لو فعلا بحبها هفضل وراها لحد ما تعرف اني بحبها

بس لو مرضتش يبقي هي مبتحبنيش

والحب مش بالعافيه لازم تكون هي حاسه بالحب

ولو محستش يبقي مفيش ف دماغها حب ليا اصلا




سؤالي

لو انت فضلت مضيع شبابك ع واحده وف الاخر سابتك

هتعمل ايه بعد كده ف حياتك

هتحب تاني ؟؟؟

قشطة عليك يا سيمو يا دمار
الحب بعنيك أشعار
كلامك كله بين جنة ونار
الله عليك يا عايش ف السما ومالك الأقمار

سؤالي لو انت فضلت مضيع شبابك ع واحده وف الاخر سابتك هتعمل ايه بعد كده ف حياتك هتحب تاني ؟؟؟

هحب تانى وتالت ورابع , اليوم اللى هيا هتسيبنى فيه هو نفسه اليوم اللى هحب فيه رضينا ام ابينا فهو طريق والكل فيه منساق وان لم اجد الحب بين العشاق فأملي ان اجده بين سطور المشتاق



سؤالى للى بعدى ؟!

آخر مرة كلت فيها محشى كانت إمتى ؟!

آخر مرة كلت فيها محشى كانت إمتى

من شهر
والله نفسي فيه
ولكن

أياليت المحشي يعود يوماً فأخبره بما فعل الحمام المحشيوووو


اوكيك

سؤالي:
اغمض عينيك ثواني ..ايه اللي خطر في بالك ؟؟؟؟؟؟ بيجد ياض

سؤالي:
اغمض عينيك ثواني ..ايه اللي خطر في بالك ؟؟؟؟؟؟ بيجد ياض

ياض ,






سؤالى :

تعمل إيه لو حبيت حد من جوه جوه جوه قلبك وحصل بينكم خلاف صغنن كده وبعد كده رجعت المايه لمجاريها ولاقتيه هو مش هو ( نفس الشكل والملامح بس من غير معانى ) ؟!

اوبس سوري على الكلمة يا أحمد مش قصدت يعني

تعمل إيه لو حبيت حد من جوه جوه جوه قلبك وحصل بينكم خلاف صغنن كده وبعد كده رجعت المايه لمجاريها ولاقتيه هو مش هو ( نفس الشكل والملامح بس من غير معانى ) ؟!

هحاول أعرف سبب التغير وهحاول أغيره لو مكنشالتغير بسببي يعني
لو كان سببي و إنه خلاص مش عايزني يبقى خلاص .. ربنا يسهل له

اوكي سؤالي :
لو حاولت كتير عشان توصل لحاجة في بالك .. وكل مرة بتفشل .. هل هتقف .. وتزهق ولا هتكمل؟؟؟؟

اوبس سوري على الكلمة يا أحمد مش قصدت يعني

أنا عارف انك متقصديش يا جميل هو أنا هتوه عنك
بس أنا مش هجاوب ع السؤال

لا مش هكمل هي شغلانه ولا ايه

ههههههههههههههههه

ســؤالي

لو انت قاعد ف اوضه متر ف متر وفجأه حصلت حريقه

ههههههههههههه




هتعمل ايه ؟؟

لو انت قاعد ف اوضه متر ف متر وفجأه حصلت حريقه

مفيش هلزق في السقف

ليه مش جاوبت يا أحمد على السؤال؟؟؟؟؟؟؟

اوكيك سؤالي :

لو عايز تخرج ازاي تفتح إيدك من غير ما تلمس الباب ؟؟؟؟؟؟

هنده ع اي حد ف بيتنا يجي يفتح لي

ههههههههههههههههههه

لو بتحب حد وف يوم كان قاعد معاك وكنتو حلوين

تاني يوم لقيته او لقتيه بيخونك وقاعده مع واحد

تعمل ايه او تعملي ايه

بص من الاخر اذا كانت بتخوني مع واحد هضبه (هلف يعني) مش هكلمها الي بعد ميمشي وهعمل نفسي مش واخد بالي . ههههه

واذا كان واحد عادي في جسمي كدا يعني اظن انك فاهم هؤله هيه تلزمك واعرفه اننا لينا علاقه ببعض .

