كارثه بمعنى الكلمه

اعلم ان البعض بعد قراته لاول سطرين فى الموضوع قد يفكر فى الخروج

واسسف للقول ان الموضوع موجه لجزء ممن سيفعل ذلك


لعل البعض لا يفهم معنى كلماتى الان

ولكن


دعونا نغوص فى قلب موضعنا قد يستفيد منه البعض


الحياه سوداء


لا اجد مصدر رزق كويس

الشغلانه اللى بشتغلها ش جايبه همها

بالطريقه دى مش هتجوز الا بعد 50 سنه

انا مخنوق من الشغل والمديرين اللى بيعاملونىوحش


البيت طول اليوم مشاكل


خناقات وزععيق من ابويا وامى ليا واتهامات صبح وليل بالفساد



مخنوق من كل حاجه فى الدنيا


زمايلى اللى شغال فى الحته الفلانيه

واللى سافر وبيلم القرشين


واللى اتجوز ومتهنن فى حياته


وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى


.................................................. ...........


طب وانا


انا اعمل ايه


والدى متوفى


مفيش مصدر رزق غير قرشين مللايم من المعاش ميجبش تمن العيش


لازم اصرف على البيت


انا اكبر اخواتى


والدتى مش قدر تشتغل


لازم اسيب التعليم علشان مفيش فلوس



اشتغل اى شغلانه فى الحياه الم بيها فلوس


زمايلى اللى كانوا معايا فى المدرسه زمان

مش ده مصطفى اللى كان معايا فى الفصل اهو دلوقتى مهندس اد الدنيا


ولا مش ده ابراهيم دلوقتى فى اخر سنه فى كليه طب وهيبقى دكتور

وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى

.................................................. ....................


وانا


انا اللى مولود والمعلقه الدهب فى بقى


كل حاجه بعوزها بعملها


كل حاجه بحلم بيها بالفلوس بجيبها


والدى ووالدتى بنوك متحركه


بصرف على اصحابى واصحاب اصحابى وانا ملك الشله


بس ليه انا مش سعيد


العيال اصحابى دول افقر منى بكتير

دا محدش فيهم معاه عجله وانا راكب احدث عربيه


مصروفى الاسبوعى بمجموع مرتبات اهاليهم فى الشهر


طب ليه محمد خطب بيبته

وليه على عايش فى سعاده مع عيلته رغم فقرهم الشديد


العيله


وهيا فين عيلتى


والدى اللى مشبشوفه الا فى المناسبات


ولا مامى اللى من الحفلات لعروض الازياء للنادى


طب ومبمى اللى شفتها واقفه مع واحد غريب بتضحك معاه ولا كانه خطيبها


مش ميمى دى حبى الوحيد


محدش بيقلى بتاخر ليه


لو مت محدش هيعرف الا يوم الجنازه

دا لو افتكروا ان ليهم ابن وليه جنازه


ليه كل اللى حواليا سعيد


ليه كله بيستمتع بحياته

رغم انى اغنى منهم كلهم


وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى
.................................................. ............



انتهى الجزء الاول


سيتم وضع لينكات الاجزاء الاخرى هنا بعد نزولها باذن الله


البعض قد لا يفهم بعد ما هوا موضوعى او لماذا يهدف

ولكن الصبر مفتاح الفرج


دعونا ننتظر

---

;hvei flukn hg;gli

سنحت لى الفرصه بان لم يتم الرد على الموضوع حتى الان مما دعانى للتفكير فى وضع الموضوع كله ككتله واحده فى موضوع واحد بدل ما اكتر اللينكات


عوده الى الموضوع






وانا


انا اعمل ايه


شغال فى شغلانه من انواع الدخل المتوسط


حياتى لا هيا سعيده ولا هيا حزينه


لما بخرج انا ومراتى للشارع لازم نرجع البيت حزنانين


الشخص لما يشوف ضحكه طفل يضحك زيه مهما كانت حالته

وانا كل مشوق ضحكه طفل الف سكينه تضرب فى قلبى


يمكن لانى مش بخلف ومش هخلف

والست اللى معايا دى ذنبها ايه


ايه اللى يجبرها على العيشه مع وواحد محكوم عليه بالاعدام


راجل شكلا بس


كل زمايلى فى الشغل بشوفهم وهما فرحانين بعيالهم


بيفرحوا ويزعلوا ويقلقوا ويطمنوا عليهم

وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى


............................................... .............


