كارثة الازهر الغاء المذاهب الفقهيه والاكتفاء بالميسر

كارثة في الأزهرإلغاء المذاهب الفقهية والاكتفاء بالميسرقرر المجلس الأعلى للأزهر الشريف في القاهرة، بالإجماع إلغاء الفقه المذهبي في المرحلة الإعدادية والثانوية الأزهرية، ابتداء من العام الدراسي الحالي، والاكتفاء بتدريس الفقه الميسر لمؤلفه شيخ الأزهر الدكتور محمد سيد طنطاوي، بديلا لما كان يدرس لمذاهب الفقه المعروفة للأئمة الأربعة للإمام أبو حنيفة ومالك والشافعي وابن حنبل .وكان المجلس الأعلى للأزهر اتخذ قرارا في اجتماعه الأخير 2-9-2007 بإلغاء تدريس الفقه المذهبي في المرحلة الثانوية من التعليم الأزهري، لينضم إلى قرار سابق اتخذ قبل عدة سنوات بإلغائه في المرحلة الإعدادية .محيط – سميرة سليمانوقرر المجلس الاكتفاء بتدريس كتاب "الوسيط في الفقه الميسر على المذاهب الأربعة" الذي ألّفه طنطاوى اعتبارا من العام الدراسي الحالي. كما وافق على تعديل خطة الدراسة لمادة اللغة العربية لصفوف "الرابع والخامس والسادس الابتدائي، لتصبح 9 حصص أسبوعيا بدلا من 10، على أن تضاف هذه الحصة إلى مادة الرياضيات بالمعاهد النموذجية لتصبح خمسا أسبوعيا بدلا من 4 حصص .وتجدر الإشارة إلي أن كتاب شيخ الأزهر قد تم إلحاقه بالمناهج التعليمية بالثانوية الأزهرية السنة الماضية ولكن كان للقراءة والإطلاع فقط مما جعل الكثيرون يتوقعون إقرار تدريسه بدلاً من المذاهب الأربعة وهذا ما حدث بالفعل. ردود فعل غاضبةفي تعليقه علي القرار وصف الدكتور أحمد طه ريان أستاذ الفقه المقارن بجامعة الأزهر هذا القرار أنه " مأساة أطلت علي المسلمين" .ونقلت عنه ''العربية.نت'' قوله ان إلغاء تدريس الفقه المذهبي المأخوذ من التراث أمر خطير، لأنه يؤدي إلى الجهل بأحكام العبادات والمعاملات والأقضية والمواريث، وكل ما يتعلق بالأحكام الشرعية في المستقبل، لكل المسلمين في مصر ولغيرهم من شعوب العالم الإسلامي. وأضاف أن المرحلة الثانوية يدرس بها الطلاب الوافدون الذين يتلقون الفقه المذهبي، والذي يقوم على دراسة الفقه الإسلامي، على المذاهب الأربعة الشهيرة. وحينما تلغى دراسة هذه المذاهب بشكل تفصيلي فسيلغى تراث الأزهر ويعود الطالب الوافد إلى بلده خاوي الوفاض.وأوضح ريان أنه حصل منذ 4 سنوات على وعد من شيخ الأزهر بعد إلغاء الفقه المذهبي التراثي من المرحلة الثانوية

---

;hvem hgh.iv hgyhx hgl`hif hgtridi ,hgh;jthx fhgldsv

ربما رأى الازهر ان يزيل موضوع المذاهب الاربعه والاختلاف فيما بينها فى بعض القضايا



ومن ثم توحيد كل الدراسات على مذهب معتدل وهوا الكتاب اللى المفروض عمله شيخ الازهر
ممكن يكون الازهر فكر ان تدريس ال 4 مذاهب يخرج البعض شافعيه والاخر مالكى الخ
وهذا يحدث اختلاف فى بعض النقاشات بين شيخين من شيوخ الازهر لاختلاف مذهبهم

راى اخر ان المذاهب الفقهيه الاربعه بشكلها التى كتبت فيه لا تتناسب مع متغيرات عصرنا ومن ثم جاء كتاب شيخ الازهر ليجمع بينها مع اضافه اشياء تتناسب مع متغيرات حياتنا

