نعيب زماننا والعيب فينا ... وما لزماننا عيب سوانا ...

**WebCraker** · 2007-07-10, 12:28 AM

السلام عليكم ورحمة الله وبركاته

تقريبا اول مشكلة او قضية احاول اطرحها هنا فى المنتدى

زى ما قرأنا عنوان الموضوع "نعيب زماننا والعيب فينا .. وما لزماننا عيب سوانا"

اخترتها وبكل بساطة لأنى مؤمن بهذه المقولة جدا وهى فى كل زمن أراها سارية المفعول

كلنا بنلف منتديات كتير وبنقرأ كتير هنا وهناك وبنشوف مدونات سياسية واجتماعية وشخصية .. الخ وبنشوف ونقرأ مواضيع فى منتديات فى كل مكان على الانترنت

وكل الشباب بيشتكى حاله فى الزمن اللى هوا فيه
يعنى الناس اليومين دول تقول ياااااااااه فين ايام زمان دا زمان كان فيه وفيه وفيه ولو كان كذا يبقى كذا وكنت هعمل وهسوى وهروح وآجى ومش عارف ايه وكلام من ده ... اكيد انتو سمعتوا حاجات زى دى كتير

الموظف الصبح يقابل واحد بتاع طماطم .. بكام كيلو الطماطم يا حاج ... بخمسة جنيه ... يااااه غالى اوى فين ايام زمان ايام مانت الاوطة دى بنشتريها فى اقفاص بشلن

والست الهانم طالعة الصبح رايحة تشترى خضار .. بكام الفجل يا خاله ... بـ ,,, ياااااااه حتى الفجل فين ايام زمان ... طب استنى دى الخالة لسه ما قالتش حاجه اومال اما تقول هتعملى ايه !!

الطعمية والفول ... سعرهم زاد ... عشان سعر الفول ارتفع

رغيف العيش بقى زى الجنيه الدهب .. الناس واقفة طابور على الفرن زى النمل بيحمل يروح يفضى وييجى تانى

الطالب يروح يشترى كشكول وقلم واستيكة وبراية ومبسوط ومش حاسس بأى هم
عمو عمو هاتلى كشكول وقلم رصاص واستيكة وبراية ... بكام دول ياعمو ... بخمسة جنيه يابنى طب خد ياعمو وهات الباقى وهاتلى كرانشى وعسلية كمان ,,,,, لسه ما كبرش ما حسش ولا عرف الفلوس دى جت إزاى ... فى احلى ايام عمره لو يعرف انها مش هتتعوض بس المشكلة محدش بيعرف ولا هيعرف لسه ما يقدرش يستوعب فى الوقت ده , بمرور الوقت هيقدر يوزن الامور

وكله بيشتكى من زمنه واللى ما يشتكيش من زمنه يشتكى من حاجه تانيه اللى ييجى يشتكى من النظام الحاكم واللى يشتكى من غلاء الاسعار واللى يشتكى من عدم جودة الخدمة اللى هوا طالبها سواء كانت عيادة تأمين صحى ولا مستشفى مجانى للأطفال ولا ولا ولا ولا ,,, بس انت لو جيت دفعت فلوس ورحت عيادة خاصة مش هتشتكى خالص
انت بتدفع فلوس عشان ما تشتكيش هناك

موضوعى ان لو كل واحد عمل الى عليه وقام بدوره على اكمل وجه وحس وفكر كدا وقال فى نفسه انا دكتور لو ما كشفتش على المرضى بتوعى وكتبتلهم علاج كويس بتاع العيش مش هيجيبلى عيش كويس والراجل بتاع اللبن مش هيعدى عليا الصبح عشان انا ما خدمتهم صح زى ما بيخدومونى
وهكذا كل واحد لازم يخدم غيره كويس لأنه عايش فى مجتمع متكامل ... الكل بيخدم الكل
يبقى لازم كل واحد يخدم التانى على اد عمله ووظيفته صح يبقى كلنا هنخدم بعض
يبقى كل واحد هيلاقى اللى يطلبه زى ما هوا عاوزه وهيبقى مبسوط