طب وانا


انا اللى زميل الراجل الى فوق ده

بشوف منظرى وبضحك

هوا معندوش عيل واحد بس عايز متنغنغ هوا ومراته مهو معندوش حد يصرف عليه ومرتبه مع مرتب مراته معيشينه مستور


طب ال 5 عيال اللى عندى اعمل فيهم ايه

وابويا وامى اللى انا ابنهم الوحيد وهما فى سن الكبر ولازم اصرف عليهم


اجيب لكل ده منين يا عالم


مرتبى مش يكفى لاسبوع واحد فى الشهر


وباقى الشعر سلف من ده ومن ده

واللى ينطط


واللى لما ازعل منه يهدد


واللى يحاول يدينى على انى اخون عملى واكسب بالحرام


طب ما اجى ابص لزمايلى كده واشوفهم عايشين ازاى


ده الاولانى اللى انتوا سمعتوا حكايته قبلى

مبسوط بفلوسه وزعلان انه معندوش عيل يشيل اسمه

ييجى ويشوف العيال وقرفهم ولا يتبنى عيل من اللى عندى يريح ويستريح

ولا التانى اللى خلف 2 وعايشين مستورين

ولا التالت اللى اكتفى بولد واحد دلوقتى وبيقول لما ربنا يكرم فى الشغل يجىب اخ او اخت ليه


كله حسبها من الاول وكله عايش سعيد

وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى


.................................................. .................... ....................



وانا


واااااااااااااااااااااااااه يا انا


انا اللى زىى ملايين


وقصتى عاشها ناس كتير


انا طالب الجامعه


اللى من اسره متوسطه اوما فوق المتوسط


عايشين مستورين


احنا مش اغنيه ولا احنا غلبانين


عجله الحياه كانت ماشيه معقوله معانا


عديت فتره ثانوى بمجموع كويس

اول قلم خدته ان مجموعى مدخلنيش كليتى اللى بحلم بيها


ليه يصادروا حقى فى الدخول للكليه اللى حلمت وانا صغير بيها

وايه المناظر اللى انا شايفها دى

وايه الكليه اللى انا فيها دى


بقه هيا دى حلمى


طلبه من كل الاشكال والانواع

بعد فتره

لقيت العمليه اتوضبت


فيه جزء صغير بلاقيه بيحضر المحاضرات


وفى الناس اللى عايشه حياه الجامعه زى مشفتها فى الافلام


الواد خالد

مش دا الواد الفاشل اللى كان معايا فى المدرسه ايه اللى جابه هنا

يا نهار دا فى نفس كليتى


عجبت لك يا زمن

بقى الواد الفاشل ده وانا نبقى فى كليه واحده

يرضى مين ده

بس ايه اللى مغيره كده

وايه دا كمان

ايه شله البنات دى اللى واقف معاهم

لما اروح اخش فى الشله بتاعته يمكن ينولنى من الحب جانب


شلته كلها كانت من نفسه شاكلته الناس الروشه الطحن مع اختلاف مستواهم الاجتماعى فمنهم اللى اغنى منى ومنهم برضه اللى افقر منى ومنهم اللى زىى


