شغل بلطجه وافاعى (تم تعديل الموضوع ليناسب الحقائق)

طبعا يمكن مستغربين ايه اللى جاب عنوان الموضوع ده الى المنتدى الرياضى

ولكنه للاسف موضوع متعلق بالرياضه فى مصر

بالتحديد موضوع يتعلق بجمهور النادى الاهلى او بالاصح جزء منه يسمى نفسه الالتراس

ان يقوموا هؤلاء الفئه بضرب احد الشباب والقاء بنزين ونار عليه مما سبب حروق فى قدميه لمجرد ارتدائه لفانله نادى الزمالك فهذا تصرف اقل ما يوصف به بالحقاره عن من فعل ذلك

بل ولمن شاهد ذلك ايضا ولم يتدخل

ان تصل بنا الرياضه الى هذا اللمستوى المتدنى من الاخلاق فعلى الرياضه السلام

قد يتعجب البعض من ان كاتب الموضوع هوا انا ومعروف انى اهلاوى متعصب بس فى المقابل انا شاب مسلم قبل ان اون اهلاويا وما حدث فى عرف الاسلام جريمه ويجب القاء من فعلها الى السجن حتى يكونوا عبره للجميع سؤاء جمهور اهلى او زمالك

تعودت منذ صغرى اذا كنت مقتنع بشئ ماء وثبت لى خطائ ان اعترف بهذا الخطا

وهذا ما حدث فى واقعه الشاب اللى رجليه اتحرقت

اليكم التفاصيل من شاهد عيان وطبعا صوته مش هيوصل للتليفزيون

اليكم تفاصيل ما حدث

@@ عفوا اعلامنا الجاهل .. هذا ما حدث في ديربي السلة يوم السبت @@

بسم الله الرحمن الرحيم


ساتحدث عما حدث في مباراة ديربي كرة السلة من قلب الحدث وبعيدا عن تخريفات الصحافة

لانه مكنش في ولا مراسل من اي صحيفة او تلفزيون نقل ما حدث

ولكن قبل ما اتكلم علي اللي حصل حقول فكرة عامة عن الاولتراس عشان الناس فاهمه الموضوع غلط خالص

الاولتراس مجموعة من الجماهير يعشقون فريقهم لدرجة الجنون ةممكن يعملوا اي حاجة من اجل فريقهم

وساحكي كام موقف انا تعرضت له ورايته بعيني

مثلا دخلة مانويل جوزية التي رفعت في مباراة الهلي والاتحاد

تم تكلفتها حوالي 3000 الاف جنية بمعدل كل فرد حوالي 300 جنية

هذا بالاضافة الي التعب في السهر علي الداخلة في السقعه والجو البارد

خذوا هذا مقياس علي كل دخلة تتعمل سواء للاهلي والزمالك

ويزداد صعوبتها كلما كبرت الداخلة

فدخلة we are egypt الشباب بجد تعبوا فيها بشكل كبير جدا

وكذلك داخلة الجلاد اللي عملته رابطة الزمالك تخيل انك علي مدار 4 ساعات متواصلة بتوزع جلاد في عرض استاد القاهرة

ساقول موقف اخر وهو حدث معي واحد اصدقائي من التراس اهلاوي بالقاهرة

الشخص ده دفع حوالي مبلغ كبير في دخلة الديربي ولقيته لثلاثة ايام متواصلة قضتها معاه في القاهرة بياكل كشري بس

فلما سالته انت ليه قارفنا بام الكشري ده ما تغير ونجيب حاجة تانية

وجاء الرد اللي بجد اصعقني " انا لسه عاوز ادفع في الداخلة تاني عشان كده بحوش فلوس "

تخيلوا يا جماعة واحد حارم نفسه من كذا حاجة عشان يدفع في داخلة وعشان بيحب ناديه

هم دول الاولتراس وهو ده اللي انا عاوز اوصله عن هذه المجموعة سواء اهلاوية او زملكاوية

الناس دي بتضحي بحاجات كثيرة اووووي عشان ناديها بدون اي مقابل

الالتراس مش معني للبلطجة او للشغب او لقله الادب كما صوره اعلامنا المتخلف

بل هم فنانوا الملاعب يحولون الملاعب الي لوحة فنية جميلة واصوات الجماهير الي اغاني يتغني بها الفريق

وكانك في حفلة وليس في مباراة لكرة القدم

ولكن هذا لا يعني انه لا يوجد تجاوزات فالكمال لله وحده

ونظرا لتعصب الاعضاء لفريقها فاكيد ايد مش حيقبلوا ان فريقهم يتشتم بدون رد ولذلك نجد بعض السباب في المدرجات وهو بياتي كرد فعل وليس كفعل

.................................................. ..

ناتي الي ما حدث في مباراة الديربي وتم الصاق التراس اهلاوي بالمشكلة بدون اي سبب

اولا انا كنت في القاهرة يوم الخميس وتابعت الترتيبات للمباراة

ورايت مسجات التهديد التي وصلت للشباب والتليفونات وغيرها

وجاء انباء ان الزملكاوية جايبين 40 بلطجي من ميت عقبة وحيستنوا الاهلاوية بعد الماتش

المهم الشباب قال يعمل احتياطاته لان البلطجي اللي جاي ده مش حيجي يطبب عليك ده حيجي يخلص عليك

علي فكرة حكاية البلطجية دي مرفوضة تماما في الاولتراس

المهم جاء يوم المباراة ونتابع علي المنتديات الزملكاوية

يوم الرد - يوم الموت , وعبارات كثيرة جدا جدا وكاننا قادمون علي معركة وهذا يدل علي ان النيه مبيته

مكان التجمع كان امام البانوراما وكان موجود 10 اشخاص اهلاوية

وللاسف الزملكاوية جم عندهم عشان يضربوهم وجروا وراهم

وكان مع الزملكوية اسلحة ومطاوي

المهم عند قدوم باقي اعضاء المجموعة لحظوا ذلك وذهبوا للدفاع عن اصحابهم والله العظيم للدفاع عن اصحابهم

لانه كان الاتفاق مفيش اي مشاكل قبل الماتش عشان الامن وعشان مياثرش علي الفريق

ونفاجا بقنابل مونتوف بتتحدف علينا والبلطجية جايين علينا وماسكين مطاوي طبعا كان الرد اننا كان معانا شماريخ فولعناها وبعدنا البلطجية عننا وتم رمي من طرفنا قنبلتين منتوف