وبلاش نشتكى من زمنا ونقول زمنا وزماااااااااااان وكانى ومانى
عاوز نقول احنا بتوع الزمن ده ,,,, احنا اللى عملنا واحنا اللى بنعمل واحنا اللى هنعمل ,,,,, واحنا كنا وهنكون ....... (ان شاء الله)

وللحديث بقية

اى آراء ... اى تجاوب انا شاكر له مقدما

kudf .lhkkh ,hgudf tdkh >>> ,lh g.lhkkh udf s,hkh

**ايناس** · 2007-07-10, 03:00 AM

اولا عايزة اشكرك علي طرحك الموضوع

بس الناس هتعمل ايه يعني فعلا الحاجه بقت غاليه جدا والمرتبات زي ما هيا ولو زادت

الحاجه بتغلي الضعف حتي القرارات اللي بتتقال مش بتتنفذ اهو كلام وخلاص الاسعار

هتنزل وبدل ما يثبت كدا نلاقي الاسعار في تصاعد مستمر

لا وكمان غير مشاكل الاسعار في مليون مشكله تانيه مالهاش حل

يمكن علي رأيك لو كل واحد عمل اللي عليه وعمله بضمير يمكن نتغير بس مش

هنتغير كتير في حاجات تانيه لازم تتغير الاول كل واحد بيقول يالا نفسي ومش كل الناس

هتلاقيها بتفكر التفكير الي انت قلت عليه لان محدش بيقدر حد ولا بيهمه ان كان غيره

مرتاح ولا لا

**فجر الاسلام** · 2007-07-11, 01:50 AM

مقولتك دى حلوة اوى
وفعلا العيب فينا لو فعلا كل واحد عمل اللى عليه مكنش حد هيشتكى من الزمان
وانا اعرف امثلة كتيرة لذلك
وياريت لو اعتمدنا على نفسنا شوية ونكون عندنا ايمان بالله وثقة فيه اكيد مش هنعيب على الزمان
يعنى مثلا من ضمن اما نعيب على الزمان (موضوع الواسطة)
يعنى تيجى تقدم فى شغل يقول واسطة لو انت عندك ايمان بالله ان ربنا لو اراد يخليك فى ذلك المكان هيخليك لان واسطة ربنا فوق كل حاجة
وبلاش نرمى كل حاجة على الدولة ما احنا برضه 75 مليون
لازم نعتمد على نفسينا
عارفه يا ايناس المشاكل دى ليه لان كل واحد بيقول يلا نفسى ويقول وانا مالى
نفسى ومالى يعنى احنا يعنى العيب فينا مش فى الزمن
البائع لما يرفع سعر السلعة عشان يحقق مكاسبه هو الشخصية من غير ميفكر فى المشترى الغلبان ............ الخ انا عندى كلام كتير عاوزة اقوله بس كفاية كده عشان ادى لغيرى فرصة يقول رايه
صح يا كراكر العيب فينا مش فى الزمن

**الطيب احسن** · 2007-07-11, 04:42 AM

والله دى مشكله لو كل واحد بدا بنفسه وعمل اللى عليه
واعتمد على ربنا سبحانه وتعالى
هنشوف مصر احسن كتيييييييييييير

**WebCraker** · 2007-07-11, 07:50 PM

مشكورين ياشباب على ابداء آرائكم ...
والله انا بقول ايه ونشوف اللى حصل معايا النهارده

انا النهارده كنت مسافر السويس عشان حفلة تخرج طلاب كلية ظباط الاحتياط
المهم وصلت المنصورة رحنا نحجز كزكرطنطن انا وابن عنى الانتيم
لقينا طابور طويل ممكن يظل على حالة لليوم الثانى
واحنا المفروض نوصل الساعه 9 مثلا عشان نلحق نتفرج على العرض
المهم قمنا راكبين سرفيس ورحنا الموقف التانى نلاقى عربية بيجو بتحمل لسه طازة والنعمة رايحة الزقازيق طيب ياحاج داحنا راحين الاسماعيلية
طيب تعالو اوصلكوا وهندخل من طريق جانبى بس هاخد بس زيادة كارته بـ2 جنيه وفرق بنزين 5 جنيه
غير الاجرة الاصلية 20 جنيه
طبعا لأنى مش بسافر كتير لم ابالى ... إلى ان ابن عمى احس بالجشع وطمع السواق
مما اشعرنى بالاستياء من هذا السواق ... وهذا اول موقف يبين حال المجتمع المصرى اليوم

