( عظمة محمد ( صلى الله عليه وسلم )

شئ مش جديد إنهم يتحكموا فينا
أو ينهبوا خيرنا أو يحتلوا أراضينا
لكن هجوم الرعاع على خير خلق الله
! مأساة تهون بعدها كافة مآسينا
****
لو ندل دانماركى أوحى له غروره فى يوم
يرسم كاريكاتير مسئ للمصطفى المعصوم
فمن واجبنا نرد على الهجوم بهجوم
! يرضى ضميرنا ويشفى اللى انجرح فينا
****
لا نقول سياسة ولا بروتوكول ولا اعتذارات
ولا مفاوضات ولا تَبَاحُث فى مـؤتمـرات
لكن نواجه عدو الله بكل ثبات
! وربنا وقت شدتنا يقوِّينا
****
تبت يدا كل من مسك القلم ورسم
صور بذيئة مسيئة للرسول وحسم
موقف عداء الصليبيين لنا ، وأكم
! أساءوا للمصطفى فى حاضرنا وماضينا
****
لكن برغم الهجوم المر شايفه مفيد
مش جايز الأمة من بعد التراخى تعيد
أمجادها وتقرب اللى كان عليها بعيد
! مش جايز الكلب لما نبح يصحينا ؟
****
ولأن إسلامنا دين العدل والإنصاف
الحق بنقوله مهما يدب بينا خلاف
وصوتنا عالى لا بنطاطى ولا بنخاف
! إلا من العاطى خالقنا وبارينا
****
برنارد شو) قال و(مايكل هارت) أكِّدْهَا)
الإنسانية مُحَمّد هو سَيِّدها
واللى قالوه كان شهادة حق بنعيدها
! شهادة من أهلهم مش من أهالينا
****
عَظَمة محمد حقيقة ماتحتملش جدال
شهد بها فى علاه الواحد المتعال
ومهما قالوا عليه السفلة والأندال
! صورته هتزداد جلال فى قلوبنا وعنينا
****
عظمة محمد جليَّة زى شمس الكون
باقية بفضل اللى خلقه بسر كن فيكون
وكافر اللى يشكِّك فيها أو مجنون
! برغم تشكيك أو استهزاء أعادينا
****
سبحانه رب العباد زكاه فى قرآنه
ورفع مابين الرسل والأنبياء شانه
ومن وساوس أباليس الوجود صانه
وأرسله بهديه يرشدنا ويهدينا
****
سبحانه من أرسله للعالمين كافة
وجعله رمز العطاء والصدق والعفة
بلَّغ رسالته بأمانة وبالعهود وفََّّى
وبكل حب ارتضى الإسلام لنا دينا

---

( u/lm lpl] wgn hggi ugdi ,sgl )

جميل جدا صديقى
رائع بصراحه
تقبل شكرى ومرورى

شكرا انسان لمرورك

جميل يا محمد بس ليا ملحوظة زى مانت عارف رخامتى بقى
احنا مش مستنيين شهادة برنارد شو ومايكل هارت علشان نعرف ان سيدنا محمد هو سيد البشرية
وعلى فكرة والله حتى شهادتهم فيها ظلم لسيدنا محمد صلى الله عليه وسلم
لانهم قارنوه ببشر عاديين وكفرة كمان مش مسلمين