كم مره و كيف انطردتوا من الصف؟؟دخيلج/دخيلك الصراحه

**عاشق فلسطين** · 2007-02-04, 07:51 PM

كم مره و كيف انطردتوا من الصف؟؟دخيلج/دخيلك الصراحه

بسم الله الرحمن الرحيم

السلام عليكم ورحمة الله وبركاته

يا هلاا وغلااا و بليوووووون غلاا بالشبابين و بناتات

شحالكم ؟؟

عساكم مرتاحين دووووووم هب يوووووومز...آمين

بشكل سريييييييع و اختصار شديد و خير الكلام ما قل و دل

موضوع اكيد فيه الطرافه و و معاها اشياء ثانيه مفيده و لهدف معين لاني وين ما اكتب موضوع يكون لي هدف

بلى اي (فلفسه) اللي تعور الراس

طبعا بعد ما انا اسويها ابي كل من يعبر الموضوع هذا يقول لنا

كم مره و كيف انطرد من المدرسه و دخيييييلكم لله قولوا الصراحه لان لابد ان نكون صريحين عشان الهدف يكون واضح و نفس الوقت ناجح..

طبعا الهدف الاول من باب الضحك بان نتذكر كيف كنا مشاغبين و عقولنا صغيره و نضحك على اعمارنا و الهدف الثاني ننسى اللي سوينا من المشاكل و نكبر و نعقل و نكون متعلمين من غلطاتنا...

اوكيك السؤال و قبله الهدف وااااااضح

ببدأ انا اول شي أصارحكم في هل شي...

في يوم من الايام..

كنا قاعدين في اللحظات الأخيره من الحصه وما عندنا اي شي نسويه والاستاذ هو استاذ مصري يدرسنا اللغه الفرنسيه..

انا انسان و اعوذ بالله من كلمة انا و العياذ بالله ان اكذب

نسبتي 89 في الثانويه العامه

اما الماده الوحيده اللي اكرهها هي اللغه الفرنسيه و رياضياتها..."يا ربي شو الكثر معقددددددده هالماده"

المهم يا جماعة الخيييير"بعيد عنكم الشر"

استاذنا كل ما يخلص الشرح يقعد يناخر برقاده او يقرى جرايد

والشباب يشدوون الهمه
صريخ . سب . سوالف . ,,,والله يستر عل الصفات الباقيه..

لكن في مره الأخيره و قريب امتحانات اخر سنه هالاستاذ يت له هفة راس مادري جنون البقر ول مادري عاشق و حبيبته خانته..مادري بالضبط شو كان الموضوع وياه قال لنا نراجع كم من درس اللي عطانا اياه عشان بيختبرنا عقب ربع ساعه اختبار شفوي..

اندوووك انته

^مايد^ اللي ماله خص في هاللغه ابداا و اصلا ما يبي يقتنع فيها يختبروونه لا والاختبار شفوي و الاخس من مده ربع ساعه من المراجعه..

اندووك انته

مايد في ليستة الاستاذ رقمه 18

والحسافه بان اللي كانو قبلي ماشاء الله عليهم متفيجين حق اللغه و يعرفونها زين ما زين مع ان نسبتي في باقي الكتب احسن منهم..

المهم الاستاذ يجيب واحد و الثاني لا و يجيب ثلاث طلاب و الرابع يطبه..

فاهني انا كنت اقول يا رب و يا رب ما يناديني و للأسف الفرحه ما دامت..
لما زقرني باسمي قلت له اشكره باني هب جاهز بعدني..عطني بعد 10 دقايق
بحفظ عدل و بجي
وانا الوحيد من عقب الشباب قلتها
جان يبوز ويهه علي و قام يصارخ انت و انت و كذا الى ان اهان الوالد!!

اندووك انته

مع انه منزلته مثل منزلة ابوي وهو يدري باني ضعيف في هالماده الوحيده و سامع عني من الاساتذه الثانيين.
ماطاع يسكت عن السب..

لالالا شي اكيد ما اتحمله و انا اتحمل اكثر شي اذا كنت غلطان لاكني مش غلطان لحد انه يسب الوالد..

لا لا تخافون..
ما ضربته

بس فريت الكتاب صوبه و قلت له ياللي تييب سيرة ابوي

خل كتابك ينفعك وهذا اقل شي اسويه لك و انت تجيب سيرة ابوي!!

تحمل اللي بيجيك اذا زودتها..

المهم
ما سوى شي
ولا طول السالفه بس قال لي تفضل اطلع بره

قلت له فكه و مليوون فكه انا بطلع

لانه يخاف من المدير و المدير علاقته top معاي...

ما قلت له شي
بس طلعت

هههههههههههههههههههههههههههههه

سامحوني اذا القصه كانت تافهه لكن هذي الصراحه و الصراحه تنقال و ما تنخش

و عندي مواقف ثانيه لكن ما بقولها الحين..

بقولها عقب ما اسمع منكم سوالف الطرد ...

ههههههههههههه

تحياتي

;l lvi , ;dt hk'v]j,h lk hgwt??]odg[L]odg; hgwvhpi