ولما البلطجية لقوا عددنا كبير عليهم رجعوا وانسحبوا واحنا وراهم كان في احد الشباب عندنا كان متقدم في الجري

راح " الواد اللي اتحرق " جاري عليه وعاوز يجربه بالمطوي

لولا ان هو صد ضربته برجله

وواحد رمي شمروخ او مونتوف " بعيدة عن الواد والله " راحت ماسكه النار في الزملكاوي اللي كان ماسك مطوه

بسبب ان الارض كانت مليانه بنزين من المنتوف اللي حدفوه اصحابه وخير دليل علي كده

ان النار اول حاجة لمست في بنطلونه وجزء من التيشيرت

لولا ان احنا " التراس اهلاوي " والله العظيم انقذنا الواد

وواحد حرق نفسه عشان ينقذ الواد وطفناه

وقطعناله التيشيرت عشان النار متمسكش فيها

نهاية الكلام عشان مطولش

الحادثة جائت بشكل غلط والواد اللي اتحرق ربنا عاقبه عشان اساسا نيته مكنتش خير ويارب يشفيه ويخفف عنه

اللي مرفوض من الطرفين ان الامر يوصل للمونتوف وان الامر ممكن يوصل لانه يتحرق حد وبلطجية وده اللي حيحله الرابطتين معا وليس الاعلام المتخلف والتراس اهلاوي او رابطة الزمالك اكيد رافضين ان الحوار يوصل لكده عشان كده ياريت يحاولوا يصححوا الاوضاع

.................................................. ...

اللي اتقال في الاعلام

ان جمهور الاهلي مسك واحد رمي عليه بنزين وولع فيه

بقي بزمتكم لو احنا ولعنا فيه ان حيبقي عايش لحد دلوقتي ..!!

طيب محدش فكر وقال مين اللي طفي الواد ..!!

لو كان اتولع فيه لمده 30 ثانية فعليا الواد يكون مات ودي حاجة مفروغ منها

بس ده محصلش ومش حيحصل بس كله كلام عبيط من صحافة جاهلة لا تعرف سوي النقل

واحد بيحكي وهم بيكتبوا زي الجهلة

بعد ما قريتوا الرد على الموضوع الاصلى اللى وضح الحقيقه

سايبكم انتوا للحكم

وسايبكم تفهموا كلمه الافاعى انا قصدت بيها مين وليه

---

ayg fg'[i ,hthun (jl ju]dg hgl,q,u gdkhsf hgprhzr)

ياساتر دة مجنون ولا اية ربنا يهدية
ويهدى كل الاهلاوية يااااااااااااااااااااااااااااارب

أعوذ بالله

دول مجانين دول ولا ايه بس

شكرا يا مندوز
هى الحكاية فعلا لا تتعلق بزملكاوى واهلاوى وانما تتعلق بالسلوك وهو حرقه علشان كرة سلة وتعصب للنادى طيب هيكسب ايه من وراء ذلك؟؟؟؟
احنا منمنعش ان المفروض يكون عندنا ولاء للنادى بس لو جينا لحد اللى يغضب ربنا ونأذى بيه غيرنا يبقى بلاش احسن

إنا لله وإنا إليه راجعون , , ,

موضوع كان عندى على الجهاز لا اعرف من كاتبه ردا على هؤلاء

https://tefanet.protector.pw/vb/showthread.php?p=40273

دول شباب مريض معندهمش لا دين ولا اخلاق ولا عقل
عشان لو كان عندهم مكنوش هيلجاوا للطريقة دى
ومكنتش هتبقى حاجة زى دى محور حياتهم
ربنا يشفى

تم تعديل الموضوع ليناسب ما حدث بالفعل

اولا شكرا يا مندوز علي الموضوع وعلي التعديل
انا اول ما عرفت الخبر بردو كان وصلي غلط
وبجد انا مش عارفة اقول ايه لا تعليق
ربنا يهدينا جميعا

باشا
حبيي
ماندوز

بص يا سيدي

انت أخدت الكلام على لسان واحد اهلاوي بيبرر الموقف لكن انت عارف ان مفروض متسمعش طرف واحد

حسن حمدي نفسه عارف اللي حصل وان جماهير الأهلي دايما في مباريات السلة بتعمل كده واظن حصلت كذا مرة

طيب هسألك يا ماندوز لو قالوا انهم هم اللي انقذوا الواد او رجل محروقة وهنصدق هل هيقولوا انهم برضه هم اللي انقذوا هيثم السعيد من الزمالكاوية علشان كانوا زعلانين انه ضيع كورة كانت هتخلي الزمالك فاز فرق أكتر من نقطة علشان يبقى فوز واسع مش بنقطة واحده

أظن ان حادثة هيثم اتصورت واتعرضت للناس وهم بيتضرب هو ومارفن بلاك


تعرف ليه يا ماندوز لعيبة الزمالك بقت بتركن عربياتها في جراجات فنادق قبل ماتش الأهلي وبيروحوا مع اتوبيس النادي وبيهربوا من عمايل جماهير الأهلي دايما

أظن ان رابطة الأهلي ALU استنكرت اللي حصل من الالتراس وقالت ملناش دعوه تاني باللي عمل كده منهم تاني وحسن حمدي قال هيشطب عضوية أي واحد منهم معاه عضوية في النادي وفي بيان رسمي اظن ده اعتراف رسمي باللي حصل


متاخدش كلامهم بس يا ماندوز أظن قوادهم هم اللي اعترفوا بعمايلهم وقالوا ملناش دعوه بيهم

مع احترامى يا اخ لوسيفر كلامك فيه تناقضات كتير

انت أخدت الكلام على لسان واحد اهلاوي بيبرر الموقف لكن انت عارف ان مفروض متسمعش طرف واحد

لو مركز هتلاحظ ان ماندوز بدا بالراى اللى انت مقتنع بيه ورجع عدل المشاركة وكتب الراى التانى وبيتهيالى هو ده العدل

حسن حمدي نفسه عارف اللي حصل وان جماهير الأهلي دايما في مباريات السلة بتعمل كده واظن حصلت كذا مرة