نسيب محاضضراتنا ونروح الكافتيرا

فى الاول طبعا كلهم مدخنين

القعده معاهم طبعا دخان سجايررهم كانى بشرب معاهم


مره اتنين عشره

خالد يقلى متاخد تجرب واحده ملبورو مش بتطلع الا للناس القريبين مش كليبوترا يعنى

اقله لا يا عم مبدخنش مش طالبه

قلى يعم متبقاس حنبلى انسى الدنيا

صدقنى السجاير دى افضل وسيله تنفث بيها عن همومك

شوفتوا الحكم

وما اكثر الهموم والقرف اللى عايش فيه

بعد قلم الكليه اللى محبهاش

والبنات اللى رايحه تتعرف على الفاشل اللى جنبى رغم انى احسن منه

والفشله اللى كليتى الجديده تعم بهم ازاى بقيت مع النوعيه دى

قلت خلاص مش هتفرق مهو والدى بيشربها برضه واعمامى كمان وخلانى

مش عيب يعنى

وكانت اول سجاره

بعد شهرين اصبح معدلى علبه كامله فى اليوم

المشكله ان امى بدات تشمشم فى قوضتى

رغم انى كنت بفتح الشباك لما اجى اشرب السجاير او احاول اشربها بره

والدى كمان بدأ يسال عن لون سنانى اللى اتغير

لغايه ما فى يوم امى دخلت وانا لسه مطفتش السجاره واتعرف الموضوع

وكلمتين من هنا ومن هنا

بس ردى كان جاهز من زمان

وهيا منته كمان بتشرب يا بابا

ورد بانه بيشرب من فلوسه مش من مصروف ابوه

وتطول الحديث وموصلناش لنتيجه

غير انهم بقول كل فتره يقولولى يا فاشل الخ من تلك الكلمات

وعلاقتى بالبيت اصبحت معدومه تقريبا على الاكل والنوم وباقى اليوم مع الشله وخروجات اوقات على حساب ناس معانا واوقات بحوش واخرج على حسابى

لغايه مفيوم الواد خالد شافنى قاعد لوحدى وهموم الدنيا حواليا

قرب وقالى تعاله النهاده بالليل عندى وهتنسى الدنيا باللى فيها

قلتله ازاى يا فالح

قالى جرب

التجربه ببلاش

ورحت

لقيت اللى بشوفها فى الافلام باسم غرزه

دخان ريحته غريبه فى المكان

خالد جرى وحضنى

ايه ده دا الشله كلها هنا

قلى عايز يسيدى تعرف السر اننا فرحانيين وروشين طول الوقت

قلتله ايه يا عبقرى زمانك

قالى اهو احنا كل كام يوم نعمل جلسه زى الجلسه دى نرمى الهموم ونعيش الحياه على مزاج مخنا اللى بيرتقى ويصفو بعد الجلسه دى

قلتله ايه الحكم دى يا واد انتوا بتشربوا مخدرات يا بيه

قلى سيبك من الافلام والهجص بتاع الادمان

دا مش هرويين ولا كوكاين

دا حشيش حاجه زى السجاير كده

حتى شوف

وورانى سجاره فعلا


وقالى جرب يا سيدى ومتخفش مش هعملك زى الافلام واجر رجلك وبعد كده بفلوس احنا القعده دى بتكون بالاشتراك ولما واحد فينا بيعجز ولاد الناس الاغنيه بيكملوا ويدفعلوله ولو مش عايز تدفع خالص مدام من شلتنا يبقى تنور ببلاش

قلتله جدعان يا خالوده


ونزلت قعدت معاهم


كام شهر عدوا عليا

مبقتش احسب فى الايام

كل متتقفل اجى على الجلسه اياها وافك احزانى


نتيجه تتطلع فى الضياع


ولا يهمنى فى ليلتها عملنا جلسه خرجت ولا كانى اول الدفعه


بعدها بفتره

وانا ماشى

خبطت فى واحد


لسه هقله مش تفتح

لقيته بيحضنى


مين

يااااااااااااااااااااااااااااه

محمد

زميلى الدراسه

انتيمى خلال مراحل الدراسه كلها


زميل التخته فى كل مراحل التعليم

مكناش بنفارق بعض ابدا

ومجموعنا علطول قريب من بعض

مره هوا يعلى

مره انا اعلى

كنا اخوات بمعنى الكلمه


....................


