مشكله عامه انسانيه ( هو كده مات ولا اتقتل )

السلام عليكم ورحمه الله وبركاته


انا هنا اعرض مشكله حيه مشكله انسانيه بتحصل كل يوم بلا كل دقيقه في كل مستشفي بدون قلب ولا رحمه
انا كنت في منتدي واتعرضت المشكله ديه
بس هي فعلا مشكله
حبيت نتنقاش فيها ونعرف ازاي بنتسرق وبنتسرق في حاجات مش ممكن تتعوض يمكن ممكن تتأخد بعد ما نموت بس ازاي نأخد واحنا عياشين
موضوع مؤثر موضوع مهم
يحتاج النقاش
هيا بنا نعرض المشكله

انا لسه راجعه من المستشفى كان عندى فترة بعد الضهر
اول ما رحت دخلت العمليات (كتير منكم يعرف انى طبيبة تخدير) واستلمت من زميلى الحاله عشان يروح
الحاله طلعت اخد اعضاء من واحد عنده جلطه كبيره بالمخcerebral infarction
الراجل لسه قلبه شغال انما قالوا دى وفاه جزعيه او مخيه فالاعضاء بتاعته سليمه
خدوا اذن من اهله بوعد انهم هيدوهم فلوس ومبلغ زى اللى بيدوه ده يساوى كتير قوى عند ناس بنجلاديش فقراء
المهم الناس وافقوا وبالتالى خدوا الراجل عالعمليات
طيب لو انتم مقتنعين انه ميت ومش حاسس بحاجه بتدوه تخدير ليه
وبتدوه مسكنات مع التخدير
كانت اول مره اشارك فى تخدير حاله كده
فضلت مبلمه واحساسى سىء جدا
خدوا منه القرنيتين والكليتين
ولقيتهم بيقولوا لى خلاص كده ممكن توقفى كل حاجه
كل حاجه دى اللى هى التنفس واى ادويه تسند حياته
مقدرتش
حسيت ان ده مستحيل
الراجل لسه قلبه بيدق
وبيعرق يعنى عنده استجابه للمؤثرات اللى حواليه
قلت للمساعد فنى التخدير اللى معايا يروح ينادى زميل من غرفه تانيه
وجه
وشافنى فهم الموقف وسالنى هم خلاص قالوا نوقف؟
شاورت براسى معرفتش اتكلم وخرجت على بره بسرعه
بكيت قوى بره
حسيت ان اللى بيحصل ده لايمكن يكون حلال
الحرام ماحاك فى صدرك وده مش حاك ده كان زى السكينه فى صدرى
بعد شويه لقيته بيقول ان المريض فضل بعد ما وقفنا كل شىء بيتنفس وقلبه بينبض 8 دقايق
طيب ده ازاى يتقال عليه ميت
انا قبل كده كنت بقول ان نقل الأعضاء شىء كويس وبينقذ ناس
انما لما وقفت فى الموقف ده حسيت انه مش ممكن يكون حلال
يمكن لو كان الانسان ده مات بحادث فجأه واعضاؤه سليمه فبيلحقوها مثلا كان الموقف يفرق
انما حكاية الوفاه الدماغيه دى لا
اؤيد تماما اللى يقول ان اخذ الاعضاء من الحالات دى او قطع الحياه عنهم حرام
انا مش عارفه اقول ايه تانى

ارجو التفاعل مع الموضوع
وانا هبقي ادخل اكتب تعليقي

---

la;gi uhli hkshkdi ( i, ;]i lhj ,gh hjrjg )

موضوع لا يحتاج الى تعليق

او بالاصح يفرض على قارئه رائ واحد فقط


ولكن

بالنسبه لى ولتفكيرى الخاص بى فلديا بعض النقاط التى اود ان اطرحها


اولا

الشق الخاص بسرقه الاعضاء او التبرع بالاعضاء او حتى بيع الاعضاء

ما سمعته من اراء دينيه مختلفه حول هذا الموضوع ولكنى ارى ان اقرب الاراء

هيا ان الجسم البشرى لس ملك لصاحبه او لاهله اذا توفى وانما هيا امانه من الخالق غز وجل الى روح الانسان ولا يحق له التصرف فيما ليس ملكه بالسؤء لانه سيحاسب عليه يوم القيامه

المهم

نخش على الشقالثانى

لو سايرنا ان التبرع لهدف الحفاظ على حياه شخص اخر بس بالحرام

ونسير مع الموقف الحالى

على حسب ما اعرفه فى الطب ان الجلطه الدماغيه عندما تحدث تسمى الحاله بالموت الاكلينكى

اى ان القلب يعمل فقط بالاجهزه اى انه لو ازيلت اجهزه الاعاشه من الجسم فسيتوقف القلب عن العمل بعد دقائق معدوده

وهنا اسال

هل كانت حاله المريض سكته دماغيه ام جلطه دماغيه

مععنى سؤالى

هل الرجل دخل غرفه العمليات ومخه متوقف بالفعل عن العمل وقلبه يعمل باجهزه الاعاشه

ام ان الرجل كان يعانى من اثار جلطه مخيه واوشك على مفارقه الحياه

هنا اتوقف

لان هنا اصبحنا امام جريمه قتل وسرقه اعضاء

المهم

لى عوده اخرى لاكمال ريئ الذى لم افصح الا عن نصفه فى انتظار مشاركه الاعضاء

مش عارفة أقول غير حسبي الله و نعم الوكيل
بجد الموضوع تعبني جداً