تنبية للصور المكذوبه والمزعومه على عظمة الله تعالى جل في علاه

السلام عليكم ورحمة الله وبركاته


ديننا مكتمل ولا نحتاج الى أكاذيب




\\



\\



\\



\\



\\



\\




وطبعا مش هننسى صوره الجنى الشهيره

حقيقة الجني الدي انشر في كل المنتديات



وهنا تظهر الحقيقة وتكشف الخزعبلات والأوهام

ونشوف بالصورة خط كهرباء داخل الكهف والرجل يقف امام مجسم الجني الوهمي




الموضوع منقول للاهميه القصوى ياريت نفهم ونتعظ بان دينا لا يحتاج الى مثل هذه المهاترات

---

jkfdm ggw,v hgl;`,fi ,hgl.u,li ugn u/lm hggi juhgn [g td ughi

بالمناسبه ايه رايكم فى البيت ده




ايه رايكم لو حد عمل موضوع وقال ان ده بيت الرسام الدنماركى وان ربنا خسف بيه وبداره الارض

يااااااه ياريت كل الناس بتفكر زيك كده
كان محدش هيضحك على المسلمين ولا يسخر منهم
بس للاسف الناس مش بتفكر
ليه لما حد بينبهنا للصح بناخد الموضوع على محمل شخصى ونعتبرها اهانة
ليه مش بنبص للموضوع من زاوية تانية
هو انا لما اعمل تصرف مسيء للاسلام والمسلمين حتى لو من غير قصد المفروض اعتذر عنه ولا اصر عليه واخد الموضوع بمحمل شخصي
اغلب الناس بتفكر بالطريقة دى وينسوا المشكلة الاكبر
ودى اسمها انانية وللاسف على حساب الدين

يا اخوانى هو الاعجاز وقدرة ربنا فى الكلمة اللى كتبها النحل ولا فى اى خلية نحل وفى النحلة نفسها
لو كل واحد بص للسما او شاف نفسه فى المراية هيعرف يعنى ايه اعجاز وخلق بجد
عظمة ربنا مش بصخرة ولا خلية نحل عليها الله ولا سحابة باسم الله
العظمة فى خلق الصخرة والنحلة والسحابة وفى اللى خلقهم
وياريت نتعلم من اللى بيحصل ده
وكفاية بقى ضحكنا الغرب علينا كتير
ياريت ندافع عن الدين بطريقة احسن من كده
وارجع واقول بسم الله ماشاء الله عليك يا ماندوز وربنا يكتر من امثالك

موضوع رائع يا ماندوز
وأنا كنت بفكر اعمل موضوع زى ده
والموضوع زى ما انت كاتب تنبيه + سيتم حذف أى موضوع يحتوى على مثل هذه الصور

ده مش بيت الرسام الدنماركى ده بيت................... شكرا على الموضوع

المشاركة الأصلية كتبت بواسطة la princesse

ليه لما حد بينبهنا للصح بناخد الموضوع على محمل شخصى ونعتبرها اهانة
ليه مش بنبص للموضوع من زاوية تانية
هو انا لما اعمل تصرف مسيء للاسلام والمسلمين حتى لو من غير قصد المفروض اعتذر عنه ولا اصر عليه واخد الموضوع بمحمل شخصي

وياريت نتعلم من اللى بيحصل ده
وكفاية بقى ضحكنا الغرب علينا كتير
ياريت ندافع عن الدين بطريقة احسن من كده

المشاركة الأصلية كتبت بواسطة المحترف

ده مش بيت الرسام الدنماركى ده بيت................... شكرا على الموضوع

لا حول ولا قوة الا بالله

الموضوع مش كده خالص وإستنوا الرد الحقيقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكل واحد بيبص للموضوع من الناحية اللى تخصه فقط وبس شكرا على رد المشرفة الإسلامية

أولاً ..
جزاكم الله كل خير على طرح الموضوع ..

