حاجه جديده لقسم حلال العقد " متجدد"

.ماذا تفعل لو كنت مكانهم ؟؟ برنامج اذاعي شهير اغلبنا يعرفه حتي و ان مكانش سمعه او متابعه ...


انا بقي عايز اعمل معاكم حاجه شبه كده .....


يعني هنزل موقف ممكن يقابلنا او نتحط فيه في حياتنا العاديه ... و هشرح كل ظروفه ... و مطلوب من كل واحد يدخل يحط نفسه مكان بطل الموقف و يقولي بكل صراحه ماذا تفعل لو كنت .... مكانه

معندكوش فكره الموضوع ده قد ايه مفيد .. ان عندك فرصه تفكر في موقف صعب و معقد و انت بعيد و قاعد و اعصابك هاديه .. ده غير انك هتشوف اراء مختلفه و منها اللي هيكون جميل جدا ... و هتلاقي ده انعكس عليك و في تفاعلك مع اي موقف مفاجئ تتحط فيه لان عقلك ببساطه هيستدعي رد الفعل المناسب من الحصيله اللي هيخزنها من متابعتك للموضوع ده ...

---

ph[i []d]i grsl pghg hgur] " lj[]]"

يلا بينا جاهزين





حضرتك ماشي علي الكورنيش مبسوط و منشكح اوي ... و بتصفر لحن احدث اغاني تامر حسني ... باصص للنيل و لسه ناوي تسرح في قصه حب رهيبه هي صحيح محصلتش لكن اكيد هتحصل ولا هما يعني البنات انطسوا في نظرهم


فجأه سمعت بنت بتصرخ .. بتضرب بعينك _ و دي اقصي حاجه هتعرف تضرب بيها في الليله دي _ لقيت شاب زي الحيطه وشه ملغبط و مليان شلفطه تدل علي تاريخه المنيل ... لقيت الشاب ده بيخطف شنطه البنيه و طالع يجري ناحيتك ...


و في فنتو ثانيه عقلك اشتغل ...
انا لو اتعرضت للثور ده ممكن اجيب الشنطه للبنيه .. بس طبعا هاخدي بوكسين حلوين


ولا اعمل نفسي مش واخد بالي مانا برضه يمكن اخد البوكسين علي الفاضي و يبقي منابنيش غير شويه البن اللي هحطه تحت عيني ...


يا تري بقي يا بطل ... لو انت في الموقف ده هتعمل ايه ؟؟؟


يلا فكرو وردو على المشكله دى على ما اشوف موقف تانى يكون اجمد من ده

انا لو حصل قدامى الموقف دا لازم اجيبلها الشنطة بتاعتها حتى لو الواد دة هيرمينى فى النيل

شكرا يا عبدوووو لردك وده علي فكره طبع الرجل المصري

شكل مين بقة لا شكر على واجب يا توتاااااااااااا ودا الى المفروض يتعمل والى انا كنت هعملة بالفعل

علي فكرة ممكن الواحد يكون في الموقف دا ومش يعرف يفكر يعمل ايه في الوقت دا

و ممكن رد فعله يكون سلبي جدا يعني ممكن يوسع الطريق له من المفاجأه او من

شكل الراجل بس لو قعد يفكر انه كان ممكن يعمل ايه كان مثلا مش ساب الراجل

حتي لو اخد علقه تمام وكان جاب الشنطه باي طريقه او كعبله ووقعه واخد الشنطه

وانا عن نفسي لما موقف بيحصل فجأه مش بعرف اتصرف فيه بيبقي رد فعلي تلقائي

وشكرا توتاااااااااا علي الموضوع وفكرته جميله جدا واديني هجمع الاراء ونستفاد بردو

نعمل ايه في المواقف المفاجأه دي

واقف في المستشفي مذهول و الدكتور بيقولك " احنا حاولنا علي قد ما نقدر .. لكن الحادثه كانت جامده جدا ... احمد ربنا ان الموضوع وقف عند حدود الشلل ... دي انكتب لها عمر جديد بعد الحادثه دي "

و سابك الدكتور و راح يسال علي العلاوه .. او يتغدي .. او يمكن حتي يكلم خطيبته

و ابتدت الافكار تلعب جوه دماغك ... و ابتديت تكلم نفسك

" بقي خلاص ... هي دي النهايه ... مكتوب عليا اعيش مع بنت مشلوله"

" و مين قال انك لازم نعيش معاها ... انتوا يادوب لسه مخطوبين من يومين ... اعتذر يا عم و شوف طريقك"

" انت بتقول ايه ... دا انا لو فضيت الخطوبه دلوقتي ... دي الصدمه لوحدها كفايه انها تموتها .. وفي الوقت ده بالذات "

" انت دلوقتي في فوره عواطف ... بص بعدين .. لما تتجوزوا و تبقي انت و هي بس في البيت .. شوف المسئوليات ... هتقومها و تقعدها و تاكلها و حاجات تانيه كتير .. يمكن تستحملها اسبوع اتنين مش العمر كله .. و في النهايه برضه هتمل منها ... و يمكن ساعتها تعاملها وحش ... و ده هيكون تاثيره عليها مش هين"

" لا ..لا .. طب افرض كان الموقف اتعكس .. كان هيبقي احساسي ايه لو سابتني "

" بس الموقف متعكسش ..."

