يوم ميلاد سعيد يافجر الأسلام

بسم الله الرحمن الرحيم
السلام عليكم ورحمة الله وبركاته
Happy Birth Day
كل سنة سنة سنة وأنت طيب ياغالى

كل سنة وأنتِ طيبة يافجر
ويوم ميلاد سعيد عليكِ يارب

وادعو الله لكِ بأن تكونى بأحسن حال كل سنة والسنة اللى جاية كدة إن شاء الله

تحققى كل أحلامك وطموحاتك

وكل سنة وأنتِ طيبة ياقمرى
مع أننا فى رمضان بس انا عايزة التورتة بتعتى

ممكن تبعتيها لى بعد التراويح أنا مستنية
وهديتك هتوصلك على البيت

وأى خدمة احنا يعنى عندنا كام فجر هما كدة حوالى مليون ونصف يعنى
هيصى هيصى ذكرى ميلادك جاية فى أيام مفترجة اهى وهتقعد كدة إن شاء الله كام سنة ورا بعض تيجى فى رمضان بردوه
:untitled3:
من بنت عمك
tota

---

d,l ldgh] sud] dht[v hgHsghl

شكرا شكرا توتا يا حبيبتى على كلامك الحلو ده وانا بعتبر نفسى محظوظة اللى عيد ميلادى السنة دى ولاول مرة يجى فى رمضان
توتا انا فى انتظار الهدية ياترى يا بنت عمى جايبالى ايه؟؟؟؟؟؟؟؟؟ طرطة فى رمضان يا توتا بلاش طمع هى سنية كنافة فى رمضان تعالى انتى بس بعد صلاة التراويح وهتلاقى الكنافة مستنياكى بس اوعى تنسى تجيبى معاكى 16 شمعة متجبيش اكتر من 16 شمعة لو جبتى اكتر مش هتكلى من الكنافة لكن لو جبتى اقل من 16 شمعة هسيبلك سنية الكنافة بحالها هيصى هيصى

ايه ده

هوه المنتدى بقه محطه اتوبيس اخت تقول هبعتلك صينيه كنافه والتانيه ترد بتورته انتوا كده بيتهزاو من اعضاء المنتدى

يعنى لو بعتوا حته تورته لكل عضو فى المنتدى محدش هيتكلم وطبعا انا لوحدى تورتى الخاصه ونخلى لتيفا وويب هاكر نصف تورته وهيروشيما ومافياووى ربع تورته واخونا الطيب حته كريزه والباقى بقه انتم وكرمكم وهما حتى قليلين يعنى على حسب اخر رقم كانوا 153 يعنى متخفوش 5 تورتيات هيكفوا فخليكوا كرماء وبلاش تبعتوا لبعض احنا نعمل سرداق وانتوا تقفوا فى اوله ومعاكم التورت واعضاء المنتدى يعدو عليكم كل واحد ياخد تورته ويروح


اظن ان ده عدل


وكل سنه وانتى طيبه اخت فجر

ومبروك ان عيدميلادك جه فى رمضان

كده ماشى عنيا لكم انا جبت التورت كلها بس اللى عاوز ياكل تورته يجيب الهدية
اه سلم واستلم يعنى تسلم هديتك تستلم منى حتة التورتة وكل واحد حسب هديته مش معقوله اكون انا بس كريمة والباقى لا على الاقل اعوض ثمن التورتة ده انا هستلف ثمنهم اصل احنا اخر الشهر وبعدين الطيب احسن اخويا مش بيحب الكريز مش مهم اخليه ياكل مع توتا صنية الكنافةخدوا اشربوا حاجة ساقعة لغاية اما التورت توصل اصل طلباهم دليفرى

بس كده حاضر وادى الهديه






لاه مش الصوره اللى هديه اهيه

https://www.synow.com/cards/create.php?card_id=540




وانا مستنى التورته بس ياريت تيجيبيها قبل السحور

وبالنسبه لاخويا الطيب فاقله حد يا راجل يبقى فى هندسه وما يحبش الكريز تصدق عيب عليك اوى

شكرا شكرا على البطاقة بس اشرب الحاجة الساقعة الاول لغاية اما الطرطة تبرد ولغاية اما الطيب احسن يهندس في الشكل الهندسى لها وطبعا ده كله باستثناء الكريز
اشرب اشرب