ثانياً ..
طبعاً دى مش أول مرة أشوف موضوع زى ده ..
والمرة الأولى كانت فى منتدى مسيحى يسخر فيه من أكاذيب وإدعاءات - كما يدعى - المسلمين ..
وأتذكر يوم أن رددت على هذا الموضوع هناك وطرحت تسأل ولماذا لم تكن الصورة فى الأصل حقيقه والأخرى هى المفترى عليها ؟؟

ليس معنى كلامى هناك أنى مع الصور ، وليس معنى ردى هنا أنى ضدها ..
ولكن الموضوع يتمحور - كما أعتقد - فى نقطه واحدة هى ..
إتخاذ وإعتماد بعض العوام من الناس هذه الصور على أنها دلائل إلهيه معجزة من الخالق ويجب تمجيدها - كمثل الصوفيين وطرقهم - والسير خلفها..
والإعتماد هنا يكن إعتماد كلى لا جزئى ..

والأصل فى الإسلام أنه دين بلا معجزات - كمعجزات المسيح فى المسيحية مثلاً - دين مُعجز لا دين سببته معجزات ..
بمعنى أخر أن معجزة الإسلام فى القرأن فحسب ، حتى أن معجزة الإسراء والمعراج كانت فى الحدث لا مسببه لحدث ..

وخلاصة الأمر حتى لا أطيل أكثر ..
نحن لا نوافق على هذه الصور ولا نرفضها فمثل هذه الأمور موجود بالفعل وخير دليل عليه هو علامات القيامه الكبرى أو الصغرى ..
أى أن وجود بشائر ورسائل من الله لعبيده شئ نؤمن به كما نص عليه الإسلام فى أحايث علامات القيامه ..
، ولكن ما يرفض شكلاً وموضوعاً هو الإعتماد الكلى وفقط على هذه الأمور وأخذها للمناظره بها ، مما يسبب بالضرورة سهولة التلاعب بها ..

والله من وراء القصد ..

دمتم بكل الخير دائماً ..؛

ايه اللى جاب الموضوع فى القرارت الاداريه !!!!!!!!!!!!!!!!!

وإستنوا الرد الحقيقى

؟؟؟؟؟؟؟؟؟؟؟؟؟؟؟؟؟؟

أولاً ..
جزاكم الله كل خير على طرح الموضوع ..

ثانياً ..
طبعاً دى مش أول مرة أشوف موضوع زى ده ..
والمرة الأولى كانت فى منتدى مسيحى يسخر فيه من أكاذيب وإدعاءات - كما يدعى - المسلمين ..
وأتذكر يوم أن رددت على هذا الموضوع هناك وطرحت تسأل ولماذا لم تكن الصورة فى الأصل حقيقه والأخرى هى المفترى عليها ؟؟

ليس معنى كلامى هناك أنى مع الصور ، وليس معنى ردى هنا أنى ضدها ..
ولكن الموضوع يتمحور - كما أعتقد - فى نقطه واحدة هى ..
إتخاذ وإعتماد بعض العوام من الناس هذه الصور على أنها دلائل إلهيه معجزة من الخالق ويجب تمجيدها - كمثل الصوفيين وطرقهم - والسير خلفها..
والإعتماد هنا يكن إعتماد كلى لا جزئى ..

والأصل فى الإسلام أنه دين بلا معجزات - كمعجزات المسيح فى المسيحية مثلاً - دين مُعجز لا دين سببته معجزات ..
بمعنى أخر أن معجزة الإسلام فى القرأن فحسب ، حتى أن معجزة الإسراء والمعراج كانت فى الحدث لا مسببه لحدث ..

وخلاصة الأمر حتى لا أطيل أكثر ..
نحن لا نوافق على هذه الصور ولا نرفضها فمثل هذه الأمور موجود بالفعل وخير دليل عليه هو علامات القيامه الكبرى أو الصغرى ..
أى أن وجود بشائر ورسائل من الله لعبيده شئ نؤمن به كما نص عليه الإسلام فى أحايث علامات القيامه ..
، ولكن ما يرفض شكلاً وموضوعاً هو الإعتماد الكلى وفقط على هذه الأمور وأخذها للمناظره بها ، مما يسبب بالضرورة سهولة التلاعب بها ..

والله من وراء القصد ..