" انت اناني"

" مش احسن ما ادعي البطوله بالكدب .. دي بقت مسئوليه و حمل كبير"

برضه مش عارف توصل لحل ...

تكمل معاها ... و لا تعتذر ... ولا تكمل معاها لفتره لحد ما تتعود هي علي الوضع و حالتها النفسيه تتحسن شويه ... ولا تستني لما هي تقولك انها بتحلك من اي وعود ما هي اكيد هتقول كده كلهم بيقولوا كده .


قولي بقي يا بطل ... لو انت مكانه هتعمل ايه

و قوليلي يا اميرتنا .... لو لا قدر الله الموقف كان اتعكس .. يعني كنتي انتي مكان البطل و خطيبك _ لا قدر الله _ هو اللي حصل معاه الموقف ده .. كنتي هتعملي ايه
انتظروا المشكله التالته

اوعدك يا توتااااااا


من النهارده مش همشى

على الكورنيش تانى ابدا




لا طبعا



الى هعمله بالظبط



با لظبط بالظبط بعنى


انى هعمل نفسى ميت





لا خلاص من غير هزار




بصى بقى يا توتااااا




هى لو البنيه حلوة اوى يعنى

وملهاش حل




يبقى بوكسين يفوتوا ومفيش حد يموتوا



والمثل بيقول ضرب الحبيب زى اكل الزبيب

وتفضل يا سيدى تاكل زبيب للصبح

خلاص خلاص

بجد المرة دى

اعتقد يت توتا

انى هحاول اجيبها منه لو هيحصل ايه


بس ابقى اسألى عليه احسن اتعور ولا حاجة

بصى يا توتااااااااااااااا فى المشكلة التانية

انا لو مكانة ماقدرش اسيبها ولو هستحملها العمر كلة لانى المفروض

بحبها لشخصها مش لجسدها مشلول او صحيح ولو انا واخدها عن حب

يبقى لازم اكمل معها لانى بحبها وماقدرش اعيش من غيرها وهيا

كمان لو انا متاكد ان هية بتحبنى قد ما انا بحبها وكان الوضع اتعكس

مش معقول انها كانت تسبنى فى اى حال من الاحوال وانا بجد لو حصل

معايا كدة اكيد اكيد وربنا شاهد على كدة ان انا مش هستغنى عنها

ومش هسيبها فى محنتها



وشكراااااااااااااااااااااااااااااا

تحياتى

!! GoldeN BoY !!

!! عبدو عزام !!

دمك خفيف وعسوله كمان يا عاشق

ورايك جميل جدااااا بس لو واحشه انا هبقي هجيلك المستشفي ههههههه

شكرا لرايك الجميل يا عبدوووووووو

فى المشكلة التانية
انا لو فى مطرحه مكنتش سبته

ابداااااااااا لانه فى اللحظة دى هيكون هو محتاجلى اكتر من الاول

لو بحب صحيح مش ممكن اسيبها

فى المشكة الاولى انا ما بحبش النفاق ....
انا همسك الواد ده اضربه علقة واجيب الشنطة منه واديها للبنت الحلوة الامورة وأسالها اسمها ايه !!

الموقف الثانى :
ده طبعا لو حب حقيقى وبحب البنت دى مش هسيبها لأنها كانت اكيد هتعمل معايا كدا ,,,,
وبعدين ان الله مع الصابرين وأكيد ربنا هيجازينى خير ان شاء الله

رايك جميل يا ويب كراكر

وشكرا لمروركم الكريم

سيادتك راجع من شغلك تعبان و طالع عينك, طلعت منديل عشان العرق اللي مبهدلك خالص ... بتفكر و انت بتمسح عرقك انك عايز بسرعه تروح البيت عشان تلحق تتغدي و تناملك ساعتين عشان هتنزل باليل مع رشا و مامتها تجيبوا شويه حاجات الشقه محتاجاها

و رغم الحر و مديرك اللي معكنن عليك في الشغل انما حاسس انك مبسوط ان ميعاد جوازكم قرب كلها اقل من شهر .

و انت ماشي سرحان و بتتخيل هتقدوا شهر العسل فين لقيت اللي وقف متنح قدامك و بعلو صوته " مصطفي ... واحشني يا ندل "

ده حسين زميلك في ثانوي و اللي مبقتش تشوفه كتير عشان اختلاف مجال الدراسه

و بعد السلامات و الذي منه طبعا لازم تبلغه الخبر السعيد

" مش انا خلاص هتجوز يا واد "
" يا راجل ... الفين مبروك ... و ده بقي حب من ايام الجامعه ولا عرفتها من الشغل "
" لا .. الحقيقه هي جارتنا ... علي فكره دي نفس تخصصك و المفروض نفس دفعتك كمان"
" صحيح ؟؟... عموما احنا دفعتنا صغيره و كلنا عارفين بعض ... اسمها ايه ؟ "
" رشا **** .... "

عمك حسين سكت شويه ... و بعدين رجع اتاكد من الاسم ... و بان زي ما يكون مش مبسوط

" ايه يا حسين قفشت فجأه كده ليه "
" بص يا مصطفي احنا في يوم من الايام كنا صحاب جدا و برغم ان اللي هقولهولك يمكن يضايقك مني بس الصداقه ..