انت بدات تتكلم بنفس الطريقة اهو وتقول جماهير الاهلى رغم ان مجموعة من جماهير الزمالك ليهم حوادث زى دى كتير ورغم كده محدش عمم وقال ان جماهير الزمالك دايما بيعملوا كده

أظن ان رابطة الأهلي ALU استنكرت اللي حصل من الالتراس وقالت ملناش دعوه تاني باللي عمل كده منهم تاني وحسن حمدي قال هيشطب عضوية أي واحد منهم معاه عضوية في النادي وفي بيان رسمي اظن ده اعتراف رسمي باللي حصل

معلش كده تناقض بجد لانك رغم انك بتقول حسن حمدى قال والرابطة قالت بترجع تعمم وتقول الجماهير عملت

رغم اننا بنسمع كتير عن حوادث بتصدر عن قلة من جمهور الزمالك ضرب واعتداءات وتكسير على الجماهير كمان مش اللعيبة

ومحدش عمم حكمه بالطريقة دى واذا كان على اللى حصل فالاكيد يعنى ان ده غلط وكلنا بننتقده ومش معقول لعبة توصل الناس لكده مهما كانت اهمية اللعبة دى

ولو اتحققنا كويس فالاكيد بردو ان مفيش حد بيعتدى على حد من غير سبب

متاخدش كلامهم بس يا ماندوز أظن قوادهم هم اللي اعترفوا بعمايلهم وقالوا ملناش دعوه بيهم

حكم ظالم جدا منك لانك بتعمم بردو وتصدر احكام من غير ادلة وبتقول لازم نسمع الطرفين وترجع تقول متسمعش كلامهخم يا ماندوز والمفروض ان دى مناقشة لازم نسمع فيها كل الاراء ونقتنع بالاكثر منطقية مش نسمع لدول ودول لا ومينفعش نتجاهل كلام شاهد عيان شاف كل حاجة بعنيه عشان حسن حمدى قال وقال وبصراحة انا شايفة كلام الشاهد اكتر حاجة مقنعة سمعتها لغايت دلوقتى وادينا مستنيين لغايت منسمع كلمة تقنعنا اكتر

وعلى فكرة الخسران فى جميع الحالات والله هو الجمهور عموما سواء كان اهلى او زمالك عشان مهما كانت الرياضة مهمة دى فى الاول وفى الاخر لعبة الغرض منها الترفيه مش التفريق بين الناس والفتن دى وطبعا محدش ليه مصلحة ف كده الا الافاعى اللى ماندوز بيتكلم عنها

انتي فسرتي كلامي غلط يا برنسس يمكن علشان متعرفيش أسلوبي كويس فمفهمتيش غلط وأظن أني قولت متسمعش كلامهم بس ياماندوز وانتي قايلة اني قولت

وبتقول لازم نسمع الطرفين وترجع تقول متسمعش كلامهخم يا ماندوز والمفروض ان دى مناقشة لازم نسمع فيها كل الاراء

أظن وضح انك فهمتي كلامي غلط رغم انه صريح أنا منفتش يا برنسس ان جماهير الزمالك ليها مشاكل مقولتش لأ بس كان كلام ماندوز اللي نقله عن أحد الناس انه قال ان جماهير الزمالك بعتوا رسايل تهديد انهم هيجيبوا بلطجيه فاضطر جماهير الالتراس الغلابة المساكين انهم كمان يعملوا كده بقوله لأ دي حوادثهم كتير هو أقر ان جماهير الزمالك بتعمل شغب معترضتش لكن قولت ان جماهير الأهلي هي كمان عملت كده صح ولا غلط يا ريت تكوني فمتي النقطه دي كمان

معلش كده تناقض بجد لانك رغم انك بتقول حسن حمدى قال والرابطة قالت بترجع تعمم وتقول الجماهير عملت

رغم اننا بنسمع كتير عن حوادث بتصدر عن قلة من جمهور الزمالك ضرب واعتداءات وتكسير على الجماهير كمان مش اللعيبة

ومحدش عمم حكمه بالطريقة دى واذا كان على اللى حصل فالاكيد يعنى ان ده غلط وكلنا بننتقده ومش معقول لعبة توصل الناس لكده مهما كانت اهمية اللعبة دى

ولو اتحققنا كويس فالاكيد بردو ان مفيش حد بيعتدى على حد من غير سبب

أظن اني مش هقول أسامي كل اللي عملوا بارقام بطايقهم واسامي اخواتهم واصحابهم واكتب سي في كل واحد علشان مبقاش بعمم

انت بدات تتكلم بنفس الطريقة اهو وتقول جماهير الاهلى رغم ان مجموعة من جماهير الزمالك ليهم حوادث زى دى كتير ورغم كده محدش عمم وقال ان جماهير الزمالك دايما بيعملوا كده

أظن رديت وقولت اني منفتش ده

أظن كده ممكن يكون وضحت وجهة نظري يا برنسس واظن ان من غير ما ماندوز يقرا الرد بتاعي التاني هيفهم وممكن هو يرد عليكي اني مش قصدي كده

معلش بقى يا جماعه أنا ليا تحفظ تاني

هل لو جماهير الزمالك فعلا جابت بلطجية هل هيبعتوا رسايل تهديد علشان جماهير الأهلي الغلابة كما قال اللي ماندوز ناقل كلامه علشان ياخدوا بالهم ويجيبوا هم كمان اسلحه ولا ياخدوهم على خوانه أظن اللي أخلاقة تسمحله يجيب بلطجية تسمحله ياخد على خوانه على الاقل محمد عبد المولى مكانش اتحرق

لا تعليق بجد لا تعليق هقول ايه بعد كل الكلام ده يعني ربنا يهديهم لو كانوا ................