دمتم بكل الخير دائماً ..؛

كلامك مظبوط يا احمد

اختلف معك فى التفريق بين تلك الصور وعلامات القيامه الصغرى والكبرى

فلا يوجد بين علامات القيامه شجره راكعه او مجموعه من الاشجار على هيئه لا اله الا الله كما موضوح بصور مشهوره فى عالمنا الاسلامى

وايضا ليس بالمعجزات وجود احد الخضروات او الفاكهه وعليها لفظ الجلاله

زى مهو موضح الكلام ده مكنش بيطلع قبل ظهور الفوتوشوب

دا كله واحنا نسينا صوره البطيخ المكعب اللى الصين عملته

العالم وصل للعب فى اشكال كل حاجه فالافضل لحمايه ديننا اجتناب مثل هذه الاشياء التى تضر اكثر مما تنفع

كم شخص من العوام سيقرا الموضوع ويجرى مهرولا بين اصدقائه عن معجزه كذا او كذا

قد يكون البعض له عقليه مختلفه ويستطيع ان يكشف الالعيب فى تلك الصور

ولكن تبقى النسبه قليله مقارنه بعامه الناس

الصور اللى عملها كونه مسلم او غير مسلم مش هيغير من الجرم اللى عمله

لو كان مسلم وعايز قوى دين الناس او يخلى الناس تسلم فارد عليه واقوله

ما بنى على باطل فهو باطل

وانته ستنى اهدافك على غش وتلفيق

اما اذا كان غير مسلم فلا ارى مسمى غير ما وضحته من مؤامره على عالمنا الاسلامى

وربنا يهدى الجميع

ميرسى فعلا موضوع جامد

المشاركة الأصلية كتبت بواسطة mandozzz

اختلف معك فى التفريق بين تلك الصور وعلامات القيامه الصغرى والكبرى

فلا يوجد بين علامات القيامه شجره راكعه او مجموعه من الاشجار على هيئه لا اله الا الله كما موضوح بصور مشهوره فى عالمنا الاسلامى

العزيز محمد ..
أختلف معى كيفما تريد فالإختلاف عندى ثراء لا ِشقاق ..
ولكن أخى الحبيب المقصود كان من الكلام الجوهر لا المظهر ..
بمعنى أن هناك بالفعل أشيا معجزة فى كوننا ورسائل كونية من الخالق لعبيدة ..
فهناك بالفعل سحب تتخذ أسماء للخالق أحياناً ..
كما أن هذه السحب - مثلاً - تتخذ أشكالأ أخرى فى أوقات أخرى ..
والمقصود من الكلام هنا أننا نتفق على وجود الغاية منها ونختلف فى مصدقية - بعض - الوسيلة ..
ولكى تصلكم الصورة أكثر أختم بقول الله تبارك وتعالى ..

(( إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ ))
آل عمران190

دمتم بكل الخير دائماً ..؛

ايه اللى جاب الموضوع فى القرارت الاداريه !!!!!!!!!!!!!!!!!

أنا اللى جابت الموضوع فى القرارات الإدارية , وكانت وجهة نظرى زى ماوضحت إن أنا كنت بفكر إن أعمل موضوع يمنع عمل موضوعات لصور مزعومة دون مصدر لذلك أو ما شبه ذلك وكنت هحط الموضوع ده ف القرارات الإدارية ,,,, لكن كاتب الموضوع أدرى من القارئ بمكانه وآسف إن كنت أخطأت التصرف , وتم إضافة هذه الفقرة إلى
..[[ قوانين منتديات شبكة تيفا ]] ...

13- منع الموضوعات التى تحتوى على صور مكذوبة لمظاهر قدرة الله فى خلقه مثل التى وردت عن الدنمارك وما إلى ذلك

وأصبح هذا قانونا عاما من قوانين المنتدى يعرض المخالف للحظر

ده مش بيت الرسام الدنماركى ده بيت................... شكرا على الموضوع

الأخ المحترف لا يقصد بتاتا كما فهمت مشرفة الإسلامى ولكن كان يقصد أن هذا البيت بيت لأحد من الناس , وعندما كتب جارى البحث أعتقد أنه بيعمل بحث عن هذه الصورة لمعرفة مصدرها الحقيقى زى ما ماندوز عمل وجاب صورة الجن وجاب الصورة التى تنفى ذلك ...