اظن ان دول ممكن تكون وججهات النظر المؤيده
مخى مفكرش فى رد تانى من اللى مؤيدين يقولوه
المهم لو حد مؤيد معانا فى المنتدى يرد برضه ويقول وجهه نظره

ياله بقه عايزين المناقشه تكبر

ربما رأى الازهر ان يزيل موضوع المذاهب الاربعه والاختلاف فيما بينها فى بعض القضايا



ومن ثم توحيد كل الدراسات على مذهب معتدل وهوا الكتاب اللى المفروض عمله شيخ الازهر
ممكن يكون الازهر فكر ان تدريس ال 4 مذاهب يخرج البعض شافعيه والاخر مالكى الخ
وهذا يحدث اختلاف فى بعض النقاشات بين شيخين من شيوخ الازهر لاختلاف مذهبهم

راى اخر ان المذاهب الفقهيه الاربعه بشكلها التى كتبت فيه لا تتناسب مع متغيرات عصرنا ومن ثم جاء كتاب شيخ الازهر ليجمع بينها مع اضافه اشياء تتناسب مع متغيرات حياتنا

اظن ان دول ممكن تكون وججهات النظر المؤيده
مخى مفكرش فى رد تانى من اللى مؤيدين يقولوه
المهم لو حد مؤيد معانا فى المنتدى يرد برضه ويقول وجهه نظره

ياله بقه عايزين المناقشه تكبر

وجه نظر يجب احترامها
انا شخصيا مش ضد كتاب الطنطاوى يتم تدريسه

انا ضد الغاء 4 مذاهب لاكبر الائمة

يا ماندوز 4 مذاهب كانو بمثابة النور اللى بيمشى عليه الناس

بص يا ماندوز احنا لغاية دلوقتى بنعتمد على تلك المذاهب وبيتم الرجوع اليهم
اذن 4 مذاهب لغاية دلوقتى بنستخدمهم يعنى مينفعش يتلغوا

عارف امتى يتلغوا لو خلاص اصبحوا ليس لهم فائدة

انا عارفه ان هذه الكتب بالفعل تحتوي على بعض المسائل التي لا توجد في عصرنا، والتي ربما كانت محلاًّ للمناقشة في عصر من قاموا بتأليفها، وهذه حلُّها ليس إلغاء كتاب كامل من أجل عشر أو عشرين مسألة، وإنما حلُّها هو تهذيب هذه الكتب عن طريق لجان أزهرية متخصصة، وهذا أمرٌ سهلٌ وشائعٌ وموجودٌ في الكثير من الكتب. هناك بعض القضايا المعاصرة كالبنوك والبورصة والـ(DNA) كمثال لم تناقشها هذه الكتب، فهذه حلُّها في نظري هو إضافة بحوث معاصرة تعدُّها لجان متخصصة أيضًا وليس شخصًا واحدًا لتتناول هذه القضايا وتناقشها مناقشة مبسطة.


واعتقد ان لولا 4 مذاهب ماكان ظهر كتاب الطنطاوى

انا سمعت ان الكتاب ده لا ياتى شيئا بجانب كتاب واحد من كتب الائمة الاربعة



يلا يا جماعة فى انتظار باقى الاراء سواء مؤيدة او معارضة

اولا احب شكرك اختى فجر على طرحك للموضوع الذى يستحق للنقاش
انا زى مانتو عارفين فى الثانوية الازهرية طبعا شيخ الازهر نزل الكتاب الجديد دا اللى هو الوسيط بعد ماالغى فقه المذاهب الاربعه الاحكام بقت ميسرة على المجتمع كاملا المهم انا شوفت الكتاب مع المدرسه بتاعتى زى التفسير بالظبط معدش فيه اراء ولا اى حاجة من دى يعنى يدوب تعريفات ومصطلحات فقط يعنى الجيل اللى بعد كدا مش عارفه هيبقى ايه بس احنامش فرحانين لكدا بالعكس هو المنهج سهل وكل حاجة بس ليه احكام الانسان محتاج ليها الايام دى بس المهم الكتاب طبعا بيتكلم الوقتى الشيخ نظمه مع مايتماشى مع المجتمع الاسلامى الايام دى معدش فيه الاحكام الشرعيه اللى كانت سائده من ايام الرسول كل واحد بقى بيفتى وخلاص ودا غلط كبير جدا
وانا عن نفسى مش مؤيدة للكتاب دا خالص ولحد الان محدش مؤيد لقرار شيخ الازهر

