عايزه حل وعايزه حقي

السلام عليكم ورحمه الله وبركاته

يمكن دي اول مره يفيض بيا بجد واضطر اني الجأ لرئي الاخرين

انا عندي مشكله بجد هتمومتني حاسه اني اتهنت اوي وان حقي ضاع

المشكله عباره عن ان كان في واحد عايز يكلمني وانا مرضتش لاني مش بتعرف علي حد فضل هو اصحابه يطلعو عليا كلام

وواحد من اصحابه دول ربنا ينتقم منه يارب بيقول اني معجبه بيه ببصله مع اني و الله معرف شكله ايه

وكل شويه اعرف كلام بيتقال عليا يحرقلي دمي

انا مش عارفه اعمل ايه لحد دالوقت انا ساكته بس بجد فاض بيا وحاسه اني ليا حق ومش عارفه اعمل حاجه ودي اول مره تحصل مع اني لو اتصرفت او اتكلمت ممكن اغمل مشاكل وانا مش عايزه كده

المشكله انهم مش بيبطلو كلام لاء كل يوم كلام بيتقال ويتعاد ويزيد وانا مش عارفه اعمل ايه

بليززززززز عايزه حل

دي اول مره ادعي علي حد وبجد بدعي من قلبي عليهم ان ربنا ينتقملي منهم

---

uhd.i pg ,uhd.i prd

فى ايام الكليه لما درسنا ال t.r عرفنا حاجتين اسمهم ال
iron losses وال cu losses

المهم فى الاول كانوا خاوتينا ومرخمين علينا فى المسائل واى مسائل نشوفها نلاقى فيها الجوز دول نعرف ان المسئله رخمه وطويله وليلتنا سودا فى الامتحان

لغايه مكبرنا ولقينا ان فى كل المسائل بعد كده بنعمل Neglect للاتنين

وبقينا لما نشوف مسئله وشفناهم ولا بتاثر فينا لالاننا عملنالهم neglect خلاص وشلنا همهم من علينا ومبقناش بنبص للقيم بتاعتهم اساسا ولو حتى نظره احتقار

لكن مجرد اننا نفكر ان جوز ال لوسيس دول داخلين فى حسابتنا حتى ولو كنا مسترخمينهم لكن ده بيخلينا احنا متديقين

فكان الحل الجوهرى اللى اوجده الدكاتره لما كبرنا هوا حل ال Neglect

اظن بما انك فى هندسه فهمتى يعنى ايه التصرف اللى المفروض تعمليه

الاول برحب بيكى مرمر على انضمامك للمنتدى
على فكرة يامرمر المشكلة دى مشكلة بنات كتير والله بس سبحان الله بتيجى على البنات المؤدبة اللى ماشية فى حالها وكدا بس على فكرة هو مفيش غير حاجة واحدة انو قال عليكى كدا
ااكيد هوعاوز يكلمك زى مانتى بتقولى عشان كدا هو جابها بالطريقة دى
ممكن حاجة تانة الاول اسالك انتى سمعتى الكلام دا يعنى من مين ؟؟؟؟
ما ممكن حد يكون بيوقع او بيقول عليه و كمان لازم تكونى سمعاه بنفسك يامرمر
وبردو يامرمر لازم يكونو اصدقائك كويسين لان بجد الواحدة بيتحكم عليها من اصدقائها اللى هى ماشية معاهم حتى ولو كانت مؤدبة بجد والله وانتى والله شكلك يعنى مؤدبة
بس مفيش حل غير انك تكونى فى حالك وزى مانتى وربنا نشاء الله هيظهر الحق وكمان ادعى ربنا
على الله انشاء الله ربنا يصلح احوالك وينجيكى من الكلام دا لانو صعب بجد ان حد يتقال عليه كلام
بس الحاجة الوحيدة اللى انتى متعمليهاش انك تروحى تكلمى الواحد دا وتعاتبية على الكلام اللى بيقوله لانو هيعرف على طول لو انتى بجد معملتيش كد انك انتى صح وبنت كويسة وانتى المهم انك تكونى واثقة فى نفسك يامرمر وملكيش دعوة بكلام التانيين
معلش طولت عليكى بس ارجو انى اكون افدتك بحاجة

مانديوز انا فهمت قصدك وده اللي ناويه اعمله بس حرقه الدم اللي انا فيها دي اعمل ايه طيب؟

نانيس الكلام ده هو قاله بنفسه علي منتدي و كمان قاله لاصحابه ووصلني من ناس تانيه

اكيد افدتنيني بكلامك

بس المشكله انه شعور صعب اما تحس ان ليك حق ويروح منك وانت مش قادر تخده

متزعليش نفسك حبيبتى هما بيقولول كدا عليكى لانك انسانة كويسة
ومتعبريش اى حد منهم وربنا ان شاء الله هيجبلك حقك.