ليه مش بنبص للموضوع من زاوية تاني

فعلا ليه بناخد المواضيع من زاوية مع إنها جاية من زواية تانية , ليه بنشوف الكورة بلانتى ولا بتيجى من زاوية تانية بنلاقى اللاعب واقع لوحده ومحدش لمسه ...


بالنسبة للموضوع نفسه , الصور خير دليل لتأكيده , ودون مجاملة موضوع رائع لماندوز ويعتر خلاصة للكلام اللى ممكن نقوله فى الموضوعات التى انتشرت منذ فترة فى المنتدى ...

أنا اللى جابت الموضوع فى القرارات الإدارية , وكانت وجهة نظرى زى ماوضحت إن أنا كنت بفكر إن أعمل موضوع يمنع عمل موضوعات لصور مزعومة دون مصدر لذلك أو ما شبه ذلك وكنت هحط الموضوع ده ف القرارات الإدارية ,,,, لكن كاتب الموضوع أدرى من القارئ بمكانه

الفكره يا احمد انى اهتم ان الصور توصل للجميع اعضاء واداره

الاداره علشان تشوف الموضوع فى قوانيين المنتدى هنا

اما اللعضو فلكى ينتبه عندما يرى هذه الصور فى مكان اخر

وآسف إن كنت أخطأت التصرف

جمله لا محل لها من الاعراب دا مجرد اختلاف فى وجهات النظر فقط

الأخ المحترف لا يقصد بتاتا كما فهمت مشرفة الإسلامى ولكن كان يقصد أن هذا البيت بيت لأحد من الناس , وعندما كتب جارى البحث أعتقد أنه بيعمل بحث عن هذه الصورة لمعرفة مصدرها الحقيقى زى ما ماندوز عمل وجاب صورة الجن وجاب الصورة التى تنفى ذلك ...

اخى احمد بدايه الصوره مهما بحث فى الشبكه العنكبوتيه فلن يجد شيئا

الصوره مثلها مثل اى صوره عن الانهيارات الارضيه

وبالمناسبه صوره البيت هيا اخف ما رايته فهناك صور اكثر تاثيرا لدى ولكن لا مجل لعرضها عن ظاهره الانهيارات الارضي

فهناك جبال وقرى بالكامل حدث بها ذلك وهناك شوارع عديده ظهر بها الانهيارات

كلها صور موجوده فى المواقع الغربيه عن ظاهره الانهيارات الارضيه

وستسخر اذا عرفت ان صور انهيارات الدنمارك المزعوه موجوده على الشبكه من اكثر من 5 او 6 سنوات

فعلا ليه بناخد المواضيع من زاوية مع إنها جاية من زواية تانية , ليه بنشوف الكورة بلانتى ولا بتيجى من زاوية تانية بنلاقى اللاعب واقع لوحده ومحدش لمسه ...

للاسف مفهمتش قصدك فى النقطه دى ياريت التوضيح

فعلا ليه بناخد المواضيع من زاوية مع إنها جاية من زواية تانية , ليه بنشوف الكورة بلانتى ولا بتيجى من زاوية تانية بنلاقى اللاعب واقع لوحده ومحدش لمسه ...

مش ليك دى يا ماندوز


الموضوع كويس جدا , أنا اللى زعلنى ف الموضوع إن فيه ناس ردت بعصبية وللأسف مفهمتش وجهة نظر البعض وبالنسبة للصورة يمكن تكون انهيارات .

ده مش بيت الرسام الدنماركى ده بيت................... شكرا على الموضوع

وطبعا المحترف غلطان انه موضوحش وجهة نظر وقال كلام مش مفهوم بس مش معنى كلامه انه ........

الموضوع مش كده خالص وإستنوا الرد الحقيقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكل واحد بيبص للموضوع من الناحية اللى تخصه فقط وبس شكرا على رد المشرفة الإسلامية

ده مش بيت الرسام الدنماركى ده بيت................... شكرا على الموضوع

لا حول ولا قوة الا بالله

هو ده بقى اللى زعلنى يا ماندوز

مش ليك دى يا ماندوز الموضوع كويس جدا , أنا اللى زعلنى ف الموضوع إن فيه ناس ردت بعصبية وللأسف مفهمتش وجهة نظر البعض وبالنسبة للصورة يمكن تكون انهيارات .