سؤال للي شايف كلامي مش صح

ليه انت مبصتش على واقعة هيثم السعيد ومارفن بلاك اللي كانوا هيموتوا من الالتراس برضه واللي عملوه معاهم

يا ريت نكون حياديين

اولا احب اهدى التاتش الخفيف بين اخويا محمود واختنا اميره لان الموضوع اختلاف فى وجهات النظر وزى مبيقولوا اختلاف الرائ ينتج عنه ضرب بالرشاشات

ما علينا اولا مش عايزين تاتشات نختلف ونضرب بعض ماشى لا تاتشات نو نو نو


المهم

نخش على الموضوع وحته حته وفى الاخر اخر خبر جبته وتعليقى عليه

طيب هسألك يا ماندوز لو قالوا انهم هم اللي انقذوا الواد او رجل محروقة وهنصدق هل هيقولوا انهم برضه هم اللي انقذوا هيثم السعيد من الزمالكاوية علشان كانوا زعلانين انه ضيع كورة كانت هتخلي الزمالك فاز فرق أكتر من نقطة علشان يبقى فوز واسع مش بنقطة واحده

أظن ان حادثة هيثم اتصورت واتعرضت للناس وهم بيتضرب هو ومارفن بلاك

بس لو تفتكر تاتشات اللعيبه دى بتحصل من الطرفين

واكيد واقعه الغنام قبل كده خير دليل معروف داخل الملعب ده بيحصل من الطرفين وللاسف دى ظاهره ملهاش لازمه

تعرف ليه يا ماندوز لعيبة الزمالك بقت بتركن عربياتها في جراجات فنادق قبل ماتش الأهلي وبيروحوا مع اتوبيس النادي وبيهربوا من عمايل جماهير الأهلي دايما

بالنسبه لموضوع تكسير العربيات فطبعا ليها ردود كتيره لانها موجوده من الطرفين

وطبعا حوادث عربيات المشجعين اللى زنبهم انهم رافعين اعلام بيضاء او حمراء كتيره اوى ومتتعددش

أظن ان رابطة الأهلي ALU استنكرت اللي حصل من الالتراس وقالت ملناش دعوه تاني باللي عمل كده منهم تاني وحسن حمدي قال هيشطب عضوية أي واحد منهم معاه عضوية في النادي وفي بيان رسمي اظن ده اعتراف رسمي باللي حصل

رابطه alu على ما اعرفه انها مش رابطه بالمعنى المفهوم عكس ال AFC لان ال ALU مش كبيره للدرجه رغم انها اول رابطه اتعملت ودلوقتى اللى باين منها انها بتعيد احياء الفكره وحتى ال afc لان برضه اكيد تعرف ان الالتراس انفصلوا عنها والمشكله اللى تم منها اعاده هيكله ال afc كان علشان مجموعه الالتراس اللى انفصلوا علشان فكرهم (اللى فى رايئ متطرف)

اما حسن حمدى فموضوع انه يشطب اللى عمل كده فده شئ طبيعى بتقال اللى عمل كده بالصوره اللى طلعت فى التليفزيون لازم يتشطب ولا انته رايك ايه

البيان الرسمى اللى انته اشرت ليه مش شايف غير انه رد فعل لتهمه اتقالت فى حق جمهور الاهلى وعلى فكره تقريبا قبل البيان الصوره مكنتش واضحه للمجلس بس بعدها تقريبا عرفوا اللى حصل بالظبط وان المصاب مش ملاك برئ يعنى

هل لو جماهير الزمالك فعلا جابت بلطجية هل هيبعتوا رسايل تهديد علشان جماهير الأهلي الغلابة

اظنك تعرف ان نوعيه الالتراس سؤاء هنا او هناك ممكن يعملوا كده

وبتكوون طريقيه الرسايل من نوعيه هنربيكم وهتتقطعوا ...... الخ

اللى هوا كلام عام وبيبعتوه لبعض

رايئ اللى لازلت مصر عليه

ان فكر الاللتراس ده هيوصلنا لكارثه فى النهايه

وعايزن تشوفوا المنظر الصح شوفوا تونس والمغرب

الناس هناك بيعملوا احسن دخلات بس علشان فكر الالتراس بتاعهم بتحصل مصايب وكره عجيب بين جماهير الفرق

وطبعا هنطلع فوق لايطاليا هنلاقى بنوصل للموت بالفعل

المهم

نخش على اخر خبر وتعليقى عليه

أدلي المتهمون وهم نبيل محمد السيد وشهرته "الشيخ" عامل بمطعم ومحمود عبدالله علي وشهرته "كرشة" 18 سنة "طالب" ومحمد أحمد كمال "19 سنة" طالب وكريم عادل مفتاح 22 سنة طالب بكلية الحقوق باعترافات تفصيلية حول جريمتهم حيث أكدوا أنهم لم يتحملوا الهزيمة القاسية التي نالها فريقهم من نادي الزمالك في مباراة كرة السلة بفارق نقطة وبعد خروجنا من الاستاد فوجئنا بثلاثة من مشجعي نادي الزمالك يهتفون لناديهم مما أثار حفيظتهم.
أضاف المتهمون لم تتحمل أعصابنا ما حدث فقمنا بإلقاء بعض من الألعاب النارية عليهم بغرض المزاح معهم إلا أن شخصين هربا وتركا صديقهما بعد ان سقط علي الأرض فقمنا بإلقاء ما تبقي معنا من الألعاب النارية عليهم فأمسكت به النيران.
اختتم المتهمين اعترافاتهم قائلين: إننا لم نكن نقصد إيذاءه ولكن المزاح معه ولم نتوقع لحظة واحدة ان ينتهي هذا المزاح بهذه الطريقة المأساوية.

طيب اولا ملاحظه على الخبر ودى اكيد حوده هيفهم انا لاحظت فيها ايه لانه بيفهم فى السله وعارف احنا فين دلوقتى فى الدورى ويعنى ايه فوز للاهلى او الزمالك على بعض دلوقتى

أكدوا أنهم لم يتحملوا الهزيمة القاسية

فكده ممكن تعرف هويه كاتب المقاله او الخبر


نخش بقه على شهاده العيال على حسب كلام الصحفى العبقرى


اولا روايه المصاب

الحج المصاب ده قال فى دريم فى حواره المسجل مع محمد عباس

انه جاى من المحله علشان يقضى الاجازه بتاعت نص السنه مع اصحابه وانه تصادف وجود متش للزمالك فى السله وراح المتش بس متاخر