ياااااااااارب يا مرمر

ميرسي حبيبتي علي اهتمامك

بصى يا مرمر الكلام اللى اتقال فى ردود الاخوة الاعضاء صح وحتى الرد الهندسى اللى مفهمتش منه حاجة بس الفكرة وصلتنى صح

هو الموضوع اكيد هيحرق دمك وده دليل على انك كويسة بس انا بنصحك انك متصدريش اى رد فعل قد تندمى عليه بعد ذلك اتجاة

الشخص ده لانك لو اصدرتى رد فعل كده الموضوع هيكبر اكتر واكتر اصبرى يا مرمر ده ابتلاء من عند ربنا ولو نجحتى فى الصبر على هذا

الابتلاء اكيد ربنا هياخدلك بحقك

انتى عاوزة تاخدى حقك منه هتعملى ايه هطلعى عليه كلام زى ما هو عمل طبعا هو ولد ولا هيهمه بالعكس ده هيتفاخر مع اصحابه

هتعملى ايه تانى هتأجرى ناس يضربوه طبعا لا مينفعش

انتى عشان تاخدى بحقك متتعبرهوش تجاهليه ولا اكن الكلام ده وصلك اساسا ولا تخليه ياخد اهتمامتك

ونصيحة كمان تعاملى بحرص مع زملاءك فى الكلية سواء بنات او ولاد وخاصة الولاد

لان لو مثلا حد من زملائك او زميلاتك سمع الكلام ده اكيد لما هيشوفوكى هيراقبوا طريقة تعاملك مع الناس عشان هيكونوا مستنيين

يتفرجوا عمليا على الكلام اللى وصلهم فلما يشوفوا انك بتتعاملى مع الناس بطبيعتك المحترمة والمؤدبة هيدركوا ان الولد ده كذاب

وبالتالى لو سمعوا حد بيردد كلام الولد ده هيدافعوا هم عنك

كمان اهتمى بدراستك عشان تجيبى تقدير ساعتها الولد ده هيتغاظ لان ده اكبر دليل على ان كلامه لم يؤثر فيكى لانه لو اثر فيكى كان هياخد كل تفكيرك وده هو المطلوب

اقولك من الاخر مثل بتقولوا ليا والدتى ( امشى عدل يحتار عدوك فيك )

يعنى طول ما انتى ماشية كويس متخفيش الولد ده هيحاول يعمل مكائد ومصائد فيكى وكل مرة هيفشل فشل زريع لغاية اما ييئس

ولا تنسى ان ربنا ميرضاش بالظلم وادعى دايما ان ربنا ينصفك ويظهر الحق

فجر بجد كلامك جميل وحلو وعندك حق

ربنا يستر ان شاء الله واكيد الحق هيظهر

عن على بن أبى طالب رضى الله عنه قال : حلمك عن السفيه يكثر انصارك عليه

وزى مانا شايف انصاره دول اصحابه هوا اللى مصدقينوا او عاملين مصدقينوا فى كلتا الحالتين انتى بعيدة عنهم وده كويس

يعنى إزاى متعرفهوش وحد عارفك كويس هيصدق الكلام اللى بيتقال طبعا الحقيقة بتبقى ظاهرة كويس فى الحالات دى

وزى ما المهندس قال . . . اشترى دماغك ومتحرقيش دمك

بس خليكى بعيدة عنهم تماما لأن كلام زى ده لا يصدر من مسلم تقى لأن شأن المسلم ألا يتناول المسلمين بلسانه او يده او بأى لون من الالوان .. قال رسولنا الكريم صلى الله عليه وسلم : (( المسلم من سلم المسلمون من لسانه ويده )) ,, وقانا الله شر السنتنا بمنه وكرمه

وعن الرسول صلى الله عليه وسلم حديث فيما معناه يقول : " ان الرجل يتكلم بالكلمة لا يتبين فيها يزل بها فى النار أبعد مما بين المشرق والمغرب "

والله حاجه غريبة انه يكون طالب فى كلية ويجهل عاقبة كلامه اللى بيقوله ده .. ربنا يحفظنا وإياكم

شايف ان لو الموضوع زاد يعنى وانتى مستحملتيش ,, يبقى لازم تكبرى الموضوع وتوصلية لعميد الكلية وتعرفى اهلك المشكلة دى وبإذن الله هيتعلم درس مش هينساه