رد اميره

ليه لما حد بينبهنا للصح بناخد الموضوع على محمل شخصى ونعتبرها اهانة
ليه مش بنبص للموضوع من زاوية تانية
هو انا لما اعمل تصرف مسيء للاسلام والمسلمين حتى لو من غير قصد المفروض اعتذر عنه ولا اصر عليه واخد الموضوع بمحمل شخصي

وياريت نتعلم من اللى بيحصل ده
وكفاية بقى ضحكنا الغرب علينا كتير
ياريت ندافع عن الدين بطريقة احسن من كده

هنا اميره بتتكلم عن المواضيع السابقه ورايها فيما حدث من نقاشات بداخلها

كونك شايف ان ردها كان بعصبيه فده وجهه نظرك

اللى انا واثق منه ان اميره ردها كان من دافع الخوف على الاسلام والدفاع عنه ضد محاولات تشويه صورته بهذه المعجزات المصتنعه

اما بخصوص المحترف

فيكفى انه اختزل الموضوع الى الجمله الاعتراضيه الخاصه برسام الدنمارك

كويس انى مجبتش لقطه العربيه اللى حصل تحتها انهيار ارضى وقلت ان دى بتاعت رسام برضه والا كان دخل وقال ان العربيه مش بتاعته وانما بتاعت .......

والطبيعى من ردوده السابقه فى موضوع الانهيار القديم ان نتوقع معنى كلمه ...... بحسن نيه !!!!

لأ انت برضه مش فاهم وجهة نظرى
أنا مش زعلان من رد أميرة الأولانى
أنا اللى ضايقنى إقتباسها لجملة المحترف وكتابة تحتها لا حول ولا قوة إلا بالله دون أى تعليق أو عتاب توجهه للمحترف وإحنا مش ناقصين إختلافات ف المنتدى مش كل لما نحل من جهة تعقد من ناحية تانية والله أعلى مين اللى ناوى تانى ع ايه
ماتخليك معايا على الخط يا ماندوز باشا كده مش هنروح نصلى العشا

المشاركة الأصلية كتبت بواسطة المحترف

الموضوع مش كده خالص وإستنوا الرد الحقيقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكل واحد بيبص للموضوع من الناحية اللى تخصه فقط وبس شكرا على رد المشرفة الإسلامية

لو الشكر ده موجه ليا عشان غيرتى على الدين
فاسمحلى اقولك ان الشكر مش فى محله
لان ده واجب علينا كلنا واى حد فى مكانى لازم يعمل كده
ولو الشكر ده لانك فاهم الكلام غلط فده معناه ان كلامى مظبوط
وانت فعلا بتنسى غلطتك وتاخد الموضوع على محمل شخصى للمرة التانية
على فكرة انا كنت بتكلم عموما ومقصدش حد معين

الأخ المحترف لا يقصد بتاتا كما فهمت مشرفة الإسلامى ولكن كان يقصد أن هذا البيت بيت لأحد من الناس , وعندما كتب جارى البحث أعتقد أنه بيعمل بحث عن هذه الصورة لمعرفة مصدرها الحقيقى زى ما ماندوز عمل وجاب صورة الجن وجاب الصورة التى تنفى ذلك ...

انا عايزة اعرف انت منين عرفت قصد المحترف ومنين عرفت انى فهمت غلط ومنين عرفت انا فهمت ايه اصلا
متهيالى دى حاجة المفروض هو اللى يوضحها وقصدى انا هوضحه بردو
ولو قصد المحترف من الكلمة اللى قالها كان الكلام اللى انت قلته ده
فدى تبقى مصيبة اكبر لانه بردو كده يبقى لسه مفهمش الموضوع
ومخدش باله الا من البيت الواقع وراح يدور على صحبه