ماذا تفعل اذا كان الخائن هو صديق عمرك الوحيد ؟

المشاركة الأصلية كتبت بواسطة ahmedzaher

ماذا تفعل اذا كان الخائن هو صديق عمرك الوحيد ؟

ميرسى ع التوبك الجامد ده وسؤالك صعب اووووى يا احمد ممكن لو سقط فيه ادخل الملحقهو لو صديق عمرى خانى انا ازاى هيبقى صديق عمرى او انى اصلا اعتبره صديق بعد كده
هو ممكن فى الاول اتاثر اوى لانى هبقى بتصرف بمشعرى وخصوصا لو كنت مخلصه معاه اوى بس لما افكر بعقلى اعرف انه مايستهلش زعلى عشانه .......
ممكن اسال اللى بعدى :
عمرك فكرت ممكن تعمل حاجه تغضب ربنا علشان ترضى عبد ...مش مهم تكون عملتها بس ولو مجرد تفكير

بصراحه فكرت مره اني اقول سر لواحد صاحبي ومرضتش اقوله

بس لما هو عرف من واحد تاني زعل مني

بس قلت عادي طالما انا مغلطتش انا عملت كده عشان مينفعش اني اقول سر

بس ف الاول فكرت بس رجعت ف كلامي تاني وقلت يزعل ولا يتحرق

المهم معملش حاجه غلط


ســـؤالي

لو انت ف قلبك كلالالالالالالالالام كتير ومش لاقي حد تتكلم معاه خالص

ومفيش غير اختك الصغيره ف البيت وعندها خمس ست سنين

تكلمها ولا تسكت وتكتم ف نفسك

والله يا سيدى دى بقى حسب الكلام اللى جواك
وهل هية هتستوعبة ولا لاء
ان كانت هتفمك او الكلام عادى اوك اتكلم لو مش هتفهمك يبقى تسكت


وعلى فكرة اجمل احساس فى الدنيا لما تكون عاوز تتكلم وتسكت


انا بقى معنديش اسالة غير
اسالك هل بتصلى الفجر ولا لاء

والله بص يا اخ جمال صلاة الفجر دي ارزاق
بس طبعا لازم نصليها
يعني الحمد لله الواحد بيصلي الفجر حاضر
بس احيانا بضيع

لاسباب كتير



سؤالي



لو عندك هدف عايز توصله
وكل ماتقرب توصل تفشل

هل هتستمر في المحاولات

ولا

هتوقف؟؟؟

,والله يا اخ محمد

لو الهدف يستاهل
ان شاء الله لازم اوصلة


سوالى هل الدنيا تستاهل انك تزعل من واحد؟

بص ياجيمي الدنيا متستهلش ان ازعل من واحد وبالأخص انه يكون عزيز عليا

سؤالي.... ممكن تكدب عشان تبرء نفسك ؟؟؟؟

لا طبعا لان الكذب عمرة ما كان بيبرء


وعلى فكرة اجمل حاجة انك تكون صادق مع نفسك ومع غيرك









ممكن تعمل حاجة علشان ترضى بها واحد وتغضب ربنا ولو كان الواحد ... انت؟

لا لانى لما اعمل حاجة اعصى بيها ربناعلشان نفسى
عمرى ابدا ما هبقى مستريحه جوة نفسى
وبعدين لا طاعه لمخلوق فى معصيه الخالق
حتى لو كان المخلوق ده انا......
اللى بعدى عمرك فكرت انت ممكن تفيد بلدك بتعليمك ازى

عمري ما فكرت في حاجه زي دي خالص يا هاجر

سؤالــي

لو لقيت حد مخلص ليك وف ثانيه عمل موقف ممكن تسامحه

ولا يبقي قفلت معاه ومع الدنيا كلها خلاص

لا طبعا ممكن اسمحه

لان كلنا ممكن نغلط

بس اهم حاجة نعترف بالغلط

ولو قفلت معاة يبقى معاة لوحد لان اى حد تانى ملوش ذنب

اوك يا معلم

اية اخر موقف ضايقك من واحد عزيز عليك

ويبقالك اية الشخص دة؟؟؟