وان شاء الله ربنا يقدم ما فيه الخير وانا عاوزك تتحلى بالصبر وتدعى الله عز وجل

انا جايلك وجايبلك الحل معايا ؟! بصى يا ستى أنا عايشت قصة زيها بالظبط , كنت بشوف واحد زميلى واقف مع واحدة ( شفته مرة واحدة ) وبعدين ناس صابى سألوه ايه اللى بينك وبينها قالهم ( جاية تقولى أنا بحبك وأنا قلتلها خلينا اصحاب ) واصحابى صدقوه , أنا بعدها يجى بشهرين ولا ب تلاتة عرفت ان العكس هوا اللى حصل ) .... المهم , البنت دى ربنا بيحبها هيا معرفتش إلا منى أنا , بس فكرة اصحابى عنها اتغيرت تماما البنت دى كانت بتلبس spanish وبعد كده لبست اسدال ( السر والحل فى هذه الكلمة ) أختى الكريمة قربى من ربنا أكتر مش لازم بالصلاة والدعاء , غيرى من طريقة لبسك أكيد مش هتسمعى كلام اوهبى الاسدال أو النقاب لله ... والله الموفق ,,,

وبعد كده لبست اسدال ( السر والحل فى هذه الكلمة ) أختى الكريمة قربى من ربنا أكتر مش لازم بالصلاة والدعاء , غيرى من طريقة لبسك أكيد مش هتسمعى كلام اوهبى الاسدال أو النقاب لله ... والله الموفق ,,,

مع احترامى الشديد لرأيك

انا اختلف معاك فى بعض النقاط

لو هى لبست الاسدال او النقاب مش ده هيكون الحل هو الاحترام فى المظهر مطلوب طبعا مفيش كلام

بس برضه مش ده الحل القطعى

اصحابك مغيروش فكرتك عن زميلتك دى لمجرد انها لبست اسدال هم غيروا الفكرة معتقدش

لانى اعتقد لو هى لبست الاسدال وهم شافوها لابسة الاسدال وبتهرج باسلوب غير لائق مع ده وتمشى مع ده مش بطريقة حلوة

كانت الفكرة هتتثبت عندهم بالاسدال او من غيره

انت يمكن متعملتش مع منقبات او لابسين اسدال بس عاوزة اعرفك ان مش شرط اى واحدة منقبة او لابسة اسدال تكون على درجة عالية من التدين والاخلاق

انت تعرف اللى بتشوفهم لابسين ضيق جامد وحاطين طرحة على راسهم بتقول عليهم محجبات اسما صح

فى نفس الحكاية من منقبات او اسدال

وبشوفهم كتيييييييييييير فى الجامعة

عشان كده اعتقد انتو غيرتوا رايكم عنها مش لمجرد الاسدال انتو غيرتوا رايكم عشان لاقتوا كلام صاحبكم مش صح لما راقبتوا افعالها

على فكرة اى واحدة معرضة لموقف بتاع مرمر من واحد انعدمت عنده الاخلاق بصرف النظر عن كونها مؤدبة او غير مؤدبة محجبة او غير محجبة منقبة او غير منقبة مسلمة او غير مسلمة

بس الشاطرة اللى تثبت خطأ هذا الكلام فعلا

وانت يا احمد من القصة اللى انت قلتها هتخلينى اوجه نداء ونصيحة لكل الشباب

مش اى كلمة يقولهالك صاحبك عن بنت تصدق حتى لو انت واثق جدا فى صاحبك وسواء كانت البنت دى حلوة او مش حلوة

وحرام عليكو اما تتكلموا عن البنات بالاسلوب ده حرااااااااااااااااااااام والله

ولو اى حد جه صاحبه يكلمه عن بنت صدوا واحرجوا ووقفوا عند حده ولو سمعتله تضعف حاجة متنقلش الكلام

