عاوز واسطة

السلام عليم ورحمة الله وبركاته

النهاردة هنتكلم على موضوع بيلعب دور هام فى مجتمعنا المصرى بالذات

الواســـــــــــــــــــــــطـة
: ongue:

اعلان فى جريدة مطلوب موظف يتحقق فيه الشروط

الدنيا زحمة 40 واحد متقدم للوظيفة

الكل لابس الهدوم اللى على الحبل

يجى اللى المفروض رقم 40 فى الطابور

جاى باشا متاخر ولا اكنه المدير العام
وبكل ثقة يخترق الطابور ويوصل للسكرتيرة
ويبتسم لها ويمد ايده فى جيب البدلة ويطلع كارت يناوله للسكرتيرة
تقوم مفزوعة وتنادى على عمو الفراش يجيب للمحترم كرسى عشان يعد وتقله ثانية واحدة يا فندم ابلغ مديرى
تدخل تبلغ المدير يقولها دخليه بسرعة
يدخل المحترم للمدير
المدير : ازيك يا ابنى وازاى ابوك صاحبى
المحترم: الحمد لله يا عمو بخير ازاى توتو بنتك؟؟؟؟؟؟؟
المدير: الحمد لله بخير كانت بتسألنى عليك نفسها تشوفك
المحترم: ان شاء الله
المدير: اعتبر الوظيفة فى جيبك من دلوقتى
المحترم : مرسى يا عمو طيب والانتر فيو وبالنسبة لموضوع الخبرة
المدير: لا يا ابنى ده كلام جرايد بالنسبة للانتر فيو محدش يعرفك ادى انا و توتو اما للخبرة مع الوقت هيكون عندك خبرة
المحترم: مرسى اوى يا عمو
ويخرج المحترم من المكتب على وجهه ابتسامة الثقة ويبص للطابور نظرة غرور


فيفهم باقى المتقدمين للوظيفة ويقولوا

اصله واسطة

.................................................. ........................................

بعد الامتحانات وارفها تظهر النتيجة

فلان جايب جيد جدا
المحترم جايب جيد

اخلى مين معيد

انا هخلى المحترم معيد عشان هو ابن الواسطة قصدى الدكتور
اجامله النهاردة يجاملنى فى ابنى ان شاء الله اللى فى سنة خامسة ابتدائى اما يجى يدخل الكلية عشان يديله تقديرات حلوة

وبعد ايام
يجى فلان زعلان يقول لاصحابه المحترم عينوه معيد وجايب تقدير اقل منى
يرد اصحابه ويقولوا

اصله واسطة
.................................................. ..........................................

امثلة كتيرة اوى عن الواسطة
وطبعا احنا بلدنا رائدة فى موضوع الواسطة

المطلوب من كل الاعضاء

يحكلنا موقف كان فيه زى البيه المحترم كان معاه واسطة وخلص بيه ورق او وظيفة او اى حاجة

و يحكلنا موقف تانى كان فيه واقف زى اى واحد فى طابور الموظفين او زى صاحبنا فلان
يعنى ضاعت منه فرصة او اتعطل ورقه او اى حاجة بسبب واحد معاه واسطة

و ايه الواسطة اللى نفسها تكون معاك وليه؟؟؟؟؟؟؟؟؟؟؟؟؟؟

ارجو ان اكون وفقت فى طرح الموضوع وان يكون وصلتلكم قصدى من طرح الموضوع


فتح الموضوع للوسايط سورى قصدى فتح الموضوع للنقاش

---

uh,. ,hs'm

موضوع جامد يا فجر وبشكرك عليه
اولا الوسطي يا فجر بقت كل حاجه ومحدش يقول ولا كلمه
دا واقع حقيقي هتعملي أيه يعني هوا خلاص الدنيا بقت كده
وسطااااااااااااااااااااااااااااااااااااااااااااااا ااات
دا موقف كنت فيه عند دكتور
المهم انا كنت تعبان وكده وبكشف وبفضل مستني كتير أوي لما الواحد يجي دوره وناس تخش قبللك وكده
المهم انا كان معايا بردك واسطه والحمد لله دخلت بعد أربع ساعات ههههههه
وبفضل مستني لما بطلع عيني لألأ وأيه كانت واسطه واسطه دي حاجه وفضلت واقف كتير
***********
التانيه بقي كان نفسي يكون معايا واسطه
كان نفسي أقدم كليه شرطه أو حربيه وكده يعني
وكان نفسي أخش بس حصل مشاكل بقي
ماما وبابا وحورات من دي وهتبعد وأفشخانات من دي
والكليات دي كلها وسطاااااااااااااات واكيد كلكم عارفين
يلاااااااااااا الحمد لله