حطوا بقه مليون خط تحت الكلمه دى

راح المتش متاخر

لقا 15 واحد لابسين تشيرتات الالتراس المعروفه

قاموا هجموا عليه علشان يقطعوله الفانله اللى كان لابسها بتاعت الزمالك

ولما معرفوش رموا عليه بنزين وولعوا فيه

وده اخر كلام الولد ومتسجل فى دريم

طيب كاتب المقال الصحفى الهمام كاتب التحقيقات قالت ايه


بقى ال 4 دول خارجين من المتش ومقهورين علشان ضياه بطوله الدورى بعد الهزيمه القاسيه قدام الزمالك(واخد بالك يا حوده) والدنيا سوده للهزيمه الفاجعه لقوا ولد ياحرام مع 3 من اصحابه قاموا ضربوا المولوتوف فيهم 2 منهم جريوا وده يعينى اللى وقف علشان الملوتوف يجى فيه ومن قمه غيظهم رموا كل اللى معاهم عليه والواد ولع واكيد الصحفى الهمام نسى يقول بقه انهم جريوا مهو طبعا ناس ولعت فى واحد اكيد هيجروا ويسبوه يولع بقه


على فكره اللى عايز يعرف ايه هوا المولوتوف يتفرج على متش الاهلى والاسماعيلى اللى فات والشرطه قعدت اد ايه تطفى فيه


المهم فى التعليق بتاعى هوا التالى

انا مقتنع ان اللى ولع فى الولد كان ناس من الالتراس

بس فى نقط برضه لازم تكمل الصوره زى

الولد ده اما انه ينتمى الى التراس وايت نايت او انه بلطجى

القصه اللى قالها الولد ابو قلب اخضر ده تتعمله فيلم سينمائى

جمهور الاهلى هوا من قام باطفاء الولد لما الحريق حصله ولم يتم زكر ذلك من قبل اى شئ بل ما ستعرفوه ان من القى هوا من اطفأ

فى النهايه ادعوا اخوتى بوجه عام بعيدا عن الرياضه عند متابعه خبر ما الا يروا الموقف من جانب واحد

انا غلطت لما شفت الموضوع وتسرعت فى الحكم

بس بعد اللى عرفته

اظن ان الناتج النهائى ان اللى عمل كده غلط بنسبه 60%

اما ال 40% فهيا للبطل المغوار محمد عبدالمولى

ومبروك يا اعلام يا احمر مش هوا دا الللقب تقريبا اللى مواقع الزمالك صبح وليل طالعه بيه

مهو لو اعلام احمر مكنتش الدنيا قامت ومقعدتش زى اللى حصل بقه او حتى بينت الجزء الاخر من الصوره ولا انتوا رايكم ايه

مفاجأة في واقعة إحراق مشجع نادي الزمالك
المتهمون بينهم مشاحنات مع الطالب المصاب
والجريمة وقعت قبل المباراة بثلاث ساعات
كتب دسوقي عمارة:
كشفت مباحث القاهرة غموض واقعة تعدي أربع اشخاص من مشجعي النادي الأهلي علي طالب من مشجعي نادي الزمالك واحراقه بالنار.. تبين أن الطالب كان علي اتصال بالمتهمين من خلال النت وكانت بينهما مشاحنات وتعدي بالألفاظ من خلال الرسائل الألكترونية وأن المشاجرة نشبت بين المجني عليه والمتهمين قبل المباراة بحوالي ثلاث ساعات بعيدا عن الصالة المغطاة لاستاد القاهرة وبالتحديد في شارع صلاح سالم.

لا تعليق

الخبر من اخبار اليوم

نعلن كمجموعة التراس اهلاوي عن استنكارنا لما يحدث من جانب وسائل الاعلام المرئية و المقروءة خلال الفترة الاخيرة من دس اسم التراس اهلاوي فى كل مناسبة او حدث بدون حتى ان يكون هناك دليل واحد مع من يكيل لنا الاتهامات
فاول من بدء هذا الاتهام هو مقدم برامج شهير معروف بمحاولته الوصول لكل مراكز القوى فى البلد بأى شكل و بأى وسيلة و كانت بداية محاربتة لنا حين قام بالاتصال بنا و طلب طلباً مباشر ان نقوم بالدفاع عنة ضد جماهير الزمالك و ممدوح عباس و توجيه السباب و الشتائم لهم و لكن كان التجاهل نصيبة لاننا لم نكن فى يوم مرتزقة و من يومها وضعنا فى خانة الاعداء.
و من بعدها اتت حادثة شيكابالا و بالطبع لم يجدوا من يوجهوا له اصابع الاتهام الا التراس اهلاوي رغم ان عدد افراد الالتراس وقتها لم يزد عن 30 فرداً كانوا منتشرين فى مختلف انحاء مدرجات الدرجة الثالثة لقيامهم بترتيبات الدخلة و لم يكن هناك تجمع لنا فى هذا اليوم داخل الاستاد و رغم ذلك تم توجيه الاتهام لنا اننا من قمنا بالهتافات المعادية ضد شيكابالا و للاسف لم نرى كليب او حتى صوت او اى صورة لتجمعاتنا رغم اننا لم نكن نرتدى طاقية الاخفاء !!!

و من بعدها اصبحت هذه النغمة السائدة فحينما تحدث احداث شغب بالطبع المذيع الذى يريد ان يتحدث و يقنع الناس انة يعلم كل شئ و الصحفى الجالس فى بيتة و ليس له علاقة بالاستاد و لم يذهب له من سنين يصبح هذا وقتهم فى توجية اصابع الاتهام بدون اى وجه حق ولا اى دليل

و بدون الدخول فى تفاصيل الاتهامات السابقة التى نحمل الادلة الكاملة لنفيها و معنا ادلة اخرى لفضح كل واحد ممكن يكيلون لنا الاتهامات و فضح نواياهم المعروفة لدينا جيدا لكننا سنتكلم فى الوقت المناسب

و اخيرا جاءت حادثة مباراة السلة الاخيرة و بالطبع لا يوجد غير التراس اهلاوي ليوجهوا اليها اصابع الاتهام و ظهر التعتيم الاعلامى و لى الحقائق بأبشع صوره و تعلمنا أن الاعلام الموجه لا يذكر الحقيقة قط
فالحقيقة يا حضرات التى لم يذكرها احد هى اننا قررنا ان نشارك كاول تواجد رسمى لنا فى مباريات السلة دعما لفريقنا, و المثير أننا كنا قد أعلنا فى موقعنا و الماقع الرياضية المختلفة عن مكان و ميعاد تجمعنا لدخول المباراة قبل المباراة بيومين , فهل يعقل أن تكون النية مبيتة مننا على أحداث أعمال شغب . .. أنما كانت المفاجاة لنا ان جماهير الزمالك (التى قيل عنها محترمة) قامت بأستغلال هذا الأمر و أستعدت جيدا لنا بشكل فاق كل التصورات و فاق كل التخيلات
فهل يتخيل احد ان تقوم ما تسمى برابطة محبى الزمالك باستئجار 25 بلطجي محملين بالاسلحة و الجنازير و الشوم لمهاجمة التراس اهلاوي !!!!
لم يتكلم احد عن ذلك و من يريد الدليل فاذهبوا الى قسم شرطة مدينة نصرثانى وأاسألوا عمن تم القبض عليهم من رابطة محبى الزمالك بحيازة الأسلحة البيضاء و نستطيع ان نحكى لكم تاريخ كل عضو منهم بالاسم و السكن و منذ متى هو فى الرابطة لو شكك احد فيما نقول

