رنااات ... لوجوهاااات ... مقاااالب ............ احمدك يا رب

اعلان فى التليفزيون :بنت بتتلوى زى التعابين وكان عندها مغص معوى والتهاب فى القناة الهضمية وقناة السويس وهى تقول فى سعادة ليس لها مبرر
" عايز احدث الرنات .. عايز احلى اللوجهات .. ماتتردتش .. اتصل بينا على رقم ..... واحنا هانحقق حلم حياتك والامنية اللى فضلت تستناها طول عمرك ... احدث النغمات .... ان ان ان ان .. تشششششششش "

* * * * * * * * * *

اعلان تانى برضه فى التليفزيون :
واحد فرحان اوى بصوته اللى مايتسمعش اساسا وعمال ينادى ويقول
" دلوقتى .. ولاول مرة فى مصر والشرق الاوسط وبين السرايات .. خلى تليفونك يرن باسمك ...اتصل بينا على رقم ...... و خلى تليفونك ينده عليك ... ان ان ان ان .. تشششششش "
ثم وصلة من الاغانى المستفزة واللى بيتم حشر اى اسم فيها وخلاص على سبيل المثال وليس الحصر
" تليفونك يا عبد الصمد .. بينادى عليك يا عبد الصمد .. تن تن تن تن "
" اين انتى يا حلاوتهم .. وحشانا خالص يا حلاوتهم .. تيراراراااااااا "

* * * * * * * * * *

مهما كنت جد فى استخدام تليفونك المحمول ما بين المكالمات وكده .. الا انك اكيد فى مرة على الاقل ضعفت قدام سيل الاعلانات الرهيب واللى دايما بتحسسك ان النغمة بتاعتك لو ماكنتش احدث نغمة نزلت السوق العربية المشتركة .. وان لو موبايلك مش بكاميرا وفيه خدمة الرسائل الصوتية والمرئية واللولبية والحلزونية يبقى انت اكيد انسان رجعى .. وياى عليك .. والمفروض انك تربى شعرك لحد ركبك وتمسك بعضمة قرد وتروح تدور على شيتا عشان تبقى طرزان رسمى ..
ويمكن لو فعلا لو ضعفت مرة ولا اتنين ولا عشرة حتى وبدأت تحط كام نغمة روشة وكده الا انك مافيش كام يوم وتبدأ تحس بالهيافة اللى انت بتعملها وانك بقيت عامل زى الشباب الفانكى وترجع لطبيعتك تانى ..
بس للاسف انت هاتبطل .. بس غيرك لأ من الشباب اللى الرنات واللوجهات والموبايلات بقت حياته كلها ويقوم وينام والموبايل فى حضنه بينقى اروش نغمة واللى هاتخلى كل الروشين يحسدوه عليها ..
وده لان الموبايلات والرنات بقيت تجارة كبيرة .. بيزنس كامل بيحط فيه رجال الاعمال مبالغ هائلة من اعلانات ودعاية وكام مزة من هنا ومن هنا وهما عارفين ان المبالغ دى هاترجعلهم اضعاف اضعاف اللى دفعوه..
وأكبر دليل على ذلك الدراسة التي نشرها المركز القومي لتنظيم الاتصالات والتي كشفت عن أن المصريين ينفقون على المحمول 3 مليارات جنيه سنويا منها 186 مليون جنيه سنويا برضه على الرنات واللوجوهات والنغمات وصوت "اللمبي" وهو بيطالب "أنور" بالعشرة جنيه اللي عليه!

وبجد ده شئ مفزع
عارفين يعنى ايه 186 مليون .. يعنى مدارس ومستشفيات وتنمية حقيقية لو الفلوس دى اتوجهت فى الاتجاه الصحيح مش الاتجاه المعاكس ..

وعلى رأى المثل :
اللى معاه مال محيره يجيب حمام ويطيره
بس للاسف المصريين اساسا مش معاهم فلوس وبيدفعوا كل ده ... امال دول الخليج بيدفعوا كااااام ؟!!!!!!!!