شكرا ليكى يافجر طبعا كل حاجة عاوزة واسطة دلوقتى والى معهوش واسطة يبقا مفيش لزمة اصلا يتقدم لاى حاجة لان النتيجة معروفة.
وانا ياستى عندى حكاية فى الموضوع دة
طبعا لما خلصت كلية كنت عاوزة اشتغل قولت لجدى ومن غير مااعرف حصل اية ببص لقيت
خير الله اما اجعلة خير التليفون بيرن الصبح وواحد بيقولى انسة اميرة قولت ايوة قالى انتى امتحنتى لمسابقة الشركة المصرية للاتصالات قلت لأ قالى انتى جاى ورقة باسمك من ..... واحد فى مجلس الشعب ومكتوب انك امتحنى و منجحتيش قولت لأ وقولت لة هو لازم يقول كدا
بعد كدا جالى تلغراف من الشركة واحضرى حالا ورحت والله العظيم لسة داخلة المكتب وبقول للاستاذة الى كانت قاعدة انا كذا لقيت التليفون بيرن وردت وقالت لة اميرة لسة جاية حالا وبتقول انها ماامتحنتشى طبعا كلمنى وقالى احنا دايخين على ورقك .طبعا كنت محرجة واعتذرت لة وقولت انا معرفشى هو كان كاتب اية فى الطلب .والاستاذة الى كانت قاعدة على ماصدقت انها شافتنى ومضتنى على اقرار انى مروحتش للامتحان وقالت لى يمكن نشوفلك استثناء وتشتغلى معانا بس مزعلتش .
شوفتى ياستى ادى الواسطة وانا قاعدة اهة لسة مااشتغلتش بس لو سمعتوا انى اشتغلت يوم فى الشركة هههههههه(لما اشوف واسطة تانية) اعرفوا انة نصيييييييييييب محدش بياخد خير نصيبة.
اسفة طولت عليكوا .

ياخوانا الوسطات فى المجتمع المصرى حاجه عادية
انا ما مش معارض على موضوع الوسطات إذا كان بيخدم واحد بس مش على حساب غيره ؟؟
وما أظنش ان فيه واحد هيتخدم هيبقى مش على حساب غيره لأنوا هوا اخد دور او مكان مش بتاعه بالتالى اللى كان فى المكان ده رجع ورا درجة او اتاخر او ما خدش المكان ده خالص على العموم . . .
الموضوع كبير وأى واحد فينا فى موقف محتاج واسطة ولقاها بيقول الحمد لله بس فيه ناس كتير والحمد لله واسطتها ربنا وبيقولوا توكلنا على الله هو حسبنا ونعم الوكيل وبقلب صافى ونيه سليمة طبعا بتبقى احسن واسطة والله وصدقونى ...

اممممممممممممممم


موضوع شديد شديد شديد


بس يعنى اللى يعرف يرد عليه افضل الناس اللى اتخرجت

دى اللى شافت يعنى ايه واسطه بجد


يعنى مداخلتى بس مش هقول حاجه

بس احب اعرفكم على مصطلح اسمه واسطه الواسطه


يعنى دلوقتى 5 قدموا لشغل فى مكان ما

2 منهم معاهم واسطه

اتنين دخلوا

بس واحد من الاتنين عنده واسطه الاواسطه لكن التانى عنده واسطه بس

النتيجه ان الاتنين اتعينوا بس مع الفارق

ودا الفرق بين الواسطه وبين واسطه الواسطه


بارقه امل هقلهلكم

يمكن يكون منتشر ان العاملين بقطاعات الاتصالات والبترول والكهرباء بالترتيب لازم يكونوا معاهم واسطه

طيب اليكم اللى موجود حاليا

زمايلى فى البترول وسطتهم ربنا اه والله العظيم كل اللى فيها ان معاهم تقدير وردوا فى الانتر فيو كويس

وبعيدا عن كده

الكهرباء

منكرش ان معظمهم بوسايط بس فى المقابل فى ناس اعرفهم داخلين بتقديرهم وانهم عدوا الامتحان


يعنى البلد مش كلها واسطه

ف كلمه هقلهالكم للزمن وحطوها حلق فى ودانكم علشان تعرفوا الواقع



اى شركه فى العالم تعمل اعلان او تعرفوا انها عايزه 2

يبقى واحد منهم بواسطه والتانى حتى ولو كان ايه لازم يكون معدى بمجهوده


ولو عايزين 4 يبقى 2 و 2

وهكذا

وعلى فكره الواسطه تنفع فى الدخول لكن بعد الدخول ان لم يكن معك واسطه الواسطه يبقى بمجهودك فقط

الواسطه
انا فى رأيى انها لفظ مرادف للفساد
اما بالنسبه لرد اخى ويب كراكر بقوله انه موافق على الواسطه اذا كانت تخدم احد الافراد بدون المساس بأخر احب اقول
انه ياصديقى لو انعدمت المنافسه مابين المتقدمين ضاع مبدا الواسطه اساسا
ازاى انا عايز واسطه فى وظيفه مافيش حد متقدملها غيرى
واذا كان فى غيرى يبقى كده انا ظلمت الناس التانيه وبكده تعديت على حقوق الاخريين
بس بعدنا عن الدين وعن المنهج هو الى دخلنا فى الظلمات دى بعد كده ندور على حل لمشاكلنا
بفتاوى جديده تبيح المحظور لاننا مضطرين له
واحنا الى حطينا نفسنا من الاول فى المأزق ده
والحلال بين والحرام بين وبينهما امور متشابهات
فاجتنبوا الشبهات