عاوزين ننفاش قضية الطفلة هند

احنا عاوزين نناقش قضية الطفلة هند التى اعتبرت قضيتها قضية راى عام ومنتشرة فى كل البرنامج وبين كل الناس
واللى مسمعش قضية تلك الطفلة انا هحكيها باختصار
دى طفلة عنده 11 سنة اعتدى عليها ذئب بشرى وحملت طفلا رعاها اهلها وولدت طفلة سمتها منة الله يعنى الفرق بين البنت وامها 11 سنة ولدت الام الطفلة طفلة اخرى ليس لها اب وطبعا هند مستقبلها ونفسيتها ادمرت بالعلاوة على انها لا تستطيع ان تتعامل مع بنتها واهلها ناس غلى قد حالهم وطبعا جارى الان التحقيق فى القضية مع المتهم والمجنى عليها وكل شوية تطلع مفاجاة جديدة فى القضية

المهم انا مش عاوزة النقاش كقضية خاصة بهند فقط يعنى مش عاوزة حد يدخل يقول يا عينى ويشتم ويدعى فى الراجل اللى عمل كده
لاء انا عاوزة انا قشها من حيث
ايه الاسباب اللى فى مجتمعنا تدفع انسان لارتكاب جريمة مثل تلك الجريمة
ازاى نوعى ابناءنا او ولادنا بخطورة تلك الجريمة
ايه المساعدات اللى ممكن تقدم لتلك الطفلة وبنتها ومثلهم سواء كانوا فى سنها او اكبر
طيب ازاى نعالج تلك المشكلة بالوسائل المتاحة

لو حد عنده نقطة زيادة للنقاش فى ذلك الموضع ياريت يطرحها للنقاش

انا مستنية ارائكم

---

uh,.dk kktha rqdm hg'tgm ik]

اولا وقبل كل شيء بهنيكى على فكرتك عن النقاش ومفهومك الجميل لطرحه
انا فى رايي ان الضحية هنا مش هند بس ولا عيلتها بس
انا فى رايي الضحية جيل كامل من البنات اللى بيحصلهم كده بس هند مثال ليهم بس
وجيل تانى من اللقطاء اللى اغلبهم بيكون مصيره الملجا او الاصلاحية
وعائلات كتير بتدارى ومتطلبش حقوق بناتهم من خوفهم من الفضيحة
ومن نظرة المجتمع القاسية جدا على العيلة والبنت والطفل

والطرف التانى هو جيل الشباب المريض اللى مش قادر يسيطر على رغباته
وفى نفس الوقت ظروفه المادية والاجتماعية متسمحش بالجواز
وغير كل ده بعيد كل البعد عن الحصن اللى بيحصنه من الوقوع فى تلك الخطايا والجرائم الفظيعة
يعنى بعيد كل البعد عن ربنا وعن اى حاجة تحميه من الطرق الملتوية

واذا كان فى حل للمشكلة هيبقى من ناحية البنات الاول
لاننا لو اتكلمنا باستثناء هند يعنى البنات اللى بيحصلهم كده عموما
هل هم ملتزمين بالدين وبالاوامر والنواهى وبالقواعد الصحيحة للمراة المسلمة
مش فى الزى بس لكن فى معاملاتها عموما

لو كانت ملتزمة وبردو حصلها كده يبقى نروح نعالج الشباب دول
نشوف مشاكلهم ونشوف هم بعيد ليه عن ربنا وعن دينهم
ونعملهم حملات توعية من وهم مراهقين فى ثانوى

وبعد كل ده نلتزم بالقصاااااااااص من اى حد يعمل كده
بسم الله الرحمن الرحيم
"ولكم فى القصاص حياة يا اولى الالباب"
صدق الله العظيم

اولا احب اشكرك يا اميرة على رايك

انا فى رايي الضحية جيل كامل من البنات اللى بيحصلهم كده بس هند مثال ليهم بس وجيل تانى من اللقطاء اللى اغلبهم بيكون مصيره الملجا او الاصلاحية وعائلات كتير بتدارى ومتطلبش حقوق بناتهم من خوفهم من الفضيحة ومن نظرة المجتمع القاسية جدا على العيلة والبنت والطفل

طبعا انتى عندك حق فى اللى قلتيه وكمان المشكلة دى بتمثل نسبة كبيرة جدا من مجتمعنا العربى لا يمكن ان نغفل عنها
وفعلا نظرة المجتمع بتكون قاسية سواء للبنت او الطفل
انا فى رايى لازم تكون نظرة المجتمع قاسية للبنت اللى تقع فى الغلط بقصد منها او ارادتها ومش ولازم تكون تلك النظرة قاسية حتى تحسس بالبنت بغلطها مش تخليها تاخد من هذا الموضوع طريق تسلكه وان البنت لو صلح حالها لازم المجتمع يسامحها على ذنبها يا جماعة ده ربنا بيسامح انا اعرف قصة من ايام الرسول ان جاءته واحدة زنت واعترفت بذنبها وطلبت توقيع الحد عليها وكانت حامل امرها الرسول ان هى تتمهل حتى تلد وبعد ان ولدت طلب منها ان تتمهل حتى يكمل الطفل عامين لترضعه ثم ذهبت لرسول الله ووقع عليها الحد وصلى الرسول عليها فتعجب الصحابة من موقف الرسول وسالوه لماذا تصلى عليها رد الرسول عليهم وقالهم انها تابت ورجعت الى ربها
شفتوا نظرة الاسلام اد ايه فى رحمة للطفل حتى ولو كانت امه زانية