تفتكر السبب في ده إيه؟
وازاي نقدر نقاوم السفه -أيوه اسمه سفه- ده؟
يا ترى هاترد علينا ؟ ولا هاتقضيها ميسدات ؟ !!

---

vkhhhj >>> g,[,ihhhhj lrhhhhgf >>>>>>>>>>>> hpl]; dh vf

عارف يا محمد انت كده هتخلينى اتكلم فى موضوع تانى
وهو موضوع الجهل والتخبط اللى احنا فيه ده والهيافة اللى وصلنالها
بصراحة فى احيان كتير بحس ان فى جهات معينة قاصدة تبعتلنا الحاجات دى
عايزين يشغلوا دماغنا عن حاجات تانية مهمة اقتصاد وسياسة ودين ..... الخ
ده غير ضعف الشباب العربي وسطحيته وده الاساس اللى ادالهم الفرصة لكده

فى احد الايام


داخل احد الشهور


فى سنه من السنين


عرفت عن طريق احد دكاتره جامعتنا ان ارقام 0900 وما الى ذلك هيا ملك لحكومه

يعنى الحكومه مزيطه الشعب على الاخر رات ولووهات وما الى ذلك


الفرق انها خدمه ترفيهيه يعنى مش مدعمه

يعنى تلاى ثمن المكالمه جنيه ونص وما الى ذلك


بعدين بصيت تانى للمسابقات بتاع التصويت والارقام المكونه من 5 ارقام اللى تبعت تصوت بيها

ولقيت ان مكالمتها بجنيه

ولما دورت لقيت ان صحاب السبق متقفين مع شركت الموبايلات على كده

وده انا شايفه قدامى دلوقتى لاحد زملاء العمل ف مشترك ضمن احد تلك السباقات الشعريه ولما سالته على طريقه التصويت قالى ينفع مع موبينيل وفودافون

قولتله طب واتصالات قالى لاه مهى دى وقعت من قعر القفه ومدفعتش لللشركه صاحبه الراعيه

فبالتالى مش نفع تبعت منها


فالوضع فى الاخر بيزنس

ودى سلعه ترفيهيه مش استراتيجيه

تكنلوجيا الموبايلات حاليا اصبحت ترفيهيه وحادت عن اساسها


الاساس كان الاتصال من اى مكان باى شخص

لوقتى نغمات واغانى وكاميرا وما الىذلك

طبعا فى افاده لبعض الحاجات دى ز الكاميرا وافيديو كونفرنس بس اشمل انهم بيستخدموا فى حاجات هايفه

طبعا يا محمد متسالش عن الخليج

لاننا لو عملنا دراسه هيغمن عليا من الرقم اللى ممكن يطلع واللى ممكن يزيد عن مزينيات دول من الدول الناميه مثلا


بس الحل ايه

نقاطع الموبايلات مثلا

اكيد ه

الفكره فى العقليه بتاعت الناس

فى ناس تحب المنظر واحدث عده واحدث شيكه وممكن يكون على حساب حاجه اسايه ى حياتهم

وناس تانيه قنوعه

عارفه ايه حدود الموبايل وتعيش فى سعاده

ندعى ربنا اننا نكون من النوع التانى

الوووووووووو هيه ااشبكه وحشه ولا ايه

هما فين النااااااااااس

هههههههههه

الشبكه بتقطع بيان اصل الناس مش وراه الا الوجهات والرنات الحديثه والرسايل
وابعت اسمك وتأخد رنه بأسم حضرتك ( انا بكره اعلان الود بتاع بقولك فهمي دمه سم قوووي )

علي فكره ديه ظاهره تتدل علي التخلف طب استعمل الرصيد في شئ مفيد احسن
احسن حاجه هنا في العالم انهم بيخترعوا التطورات عشان الناس تستخدمه خطأ بديع والله

بس المهم اشكرك يا محمد موضوعك جميل جدااااااااااا وقووووووووووي كمان
وعلي فكره انا عمري ما جربت وراه حاجه زي ديه مش عشان مش معايا رصيد لا سمح الله بس لاني محتاجه الرصيد لما يكون معايا في حاجه مفيده بدل القرف ده