اضافه جديده لسه عارفها النهارده من مهندس زميلى وهوا ازهرى


بيقلى الطالب الازهرى فى سنه اولى اعدادى عليه انه يتختار المذهب الفقهى من ضمن ال4


المهم بيقلى ايه بقى

ان المذاهب دى على حسب منطقتك

يعنى تلاقى الدلتا شافعيه

والصعيد حنيفيه

والخ

يعنى كل منطقه فى مصر الطلبه بتخش على مذهب فقهى مش لاختيارهم ولكن لان السائد ذلك

فزميلى وضحلى ان تلك المذاهب المختلفه كانت تسبب مشاكل فى القضايا المختلف فيها بين الائمه الكبار

فكان كتاب شيخ الازهر الذى جمع الاجزاء المتفق عليها (اساسيات الاسلام) واصبحت هيا دى اللى تتدرس للكل

فلا يحدث خلاف بين الازهريين


ممكن عيبها زى مقالت نانيس ان الواحد مش هيشوف مثلا كل الاحكام الفقهيه اللى كانت موجوده فى المذاهب

بس فى المقابل فى وجهه النظر اللى انا شرحتها فى الاول

فى انتظار استمرار النقاش فى هذا الموضوع المهم

الحقيقة يا ماندوز انا اول مرة اعرف الموضوع ده

دى معلومة جديدة وغريبة

انت اكيد متأكد منها؟؟؟؟؟؟؟؟؟؟

لو ان المعلومة دى صحيحية انا وجهه نظرى فى الموضوع احتمال تتغير لا هفكر فى الموضوع تانى بالاضافة للمعلومة المهمة دى

شكرا لطرحك الموضوع يا فجر
يا جماعة انا ازهرية وبندرس الكلام دة فى المعهد
فى الاعدادى ندرس كتاب الفقة الميسر ويكون فيه اراء المذاهب الاربعة وفى الثانوى كان الاول بيدرس كل واحد المذهب الى يختاره ودلوقتى زى ما قولتو ا حطوا كتاب الوسيط الامر سلاح ذو حدين الاول ان احنا كطلاب ازهر بندرس 23 مادة فى الثانوية فتبسيط اى مادة افضل لنا من جهة الدراسة وخصوصا ان امتحنات الثناوية الازهرية تكون متتابعة يوم تلو الاخر
والثانى ان التبسيط قد يفقد الكثير من المادة العلمية الى من المفترض دخلين ازهر علشان ندرسها
ويا جماعة الموضوع مش بسيط اوى بس المعظم بيفرح بالتبسيط
وعند مقارنة الجيل السابق الذى حضر الكتب قبل التغير والجيل الى بعد التغير من حيث المعرفة براى الائمة والاحكام الشرعيةسيرح الى قبل التغيير

انتى يا هاجر شايفة انها كارثة
انا بالرغم انى مش ازهرية شايفة انها مش بسيطة

شكرا ليكى يافجر على الموضوع المهم
انا للاسف معرفشى اى حاجة عن كتب الازهر بس بنات خالى فى الازهر وبيصعبوا عليا قوى لان المناهج كتيرة وحاجة حلوة انهم يبسطوها .
لما يبقا المنهج بسيط ومفهوم احسن مايبقا كتير وفية اختلاف
هما ممكن يبسطوة فى مراحل التعليم الاولى وبعد كدا يدرسوة كلة فى الجامعات
لان المفروض طلاب الازهر يعرفوا المذاهب دى كلها لان كدا مين هيعرفها
والشباب الى بيتخرجوا من الازهر بيبقا من خطاب فى الجوامع لازم يبقوا عارفين كل حاجة.
وكمان فى حاجة اختلاف المذاهب بيبقا لمصلحة الناس بس طبعا بدون التحيز لمذهب معين
انا رأيى انهم يبسطوة فى الاول وبعد كدا يدرسوة فى الجامعات لان مينفعشى يتم الغائهم