للكوسة فى بلادى شئون..!!

**mohamed ali** · 2007-06-16, 02:09 AM

اذا الشعب اراد يوما الحياه
فلابد وان يستجيب القدر
-----------------------------------------------
للكوسه في بلادي شئون
بتخلي المسنود فرعون

يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه
والراجل اللي انت ظلمته
تلاقيه متلقح مسجون

أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون

ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد

وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون

أحكامك تسقط ف ساعتها
بعديها ترجع موزون

ويا عيني لو تعرف شيخ

فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون

وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون

ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون

ولو انت بتعرف فرّان
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون

ولو انت زميل الحلاق
راح تحلق اولها زبون

وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون

لكن لو شاعر غلبان

قلت اللي ف نفسك علطول
حيقولو مين قال لك قول
ويهاجمك مليون إنسان

ملطوش

gg;,sm tn fgh]n az,k>>!!

**!! GoldeN BoY !!** · 2007-06-16, 10:02 AM

ههههههههههههههههه

شكرااااااا يامان عندك حق والله

**la princesse** · 2007-06-18, 02:18 PM

thanks mo7amed 4 the very good topic
by the way ur signature is so kind

**totaaaa** · 2007-06-18, 03:08 PM

شكرا يا محمد كلامك جميل وهو ده فعلا اللي بيحصل

لازم عشان تمشي في حاجه يكون معاك وسطه حتي لو عند بتاع الفول ولا العيش

ربنا يرحمنا برحمته

**mohamed ali** · 2007-06-23, 01:59 AM

مرسي جدا لمروركم ويارب يكون الموضوع عجبكم

**mandoo** · 2007-06-23, 09:53 AM

عندك حق والله البلد كله كوسه

وكوسه بيته كمان

**black rose** · 2007-06-24, 09:19 PM

الاهلى جااااااااااااااااااب جوووووووووووووووووووووووووون دلوقتى

موضوعك وشه حلو ع مصر

ربنا يباركلنا فيك يا فلافيو

ع اخر خمس دقايق

اه انت كنت بتتكلم عن الكوسة

اذا كنا احنا بنتعامل مع بعضنا بالكوسة وبجميع انواعها مقلى مشوى(؟؟) محشي

مستخسرين مصر تعمل ده فينا

دمتمممممم

وىىىىىىىىىىىىىىىىىىى الاهلى جاب حون

معلش اصل مش مصدقة يا جماعة

**اسير الاحزان** · 2007-06-25, 12:39 AM

عندك حق والله البلد كله كوسه

وكوسه بيته كمان