أنا اللى زعلنى ف الموضوع إن فيه ناس ردت بعصبية وللأسف مفهمتش وجهة نظر البعض

ياريت لو سمحت يا احمد تورينى الجزء اللى انت شايف انى رديت بعصبية فيه وانى فهمت غلط وتقوللى هو قال ايه اصلا عشان افهم صح او غلط
وتقوللى كمان ازاى عرفت انى فهمته غلط يعنى رغم انى متكلمتش اصلا


ولو كلمة لا حول ولا قوة الا بالله هى اللى خلتك تفهم كده يبقى للاسف كلامى كله طلع مظبوط وانت كمان خدت الموضوع من غير متفهم قصدى ولا تاخد بالك من المشكلة الكبيرة اللى هى هدف الموضوع اصلا

واخيرا ياريت تتقبل منى نصيحة صغيرة كاخت كبيرة يعنى لما تحب تهدى موضوع ياريت الاول تشوف الغلط فين وتحاول تصلحه من الطرفين مش من طرف واحد بس

ايه ده يا أميرة ( واسمحيلى أقول يا أميرة ) معقول كل الكلام ده ليا

أنا مش داخل أهدى الموضوع
وبعدين أنا مش عارف أرد أقول ايه كمان

أقولك أنا الحكاية عشان تبقى فى الصورة , بس والله أنا ما أنا قاصد أى حاجة كل اللى أنا كنت عاوز أوضحه ( ... ) إستنى لما أقولك الحكاية الأول

ف البداية شوفى الموضوع ده وشوفى الردود بتاعته
اضغطى هنا الأول وشوفى الموضوع وتعالى نكمل الكلام تانى






نكمل بقى

يبقى للاسف كلامى كله طلع مظبوط وانت كمان خدت الموضوع من غير متفهم قصدى ولا تاخد بالك من المشكلة الكبيرة اللى هى هدف الموضوع اصلا

بعد اللى انتى شوفتيه والردود المتضاربة تقدرى تفهمى رد المحترف الأولانى صح ؟!
كده تبقى عرفتى إن أنا عرفت قصد المحترف
وعلى فكرة هو مش بيشكرك عشان غيرتك بالدين عشان انتى أخدتى الإقتباس بتاعه أكيد يعنى


وعلى فكرة أنا تانى واحد رادد ف الموضوع قبل موجة الردود الخارجة عن النص ( فاهم قصد الموضوع )



أنا مش عارف المحترف فين يرد على الموضوع ده

ياريت لو سمحت يا احمد تورينى الجزء اللى انت شايف انى رديت بعصبية فيه وانى فهمت غلط وتقوللى هو قال ايه اصلا عشان افهم صح او غلط
وتقوللى كمان ازاى عرفت انى فهمته غلط يعنى رغم انى متكلمتش اصلا

والجزئ العصبى اللى أنا شفته يا أميرتنا الحلوة فى إنك أخدتى إقتباس المحترف
دون تعليق سوى ( لا حول ولا قوة إلا بالله ) ولا عتاب ولا إستفهام ولا جملة ...
بصراحة أنا لو مكانه كنت .......... سألتك ليه اخدتى كلامى إقتباس

ولو كلمة لا حول ولا قوة الا بالله هى اللى خلتك تفهم كده يبقى للاسف كلامى كله طلع مظبوط

كونك أخدتى كلامه إقتباس يبقى فهمتى حاجة وعاوزة تقوليهاله ومش عاوزة ف نفس الوقت , بس لا حول ولا قوة إلا بالله من غير سنتوفة واحدة يبقى فهمتيه حاجة تانية زى مثلا واحد ماشى ف جنازة شاف واحد جمبه بيضحك ( قال لا حول ولا قوة إلا بالله ) ....

