الامانة فى الاسلام ( ارجو من الجميع المشاركة فى هذا الموضوع)

السلام عليكم ورحمة الله وبركاته

الحقيقة انا مش عارفه ابدا اقول فكرتى ازاى عشان اقدر اوصلهلكم
انا لاحظت دايما ان اى موضوع ينزل فى المنتدى الاسلامى العام تكون ردوده شكرا وجزاك الله كل خير

انا عاوزة اغير من هذا الاسلوب بمعنى ان نناقش جميعنا المواضيع

كمواضيع الصدق والامانة والحق

نناقش كل مواضيع الحياة والسلوك والخلقيات من الواجهه الدينية خاصة السلوك او الخلقيات

از اذكر موضوع غير كامل ويقوم الاعضاء بالبحث ويزودوا الموضوع

او يقوم احدنا بطرح سؤال والاخرين يجاوبوا

وبشرط ان لا يكون هذا الموضوع فتاوى او امور فقهية باحتة



الموضوع الاول

الامانة فى الاسلام



بسم الله الرحمن الرحيم

إِنَّ اللَّهَ يَأْمُرُكُمْ أَن تُؤَدُّوا الأَمَانَاتِ إِلَى أَهْلِهَا وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُم بِهِ إِنَّ اللَّهَ كَانَ سَمِيعاً بَصِيراً(النساء-58)



وَلاَ تُجَادِلْ عَنِ الَّذِينَ يَخْتَانُونَ أَنفُسَهُمْ إِنَّ اللَّهَ لاَ يُحِبُّ مَن كَانَ خَوَّاناً أَثِيماً (النساء-107)



يَا أَيُّهَا الَّذِينَ آمَنُوا لاَ تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ(الأنفال-27)


كلنا نعلم ان الامانة هى صفة اساسية من صفات الانباء

فربنا سبحانه وتعالى عندما كان ينزل الراسالات على الانباء

فان تلك الرسالات هى امانة يحملها الانبياء ويقوموا بتبليغها وتاديتها على اكمل وجه


وربنا سبحانه وتعالى اعطى لكل انسان امانة بل امانات

فما هى الامانات التى اعطاها الله للانسان؟؟

انا هقول واحدة وهسيبلكم الباقى

ربنا ادالنا حاسة البصر امانة
والامانة يجب ان نحافظ عليها
وذلك بالا ننظر لاى شىء حرام


هسيب باقى الاعضاء يناقشوا ويكملوا الموضوع

ويارب يعجبكم

---

hghlhkm tn hghsghl ( hv[, lk hg[ldu hglahv;m i`h hgl,q,u)

ياااااااااااااااااه

طب ابدئى بموضوع صغير

مش موضوع كبير زى الامانه

الامانه

هل اتكلم على اكبر الامانات وهيا ديننا وعقيدتنا اللى بعدنا عنها وسبنا الشيطان يلعب فيهم

ولا اتكلم على الجسم كله اللى هوا مش بتناعنا ونلاقى الناس تتبرع بيه او بالاصح تبيعه

اتكلم عن الامانه فى العمل اللى اصبحوا لما يلاقوا واحد امين بطل شعبى زى موضوع احمد السيد رغم ان ده الطبيعى من الجميع ولكن للى بيحصل حاليا فهم قليلين

اتكلم عن ايه ولا ايه

عن امانه الرجل على بيته

فعائلته امانه فى رقبته

فهل كل اب يرى ابنته تلبس القصير والاحمر والاخضر فى وشها ويسكت ولا الاب اللى بيدى ابنه فلوس من غير حساب او سؤال ويسيبه ينجر لبحر الفساد. هل دول حافظوا على الامانه اللى عليهم

الموضوع اكبر من ان يناقش فى رد واحدد او موضوع واحد

جزاكى الله خيرا يا فجر على طرحك المتميز وياريت نبدأ نقاش بامثله اكتر وكله يقول رايه

