دعونا نتعلم من الحياة .... الجزء الأول

انهاردة يا جماعة ان شاء الله حتكون اول دروس انزلهالكم عن التعلم من الحياة
مشاكل كتير متواجهنا و أوقات نحس انها اكبر مشكلة ممكن حد يواجها و يمكن الشخص يقول ( ما فيش حد في الدنيا ده عنده مشكلة زيها )
لكننا حنتأمل شوية في الدنيا و حنبص على شوية حاجات موجودة و ممكن نشفها كل يوم و نتعرف على قصص لشخصيات و كمان قصص عن الحيوانات
كل ده حيكون تحت عنوان واحد
( دعونا نتعلم من الحياة )



مرة في احد من الاشخاص ذكر انه في مرة من المرات كان بيلعب مع نملة
و ده كان بطريقة التالية انه كان بيشوف النملة ماشية و كان يحط رجله قدامها ، و ظل هكذا ..
كل ما النملة تمشي في طريق
يحط رجله قدامها و النملة تبص على طريق تاني ,, و هوا

يحط رجله قدامها تاني

و يرجع يحط رجله تاني ، و تدور هيا على طريق تاني


و يرجع كمان يحط رجله قدامها
و تــــدور هيــــا على طريــــــق تـــــــاني

فضل الاستاذ يلعب بالطريقة ده ساعتين متتاليتين
لدرجة ان بناته راحوا لمامتهم و قالولها
ماما بابا بيلعب مع نملة !!!!
(( الراجل اتلحس في مخه ولا ايه ... نملة ))
طبعا الاخ زهق و مشي
و مش بعيد النملة تكون راحت لصاحبتها و قعدت تضحك عليه ..
لكن الراجل اتعلم
ان النملة و هي اضعف المخلوقات الحية ما يئستش
و كان شعارها شعار مصطفى كامل
(( لا يئاس مع الحياة ))
و قفت قدامها عقبة ... ما وقفتش
ما استسلمتش
حتى انها ما فكرتش ان الرِجل ده مقاسها كام

كل اللي عملته انها بصت على طريق تاني
و شافت عقبة تانية
راحت دورت على طريق
فضلت كده ساعتين متواصلين

و كان ممكن تفضل كده اكتر من ساعتين
لانها مستحيل تقول (( يوووووه هيا كل الطرق مقفله و تنتحر ))
يعني لا مكان لليأس
ولا يأس مع الحياة
لو بصينا مثلا على العنكبوت حتلاقي انه ممكن بيبني بيته
و انتا و بكل بساطة
و انتا ماشي تدمره
طيب انا حطرح سؤال ....
عمرك بصيت لقيت عنكبوت اكتئب .. قعد على الناصية في قهوة بلد العناكب مع صاحبه العنكبوت
و قاله انا فاشل و ما ليش حظ
انا مكتئب
و يروح صاحبة العنكبوت يطبطب عليه و يقوله تعالى نروح لدكتور عنكبتاوي
و يروح الدكتور مديله حبايه عنكبوتيه
طبعا لأ
لكنه بيبني بيته من جديد
على طول
عارفين انه علماء النفس و علماء البرمجة العصبية عرفه النجاح على انه ايه ؟؟

قاعدة 1 : النجاح عبارة عن خطوات من الفشل

لان فشلك في خطوة بيعلمك حاجة
و فشلك في خطوة تانية بيعلمك حاجة تانية
و فشلك في خطوة غيرها بيعلم حاجة
و نجاحك في النهاية ده حصيدة اللي تعلمته من خطوات الفشل

توماس اديسون
مخترع اللمبة الكهربائية
فشل 999 مرة و نجح في المرة الالف
لدرجة مرة من المرات و هوا قاعد في حفلة من الحفلات دخل فيها صحفي قاله
(( اديسون انتا فاشل ، انتا غلبت الفشل ))
لكن توماس اديسون كمل
ادينا وصلنا لما نحن فيه بسبب توماس اديسون
999 مرة
طبعا ليكم انكم تتخيلوا عالِم يدخل معمله 999 مرة ممكن كل مرة فيها تفرقع حاجة
و يطلع العالم عينيه مبحلقه و شعرة منفوش و وشه اسود

