يا نساء العالم ................................ انكتموا

قديما كانت المرأة تتمتع بصوت رقيق .. حتى ان الفرد كان يعانى لسماع المرأة التى تتحدث اليه وهو مايندرج تحت مسمى الحياء والخجل وايضا الانوثة .. ولان الدنيا اتغيرت .. والحال اصبح غير الحال .. والبنات مابقيتش بنات .... فاليوم اصبح صوت المرأة المصدر الرئيسى فى الضوضاء التى تعم العالم ...

فلو كنتم من سكان العمارات السكنية متعددة الطوابق .. فأنتم بالتأكيد تعرفوا الكثير عن ادق خصوصيات جيرانكم وطبعا البركة فى صوت زوجاتهم الموقرات ...

وسأضرب لكم امثلة

حرم السيد صبحى المكبوس ( الدور الثالث ) تواجه مشكلة مع إيقاظ ولديها على وكريم كل صباح للذهاب إلى المدرسة لذا قررت أن توقظ كل سكان العمارة قبلهما ، فهى تبدأ فى تمام الساعه السادسه من كل صباح الصراخ
( قوم يا على قوم يا كريم ) ، ( يلا قوموا ما تغلبونيش ) ( إنت يا خويا قوم صحى ولادك اللى قرفنى ) ( يا علىىىىىىىى يا كرييييييييييم يا دى القرف بتاع كل يوووووم)

اما مدام عنايات زوجة الاستاذ حسنين ( الدور الرابع ) فدائما تعكنن عليه حياته مع كل رشة عطر يضعها وهو خارج من البيت على غرار
" ورايح فين بقى ان شاء الله "
" رايح القهوة اقعد مع اصحابى شوية "
" وهو اللى يروح القهوة يتشيك كده برضه يا راجل.. شكلك ناوى تتجوز عليا ... يا لهوييييييىىىىى .. يا ميلة بختك يا عنايات فى جوزك "
ولا احد يستطيع ان يغلق هذا السيل من التعديد والنديب والتهذيق سوى اعلان الاستاذ عبدالحليم عن عدم خروجه وذلك بعد المعركة الشرسة والتى انتهت بتقطيع هدومه ....

تختلف الصورة عندم حرم السيد منصور مجانص ( الدور الثانى ) فهى والشهادة لله لا يسمع لها صوت طوال الصباح ولكن المسكينة تواجهة مشكلة بسيطة تتلخص أن والدها توفى منذ سنتين وترك محلا لتجارة الأدوات الصحية يديره أخوها المتزوج من سيده إسمها العقربه وقد علمنا بهذه المعلومات من مكالماتها اليومية مع والدتها والتى نستمع بكل سرور الى تفاصيلها كل مساء حيث تصيح ( طبعا وحيدينى نصيبى من المكسب إزاى ما هو بيصرفه كله على العقربه علشان تلبس المحزق والملزق )
و ( ما هو إبنك الدلدول ماشى وراها وبيحلف إن المحل ما بيكسبش )
و ( والله لأخلى مجانص يربيه )
والحقيقة أننى أحسست بقلق عظيم عندما لم نسمع اى جديد عن الموضوع لمدة ثلاثة أيام لذا فى اليوم التالى قابلت السيد مجانص على سلم العمارة وسألته ( إن شاء الله يكون جوز العقربه إدى المدام بتاعتك اللى هى عايزاه )
الحقيقة لم افهم حتى الأن رد الفعل العنيف الذى قام به مجانص والذى أدى إلى تورم عينى اليسرى لعدة ايام .

اما السيد عبده الغلبان( الدور الاول ) فا بيعانى من مشكلة تانية خالص .. ولكن لاسباب اخلاقية لا نستطيع ان نذكرها .. ولكنها دائما تنتهى بصوت عالى من الست احسان وهى تقول " ياااا وكستك " ...

هل سيعود ذلك الزمن الجميل الذى لا نسمع فيه صوت المرأة
نعم ؟ .... عفوا لا أسمعكم .... أرفعوا اصواتكم فزوجتى تصرخ طالبة منى إغلاق الكومبيوتر !!!

---

dh kshx hguhgl >>>>>>>>>>>>>>>>>>>>>>>>>>>>>>>> hk;jl,h

اما مدام عنايات زوجة الاستاذ حسنين ( الدور الرابع ) فدائما تعكنن عليه حياته مع كل رشة عطر يضعها وهو خارج من البيت على غرار
" ورايح فين بقى ان شاء الله "
" رايح القهوة اقعد مع اصحابى شوية "
" وهو اللى يروح القهوة يتشيك كده برضه يا راجل.. شكلك ناوى تتجوز عليا ... يا لهوييييييىىىىى .. يا ميلة بختك يا عنايات فى جوزك "
ولا احد يستطيع ان يغلق هذا السيل من التعديد والنديب والتهذيق سوى اعلان الاستاذ عبدالحليم عن عدم خروجه وذلك بعد المعركة الشرسة والتى انتهت بتقطيع هدومه ....



اوعي يكون قصدك علي حرم الاستاذ الافوكاتو "محمد "

اصله دايما بينزل متشيك وانا عارفه بيروح فين

ميرسي علي الموضوع الجامد دا يامحمد

مرسي لييكي يا ايناس لمرورك

ونروتي المنتدي من جديد

فاليوم اصبح صوت المرأة المصدر الرئيسى فى الضوضاء التى تعم العالم ...

على اقرب ساتر وخبى نفسك انا شايفهم جايين هناك اهو

متقلقش ياماندوز انا اقمت الحصون قبل ما اعمل الموضوع ههههه

مرسي لمرورك

المشاركة الأصلية كتبت بواسطة mandozzz

على اقرب ساتر وخبى نفسك انا شايفهم جايين هناك اهو

المشاركة الأصلية كتبت بواسطة ma852003

متقلقش ياماندوز انا اقمت الحصون قبل ما اعمل الموضوع ههههه

مرسي لمرورك

ابقى خلى الحصون بتعتك تنفعك انت وهو لما تتجوز وحدة تطلع عينك ان شاء الله
قولوا اميييييييين

عموما اللى كتب الموضوع ده شكله بيسمع الستات اللى بتزعق ومبيسمعش الرجالة
ال يعنى هم اللى هاديين ومؤدين اوى

محدش يقول اميييين خاالص

مستنينك يا برنسيس من تاني ونشاطك يرجع زي الاول