المهم قمنا ركبنا عربية تانيه الاسماعيلية
والسواق ربنا يصلح حالة كان صوته عالى وهوا بيتكلم مش عارف هوا كدا ولا هوا بيقولك ناخدهم بالصوت
المهم بنسأله بكل ادب هوا الكرسى اللى ادام بياخد كام راكب
ايه يابشمهندس انت مش عارف يعنى عربية 7 راكب يبقى الكرسى اللى ادام كام راكب ؟؟
وده تانى موقف ... من المواقف التى تشجع على الاستثمار والسياحة فى مصر

المهم ركبنا ... والطريق طويل ادينا راكبين بقالنا ساعة ونص تعبت من الاعدة فى العربية
المهم فجأة سواق تانى عربيته راكنة على جمب الطريق طلع صاحب السواق ده قمنا واقفين
السواق نزل يشوف فيه ايه
ياسلااااااااااااااام ... انا كنت مبسوط اوى
قمت فاتح باب العربية ونزلت وقفت بره شوية تعبت من الاعدة جوا العربية لما كنت هموت
المهم حكاية العربية اللى راكنه دى خلصت مش لازم احكى إزاى
شوية كدا الكلام جاب كلام والسواق كان بيتكلم مع احد الركاب وبيحكوا شوية حاجات

نحكى منها موقف
السواق بيقول فى احد المواقف ولا اذكر فى اى بلد صراحة
واحد ظابط فارد نفسه جاى يركب العربية وبيعطى الشنطة للسواق عشان يحطها فى شنطة العربية
المهم الشنطة مليانه وكان سواق العربية راجل محترم
طيب يا حضرة هنحط الشنطة فوق عشان شنطة العربية مليانة ... وبكل قلة ادب وكل قلة زوء رد الافندى الظابط : حط الشنطة فى شنطة العربية يا كلب ... وعينك ما تشوف إلا النور السواق قام رافع إيده وطاخ .. قام رازع الظابط قلم سمع جمهورية مصر العربية ,, , انا كلب يابن الكلب
هههههههه
طبعا انا لا اُحبذ العنف بس الراجل دمه اتحرق إزاى واحد يشتمه من غير سبب كدا ولا عشان هوا له سلطة ورتبة يعنى

من هنا لهنا حكموا اللى واقف فى الموقف قال طبعا انت غلطان إزاى تشتمه واخذ العدل مجراه
ده تالت موقف بس ده بره الخدوته بتاعتى بتاع النهارده

المهم نزلنا الاسماعيلية
ركبنا فايد ,, وفى الطريق
لو سمحت يا اسطى ,, احنا عاوزين نروح كلية ظباط الاحتياط نركب ايه ؟؟
طب انا ممكن اوصلكم واخد منكم 6 جنيه زيادة على التوصيلة
طبعا ولأننا ما نعرفش الطريق كويس فكرنا ان المسافة دى بعيدة ههههههه
المهم الراجل ربنا يسامحه بقى الناس نزلت كلها طبعا فى اخر محطة وهوا مفيش ,,, مشى بينا تقريبا دقيتين والله وكنا وصلنا للكلية
طبعا انضحك علينا ههههه يعنى من الاسماعيلية لفايد 2 جنيه والحته السغنونه دى 6 جنيه ياظالم يابن الـ ..... ربنا يسامحه بقى وهذا كان اخر موقف يبين حال المجتمع المصرى فى يومنا هذا
وهوا بتاريخ 11 يوليو 2007 لعل وعسى فى تاريخ اخر نذكر مواقف اخرى تبين حاله ويكون قد انصلح حاله ولو سنتى واحد

استغلال تلاقى .... استعباط تلاقى ......... عبط تلاقى ,, اصدى طيبة تلاقى ........

