أهني إيه ولا إيـه يـا عيـدي شـف مهنينـك
أعايد روحي بروحي ولاحـد(ن) جـا يهنّينـي
أدندن حرفي بعود(ن) وأوتـاره علـى يمينـك
يقلبي دنـدن آلامـك وخـل عـودي يهدّينـي
ألا ياللي بنيتـي فـي وسـط عينـي ميادينـك
وقلتـي يـا بعـد عمـري ميادينـك ميادينـي
وقلتي خذ من انفاسـي تراهـا فـدوة ايدينـك
وقلت الله يا (دي دي) تراني حيـل مـا فينـي
وصرت أرتاح بوجودك وحتـى مَـعْ بزارينـك
واقول الحين لو تسمح ظروفك بـس تزورينـي
وجيتي يـا بعـد كلـي وكـل اللـي مجانينـك
وشفتك يا هوى بالـي وروحـي بـك تعلّينـي
ولاحظتي مدى عشقي تِفَاعَل فـي غـلا زينـك
وشفتيني أبوس الكف مـن ظهـره ويروينـي
ولو طال المدى فينا لاقـوم احضـن مزايينـك
واضمك ضمة(ن) تروي عروقك لـو تناسِينـي
ويوم(ن) ضاقت الدنيـا بنـا وقلتيلـي ياشينـك
وصار اللي خذا دمـي مَـعَ صوتـك ومعمينـي
أطير من الألم لحظة وأشرح لـك نظـر عينـك
وحتى فـي عباراتـي ألـم حـارق ويكوينـي
ندمت وعشت في غربـة أدور لـي رياحينـك
ولا حتى لقيت اللي زرعتي فـي وسـط عينـي
غدا كله معك يومـك بعدتـي حيـل يـا وينـك
أشوف وما أشوف اللي يصافحنـي ولا يجينـي
عذابي زاد يا (دي دي) ولـو بيزيـد بايادينـك
أبيه يزيد يا روحي يا عمري وبهجـة سنينـي
أبرخص لك نبض قلبي وافض دمي بشرايينـك
وأجلس تحت ميدانك يا (دي دي) وقومي ذبحيني
صباحي أي صباح اللي يجي من دون ألاحينـك
وليلي طـز يـا ليلـي إذا (دي دي) ماتغلينـي
تعودت إني أشهق بك وأزفر مـن حـلا تينـك
وريحة منفسك تبقى على طـول الزمـن فينـي
ولو فعلاً أحـس إنـي أبفقـد عطفـك ولِينِـك
أبلسع روحي من أجلك ولاجلـك لـو لسعتينـي
أنا أدري وش يكون الـرد إذا قلتـي عدوّينـك
ملايين المشاعـر فـي خفوقـك لـي تنادينـي
رجيت الله يا (دي دي) سماحة قلبـك وعينـك
تردّيني مثـل مـا كنـت فـي قلبـك تردّينـي
أنا احبـك أنـا احبـك أنـا احبـك أنـا بينـك
أبي أرسي (فقط) أرسي علـى مينـاء يأوينـي
أبي أسبح وابي أغرق وابوسك لو علـجبينـك
أخاف يجيني من بعـدك هـذاك اللـي يآذينـي
أنـا أحتـاج لـك والله حبيبـة قلبـي يازينـك
أكيد احتاج لـك احتـاج لـك تكفيـن ضمينـي
أنا بوعدك يا (دي دي) ابخمـد كـل براكينـك
لإني شفت مـن دونـك محـد أخمـد براكينـي
أهني إيه ولا إيـه يـا عيـدي شـف مهنينـك
أعايد روحي بروحي ولاحـد(ن) جـا يهنينـي
يا عيدي .. وينها (دي دي)!!
العرض العادي