يتوقف القلم مؤقتا لان ميعاد عملى قد حان

باذن الله هنكمل قصه الطالب بتاع الجامعه

اللى هوا العبره الاشهر واللى هختم بيه القصص اللى فوق دى علشان اوضح معنى موضوعى فى الاخر

ياريت متزهقوش من تطويلى ومطى للموضوع


لعل فى النهايه نخرج بعبره او فائده

جزاك الله كل خيرا يا مندوز وربنا يكرمك يا رب
موضوعك حلو اوووووووووووي وانت فعلا طرحت كوارث بنعيشها مش كارثة واحدة

انا الي وصلتله من كلامك وقد يكون فهمت قصدك خطأ ان كل واحد فينا او بعض الناس عشان مبقاش بعمم الموضوع
فاكر انه شايل هموم الدنيا فوق دماغه وان محدش عنده هموم زيه
- وعلي راي المثل( الي يشوف بلاوي الناس تهون عليه بلوته ) - المشكلة ان محدش عنده رضا باللي ربنا قسمهوله .

ولا الفقير بيحمد ربنا ولا الغني بيحمد ربنا وعلامااااااااات استفهام كتير ؟؟؟؟؟؟؟؟؟؟؟؟
وكل واحد علي لسانه ليه واشمعني انا يارب وانا فين و و و و و و و و و و .

الدنيا مبتديش للواحد كل الي هو عايزة لازم يدور عليه ويحققه بما يرضي الله طبعا
ومفيش راحة في الدنيا الراحة الحقيقية في الأخرة ان شاء الله ورضا ربنا عليك .

ياريت كل واحد فينا يحمد ربنا علي الي هو فيه ويرضي بنصيبه وان شاء الله ربنا هيكرمه

ياريت مكنش طولت عليكم واكون فعلا فهمت قصدك الصح

ومنتظرين بقية الموضوع

وتقبل مني كل احترام وتقدير
وشكراااااااااااااا

كده انا اتطمنت

مدام خليفتى فى الملاعب مكتشفتش لسه هدف الموضوع الحقيقى رغم انى وضحته فى اخر قصه اللى لسه مكملتهاش

بس كويس


ان شاء الله باقى القصه هتنزل قريبا

حتى نصل الى هدف الموضوع ومن ثم الحلول

كده انا اتطمنت

مدام خليفتى فى الملاعب مكتشفتش لسه هدف الموضوع الحقيقى رغم انى وضحته فى اخر قصه اللى لسه مكملتهاش

بس كويس


ان شاء الله باقى القصه هتنزل قريبا

حتى نصل الى هدف الموضوع ومن ثم الحلول

معلش يا مندوز طلعت اوت مني المرة دي اصلي عندي امتحان
ان شاء الله نوصل للهدف

ماندوز والله حرام عليك اقعد ساعه اقرى وموصلش للنهايه

ماندوز والله حرام عليك اقعد ساعه اقرى وموصلش للنهايه

الزعيم قالك ايه يا ادم

ولكن الصبر مفتاح الفرج

نظرتي فيك مش بتخيب وكل مرة بتثبت فعلا انك ناضج ومواضيعك دايما هادفه ولو غيرت حاجه في دماغك كدا تبقي تمام اوي

المهم نرجع لموضوعك يامندوز مشعارفه ان كنت فهمت انت عايز توصل ايه ولا لا

بس تعقيبا علي موضوعك

ان محدش راضي بحاله لا الفقير ولا الغني ولا حتي الطبقه امتوسطه كل واحد بيبص للي عند التاني

علي فكرة كل الناس كدا وكل الناس فاكرةان حياتها جحيم وان كلها مشاكل وقرف ونكد بس والله احنا اللي بنعمل كدا واللي بنحسس نفسنا بكدا احنا اللي في ادينا نبقي مبسوطين او لااحنا اللي بنمشي في الطريق الغلط او الصح

