجد يعنى

بس والله قصيده زى الفل يا حج متشكرين اوى

تحياتى
والسلام حتام

حمتو عدى عليك

القصيدة مالهاش حل يامعلم بجد جامدة جدا عايزين من القصايد دى كتير شكرا على المجهود والتوبيك الرائع ده

المشاركة الأصلية كتبت بواسطة 7amato

ازيك يا اسلام بيه

ياريت تظبط التنسيق شويه زوغيرين
وبلاش موضوع النقل وخلاص
المفروض انك مش مستجد يعنى

بس والله قصيده زى الفل يا حج متشكرين اوى

تحياتى
والسلام حتام

حمتو عدى عليك

ربنا يخليك يا احمد اولا علي الرد دا

بعديين انا والله لما جيت انقل التوبيك دا من علي الورد عندي كان تمام

اول ما التوبيك نزل علي السايت نزل بايظ وجيت اعمله ايدت واظبطه تاني

مش لاقي اي حاجه فانت مشكور جدا خليته ميه ميه وربنا يخليك يا نجم

قصيدة حلوة وبسيطة يقدر يوصل معناها للبسطاء فى تعليمهم

ربنا يهدى كل البنات والشباب يارب

شكرا لك

بجد يا جماعه انا مش عارف اقولكم ايه علي ردودكم الجميله دي

بجد ميرسي كتير ليكم وربنا يهدينا كلنا

جميله والله يا اسلام وتتفهم علطول باسلوبها دا