و الحمد لله لان الشرطة لها اعين ترى بها عكس من يتهمون بدون دليل فلم يكن افراد التراس اهلاوي مطلوبين او تم القبض على اى منهم لانهم لم يقوموا باى اعمال شغب و لمن يتباكون على من تم احراقه فاسالوا انفسكم ماذا كان يحمل من سلاح و لماذا تم الهجوم البشع علية بهذا الشكل ؟؟؟
بالتاكيد لم يستطيع هذا الشاب ان يجيب و يقول الحقيقة, فالحقيقة ادانة له قبل ان تكون ادانة لمن فعل ذلك و نحن لا نعلم من هم هؤلاء لكنة يستطيع ان يكذب و يحول الاتهام للغير ليكون مع الموجة السائدة ويشتت الانتباء عما فعلوه, لذلك أنقلبت الأية و أصبح المعتدى عليه هو المعتدى و تم القبض على أربعة من زملاؤنا بعد ما تم أطلاق سراح المجرمين الحقيقيين حاملى الأسلحة البيضاء .

الحقيقة التى ارادو اخفائها و يحاربون الا تظهر سنقولها بكل صراحة و هى شهادة حق امام الله.فقبل المباراة تلقى اعضاء كثيرين من الالتراس اتصالات تهديد انة سيكون يوم لم يحدث له مثيل و انهم سيذبحون الى اخر هذا الكلام الذى فوجئ به اعضاء الالتاس به لانهم لم يتصورو ان يصل التفكير الى هذا الحد
وبما ان الاسماء اصبحت علنيا فنعلنها ان قائد هذه المهزلة هو عضو فى رابطة الزمالك من ميت عقبة يطلق علية سيد المشاغب و هو من قام بشحن جماهير رابطة الزمالك قبل المباراة بهذا الشكل بمباركة رئيس رابطتها احمد عادل و كريم او ما يطلق علية كيمتى هيمتى و هم الثلاثة المسئولين عما حدث لان كل شئ حدث تحت ترتيباتهم
فيوم المباراة كان مكان التجمع هو البانوراما لكن حدث بعض التغيير و تاخر اعضاء كثيرون فى الحضور و فى هذا الوقت كان هناك بعض الافراد القليلة من الالتراس الاهلاوي الذين فوجئو بهجوم بالاسلحة و الجنازير (و من ضمنهم الاخ المصاب الذى كان يحمل فى يدة جنزير و زجاجات البنزين) و قامو بالجرى منهم حتى تصادف ان قابلو تجمع اخر اكثر عدد يضم بعض الاعضاء الذين احتمو فيهم و البعض الاخيرن الذين كان منهم بعض ابناء المنطقة الذين لهم اصدقاء جاءو لنجدتهم لان الاحداث حدثت عند مسجد ال رشدان ووقتها قام الزملكاوية بالجري حينما وجدو ان العدد اصبح كبير عليهم و رغم اسلحتهم فقامو بالجرى العكسى لكن الشخص الذي اصيب كان يحمل جنزير و تعرقل فية و حينما التف حولة الكثيرين و منهم شخص من ابناء المنطقة المشهور عنهم بقوتهم فقام بامساك زجاجة البنزين و سكبها علية و قال لة (دى البنزين الى جاي تولع فى العيال بيه) و قام بسبة و دلق البنزين علية و قالة (شوف انا اقدر اولع فيك بس مش هعملها و اجرى من هنا انت و البلطجية الى معاك) وقتها حينما بداء الاخ الاخر فى المشي قام بسبة و قالة ( لا انت ولا عيلتك يابن **** تقدر تولع فيا) وقتها قام الشخص دا بتوليع الولاعة و رميها علية حينما قام نبيل و كريم بالارتماء علية لاطفاءة و احترقت ايد كريم فيها و نبيل قلع الجاكيت و قعد يخبطة على جسمة لحد ما لحقوة و انقذوة
و للعلم الاخ اللى اتحرق دا معروف فى زمالك دوت تى في و قبل الماتش كان واضع توقيع تهديد بالقتل للاهلاوية و جاء من المحلة لحضور مباراة فى الدور التمهيدى لماذا !!!

و لماذا تم حذف كل اركان رابطة محبى الزمالك بعض الحادثة حتى يغطون على ما كان يقال من ترتيبات !!!
اللى حصل بعديها بقى ان الاخ المشاغب و شلتة قامو بالشهادة الزور (و من ضمنهم احمد عادل رئيس الرابطة الى كان فى اسكندرية و شهد على الواقعة!!!!) ان الى عمل كدا ميما و كريم و نبيل و هما اصلا و ربنا شاهد ولا عملو اى حاجة من اللى اتقال عليهم بالعكس كانو ممكن يكونو ضحايا لولا ستر ربنا و قيام الناس دى بانقاذهم و اللى نقسم بالله انهم مش من التراس اهلاوي ولا هما اصلا اعضاء معانا ولا نعرفهم ... و الغريب ان ممدوح عباس يتحرك بشكل غريب لاثارة الراى العام لكسب ود و تعاطف الزملكاوية لمعركة انتخابية قادمة لا اكثر ولا اقل و الغريب ايضا ان وكيل النيابة يقوم بطرد و تهديد شخص قال باللفظ (انا من رابطة الزمالك و عايز اشهد بالحق ان الناس دى محرقتوش) لكن الرد كان غريب (اجرى يلا من هنا بدل ما احبسك !!!)