نسيت اقول انى ما بحبش الحاجه الساقعه لو فى عصير مش هقول لاه

بلاش طمع انا قلتلك انااستلفت ثمن الطرطة ع العموم بلاش حاجة ساقعة وبعدين انت مقلتش عاوز عصير ايه ؟؟؟؟؟؟؟؟
على الموم بلاش تشرب خد شوكولاتة احسن

استنى استنى مش عيب تاكل الطرطة كده

مش قادر تستنى يارب الكريز يجى من حظك يا بشمهندس

يا اعضاء منتدى تيفا ماندوززز اكل الطرطة كلها خذوا بثأركم منه

خياناااااااااااه

مين اللى تنكر بشكلى وكل التورته

طب خلاص علشان احنا فى رمضان انا هعفو عن اللى انتحل شخصيتى وكل التورته وباهنا والشفا

دلوقتى بقه انا عايز حقى يعنى عايز التورته بتاعتى وهعمل مظاهره انا واعضاء المنتدى ونقلب اسكندريه لغايه ما ناخد التورته لان حق شرعى لابناء هذا المنتدى يكفله القانون والدستور فالماده 155621 تنص على ان على المشرفين او الادمن التى والذى يحين عيد ميلادهم ان يقدموا تورته لكل عضو من اعضاء المنتدى وان لم ينفذ الدستور سيتم اعتقاله وفقا للبند السابع لقانون العقوبات من ميثاق الامم المتحده واحتمال امريكا تعلن عليه الحرب كمان

والسلام عليكم ورحمه الله



ها هتيجبوا التورته بالزوق ولا ارفعها بقه لامم المتحده

ايه ده يا ماندوززز انت سبت الهندسة وخلاص بقيت محامى الف الف مبروك
ان شاء الله اول قضية هترفعها انا هجبهالك وهرفعها على اعضاء المنتدى لان مفيش حد قالى كل سنة وانتى طيبة باستثناء الناس اللى قالوا طبعا بس للاسف الباقى اللى هم اكتر من 150 عضو لم يقولوا
وتانى قضية هترفعها انا برضه هجبهالك وهتكون على الامم المتحدة اللى نزلت القانون الغريب ده
وتالت قضية هترفعها انا برضه هجيبهالك وهتكون عليك لانك اللى نشرت قانون الامم المتحدة ده وكده هتخلى اعضاء المنتدى هيطمعوا
بس ياريت تعملى اوكازيون على اتعابك

وياريت محدش يروح يقلب على عروس البحر (الاسكندرية

طب والله كويس انا رايح اقطع كرنيه النقابه اللى لسه عمله وبقكره هروح نقابه المحامين اخد الكرنيه بتاعهم واشتغل محامى ومتخفيش انا اتعابى رخيصه خالص وانا حددتها لانى قارنتها باللى كنت هخده لو كنت مهندس

يعنى لو فضلت مهندس هشتغل فى شركه بترول وهاخد 3 الالاف جنيه فى الشهر يعنى فى السنه هاخد 36 الف جنيه

لو حولت نشاطى غير محامى مش هيبقى عندى غير ال3 قضايا بتوعك خلال السنه دى

فانا هعملم ديسكونت واخليهم 30 الف جنيه ايه رايك فيه ارخص من كده

اما موضوع القلبان على اسكندريه فمتفكرنيش بيها لانى لسه رايحه الشهر اللى فات وانا مكنتش رحتها من 10 سنين اوم انا لما اروح اجى اركب ميكروباص الاقى الطريق واقف الا قيه الريس بيعدى والكلام ده حصل لكل الشوارع اللى فى اسكندريه وبقيت بشوف حاجات غريبه العربيات بتعملها تعالى شوفى عندنا فى القاهره يعنى البيت بتاع الريس فيه وكل يوم بيخرج من بيته علشان يروح الشغل ومعندناش لا طرق بتتقفل ولا الناس مخنوقه من الزحمه فكفايه عليكم اللى انتم فيه

كمان منتوا اتعمل عندكم مظاهره (مشكله) كان هيتشال فيها وزير الداخليه(اظنك عرفتى اى مشكله) يعنى عندكم المظاهرات والمشاكل كل يوم الناس بتشربها كل يوم الصبح فانا ناوى اعملها انا واعضاء المنتدى ولما يمسكونا فى امن الدوله هنقلهم سبب المظاهره التورته اللى الاخت فجر مش راضيه تديهالنا ومستنيا رد من الاعضاء

