المطالبة بإيقاف عرض فيلم لمحمد سعد لتقليده الداعية عمرو خالد

انا يا جماعة لما شفت اعلان الفيلم مسدقتش نفسي
وقلت مش ممكن اكيد بيتهيالى
ده مهما كان انسان مسلم حتى لو مش ملتزم بس على الاقل يحترم رجال الدين
لكن للاسف







حددت محكمة القاهرة للأمور المستعجلة جلسة 17 يوليو/تموز الجاري لنظر دعوى رفعها محام مصري يطالب فيها بوقف عرض وتوزيع فيلم "كركر"، بطولة الممثل الكوميدي محمد سعد وياسمين عبد العزيز. وقد اتهم صاحب الدعوى وحيد نيازي كلا من محمد سعد ومنتج الفيلم والمخرج علي رجب بتقليد الداعية الإسلامي عمرو خالد في أحداث ومشاهد الفيلم لتحقيق ربح وزيادة توزيع للفيلم، وهو ما يتنافى مع المبادئ والقيم.

وقال المحامي وحيد نيازي انه فوجئ أثناء عرض إعلانات الفيلم في وسائل الإعلام والفضائيات بأحد المشاهد التي يقوم فيها البطل محمد سعد بتقليد الداعية الاسلامي عمرو خالد، وهو ما اثار حفيظته حرصا على الدين الاسلامي، وذلك وفقا لصحيفة "الرأي" الكويتية الخميس 5-7-2007.

ويؤدي سعد، الذي حاز على شهرته بعد تأديته شخصية "اللمبي"، في فيلمه الجديد خمس شخصيات متباينة؛ إحداها لعجوز طاعن في السن، وأخريات لسيدة وثلاثة رجال أحدهم مجنون، ويعتبر الشخصية الرئيسية لسعد في الفيلم.

ويعد "كركر" أول تعاون مشترك بين محمد سعد و المخرج علي رجب، كما انه التعاون الأول بين سعد و ياسمين، لكنه يعتبر عودة أخرى للسيناريست أحمد عبد الله الذي كتب هذا الفيلم منذ سنوات وقام بتطوير الفكرة حتي تصلح للفترة الحالية، كما أن أحمد عبد الله هو نفس المؤلف الذي كتب فيلم "اللمبي" الذي يعد الانطلاقة الكبرى في مشوار سعد الفني.

ونقلت عدة وسائل للإعلام عن محمد سعد قوله إنه قرر أن يرفع أجره إلى عشرة ملايين جنيه مصري ليتساوى مع النجم المصري عادل إمام الذي حصل على نفس الأجر عن فيلمه الأخير "مرجان أحمد مرجان".

---

hgl'hgfm fYdrht uvq tdgl glpl] su] gjrgd]i hg]hudm ulv, ohg]

لازم الفيلم يتوقف طلما فيه سخرية وتقليد

استغفر الله العظيم

ويا ريت بيقدم حاجات هادفة

إنما ده كله هبل وعبط وقلة أدب

ربنا يهديه هو واللى زيه

احسن

يا رب يتوقف ياااااااا رب

انا لحد دلوقتى مشفتش فيلم عدل لمحمد سعد نوع جديد من الكوميديا العبيطة مش اكتر

وبعدين ايه اللى جابه لعمرو خالد اصلا

ما يشوف كويس هو فين وعمرو خالد فين

هو بيستهزا برجال الدين


امال لو مكنش مسلم

كان عمل ايه

دى قلة حياء مش اكتر ان واحد يستهزء بواحد افضل منه

احسن والله انهم يوقفوه يارب ميتعرضش ويخسر عشان يذل انفاسهم شويه وربنا يسامحهم بقى ويتوبو ا

استغفر الله العظيم يا رب
الفيلم لازم يتم وقفه لانه بيمس احد الرجال الذين قدروا ان يغيروا فى فكر الشباب العربى
واعتقد ان لو حدث استفتاء اكثر رجل له شعبية وحب بين الناس فى الوطن العربى هيكون عمرو خالد
انا مش عارفه ليه محمد سعد عمل كده واكيد هو عمل كده بدون تفكير لو انه فكر لمدة دقيقة واحدة كان سوف يعلم ان الموضوع ده هيكون ضده
كمان يا برنسيس لانك جبتى سيرة عادل امام انا عاوزة اقول حاجة لاحظتها فى افلام عادل امام انه دائما بيطلع فى افلامه رجل الدين بصورتين يا اما انه رجل متشدد يا اما انه صاحب شخصية ضعيفة او يستهزا بهم وده كان كمان واضح من اعلانات فيلمه مرجان احمد مرجان (جمعية نور الحق)
كما انه فى معظم الاوقات يقف ضد عمرو خالد لا اعلم لماذا؟؟؟
من الاخر هم استهزأوا من كل الناس والان بينتقلوا الى رجال الدين
اسال الله ان يهديهم

بسم الله ما شاء الله عليكى يا فجر
دايما ردك بيثبت ان عقلك اكبر من سنك بكتير

ولذلك حبيت اوضحلك بعض النقاط

المشاركة الأصلية كتبت بواسطة فجر الاسلام

واعتقد ان لو حدث استفتاء اكثر رجل له شعبية وحب بين الناس فى الوطن العربى هيكون عمرو خالد

الاستفتاء اتعمل فعلا والاستاذ عمرو خالد فاز بالمركز 13
وهتلاقى التفاصيل والصور فى موضوع مثبت بمنتدى صناع الحياة

انا مش عارفه ليه محمد سعد عمل كده واكيد هو عمل كده بدون تفكير لو انه فكر لمدة دقيقة واحدة كان سوف يعلم ان الموضوع ده هيكون ضده

طبعا هيكون ضده لانه اكتسب شعبيته بالباطل وهيفقدها ان شاء الله بوقفته ضد الحق
وطبعا شعبية الاستاذ عمرو معروفة

كمان يا برنسيس لانك جبتى سيرة عادل امام انا عاوزة اقول حاجة لاحظتها فى افلام عادل امام انه دائما بيطلع فى افلامه رجل الدين بصورتين يا اما انه رجل متشدد يا اما انه صاحب شخصية ضعيفة او يستهزا بهم وده كان كمان واضح من اعلانات فيلمه مرجان احمد مرجان (جمعية نور الحق)
كما انه فى معظم الاوقات يقف ضد عمرو خالد لا اعلم لماذا؟؟؟

طبعا افلام عادل امام انا مش عارفة اقولك ايه بس هحاول افهمك محور اغلبها
هو بيدعى انه بيقدم حل لمشكة او قضية مجتمعية رغم ان الفيلم ومشاهده
بيحمل نفس المشكلة اللى بيقول انه حلها
وعلى سبيل المثال فيلم التجربة الدانمركية اللى كان المفروض انه فيلم للوعظ
وعلشان يقول ان الانحراف وتقليد الغرب غلط ومينفعش وضد قيمنا
لكن طبعا اللى حصل هو العكس تماما واظن ان فاقد الشيء لا يعطيه
وعلى فكرة عادل امام كان بيقول عن عمرو خالد انه ظاهرة وهينتهى
عارفين ليه؟؟؟؟؟؟؟؟؟؟
لانه قاله ان افلامك تندرج تحت قائمة الافلام التى تقدم الفن ولكن بشكل يتنافى
مع الدين والاخلاق والمباديء والقيم

من الاخر هم استهزأوا من كل الناس والان بينتقلوا الى رجال الدين
اسال الله ان يهديهم

عزيزتى انهم بدأوا برجال الدين فى استهزائهم منذ عهد افلام الابيض واسود
وشخصية المأذون المستعجل دايما أو خوجة اللغة العربية الاكول
او شيخ الكتاب الطماع الذى يسلب الاسرة اموالها ولا يتعامل الا بالعصا
عموما عسى الله ان يبعث الينا بعمر جديد او على او صلاح الدين
لكى يخلصنا من تلك الفتن
وشكرا لجميع من مر على الموضوع