اما البنت اللى حصلها ذلك غصب عنها كالاغتصاب المجتمع لازم يقف جمبها ويراعيها لان هى ملهاش ذنب
ففى بعض الاحيان المجتمع يعاقب البنت وهى المجنى عليها ويترك الجانى حر طليق كأن المجتمع بيقوله اعمل اللى انت عاوزة محدش يقدر يقلك حاجة وكمان نفس النظرة دى تخلى البنت تاخد من هذه الجريمة طريقا لها فبدلا ان تكون مغتصبة تكون زانية يعنى من مجنى عليها الى جانى

اما نظرة المجتمع للطفل فهى نظرة قاسية سواء كان هذا الطفل من زنا او اغتصاب لان هو ملهوش ذنب ياتى هذا الطفل ومع اول صرخة له تكون تلك الصرخة هى صرخى احساس بالظلم من المجتمع وهو لسه فى المهد
ومن تلك الصرخة هيطلعلنا منها قضايا كتير زى التشرد واولاد بلا ماوى (اطفال الشوارع وانا ارفض هذا الاسم فهم ليسوا شوارع هم بلا ماوى)
والانحراف وغيره كتير

والطرف التانى هو جيل الشباب المريض اللى مش قادر يسيطر على رغباته وفى نفس الوقت ظروفه المادية والاجتماعية متسمحش بالجواز وغير كل ده بعيد كل البعد عن الحصن اللى بيحصنه من الوقوع فى تلك الخطايا والجرائم الفظيعة يعنى بعيد كل البعد عن ربنا وعن اى حاجة تحميه من الطرق الملتوية

الطرف ده هو مجنى عليه اولا وجانى ثانيا
كان مجنى عليه عندما كانت ظروفه المادية والاجتماعية متعثرة متسمحش بالجواز
كمان مجنى عليه من الالتكنولوجيا التى استعملناها غلطط كالتلفزيون وما فيه من الكلبات العارية (ملحوظة المراة هنا هى الجانى) التى تثير غرائزه وتجعل غرائزه هى المسيطرة عليه دون النظر ان هذا الفعل حرام يغضب ربنا ولا لا
والطرف الثانى يصبح جانى عندما يقب على تلك المعصية لانه هنا عند نقص فى تمسكه بدينه وتنهار عنده مبادئه
ولا يعتبر الكلام فى جزى المجنى عليه حجه لكى يكون الجانى لان فى شباب ظروفه نفس ظروفهم ولكنهم يخافون الله ويخافوا على اهلهم

وبعد كل ده نلتزم بالقصاااااااااص من اى حد يعمل كده بسم الله الرحمن الرحيم "ولكم فى القصاص حياة يا اولى الالباب" صدق الله العظيم

هو ده الحل الاساسى للمشكلة القصاص اللى وضعه ربنا

انا ردى قصير جدا
انا شايف الحل فى الزواج المبكر(مش المبكر اوى)
يعنى فى حدود 20ل21 سنه للطرفين الولد او البنت
ده هيحافظ عالاتنين الولد والبنت

والله مشكلة الشباب
بابا ومامت

العروسة

عايزين شبكة بتمن تلاف

وشقة تمليك ب 40الف

والعفش من ارووبا


يبقى الشباب يجيبوا فلوس منين عشان يتجوزوااا


بس ده مش مبرر

ان ده يحصل وانهم يعملوا كدة فى بنات الناس

اولا: عايزة اشكرك جدا يافجر علي طرحك للموضوع لانه بجد

مهم جدا وعواقبه بقي خطيره جدا في المجتمع وعايزة

اشكرك بردو علي تفكيرك واراءك انتي واميرة بجد ما شاء الله

عليكم تفكيركم يدل علي عقليه واعيه ومتفهمه لامور الحياه

ثانيا : اسمحولي اشارك معاكم برأيي يمكن يكون غلط او صح

بس دا اللي انا شايفاه قدامي.