سيدنا نوح دعا قومة الف سنة تقريبا و ما يأسش

طيب اكيــد كلنا عارفين مستر KFC مستر كنتاكي او الكولونيل هارلند ساندرز
الراجل ده عمل خلطة سرية للفراخ و بدأ يبعها في الاربعين من عمره للأسف انه ما كنش عنده مطعم
لكنه كان بيبعها على طاولة في غرفته الملحقة بإحدى المحطات
بعد كده افتتح مطعم صغير يتسع لـــ142 زبون
و طور خلطته السرية لمدة 9 سنين
الخلطة المكونة من 11 عشبة طبيعية وأنواعا مختلفة من البهارات
اتعرض عليه بيع المطعم ده بمبلغ 164 الف دولار و كان الكلام ده سنة 1953 م و لكنه
بعد كده اتغيرت خطة تعبيد الطرق عشان كده بقا مكان المطعم مش كويس
و اتطر الكولونيل انه يبع المطعم بـ 75 الف دولار
و المبلغ ده كان غير كافي لتسديد ديونه
بعد كده قرر ساندرز ان يتقاعد ويصرف من مدخرات الضمان الاجتماعي وكان اول شيك من مؤسسة الضمان الاجتماعي هو 105 دولار استلمه وعمره آنذاك 63 عاما كان يعلم ان هذا المبلغ لن يفعل له ولا لزوجته شيئا ولكنه لم يستسلم ....فراح يحاول بيع حقوق استثمار طريقته فى صنع الدجاج. فسافر بين الولايات الأمريكية يجوبها من مطعم الى مطعم ...انتم عارفين عدد المطاعم اللى رفضت التعامل من ساندرز وسخرت منه؟

1008 مطعم
و في المطعم رقم 1009 نجح فى بيع اول حق استثمار كان يعطي حق الاستثمار مقابل كلمة شرف ووعد ان يدفع لع مبلغ زهيد جدا مقابل كل دجاجة مقلية تطبخ على طريقته يبيعها المطعم.
و سنة 2004 اصبح عدد مطاعم KFC 11000 مطعم منتشرة في العالم
تخيلوا ما يأسوش عشان كده نجحه ، لأنهم عرفوا ان النجاح خطوات من الفشل
و أن اليأس ليس إلا ضعف ... و أن لذة النجاح في فرط التعب
مستني اراكم و اقتراحتكم على الموضوع ، و كمان لو في اي اضافة يا ريت متبخلوش بيها
ان شاء الله حيكون عندنا بكرة موضوع تاني

و سلام عليكو

---

]u,kh kjugl lk hgpdhm >>>> hg[.x hgH,g

جميل بس أكيد فيه أحسن من كده

جميل بس أكيد فيه أحسن من كده

لا تعليق

الموضوع مذهل بصراحة وثلث جدا وبسيط فى المحتوى لكن ثقيل فى المضمون

النجاح عبارة عن خطوات من الفشل

لا تعليق

الموضوع مذهل بصراحة وثلث جدا وبسيط فى المحتوى لكن ثقيل فى المضمون

صح 100%100

مرسى اوى على الموضوع

مع ارق تحياتى

mido

as7eral3eyoon

موضوعك رائع يا توتا

ويارت كلنا نستفيد بجد من التجارب لي بنعيشها في حياتنا

يا ريت تعلمنا دايماً الصح وما نبقاش كدا متخبطين مش عارفين حداة خالص

موضوعك جداً قيم

الله الله الله ع النجاح

والفشل ما هو إلا بداية للنجاح الأكيد

تقبلي مروري جزاك ربي خيراً

وللإبداع كلمة

مشرفتنا النفساوية توتا أنا منشغل اليومين دووو جدا في العمل وقريبا

هزور الموضوع ده للتعليق الكامل فاعذريني ،، فقط أحببت أن أسجل حضوري و إعجابي و تقديري