بس احسن ما فى اليوم انه واحنا راجعين ركبنا اتوبيس شرق الدلتا المنصورة طوالى اعد فى الطريق حوالى 4 ساعات لما الواحد زهق زهق

ان شالله ما اكونش طولت عليكم ... الظاهر انا طولت بس هعمل ايه بقى

**la princesse** · 2007-07-11, 08:40 PM

أولا: أهنئك على اختيارك لعنوان الموضوع لانه وبكل صراحة اول ما شدنى فيه

ثانيا: عن تلك المقولة اقول ومن صنع الزمان واحداثه الا نحن
ومن صنع تلك العيوب التى هجوناها الا نحن
لذلك من الطبيعى ان نعيب انفسنا اذا عبنا الزمان

ملاحظة : أقصد احداث الزمان وليس الزمان نفسه وذلك لحديث قدسي للمولى عز وجل
نهى فيه عن سب الدهر ووصف فيه ذاته العليا بانه سبحانه وتعالى هو الدهر

ثالثا: أما عن تلك القصة فانى لا أجد فيها شيئا غريبا عما نراه الآن
فلقد اعتدنا ذلك سواء كنت تقصد موقف الضابط او موقف السائق
فأما عن السائقين فلا أبالغ اذا اعتبرتهم أسوأ طوائف الشعب _ وليس جميعهم بالطبع _
لكن الغالبية العظمى ستلاحظ أنهم يتصفون بذلك الاسلوب الفظ فى التعامل
وذلك الجشع المادى المعهود وتلك الثرثرة المعهودة جدا جدا
وربما ذلك ناتج عن طبيعة عملهم التى تحتم عليهم (السرمحة فى الشوارع طول النهار والليل)
_ عفوا لم أجد لذلك المعنى لفظا فصيحا _

ما علينا ......

وأما عن موقف الضابط فذلك أيضا طبيعى ومألوف _ ربنا يجعل كلامنا خفيف عليهم _
ولكننى لن أمل من تكرار تلك الجملة
"ربما الصحوة قادمة"

وتحيا مصر

شكرا على الموضوع المتميز

**فجر الاسلام** · 2007-07-11, 08:44 PM

اقتباس:

المشاركة الأصلية كتبت بواسطة WebCraker

مشكورين ياشباب على ابداء آرائكم ...
والله انا بقول ايه ونشوف اللى حصل معايا النهارده

انا النهارده كنت مسافر السويس عشان حفلة تخرج طلاب كلية ظباط الاحتياط
المهم وصلت المنصورة رحنا نحجز كزكرطنطن انا وابن عنى الانتيم
لقينا طابور طويل ممكن يظل على حالة لليوم الثانى
واحنا المفروض نوصل الساعه 9 مثلا عشان نلحق نتفرج على العرض
المهم قمنا راكبين سرفيس ورحنا الموقف التانى نلاقى عربية بيجو بتحمل لسه طازة والنعمة رايحة الزقازيق طيب ياحاج داحنا راحين الاسماعيلية
طيب تعالو اوصلكوا وهندخل من طريق جانبى بس هاخد بس زيادة كارته بـ2 جنيه وفرق بنزين 5 جنيه
غير الاجرة الاصلية 20 جنيه
طبعا لأنى مش بسافر كتير لم ابالى ... إلى ان ابن عمى احس بالجشع وطمع السواق
مما اشعرنى بالاستياء من هذا السواق ... وهذا اول موقف يبين حال المجتمع المصرى اليوم

المهم قمنا ركبنا عربية تانيه الاسماعيلية
والسواق ربنا يصلح حالة كان صوته عالى وهوا بيتكلم مش عارف هوا كدا ولا هوا بيقولك ناخدهم بالصوت
المهم بنسأله بكل ادب هوا الكرسى اللى ادام بياخد كام راكب
ايه يابشمهندس انت مش عارف يعنى عربية 7 راكب يبقى الكرسى اللى ادام كام راكب ؟؟
وده تانى موقف ... من المواقف التى تشجع على الاستثمار والسياحة فى مصر