والله يا فجر انا حاولت انفذ فكرتك اكتر من مرة
لدرجة انى فى منتدى تانى البعض فهموا انى بزاولهم فى موضوعاتهم
ما علينا
امانة من اعظم الامانات التى عاهدنا الخالق سبحانه وتعالى وحبيبه المصطفى صلى الله عليه وسلم عليها
وهى توصيل الرسالة لكافة الامم وقيامنا بالدور الذى خلقنا من اجله
وتعريف البشرية بقدر سيدها محمد صلى الله عليه وسلم
واللى انا شيفاه ان اللى بيحصل فى الدنمارك وغيرها من البلاد اكبر دليل على تقصيرنا الشديد فى حمل تلك الامانة

شكرا يا ماندوز وشكرا يا برنسيس على تفاعلكم الجميل واتمنى مزيد من الاعضاء يتفاعلوا معانا

هل اتكلم على اكبر الامانات وهيا ديننا وعقيدتنا اللى بعدنا عنها وسبنا الشيطان يلعب فيهم

عندك حق احنا لو كنا محاقظين على الامانة دى بجد مكنش حصل اللى بيحصل حالا فى الدنمارك ولم يصفنا احد بالارهاب لاننا كنا هنطبق دينا بجد

ولا اتكلم على الجسم كله اللى هوا مش بتناعنا ونلاقى الناس تتبرع بيه او بالاصح تبيعه

تبيعه للحصول على الفلوس وترجع تصوت تانى
الحقيقة يا ماندوز انت اشرت الى نقاط هامة
ومنها الامانة فى العمل
اصبحت الامانة فى العمل عملة نادرة نرى البائع الذى يغش فى الميزانتنزل السوق عندنا تلاقى اوزرن محطوط دايما على احد كفتى الميزانبحيث ان الميزان يا خد وضع تانى غير وضع التوازنتلاقى بائع الفواكه حاطت الفاكهه الحلوة واللى مش حلوة ورا تيجى تشترى منه ياخد يحطلك من اللى وراءتلاقى البائع اللى بيعلى فى الاسعارهل نسى هؤلاء البائعين قول الله سبحانه وتعالى فى سورة المطففين
بسم الله الرحمن الرحيمويل للمطففين الذين اذا اكتالوا على الناس يستوفون واذا كالوهم او وزنوهم يخسرون الايظن اولئك انهم مبعوثون ليوم عظيم يوم يقوم الناس لرب العالمين

لو فى امانة فى العمل مكنش العمارات تقع فى وقت قصي
رلو فى امانة فى العمل مكنش ينسى الدكتور ادواته فى بطن المريض بعد اجراء العمليةالدكتور اللى الغلطة منه ممكن تضيع روح انسان
لو الدكتور اللى يوهم المريض ان لازم له عملية وبعد مرور الزمن يكتشف ان العملية دى تم سرقة كليته ولا اى عضو من اعضاء جسده
لو فى امانه فى العمل مكنش يكون فى نظام الرشوة ( ادفع اخلصلك اللى انت عاوزه )

الامانه فى حفظ الاسرار دلوقتى فى خصلة بقت موجودة فى الناس ان لو انت زعلت مع حد وكنت مستامنه على سرك تلاقيه تانى يوم ناشر الخبراى عمل مرتبط فى الدنيا
الامانهالاعلام والصحافة عندهم امانه ان هم يتاكدوا من اخبارهم ومينشروش الاشاعات وينقلوا الواقع كما هو بدون زيف او تزوير او تهويل
المنتدى ده اللى احنا مشتركين فيه ده امانة فى رقبة كل فرد بينزل موضوع عليهاحنا بنقدم معلومات بنقدم فى المنتدى ده افكار لازم اما نقدم معلومات تكون صحيحة ومفيدة لاننا لو ادمنا معلومة فى المنتدى ده غلط قد تضر ببعض الناسلازم الافكار اللى نعرضها فى المنتدى تكون افكار صالحة

انا طولت عليكم مع انى كنت نفسى اناقش نقطة ماندوز الامانة فى التربية الابناءان شاء الله
هبقى اناقشها فى الرد القادم معاكمالموضوع كبير والكلام فى مش هيخلص بس هو محتاج تفاعل من الاعضاء

مش معنى كلامنا كده ان الامانة انعدمت وجودهالالالالا فى ناس عندها امانة فى العمل والامانة موجوده ومنتشرة بس للاسف عدم وجود الامانة اصبح منتشر اكثرومتنسوش اللى احنا المسلمين امه سيدنا محمد صلى الله عليه وسلم الذى لقب بالصادق الامين