مشرفين اخر زمن

لا ده ايه الكرم ده 30 الف بس وكمان ديسكونت ده انت طيب اوى نصيحة خليك فى الهندسة احسن
وبلاش موضوع مشكلة الاسكندرية ده بلاش تفكرنى بالايام دى ده كان الواحد بيشوف حاجات ده انا كنت بمشى فى الشارع مرعوبة احسن حد يحدفنى بطوبة ولا يضربنى سيبك من الايام دى
استنوا استنوا
الترتة وصلت
مستعدين




1





2







3






على فكرة الترتة دى انا استلفتها من عيد ميلاد الطيب احسن
مستعدين




1











2









3








يلا كل واحد من اعضاء المنتدى يحضر 100 جنيه بقشيش لعامل الدليفرى

اختى سرقتنى واخدت التورته بتاعتى بس يلا مش مشكله هاسيبهلها حسنه احنا فى رمضان برده
وكل سنه وانتى طيبه يافجر ياختى
وعقبال
10000000000000000000000000000000000000000000000000 00000000000000000000000000000سنه
بس اوعى السنه اللى جايه تسرقى التورته بتاعتى

ايه ده

الحمد لله التورته من غير كريز
احمدك ياااااااااارب

يا عم دى تورته معفنه وبقالها مش اقل من 4 سنين انت دلوقتى يا طيب فى 3 مدنى يعنى تقريبا عندك 20 سنه والتورته فيها تقريبا 16 شمعه يعنى دى تورته عيد ميلادك من 4 سنين يعنى تلاقيها باظت وشكلهم داهننها علشان المنظر الخارجى بس لكن من جوه

بلاش طمع انت تطول تاكل من التورته دى ياعم بدل الكلام ده طلع 5 الاف من التلاتين الف بتوع الاتعاب اياها
وهات تورته محترمه ياعم على الاقل لاانا مهندس مدنى يعنى كباير يعنى ابراج يعنى طرق يعنر مطارات يعنى عمار يامصر
وانت بترول يعنى ياتشتغل فى الصحراء يا فى السعوديه وهيبقى معاك فلوووووووووووووووس

انا مبارش انا بحسد بس
هههههههههههههههههههههههههههههههههههههههههههههههههه هههههههه

معلش خطأ مطبعى هو انا علشان قلتلك انى هشتغل فى شركه بترول يبقى انا مهندس بترول لالالالالالالالالالالالالالالالالالالالا لا يابابا
لاه انا مهندس باور يعنى محطات كهربا يعنى مصانع يعنى شركات بترول

فى دكتور عندنا قلنا حكمه من غير كهربا وميكانيكا البلد هتبقى شيكابيكا

كمان احنا فى شغلنا حلال فى حلال مينفعش نسرق مش زى مهندسين تانيين يوقعوا عمارات ويغشوا فى الاساس


وبيكنزوا على قلبهم قد كده ده حتى اللى ماشى شريف بياخد فى العماره الواحده شئ وشويات

انا ما بقرش انا بحسد بس

السلام عليكم ورحمة الله وبركاته

متأسف جدا يا فجر انى رديت متأخر جدا

بس دا مش يعنى ان مفيش تورته

اولا الف الف مبروك وعقبال ميت سنه

ثانيا انا عاوز التورته

ومبحبش الحاجه الساقعه اللى انتى عماله تصبرينا بها دى ولا عصير ولا اى حاجه

انا عاوز التورته على طول ابعتيها يلا وملكيش انتى دعوه
طبعا هتتأكل فى السكه

الا اذا ...............


الا اذا انك انتى اللى عملتيها فى الحاله دى التورته محدش مقرب لها
دا شئ اكييييييييييد


والف مبرووووووووووووووووك يا فجر منتظر التورته اللى مش واصله
او التورته اللى هتوصل ومش ............ علشان


والف مبروك يا فجر مره تانيه وعقبال 100 سنه
ايه البخل دا يا عم 100 بس ...طب خلاص نخليها 10000 وقدمها 1000 صفر كمان

وعلى فكره انا بقبل كل حاجه فى التورته هاتى التورته بمحتويتها وملكيش دعوه

كل سنة وانتى طيبة يا فجر