بالتاكيد حينما يقوم بعض الشباب باعمال بلطجة و اثارة الشغب بشكل عشوائى سيكون الرد عشوائى من اى فرد او انسان او مجموعة تكون فى مكان اعمال الشغب ومن يملك دليل واحد على ان التراس اهلاوي لها علاقة بالامر فليقدمة او ليصمت للابد

و نحن نتوجه بنداء الى كل من يستطيع التدخل للمساعدة فى الأفراج عن زملاؤنا الموجودين قيد الأحتجاز حاليا, أنقاذا لمستقبلهم من لعبة دبر لها و نفذت بنجاح, رغم أنه لم يقم أى منهم بأحراق الفتى المذكور و القيام بأعمال شغب.

و نحب او نوجة تحية للمذيعين و الكتاب الذين يحشرون اسم ابن المسئول الكبير فى الاتحاد الافريقى كلما قامت احداث شغب لاسباب شخصية بحتة ... لكننا نقول لهم مفاجاة من العيار الثقيل ان ابن هذا المسئول خارج الاراضى المصرية منذ اكثر من شهرين لانة فى مهمة عمل فى غانا و لا يوجد له اى صلة بما يحدث فى مصر منذ ذلك التاريخ

فهل تكفو ايها الكاذبون و المنافقون و المتكلمون بدون فهم عن توجية الاتهامات لنا ام انها الموضة السائدة و يجب ان تنالوا نصيبكم من هذه الموضة؟,

و حسبنا الله و نعم الوكيل فى كل من يعلم الحقيقة و قام بأخفائها أو تحويرها و ليعلم أنه سيأتى اليوم الذى يكون فيه هو نفسه مكان زملاؤنا و وقتها لن يجد من يناصره فى أظهار الحقيقة جزاءا لأخراسه لضميره و سكوته عن الحق





و نقسم بالله العظيم و نقسم بالله العظيم

ان هذه هى الحقيقة

اكيد ممكن حد يفكر ان الكلام ده تهجيس او اى حاجه

طيب

انا هسال مشرفنا العزيز لوسيفر وهوا يعلم جيدا زمالك تى فى

سؤال واحد انا اه اعرف اجابته بس هسيبك ترد انته

هل تم اخفاء قسم رابطه الزمالك من المنتدى الخاص بالزمالكاويه (تى فى ) ام لا

ما علينا

اقتباس اخر هوريهلكوا واحد لحق يحطه قبل مل يتخفى القسم بتاع الرابطه امبارح ومش عارف اذا كانوا رجعوه ولا لاه

الى اعضاء المنتدة وليس جماهير الزمالك لاْن جماهير ورابطة الالترس الزمالك هية التى تذهب ورة الزمالك فى كل مكان وفى اى لعبة يكون طرفها الزمالك
من الاول
احب اعرفكم واحنا فى طرقنا الى الاستاد والى الصالة المغطاة لكى نشاهد لقاء الدربى
وجدنا الالترس الاهلاوى يقف امامنا لكى يمنعنا من دخول الاستاد لمأزرة الزمالك
وقمنا بالتعامل معاهم بالطريقة التى رسمناها من قبل وهوة الهجوم الكاسح من الالترس الزملكاوى وقمنا بتلقيهم درس لم ينسوا ابد الدهر وقامو بالجرى من امامنا بطريقة بشعة
وقامة برمى الشماريخ برمى زجاجات مملوأة بالبنزين علينا ونالت بعض البنزين المتناشر علينا ووصلت الى العضو غباشى وهوة زملكاوى محترم وقامت بحرق هذا العضو فى بعض اجسامو وثم تم نقلو الى المستشفى بسرعة وهوة الان يرقد بالمستشفة وبصحة كويسة
وارجو من كل عضو الدعاء لهوة بالشفاء العاجل
وكما احب اعرفكم ان قامت رجالة الالترس الزملكاوى بخطف عضو من الالترس الاهلاوى
وكمنا بأحتجازو لحد الاْن فى مكان غير معلوم لكة نتفاوض مع مأسيسن الالتر الاهلوى
بالطرقة التى نردها
كما اوضح لكم ان رابطة الاسكندرية وهية فى طريقها الى الاستاد قامت اللترس الاهلوى برمى زجاجات بالبنزين على الاتوبيس بتاع الاسكندرية وقمت ركس نوافذ الاوتبيس بتا الاسكندرية ولم يصي لى فرد منهم بسوء
كما احب اعرفقكم اننا فى تلك هذة المعركة حصدنا من الاغنام كثير
وهوة عدد خمس تشرتات الاترس الاهلاوى و4 كوفيات و3 شماريخ
واصابة عدد منهم بالضرب بالعصا فى جميع انحاء الجسم
وقامت الشرطة بالقبض على بعض من الالترس الزملاكة وعددهم 4 وقمنا بأخراج 2 والباقى جارى الافرج عنهم
اما الخصم فتم الفبض على 5 منهم
اننى بكتب لكم هذا الموضوع وانا كنت فى الحدث وفى المعركة
اننى لم لكدب عليكم فى كل كلمة قلتها
وكنت اتمنا من الاعضاء المنتدة الحضور لكى ندافع عن سمعة نادى الزمالك
كما احب اعرفكم ان الالترس الاهلاوى يخطط على عدم ذهاب جماهير الزمالك فى الاستاد ورة الزمالك فى كل لعبة يلعبها اى يريد ارهاب جمهور الزمالك ولكن الالترس الزملكاوى متواجد فى اى مكان يوجد الزمالك طرف فيها واتمنا من الاعضاء وجماهير الزمالك فى كل مكان التواجد بأى طرقة للزمالك فى اى مكان ولا يخف من اى شيىء مهما حصل
دة كيان ولا بد ان ندافع عنو فى كل مكان
ان تشجيع الزمالك يجب ان يكون بالمثل اى بالعنف خارج المدرج اما فى المدرج دة حاجة تانى

5000000000000000 رواية هتتقال يا ماندوز سبقى احنا نصدق ايه نصدق اللي اتقال من اللي عملوا كده نفسهم عموما انت وقعت تاني في نفس الحته وبتقارن ان جماهير الزمالك والأهلي عملوا كده قبل كده وبتوضحلي الصورة أظن انا قولتلك اني منفتش كده


أظن يا ماندوز انت عارف اني مع كلامك عن فكر الأتراس وانا حكيتلك على خناقتي بالأتراس وايت نايتس علشان اللي عملوه في ماتش الاسماعيلي والخلافات بيني وبينهم لغاية دلوقتي ازاي بسبب انهم شتموا حازم امام واني مبقتش أروح ماتشات بسببهم وقولتلك ان رابطو Zlu عارفة اني كنت عاملهم مشاكل كتير ببب الألتراس وايت نايتس

أنا مكنتش قريت أخر رد يا ماندز واحب أقولك

انت شكلك نسيت يا ماندوز اني موقوف من عضوية زمالك تي في بسبب مشاكلي معهم بسبب مشكلة حازم المعروفه والكل شاف في المنتدى بتاع التي في الموضوع بتاعي وكانت الاراء متباينة بين مؤيد ليا ومعارض ونص نص يعني شايفني صح بس مكانش ينفع الهجوم عليهم كده
واللي متعرفهوش يا ماندوز اني حتى دخولي للمنتدى اصبح ممكنوع وايميلي واخد حظر من التسجيل سواء ياهوو ولا هوت ميلبسبب مشكلة حازم طبعا فأنا معرفش المنتدى دلوقتي ايه نظامهبس أحب أعرفك ان بداية المشاكل معاهم كانت اعترافي في موضوع نزلته ان مبادئ ZLU اللي أعلناها اختفت بمجرد خناقة رابطة مشجعي الاهلي ومحبي الاهلي AFC و ALU مع ZL و ZLU قبل ظهور الأتراس أهلاوي أو الألتراس وايت نايتس وقولتلهم مبادئ التشجيع بمظهر مؤدب وغير جارح اختفت وطلعتوا مش رجالة باللفظ كده علشان مجرد انهم شاكلوكوا بره الإستاد رجعتوا المشاكل تاني وباظت وعاد زمن الخواجه وقوطه بل اصبح الخواجه وقوطه أخف منكم لأنهم أفراد بتحرك الناس اللي مش واعيه لكن انتوا كتير وبتخططوا للمصايب انتوا وهم من قبل الماتش لو حصل كذا هنعمل كذا وكانت فيه اغاني ضد الشرطه اللي كانت بتمسك أعضاء ZLU لما كانوا يضربوا صواريخ واحا شايفين جماهي الأهلي بتولع صواريخ عادي جدا والهتاف الشهير مش هنقولك سيبه كلنا هنروح نجيبه وقولتلهم انتوا فركم كده عن الخواجه وقوطه انكم بقيتوا فوضى منظمه يعني ZLU أكتر من 100 خواجه و ALU أو AFC هم أكتر من 100 قوطه

وأولع يا ستاد

دي كانت نهاية كلامي في الموضوع ده وبداية مشاكل وانفصال رابطة محبي الزمالك من هندسة شبرا اللي كنت عاملها عن زليو وأظن اني حكيتلك يا ماندوز برضه عن الموضو ده عموما الموضوضع خد أكتر من حقه ودول مجرد شوية مجانين في بعض وميساهلوش غير انهم يحرقوا بعض

واللي متعرفهوش يا ماندوز اني حتى دخولي للمنتدى اصبح ممكنوع وايميلي واخد حظر من التسجيل سواء ياهوو ولا هوت ميلبسبب مشكلة حازم طبعا فأنا معرفش المنتدى دلوقتي ايه نظامهبس أحب أعرفك ان بداية المشاكل معاهم كانت اعترافي في موضوع نزلته ان مبادئ ZLU اللي أعلناها اختفت بمجرد خناقة رابطة مشجعي الاهلي ومحبي الاهلي AFC و ALU مع ZL و ZLU قبل ظهور الأتراس أهلاوي أو الألتراس وايت نايتس وقولتلهم مبادئ التشجيع بمظهر مؤدب وغير جارح اختفت وطلعتوا مش رجالة باللفظ كده علشان مجرد انهم شاكلوكوا بره الإستاد رجعتوا المشاكل تاني وباظت وعاد زمن الخواجه وقوطه بل اصبح الخواجه وقوطه أخف منكم لأنهم أفراد بتحرك الناس اللي مش واعيه لكن انتوا كتير وبتخططوا للمصايب انتوا وهم من قبل الماتش لو حصل كذا هنعمل كذا وكانت فيه اغاني ضد الشرطه اللي كانت بتمسك أعضاء ZLU لما كانوا يضربوا صواريخ واحا شايفين جماهي الأهلي بتولع صواريخ عادي جدا والهتاف الشهير مش هنقولك سيبه كلنا هنروح نجيبه وقولتلهم انتوا فركم كده عن الخواجه وقوطه انكم بقيتوا فوضى منظمه يعني ZLU أكتر من 100 خواجه و ALU أو AFC هم أكتر من 100 قوطه

وأولع يا ستاد

عارف كل ده فعلا

بالفعل وعلشان كده اجمل انسان زملكاوى ممكن نقعد نتكلم معاه هوا انته والحمد لله انته مشرفنا الجميل هنا

بس كويس انك كتبت الرد ده علشان اللى ميعرفش مين هوا لوسيفر (عشان برضه اللبس مع اميره ) اللى انا بجد اعتزر انى مزكرتوش عندك فى النقاش فوق

المهم عوده الى الموضوع

انا قصدى يا محمود فى موضوع تى فى انك اكيد تعرف ناس كتير اوى منهم واكيد تقدر تعرف صدق او كدب


بس فى النهايه

احب اقول حاجه انا الموضوع ده بجد كل اللى هامنى انى اعرف الحقيقه المطلقه اللى شكلى مش هعرفها

الناس اللى عملت ده سؤاء اهلى او زمالك زى مقلت فوق ماشيين تبع نظام تشجيع غبى وممكن يعملوا مصيبه فى يوم من الايام

على فكره انته عارف انك ممكن تعمل اكونت تانى بس احترم فيك انك محاولتش لتمسكك بفكرك اللى شايفه هوا الامثل فى التشجيع فى مصر وياريت كل النس تشجع بمثاليه زيك

والله مفيش لبس ولا تاتشات ولا حاجة ابدا يا ماندوز
انا بس بتناقش مع الاخ لوسيفر لانى عارفة انه انسان محترم جدا وبيتقبل النقاش
وفى الاول وفى الاخر اى واحد فينا اكيد بيهمه مصلحة وسمعة اى فريق رافع علم مصر