لو لم تكن مصريا لوددت ان تكون.........

**Muhamed** · 2006-09-20, 07:28 PM

ده اول موضوع هفتتح بيه المنتدى السياسى اللى مش عارف هوه محدش كاتب فيه ليه

الموضوع هوه (طبعا دا خاص للمصريين بس)

لو جالك الاختيار انك تتولد من جديد وتختار دوله تحب تبقى ايه (امريكا ولا فرنسا ولا الخليج ولا اسيا ) براحتك ومحدش هيجر على رايك بس لازم تقول السبب فى اختيارك ده شرط المشاركه فى الموضوع

وانا هبدا ومحدش يقول انى هحرق الموضوع لاه انا بقول الرائ اللى انا شايفه وممكن حد تانى ليه راى تانى عادى ده الطبيعى

انا زى ما قال مصطفى كامل لو لم اكن مصريا لوددت ان اكون مصريا

بجد لو الواحد شاف نفسه وقارن نفسه بالباقى هيعرف الفرق المشكله اننا بنبص على الجانب الحلو من اى دوله

طول الصبح والليل طالعين نازلين ان البلد مليانه حراميه طب مهو كل دول العالم مليانه حراميه حتى امريكا اس الحراميه نفسهم (واكيد سمعتم عن فضيحه الاخ تشينى مع شركه البترول تقريبا)

بلاش حراميه طب والفساد الادارى

طب نتكلم هنا لان دى مفتاح المشاكل كلها الناس مخنوقه من الوسطه وان ايه لازمتها وفى رايين

الراى الاول ان الوسطه دى غلط وانها بتحرم الكويس من شغلانه بيخدها اللى مش كويس وده بيؤدى لفساد العمل

الاى التانى مخالف وبيقول لو طبقنا الحكم الاول معناها ان كل اللى عندهم وسطه جواميس ما بيفهموش وان مثلا لما شركه معينه فى واحد شغال فيها وابنه عايز يشتغل فيها طبعا بتكون لابنه الاولويه عن اى فرد اخر وده اسمه التامين على المستقبل يعنى لو انا عارف ان الشركه دى ابنى هيشتغل فيها يبقى هشتغل كويس وىلا الشركه دى هتفلس وايبقى ابنى عاطل فده بيكون حافر للعمال

لكن فيه حاجه تانيه بتتعمل اللى هوه ناخد نسبه وسطه معينه والباقى اختبارات وده هو اللى بيطبق فى كتير بش كل الاماكن فى مصر

نيجى للااحوال الماديه للشعب المصرى

ناس بتقول ان ربنا رزق مصر بموارد تفيض منها وتسلف اللى حواليها وده اللى كان بيحصل لغايه ما طلع البترول فى الدول العربيه وبقى عندهم اكتفاء زاتى الموارد دى بقه راحت فين

ناس تانى ترد مهو الموارد ثابته من زمان لكن السكان فى الجزء التانى من القرن المنصرم زادوا زياده مهوله فللعلم ان مصر حين دخل الاسلام بها كانوا 2 مليون او 4 مش متذكر ودلوقتى اصبحنا ما شاء الله 75000000
لدرجه ان اسرائيل بتصوت من حجم الجيش المصرى اللى وصل من غير احتياط الى 1000000 المهم مش موضوعنا فازياده السكانيه بتاكل من الموارد ناهيك عن تاكل الارض الزاعيه وحلها الوحيد هوه اللى بدأوا يعملوه من فتره من استزراع الصحراء وتنظيم الاسره(على فكره انا عايز افتح مناقشه فى المنتدى الدينى عنه وهل هوه حلال ولا حرام)

نيجى بقه للكبيره وهوه دور مصر فى المنطقه

فى الستينات(ايام الرئيس عبدالناصر)كانت مصر هى الدوله الوحيده الفاعله فى الشرق الاوسط ودفعت الثمن غالى

وجت فتره السبعينات(ايام الرئيس السادات)وتغيرت سياسه مصر وفى النهايه عوزلت عربيا ولكن بعد ما حققنا مكاسب كثيره

ومع خروج مصر دخلت قوى عربيه الصراع حول مكانت مصر فهناك سوريا والعراق والسعوديه وليبيا طبعا انتم عارفين اللى حصل فى اتنين منهم (العراق وليبيا) والاحتكاك بسوريا كمان ومفضلش غير السعوديه بسياستها الهادئه المستقره اللى مصر شغاله بيه دلوقتى يعنى من اول حرب الخليج الاولى مين يقدر يقولى مصر كانت ممكن تعمل ايه غير ده (محدش ينسى الطيرات كانت بتيجى من العراق قبل الحرب شايله ايه) وحتى لما جت حرب العراق هل كان مطلوب من الجيش المصرى التحرك لانقاذ العراق وكان فيه راى بغلق قناه السويس طب لو زى مقال(الرئيس مبارك)لو جت حامله طلئرات مثلا عايزه تعدى واحنا قلنالها لاه وعدت عنوه طبعا احنا مش هنسكت وهنغرقها مهما كان الثمن ساعتها كان ايه الوضع كمان محدش ينسى ان مصر من احد الدول العربيه القلائل اللى مفيهاش قواعد امريكيه على الرغم من الاغراءت فى سبيل ذلك علرفين ليه

لان لو مصر غلطت الغلطه دى زى ما دول تانيه غلطت وراحت امريكا محتله السودان او ليبيا ساعتها امن مصر الاستراتيجى انضرب وده غلط الدول العربيه الاخرى لان استقرارها انضرب باحتلال العراق

انا حتى سمعت تعليق اضحكنى من احد وزراء خارجيه احدى تلك الدول عندما قال ان القواعد الامريكيه موجوده لحمايتنا من اسرائيل