وتذكر ان لك اخت وام وبنت عم وبنت خال و ........الخ

مرمر أختي العزيزه طبعا انا عارفه والله شعورك ده لسبب اني مريت بالموضوع ده مرتين ومره في المنتدي
وهو احسس صعب وكمان كل ما هتشوفي ولا تسمعي حتي عن اللي اتكلموا معاكي تبقي هتموتي وتشربي من دمهم
انا عارفه يا حبيبتي
بس انت عندك حل انك تعملي مشاكل معهم والحل ده مش هيوصلك بحاجه
لانك هتغلبي معهم وبرده مش هتخدي حقك
وفي حل تاني انك تنفضي لانك واثقه انك كويسه ومعملتيش حاجه
يبقي كبري دماغك وحاولي تتأقليمي مع الموقف ولعلمك الخاص هما لما يشوفكي مش همك هيضيقوا وده لانهم بيتكلموا عنك بالباطل ومش بالحق
ولما انتي تكبري دماغك هما هيزعلوا انهم ماوصلوش للي هما عايزينوا
وكمان عايزه اقولك انتي قدام ربنا ايه معملتيش حاجه صح
يبقي ربنا مش بيسيب حق حد
والا اللي يتكلم علي بنت بالباطل ربنا هيوريكي في المستقبل ان اللي هما بيعملوا هيتعمل فيهم
صدقني احسن حل تقولي حسبي الله ونعمه الوكيل في اي حد يظلم بنت ويحاول يطلع سمعه عليه
بجد انصحك انك تهدي وتقولي يارب وصدقني هتشوفي حققك قدامك وربنا هو اللي هيخده
وهيرجع حقك وانتي واقفه مكانك وهتشوفي بعينك من غير ولا حرقه دم ولا حاجه

وربنا معاكي حبيبتي ومتزعليش نفسك المهم رايحي نفسك وخليكي في مستقبلك وحياتك
ومتخليش موضوع زي ده يأثر عليكي في اي حاجه


جميل قصتك يا احمد وجميل ان البنت حاولت تهتدي الي الطريق السليم ربنا يهديه ويهدي بنات المسلمين جميعا



يا فجر لما الوحده تلتزم باللبس هتلقي نفسه بتلتزم بكل حاجه هي يمكن ابتدا بحاجه وهو اللبس
بس صدقني مش هقولك ان كتير لبسوا الأسدال مع عدم الألتزام
بس في ناس كتير ترجع للألتزام باللبس عشان الموقف اللي هي كانت فيه يعني اي موقف نقطه تحول للبنت
وبقي الموقف بدلا من انه بتلبس اوفر من كلام الناس لبست اسدال وبعد كده شافت الأسدال ليه التزام مع الناس
التزامات وبعد كده شافت انه لازم تصلي عشان لبس الأسدال وهكذا لحد ما وصلت انه تبقي فتاه متدينه

يبقي اللبس الملتزم مفيد للبنت بعيد عن كلام الناس

طبعا تحياتي ليكم كلكم
وربنا يهدي أمهات وبنات المسلمين جميعا

يا فجر لما الوحده تلتزم باللبس هتلقي نفسه بتلتزم بكل حاجه هي يمكن ابتدا بحاجه وهو اللبس
بس صدقني مش هقولك ان كتير لبسوا الأسدال مع عدم الألتزام
بس في ناس كتير ترجع للألتزام باللبس عشان الموقف اللي هي كانت فيه يعني اي موقف نقطه تحول للبنت
وبقي الموقف بدلا من انه بتلبس اوفر من كلام الناس لبست اسدال وبعد كده شافت الأسدال ليه التزام مع الناس
التزامات وبعد كده شافت انه لازم تصلي عشان لبس الأسدال وهكذا لحد ما وصلت انه تبقي فتاه متدينه

يبقي اللبس الملتزم مفيد للبنت بعيد عن كلام الناس

رغم انى مفتكرش مره اتفقت مع راس الارهاب الا انى المره دى اجد رايئ يوافق رائيها على عكس كلامك يا توتا


اللى انتى قولتيه كلام صح بس بالعكس

يعنى ببساطه يكون التدين الاول وعن قناعه تلبس الاسدال وليس العكس


لو لبست الاسدال لهذا الموقف يبقى عالجنا المشكله بمشكله اخرى

يعنى هيا لبست الاسدال خوفا من كلام الناس ولا علشان تتقرب من ربنا !!!!!!!


على فكره قد يفكر البعض وانا منهم ان فى حاله لبسها للاسدال فهيا ستوضح للى قالوا الكلام عنها انها اتاثرت بكلامهم وان الاسدال ده هوا رد فعلها ومش هيبطلوا كلام لانهم ببساطه عرفوا ان كلامهم لقا اذان صاغيه ورد فعل تجاهه


رايئ زى مقلته سابقا التجاهل التام

اعتبار الشاب واصدقائه غير موجودين تماما

اللى فارسنى اساسا ان اكثر نوعيه من الشباب احتقرها واسف بس دا اقل يوصف به هؤلاء الشباب اللى هما اللى داخلين الجامعه عايشين وهم الروشنه ومصاحبه البنات ولما واحد ميعرفش يتعرف على بنت كانه انضرب فى كرامته ويبدأ يلسن عليها

بجد حسبى الله ونعم الوكيل فى تلك النوعيه من الشباب

والمصيبه انهم فى هندسه

ان شاء الله ربنا هيعلمهم الربايه فى الكليه

كليتنا مش بتتوصى بالنوعيه دى من الشباب