|
بنات 2000
Download59408 طبعا انا شفت حملة الحجاب فقلت ازاي مش اشارك فيها دا انا اسلوماندي برضه لازم اشارك فتعالوا نشوف حال بنات 2000 في قصيده عاميه انما ايه جامده مش من تاليفي ...... بَنَاتْ 2000 بنات مُوضهْ عقولهم لِسَّه فى الرُّوضَهْ سَاعِةْ مَا تْحِبّ تِتْمَاكْيِجْ بتقعد شهر فى الأوضه و تطلع وِشَّهَا مْلَزَّقْ و عِينْ خَضْرَا … و عِينْ سُودَه و تِمْشِى لِبْسَهَا مْحَزَّقْ و تِتْلَوَّى زي الدُّودَه ما تِعْرَفْ ( ضُهْر ) كَامْ ركعه لكن عارفه ( هانى شنوده ) و تغلط لو قَرَتْ ( فاتحه ) و حافظه شْرِيط ( على حميده ) بَنَات إيهْ دُولْ ؟! … مش عارفْ يا وِيلَكْ يا اللِّى تِتْجَوِّزْ من النوع دا .. دا أصله خطير لو انت معاك مال الدنيا قُصَادْ طَلَبَاتْهَا تِبْقَى فَقِيرْ و لو قلت لْهَا :" عايْز آكل " تقول مشغوله فى الْمَانِيكِيرْ و تِلْقَى الْمِشْط فِى الْحَلَّهْ و تلقى الجزمه ع المواسير و من دا كتير يا حلو اشرب عذاب أموره م الأمامير ما هُمَّا دُولْ بَنَاتْ 2000 زي الرَّابْسُو .. يِرَغِّى كْتِيرْ لكِنْ لاَ يْنَضَّف الْهِدْمَهْ و رِيحْتُه تْجِيبْ لَك الْبَوَاسِيرْ بَنَاتْ إيهْ دُولْ ؟! … مش عارف ما كَاتْ قُدَّامَك الْهَادْيَهْ و بِتْصَلِّى و بنت حلال لا تعرف رُوجْ و لا خْلافُهْ و لِْبس الْحِشْمَه خَلاَّهَا تِزِيد فوق الجمال دا جمال تقوم ترفضها و تْبَدِّلْ ملاك طاهر … بـ " ساميه جمال ؟!" ارجو ان الفكره تكون وصلت يا جماعه ...... |
ازيك يا اسلام بيه :bm: ياريت تظبط التنسيق شويه زوغيرين وبلاش موضوع النقل وخلاص المفروض انك مش مستجد يعنى بس والله قصيده زى الفل يا حج متشكرين اوى :bm: تحياتى والسلام حتام :bm: حمتو عدى عليك :bm: |
القصيدة مالهاش حل يامعلم بجد جامدة جدا عايزين من القصايد دى كتير شكرا على المجهود والتوبيك الرائع ده
|
اقتباس:
ربنا يخليك يا احمد اولا علي الرد دا بعديين انا والله لما جيت انقل التوبيك دا من علي الورد عندي كان تمام اول ما التوبيك نزل علي السايت نزل بايظ وجيت اعمله ايدت واظبطه تاني مش لاقي اي حاجه فانت مشكور جدا خليته ميه ميه وربنا يخليك يا نجم |
قصيدة حلوة وبسيطة يقدر يوصل معناها للبسطاء فى تعليمهم ربنا يهدى كل البنات والشباب يارب شكرا لك |
بجد يا جماعه انا مش عارف اقولكم ايه علي ردودكم الجميله دي
بجد ميرسي كتير ليكم وربنا يهدينا كلنا |
جميله والله يا اسلام وتتفهم علطول باسلوبها دا
|
| الساعة الآن 10:36 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى