يا فتاة خذيها مني صريحة

------------------------------

---

dh tjhm o`dih lkd wvdpm

شكرا لكى توتا


جعله الله فى ميزان حسناتك

اولا احب اهنى كل اعضاء المنتدى بعودة عضوة يصعب تكرارها فى منتدى تيفا وفى اى منتدى
ربنا عالم انا فرحانة اد ايه انك رجعتى يا توتا وان شاء الله ترجعلنا موضوعاتك الجميلة من تانى

ثانيا رغم اتفاقى معاكى فى كتير من اللى قلتيه هناقشك شوية فى الكلام اللى قلتيه ده كله
لانه حتى ولو كان صحيح فى ظاهره لازم نتاكد بنفسنا لان اى بشر معرض للخطأ

1- مين اللى قال كل الكلام ده وافتى الفتاوى دى وايه درجته العلمية وايه الدليل على انه هو اللى قاله ولو هو فين الدليل من القران والسنة ؟؟؟؟؟

2- قال النبي صلى الله عليه وسلم :" تركت فيكم ما ان تمسكتم به لن تضلوا بعدى أبدا , كتاب الله وسنتي"
صدق الحبيب صلى الله عليه وسلم

وهو القائل للسيدة أسماء بنت أبي بكر : " يا أسماء إن المرأة إذا بلغت المحيض لم يصلح أن يرى منها إلا هذا وهاتان وأشار إلى وجهه وكفيه "
ولا أرى كلاما يعلو فوق كلام جدى حبيبي صلى الله عليه وسلم
الا كلام الله وآى الذكر الحكيم وقد قال الله عز وجل ( وليضربن بخمرهن على جيوبهن ) ودى مفيش اعتراض عليها طبعا ولا تتعارض مع الحديث الشريف
لأن الخمار فرض وليس تطوعا لكن من حرم الالوان والزخرفة على الملبس
حديث النبي عليه الصلاة والسلام واضح جدا وأورد فيه شروط الملبس الشرعى للمرأة بدون تعقيد ولا تشدد
ولو الالوان والزخرفة حرام كان هيقول فى حديث او كانت سترد فى اية قرآنية

وأكرر قاعدة الامام الشافعتى رحمه الله : " الأصل فى الأمور الاباحة الا ما ورد نص بتحريمه"
والنص لازم يكون من القرآن أو السنة طبعا



وفى ملاحظة كمان لفتت نظرى جدا جدا جدا جدا:

انا معاكى طبعا ان البنطلون غلط وحرام اذا لم يكن عليه ما يستره لكن فى كلمة تانية غريبة

فجاءها ملك الموت بعد قولها ذلك بدقائق فلم تستطع

التفاهم معه!!!

من رآها مع ملك الموت وعرف أنها لا تستطيع التفاهم معه
هذا هو أكبر دليل على وجود مروجين لتلك القصص والاشاعات وطبعا اغلبها بيكون صحيح فى ظاهره
لكن مبنى على أساس خاطيء وطبعا معروف مين بيدسلنا السم فى اللبن

أغلب القصص المغلوطة اللى من غير دليل انتشرت على النت وغيره الغرض منها حاجتين:

1- تضليل المسلمين وانشغالهم عن القران والسنة
2- اظهار الاسلام بمظهر دين التشدد والتعصب لتنفير الناس منه

-------------------------

ازيك يا توتا ايه اخبارك
المنتدى من غيرك كان منور(عشان بقيت الاعضاء ميزعلوش)
بس انتى جيتى نورتيه اكتر والله
المهم
انا هاقول رايى والله اعلم
بصى يا توتا
المراه لما تيجى تعمل حج او عمره وطبعا هى فى قمة الخشوع لله
لازم تكشف وجهها والكفين
وكمان مباح انها تلبس اى شئ مدام بيحترم القواعد العامه للاسلام
طبعا واحنا كلنا عارفين انه لايصف ولايشف ويغطى منطقة الجيب
ومنطقة الجيب هى بداية الصدر
يعنى من الاخر هو لو فرض كان يبقى الاولى انه كان يستخدم فى الحج والعمره والصلاه
ولكن لو النقاب زياده من الحياء عند المراه
فده شئ مقبول جدا جدا
ياجماعه ده رايى والله اعلم