قاطعته انت بنرفزه ... " لخص يا حسين .. في ايه "





واقف في بيت خطيبتك اللي كلها كام يوم و تبقي زوجتك ... بتحاول تكون هادي و حاطط احتمال اخير ان حسين يكون كداب

دخلت هي فرحانه بيك و لسه هتسألك ايه اللي جابك بدري كده علي غير ميعاد

سالتها بشكل مباشر ... " ليه مقلتليش انك كنتي مرتبطه ايام الكليه "

بلمت هي شويه و بعدين لقيت ملوش معني انها تسالك عرفت منين ...

كملت انت بعد ما اتاكدت ان اللي عرفته صحيح .. " كنتي مرتبطه بزميل ليكي من تاني سنه في الدراسه و لحد قبل التخرج .. قصه حبكم كانت قويه لدرجه الدفعه كلها عارفاها "

اخير ابتدت تنطق " مصطفي .. الموضوع كان حب مراهقه ... و مكنش زي ما انت متخيل ... و ماما كانت عارفه بالموضوع ... انا معملتش حاجه غلط ... دفعتنا صغيره عشان كده طبيعي الحاجات دي تتعرف علي مستوي الدفعه مش علشان هي كانت قصه زي اللي في دماغك"

" و ليه مقولتليش ..." دي منك طبعا

" لان الموضوع انتهي و نسيته خلاص يا مصطفي ... صدقني يا مصطفي كل حاجه كانت في النور و ماما كانت عارفه من اول يوم"

سكت انت خالص و ابتدي عقلك يوقع في الحيره


" اصدقها ... كلنا حبينا قبل كده .. و بعدين بتقول مامتها كانت عارفه "
" و لو كانت القصه زي ما هي بتقول ليه خافت تقولك .. و تصدق منين ان مامتها كانت عارفه .. مهي ممكن تكون بتكدب عليك ... و طبعا امها مش هتبوز الجوازه علي حاجه زي دي حتي عشان خاطر سمعة بتها "

" لا بس حتي لو مكانتش مامتها عارفه ... انا واتق في رشا .. ما احنا جيران من زمان و مخطوبين بقالنا سنتين .. لو مكنتش بنت كويسه كنت حسيت "
" و ليه متقولش انها بقت كويسه بعد ما انكسر قلبها .. تضمن منين انها مش فاكراه .. و انها بس بتتجوزك كده من باب انه لازم تتجوز "


قولي بقي يا بطل .. لو انت مكان مصطفي و عرفة بالموضوع ده صدفه كده قبل الجواز .. هتمم الزواج ولا هترفض .. و ليه هترفض ؟

اما انتي يا جوهرتنا فلو اكتشفتي ان خطيبك كان عايش قصه حب جميله طول فترة الدراسه .. و برضه اكتشفتي ده صدفه و قبل الجواز ... هتممي الزواج .. ولا هترفضي

يالا يا شباب قولوا لمصطفي يعمل ايه



" لو اي حد يا شباب يحب يشارك بمشكله .. يبعتلي فكرتها في رساله او في و انا هنزلها باسمه في وقتها وممك تتكتب انت المشكله ونزلها في الموضوع .. عشان كلنا نستفيد و في نفس الوقت نحافظ علي نظام الموضوع"

بصى يا توتاااااااااااااا هية ولو كانت مرتبطة وكانت بتحبة اوى وفعلا نسيتة شكل ما بتقول انا اصدقها لو انا بحبها ولو ماكنتش هية نسيتة احاول انا انسيهولها بكل ما اقدر افعلة واحسسها بحبى ليها من اول لحظة

دا راى ولو حد عندة راى تانى يقولوة

فى المشكلة التانية احنا عايزين الصراحة











كل واحد هتفضل تدور فى راسه حوارات احنا عايزين الحقيقة مش شغل مسلسلات

فى المشكلة التالتة

انا لو مكان

درش


انسى كل حاجة فاتت

وافتح صفحة جديدة


لان مافيش حد مش له ماضى

او مش حب قيل كده


المهم انه يكون نسى الحب الى فات

شكرا يا عبدوووو لرايك وشكرا يا محمد لمرورك

شكرا يا عاشق لرايك
علي فكره يا عاشق انا بحب طريقتك في كتابه رايك
هههههههههههه

بصى يا توتا هوا انا داخل بس دلوقتى علشان خاطر الاعضاء خلى كل حادثه كل يومين مثلا


علشان نلحق نتابع والناس ترد براحتها


وشكرا


وان شاء الله هخش تانى اقول هعمل ايه فى ال 3 حوادث المنقضيه