ساعات لما بكون مضايقه واحس ان كل حاجه مقفله اقعد كدا اقول انا مزعله نفسي ليه كدا ماهو اللي ربنا كاتبه ليا هشوفه ليه الزعل والخنقه والضيق انا اعمل اللي عليا وطول ما نيتي خير ربنا هيسهلها معايا ان شاء الله

والله لو كل واحد خلاه مع ربنا والله هيعيش مبسوط وراضي

شكرا علي موضوعك وياريت باقي الموضوع بسرعه

عايزة اعرف تقصد ايه ؟؟؟؟

اعود بعد غياب لاكمال اجزء الاول من الكوارث التى تحدث الموضوع عنها

كنا فى قصه الطالب الذى استسلم لواقعه وانغاس فى طريق الظلام


هذا الطالب الذى رائ صدق عمره فى الصوره التى حلم ان يكون بها

ينظر اليه ويقول لماذا لم اكن كذلك

لماذا لم اصبح مثله

فى خلال حديثنا معا زكر ليه ابراهيم

هل يقصد ابراهيم ذلك الشاب اليتيم الذى كنا نصادقه ونعطف عليه

صديقى يقول ان ابراهيم زميلى فى كليتى بل انه من اوائل الدفعه

بالهى ابراهيم الذى لم يكن له مكان فى صفوف الاوائل خلال فترات التعليم الاولى اصبح الان من اوائل كليتى

هل ياترى يزكرنى حتى الان

ما لهذه الدنيا

صديقى يدخل كليته التى حلم بها

وحتى من هوا فى ظروف اسؤء كثيرا من ظروفى يتفوق فى كليتى ويصبح من الاوائل وبالطبع ينتظره مستقبل حافل بعد التخرج

وانا


انا فين


بعمل ايه


مكانى فين فى عجله الحياه


ياااااااااااااااااااااااااه


انا شايل هموم الدنيا فوق دماغى


.................................................. ...


انتهت قصتنا مع امثله مختلفه اعلم انها ليست الكل ولكنها جزء من الشخصيات التى تظن ان الحياه سوداء وانهم يعيشون ماساه فى كل يوم جديد فى حياتهم


تلك النوعيات من البشر سؤاء الذين زكرت قصصهم ا غيرهم الكثيرين ممن يقابلون الصعاب فى حياتهم

هؤلاء الذين يهربون من همومهم ويظنون انهم يتخلصوا منها بالدخول الى عالم الشيطان

هذا العالم الذى يظنه البعض الطريق الوحيد لحل تلك المشاكل ونسيان كل ما يؤرقهم

يظنون ان بلحظات الفرفشه تحت تاثير المخدر هم بذلك يحلون مشاكلهم

متناسين ان بسيرهم فى هذا الطريق لا يكتفوا بمشاكلهم ولكن يضيفون كوارث اخرى الى مشاكلهم اللى موجوده بالفعل





انتهى الجزء الاول

وهوا المشكله

باذن الله سينزل الجزء الثانى وهوا النتائج المترتبه على سير هؤلاء الانواع الى طريق الادمان

ترى ماذا سيفعل الطالب وهوا فى طريق الادمان

والموظفين الزميلين بقصتهم المتعاكسه

ماذا عن العاطل الذى لا يجد ما يفعله فى الحياه

ام اليتيم الذى يتحمل مسؤليه اهله


ماذا سيحدث لهم عندما يسلكوا طريق الادمان

ماذا سيضاف الى حياتهم

كيف سيكون شكل حياتهم بعد الادمان

........

لينك الجزء الثانى

عندما تتحول الكارثه الى مصيبه والعياذ بالله ( الجزء الثانى)

https://tefanet.protector.pw/vb/show...4868#post44868

الموضوع ده فين يابنى . . . انا أول مرة أشوفه بصراحة

مش عارف عدى إزاى عليا ... بس على العموم كمل انا قرآت الجزأ ده وهكمل التانى

ماندوز صديقى الغالى
موضوع حقا رائع
يناقش نقاط هامــه فى المجتمع

استمر فأنت حقـــا رائع

سبــــــــانكى