الشباب دلوقتي معذروين جدا ومش معني كلامي دا اني ببرر

اللي بيعملوه بس احنا كمان مش لازم نشيلهم الذنب كله

لانهم بردو مظلومين في المجتمع والحياه اللي موجوده

دلوقتي بنشوف الشاب دلوقتي عنده 30,40 سنه ومش

عارف يتجوز ومش عنده الامكانيات اللي يعرف يبتدي حياته

بيها غير كدا كمان الانفتاح الخطير علي الغرب اللي احنا فيه

دلوقتي وطبعا كلنا عارفين القنوات العربيه فيها ايه وبيتذاع

عليها ايه طول الليل والنهار يعني بيقولوا اللي عايز يبوظ احنا

تحت امرك تصوروا بقي لو مفيش رقابه علي الاولاد هيحصل

لهم ايه وهيوصلوا لايه في خلال يومين دا لو مكنش اقل من

كدا كمان ودا اللي خلي الحوادث اللي من النوع دا انتشرت

جدا دلوقتي دا غير ان الشباب في الاجازات بيبقي الخطر

اكبر لان مفيش جامعات ولا مدارس ووقت الفراغ بيبقي كبير

اوي يعني هتلاقي اغلبيه شباب مصر علي القهاوي

والنواصي وبيكونوا صيد سهل جدا لتجار المخدرات والسوابق

واللي بيكون ليهم قدره عجيبه في غسل مخ الشباب

طبعا هتقولولي التربيه هي اللي بتحدد سلوك الشاب انا مش

عندي اي اعتراض في الكلام دا بس في حاله واحده لو كان

لسه في تربيه بجد, معظم الاباء والامهات دلوقتي شغلهم

الشاغل يجمعوا فلوس عشان المصاريف اللي زادت عليهم

والغلاء الفاحش في كل احتياجاتها وازاي يلبوا طلبات اولادهم

وبس يعني الجيل اللي طالع دا معظمه مش عارف حاجه عن

التربيه الصحيحه وتعاليم ديننا اللي المفروض اننا اتربينا عليها

وعرفينها كويس وكمان مفيش حوار بين الاباء واولادهم يكاد

يكون الحوار منعدم بينهم الاولاد علي طول بيهربوا من البيت

للنت او للاصحاب او الكافيهات بجد شفت حالات كتير اوي

كان السبب في انحراف الاولاد عدم الحوار بينهم وبين ابائهم

وضاعوا وضاع مستقبلهم بسبب اصدقاء السوء ,لازم تكون

في توعيه للاباء عشان يلحقوا ولادهم من الضياع مش كل

حاجه فلوس هما مش محتاجين لفلوس ولا تلبيه طلبات اد

ما هما محتاجين لحد يحتويهم يحس بمشاكلهم يخفف عنهم

ياخد بأيدهم لما التيار يشدهم ومحتاجين حد يفهمهم ويتكلم

معاهم في كل امور ادنيا لان الشاب او البنت من دول

طالعين بيسمعوا بس من صحابهم واكيد اللي سامعين بردو

من حد تاني في سنهم يعني عايزين يجربوا اي حاجه

وخلاص لازم التفاهم والتحاور بين افراد الاسره لازم يكلموهم

في كل حاجه وفي حدود المعقول وفي حدود سنهم بردو ,

ومش معني كلامي دا اني بشيل المسئوليه من علي

الشباب لا طبعا في شباب بردو بتسيطر علي نفسها

وبيمنعها سلوكها وحيائها وتربيتها من انها تتجه للافعال دي

ولا بشيل المسؤليه من علي البنات بردو لان دلوقتي لبس

وهيئه البنات وحركاتهم الغير لائقه اللي بتتعمل في الشارع

سؤاء كان ضحك او هزار او الكلام بصوت عالي هي اللي

بتشجع الولاد انهم يعملوا كدا ,وفي حاجه مهمه جدا

بالنسبه للعقوبه اللي بتتطبق في بلدنا اولا الاعدام لايكفي

لردع الناس لازم تكون العقوبه قدام الناس عشان الكل يعتبر

ويتعظ ,لو اتنفذ كل العقوبات اللي ربنا قال عليها بالظبط ان

شاء الله عمر ما هنلاقي حواذث ولا افعال مشينه في البلد

يعني لو الحرامي اتقطعت اديه عمر ما حد يفكر يسرق تاني

وهكذا يعني .

وبالنسبه للبنت بجد شكلها هي وبنتها صعب جدا علي اي

حد انه يتخيل حياتهم هتبقي ازاي بعد كدا لان فعلا المجتمع

نظرته ليهم بتبقي قاسيه جدا مع ان مالهمش ذنب في اي

حاجه لاهي ولا بنتها لانهم الاتنين اطفال مالهمش يد في

اي حاجه حصلت وفعلا المجتمع بيعامل البنت علي انها بنت

زنا يعني محدش هيوافق انه يجوز ابنه لبنت زي دي ولا حد

هيفكر انه يتعامل معاهم اصلا بس بردو لازم يكون في توعيه

للناس وكيفيه تعاملهم مع الاشخاص اللي اتعرضوا لحوادث

زي دي لانهم فعلا بيبقوا ضحايا لناس مش عندها ضمير ولا

قلب يخاف ربنا,

واسفه جدا علي الاطاله