المشاركة الأصلية كتبت بواسطة tota

على فكرة حديث أسماء بنت أبى بكر دة ضعيف

لأنى بحثت عنه من قبل كدة وعرفت إنه ضعيف

معلش يا توتا بس مش ينفع حد مننا يقول ان الحديث ده ضعيف او لا
اللى يحدد اذا كان الحديث ضعيف او لا لازم يكون عالم ازهرى فى علم الحديث والاسانيد
او على الاقل يكون متخصص دارس الاسانيد كويس وعارف مصادره ومراجعه كويس
وبعدين انا دايما بسمع الحديث ده كتير بروايات مختلفة من رجال الدين ومحدش قال انه ضعيف
ولو كان ضعيف هل كانت وزارة التربية والتعليم هتقره فى مناهجها الدراسية اكتر من مرة ؟؟
مفتكرش بس عموما اوعدك انى انا كمان هرجع لكتب كبار العلماء وادور فى اسانيد الحديث ودرجته

وبالنسبة لكلامك عن الألوان والزخرفة

تخيلى كدة إن فى أمامك اتنين واحدة لابسة أسود والتانية لابسة ألوان

والاتنين فى قمة الاحترام لكن دى لابسة اسود ودى ماشية زى ما تكون منورة كدة من الالوان والاكسسوار اللى هى لابساها

شوفى كدة مين اللى الناس هتبوص لها أكتر ومين اللى هتبقة ملفتة أكتر ؟؟؟

بالنسبة للنقطة دى ببساطة شديدة الناس هتبص للاتنين لان الاتنين ماشيين فى الشارع
وبعدين مش معنى انى البس لبس ملون يبقى ابالغ فى الوانه وفى الاكسسوارات لان المغالاة عموما غلط
بس انا من رايي لو ان اللى لابسة ملون كانت فى قمة الاحترام زى مانتى قلتى
وكمان لو كان لبسها ملون بس بحدود ومن غير اكسسوارات مبالغ فيها هيبقى مفيش فرق بينها
وبين اللى لابسة اسود والناس هتبص للاتنين بس فكرى شوية كده
حتى لو الناس بصتلها...... هيشوفوا منها ايه ؟؟؟؟؟؟؟؟
مش هى مغطية عورتها كاملة ومطبقة كل مواصفات الزى الاسلامى اللى جه فى القران والسنة
ولبسها لا يشف ولا يصف وخمارها منسدل مفتكرش الالوان هيبقالها اى تاثير
لان العورة فى الحالتين مستترة ومفيش مخالفة للقران ولا للسنة

وبعدين اللى قال الكلام ده هل عنده دليل ان اللبس الملون حرام؟؟؟

وهل هو هيفهم فى الدين والاحاديث والاسانيد اكتر من د. عبلة الكحلاوى والشيخ الشعراوى رحمه الله
ادامنا مثال حى يا توتا وهو د.عبلة اهى مش بتلبس اسود واكيد انتى بتشوفيها وعرفاها
شفتى فى زيها ما يغضب الله ؟؟؟ وهل هى مش فاهمة الدين والاحاديث والاسانيد؟؟؟

طب سيبنا من الدكتورة عبلة وخلينا مع الشيخ الشعراوى المبعوث على راس المائة عام
انا كنت قريتله كتاب وقريت كمان فى قصة حياته ان زوجته توفت وهو امر بناته بخلع السواد
قبل الاربعين استنادا لحديث النبي صلى الله عليه وسلم فى حديث أم عطية : أخرجه الجماعة إلا الترمذي عن حفصة عن أم عطية , قالت : قال رسول الله صلى الله عليه وسلم : { لا يحل Download35714} انتهى
بيتهيالى المعنى كده اتضح اكتر والحديث اكد ان السواد ليس واجبا الا فى حالة الحداد
ويجب الا تزيد عن ثلاث ليال اذا لم يكن المتوفى هو زوجها ولو السواد فرض مكنش هيقول
"ولا تلبس ثوبا مصبوغا" لان ذكر الجملة دى معناه ان الثوب المصبوغ مباح فى باقى الحالات


واما عن اخر نقطة عيزاكى تعرفى يا توتا انى كنت بتكلم بصفة عامة ومقصدتش موضوعك بالتحديد
انا اللى قصدته ان النت فى الفترة الاخيرة انتشرت فيه بدع وقصص مغلوطة وافتراءات كثيرة
وعلشان كده لازم ناخد بالنا ومنقبلش اى حاجة الا لما نتاكد ولما تكون مصحوبة بدليل من القران او السنة
وغير كده تبقى بدعة
هذا والله اعلم

ازيك يا توتا يا بنت عمى
منورة المنتدى
احنا قبل كده اتكلمن انا وانتى فى الموضوع ده بس للاسف مكملناش الموضوع
انا اعتقد مش هقول اكتر من اللى قالته اميرة ورامى لانى موافقة على رايهم
والله اعلم

( وليضربن بخمرهن على جيوبهن )
ان كان النقاب فرض كان ربنا من الاولى يقول وليضربن بخمورهن على وجوههن
ولكن الله لم يقل ذلك
والله اعلم