وانت كمان خدت الموضوع من غير متفهم قصدى ولا تاخد بالك من المشكلة الكبيرة اللى هى هدف الموضوع اصلا

هدف الموضوع ماله ومال إقتباسك يا أميرة

واخيرا ياريت تتقبل منى نصيحة صغيرة كاخت كبيرة يعنى لما تحب تهدى موضوع ياريت الاول تشوف الغلط فين وتحاول تصلحه من الطرفين مش من طرف واحد بس

أوعدك إن أفكر ف الموضوع بعد ما أشوف ردك عليا , دأنا حسيت لو كنت قاعد معاكى وإنتى بتكتبى الرد ده كنتى قتلتينى وعموما أنا زى ما قلتى أخوكى الصغير وعمرى ما هفهم أكتر منك , وسنظل نتعلم طالما هناك أناس مثلك يعلمون الأمور جيدا ومتزعليش منى أنا كان قصدى إن أهدى الطرف التانى عشان الأسباب اللى قرأتيها ف الموضوع اللى شوفتيه من شوية


لو عاوزة تشوفيه تانى إضغطى هنا

بصراحه يا جماعه ومن غير زعل كده

انا مش فاهم رساله الموضوع او ايه المطلوب

عشان اشارك معاكو بس

ايه الغرض عشان انا مش فاهم اصد ماندوز ايه

لا حول ولا قوة إلا بالله

عندما تقول لشخص ما ان حادئه روزويل حادثه حقيقيه مثلا فيجرى ويهرول وينشر الخبر بين اصدقائه الحقوا دى حادثه روزيل طلعت حقيقيه والصور مش متفبركه

لما يجى شخص تانى بقه ويقله ان حادثه روزيل مزيفه وادى الدليل فيكون الرد طب سيبنى افكر وابحث فى كلامك علشان اتاكد هوا صح ولا غلط

على الرغم من ان مفاهيم ديننا تشير ان الحادثه مزيفه

ولكن صدقناها ونشرناها بدون تفكير عندنا راينا التاكيد وبدانا نبحث ونبحث عندما يبحث عن صحه التزييف

يمكن لان اميره واحمد سلطان هما اللى فهموا المثال اللى ضربته فى البيت اللى حصل تحته انهيار ارضى انه مثال سهل انى ممكن اعمل موضوع او 2 او 10 زيهم او اكتر كمان وانسبهم لمعجزه الهيه على رؤس اعداء الدين رغم انها كلها ظواهر طبيعيه

فبالتالى كلمه اميره لا حول ولا قوه الا بالله كانت موجزه لهذا الكلام

هدف الموضوع ماله ومال إقتباسك يا أميرة

لان هدف الموضوع لا يهمنى منه كلمات الشكر او الثناء لان لو كان هذا اهداف المنتديات لكان على ادنيا السلام

المقصود بهدف الموضوع ان يصل صوتنا الى طبقه معينه من شباب هذا الجيل وهنا لا اقصد اعضاء المنتدى فبنشر الموضوع بين المنتديات وجعله متاح للجميع يحقق لى ان يصل هذا الفكر الى اكبر عدد من الشباب للاسف عندما ادرت محرك البحث لابحث عن انتشار هذا الموضوع وجدته اقل بكثير من انتشار معجزات الدنمارك والشجره وا11 سبتمبر ورمز الجلاله المكتوب فى كل حته

فكان واجب على كشاب مسلم ان اعيد نشر هذا الموضوع وتصحيح فكر الشباب المسلم قدر المستطاع فكلنا اخوه

رد اميره اراه انه صلب الموضوع انا مش هفرح لما اميره تخش وتقلى شكرا او موضوع ممتاز انا اللى يهمنى انها تكون فهمت جوهر الموضوع اللى هوا عباره عن شويه صور وكوميناتت صغيره لكن جوهره كبير
جوهره اننا نفهم دينا صح

جوهره اننا بعد كده لما نشوف خزعبلات زى ده نوقف قائلها حتى لا ينشرها

وده الهدف اللى اميره فهمته وردت على اساسه

وممكن تشوف كمان رد اخويا وحبيبى احمد سلطان ومنقشتنا اللى للاسف وقفت قبل متبدا

أهدى الطرف التانى عشان الأسباب اللى قرأتيها ف الموضوع اللى شوفتيه من شوية

ساكرر رد اميره واترك معناه لكم اخوانى الاعضاء

لا حول ولا قوه الا بالله

ايه الغرض عشان انا مش فاهم اصد ماندوز ايه

حاول قرات ردى الاخير واذا كان هناك لبس فاعلمنى حتى ابسط الموضوع اكثر