زوجة ظريفة جدا جدا جدا

حوار لطيف بين زوج مع زوجته

هو:

حبيبتي أنا حأطلب بيتزا ، عايزة حاجة ؟



هي:

لا يا حبيبي



هو :

اوكي



هي:

ولا اقولك ..؟



هو:

ها ، أطلب لك كمان ؟



هي:

مش عارفة



هو :

مش عارفة اذا كنتي عايزة ؟



هي:

لا



هو:

انتي جعانة ؟



هي:

يعني



هو :

يعني إيه يعني...؟



هي:

يعني مش متأكدة اذا كنت جعانة ولا لأ.



هو:

الواحد لما بيكون جعان بيعرف



هي :

لأ بس يمكن اجوع بعدين



هو:

يعني اطلب لك بيتزا؟



هي:

طيب واذا ما كنتش جعانة وقتها..؟



هو :

ما تاكليش



هي :

بس ده كدة يبقى تبذير



هو:

خلاص ، تبقي تاكليها بكرة



هي:

و اذا ما كانش لي نفس آكل بيتزا بكرة؟



هو :

مش محتاجة نفس ، الواحد عادي ممكن ياكل بيتزا كل يوم



هي:

انا لا .. أنا مش باكل بيتزا الا لما يكون عندي نفس للبيتزا



هو:

طيب بلاش ، أطلب لك حاجة تانية؟



هي:

بس أنا مش عايزة حاجة تانية



هو:

يعني عايزة بيتزا؟



هي :

لا



هو:

يعني مش عايزة حاجة؟



هي:

لأ برضه



هو :

جننتيني ، طب أعمل إيه؟



هي:

اطلب انت لنفسك



هو:

الحمد لله ، اخيرا .. ماشي ..



هي :

بس اطلب بيتزا بالتونة



هو:

نعم ؟ انا مش بحب البيتزا التونة



هي:

بس انا بحبها



هو:

وانتي مالك ؟ هو انا حاطلب ليا ولا ليكي



هي:

ليك طبعا



هو:

طيب أطلبها ليه بأة بالتونة...؟



هي:

يمكن اجوع لما يوصل الاكل



هو :

وبعدين؟



هي:

يا سلام ، يعني تفتكر آكل حاجة مش عاجباني؟



هو:

ليه هو انتي – أصلاً - عايزة تاكلي؟



هي :

ليه لأ ؟



هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟



هي:

بالضبط



هو:

وأنا بلاش آكل؟



هي:
يمكن وقتها أكون مش جعانة فتاكلها انت

---

.,[m /vdtm []h

هههههههههههههههههه
دى حاجة تزهق
بلاش بيتزا من اساسه يقضوها فول وفلافل

ههههههههههه
انا قولت كده برده
الف الف شكر فجر على مرورك

هههههههههههههههههههههههههههههه

دة الصراحة خنيقة جدا

انا لو منة مكنتش عبرتها

انا لو مكانه كنت اكلت في الخباثه ومجبتلهاش سيره
هههههههههههههههههه ربنا يحفظنا وما يرزقناش بواحده زيها بدل ما الواحد يرتكب جريمه
هههههههههههههههههه

ايه الظرافة دى

احسن حاجه ينامو من غير ما يكلو

زوجه ظريفه جداااااااا

هههههههههههههههههههههههههه
لا دى مملة اوووووووووووووووى

يااااااااااااااااااااااااااااه على الرخامة هو فى حد كده اصلا فى الدنيا

هههههههههههههههههههههههههه
زوجه تشلّ
كان الله فى عونه مش عارفه مستحملها ازاى
هههههههههههههههههه
حلوه
اصلا المفروض مكنش يعبرها
و لما تطلب انها تاكل تنضرب
عشان تحرم تزهق فى الى حواليها
هههههههههههههههههههه
لا متنضربش
لا تنضرب حكايه الحلوه
هههههههههههههههههههههههههههههههه عملت زيها(بهزر)
شكرا على الحلوه
Sandy

ههههههههههههههه
الله يكون فى عون الراجل دا
هههههههههههههههههههههه
مستحملها ازاى دى ايه البرود دا