المهم ركبنا ... والطريق طويل ادينا راكبين بقالنا ساعة ونص تعبت من الاعدة فى العربية
المهم فجأة سواق تانى عربيته راكنة على جمب الطريق طلع صاحب السواق ده قمنا واقفين
السواق نزل يشوف فيه ايه
ياسلااااااااااااااام ... انا كنت مبسوط اوى
قمت فاتح باب العربية ونزلت وقفت بره شوية تعبت من الاعدة جوا العربية لما كنت هموت
المهم حكاية العربية اللى راكنه دى خلصت مش لازم احكى إزاى
شوية كدا الكلام جاب كلام والسواق كان بيتكلم مع احد الركاب وبيحكوا شوية حاجات

نحكى منها موقف
السواق بيقول فى احد المواقف ولا اذكر فى اى بلد صراحة
واحد ظابط فارد نفسه جاى يركب العربية وبيعطى الشنطة للسواق عشان يحطها فى شنطة العربية
المهم الشنطة مليانه وكان سواق العربية راجل محترم
طيب يا حضرة هنحط الشنطة فوق عشان شنطة العربية مليانة ... وبكل قلة ادب وكل قلة زوء رد الافندى الظابط : حط الشنطة فى شنطة العربية يا كلب ... وعينك ما تشوف إلا النور السواق قام رافع إيده وطاخ .. قام رازع الظابط قلم سمع جمهورية مصر العربية ,, , انا كلب يابن الكلب
هههههههه
طبعا انا لا اُحبذ العنف بس الراجل دمه اتحرق إزاى واحد يشتمه من غير سبب كدا ولا عشان هوا له سلطة ورتبة يعنى

من هنا لهنا حكموا اللى واقف فى الموقف قال طبعا انت غلطان إزاى تشتمه واخذ العدل مجراه
ده تالت موقف بس ده بره الخدوته بتاعتى بتاع النهارده

المهم نزلنا الاسماعيلية
ركبنا فايد ,, وفى الطريق
لو سمحت يا اسطى ,, احنا عاوزين نروح كلية ظباط الاحتياط نركب ايه ؟؟
طب انا ممكن اوصلكم واخد منكم 6 جنيه زيادة على التوصيلة
طبعا ولأننا ما نعرفش الطريق كويس فكرنا ان المسافة دى بعيدة ههههههه
المهم الراجل ربنا يسامحه بقى الناس نزلت كلها طبعا فى اخر محطة وهوا مفيش ,,, مشى بينا تقريبا دقيتين والله وكنا وصلنا للكلية
طبعا انضحك علينا ههههه يعنى من الاسماعيلية لفايد 2 جنيه والحته السغنونه دى 6 جنيه ياظالم يابن الـ ..... ربنا يسامحه بقى وهذا كان اخر موقف يبين حال المجتمع المصرى فى يومنا هذا
وهوا بتاريخ 11 يوليو 2007 لعل وعسى فى تاريخ اخر نذكر مواقف اخرى تبين حاله ويكون قد انصلح حاله ولو سنتى واحد

استغلال تلاقى .... استعباط تلاقى ......... عبط تلاقى ,, اصدى طيبة تلاقى ........

بس احسن ما فى اليوم انه واحنا راجعين ركبنا اتوبيس شرق الدلتا المنصورة طوالى اعد فى الطريق حوالى 4 ساعات لما الواحد زهق زهق

ان شالله ما اكونش طولت عليكم ... الظاهر انا طولت بس هعمل ايه بقى

دى حدوتة لوحدها اسمها يوم من عمرى

بس انا متهيألى ان السواق كان واكل فشار كتير

هو ضرب الظابط كده وسكتله مش معقول والناس كمان وقفت الناس بجانب السواق ضد الظابط كبيرة اوى دى من السواق
ياريت يا ويب كراكر متحضرش تانى حفل تخريج الظباط الاحتياط يستحسن تحضر حفل تخريج البحرية فى الاسكندرية وان شاء الله مش هتلاقى سواق يستغلك كده

نعيب زماننا والعيب فينا ... وما لزماننا عيب سوانا ...

السلام عليكم ورحمة الله وبركاته تقريبا اول مشكلة او قضية احاول اطرحها هنا فى المنتدى زى ما قرأنا عنوان الموضوع "نعيب زماننا والعيب فينا .. وما لزماننا عيب سوانا"