هل تدخين الفتيات موضة وانفتاح سلبي لمنافسة الشباب ؟

لا تخلو المقاهي من الشباب الذين يسهرون ويقضون وقت فراغهم بالتدخين ولعب الشطرنج ومشاهدة المباريات، ولكن العجب أن نرى فتيات تتردد على هذه الأماكن وتمارس حريتها على مرآى الجميع، ففي عصر العولمة والانفتاح الفضائي وتقنية المعلومات هل أصبح تدخين الفتيات عادة من العادات المفروضة؟ وإذا كانت الفتاة لا تهتم بصحتها وتتهاون في مسألة الخطر الذي يحدق بحياتها، فهل تتساهل في الخطر المحدق بأنوثتها وعذوبتها أو سمعتها ؟
لا نعتقد أن أي فتاة قد تتهاون في هذا الجانب الذي يمثل معنى وجودها في الحياة ومعنى جمالها ورونقها الجذاب.

أيتها الفتاة المدخنة ..

الأنوثة هي بريق عينيكِ وأنت ذابلة العيون.

الأنوثة هي لون شفتيكِ وأنتي قد طليتِ شفتيكِ بلون أسود كتوم.

الأنوثة هي عبير أنفاسك وأنفاسكِ أنت كأسوأ ما تكون.

الأنوثة هي اشراقة وجهكِ وأنتِ وجهكِ غائب بين الدخان والسموم.

جميع الرجال يذبلون أمام جمالكِ وجميع الشعراء قد تغنوا بكِ، فأفيقي قبل فوات الآوان وقبل حدوث شيء ما لا يجب أن يكون قبل ذبلان الورود.

والسؤال الذي يطرح نفسه هنا هل السبب في ذلك الحرية من الأهل؟

أم الثقة القوية من أولياء الأمور؟

أم التهاون في التربية والانشغال في أمور الدنيا؟

أم ارتباط الفتاة بصديقات السوء؟

أم مشكلات عاطفية تمر بها الفتاة ؟

أيها القراء الأعزاء

بين هؤلاء الفتيات قد تكون واحدة تعرفها او تربطك بها صلة قرابة , فهل ترضى لها أن تكون في زحمة الدخان، وفي فمها أنبوب الشيشة ؟

---

ig j]odk hgtjdhj l,qm ,hktjhp sgfd glkhtsm hgafhf ?

والله دى بقت ظاهره غريبه وبتبان فى اسكندريه فى الصيف على الكافيتريات اللى عالبحر
بشوف البنت تبقى محجبه وماسكه تشد فى الشيشه ولا احسنها راجل
واللى بتشرب تفاحه واللى بتشرب سلومى
والمصيبه الاكبر ان ممكن يكون البنت وامها قاعدين مع بعض
بصراحه ربنا يستر

اكيد ميرا عندك حق فى كل اللى قولتيه خصوصا الظاهرة دى زادت كتير فى ايامنا دى بسبب انشغال الام والاب عن بنتهم دا اكيد وهى بتكون فى مرحله عاوز فيها اهميه اكتر
انا عن نفسى اعرف حكايه حصلت من واحده انها طبعا انشغل عنها الابوين كل واحد فى شغله وهى وحيده وكدا واصحابها مش سوء ولا حاجه بس هى عانت من الوحده فطبعا بدات بتدمير نفسها واصحابها نهوها عن كدا كتير وهى تعبت من دا وراحه على اساس تكشف فصحبتها حذرتها لان هيكتشف امرها ان هى بتشرب وكدا واعتقد دا كله بيرجع للفساد اللى فى المجتمع من القنوات والدش والحاجات دى كلها اللى عملت كدا فى شباب الايام دى يعنى انا سامعه بيقولو نصف شباب مصر بيشربو مخدرات وما الى ذلك بس واحده كانت عاوزة انها تنصحها بس بطلت ورجعت ممكن تقول لمامتها بقى ولا دى هتبقى مشكله ليها بس بردو هى خلاص تعتبر الوقتى مش صديقتها ولا بتكلمها بس هى عايزة تحذرها من كدا بس
وشكرا لموضوعك ميرا

والله فى اكتر من كدا يا رامى

انا شفت فى اسكندريه اكتر من

وحده منقبه مسكه الشيشه

والله ينور عليها هى وامها واختها

ولا فى الدماغ الله اعلم بقى لبسين النقاب موضه

ولا بيستخبم من الحاجات اللى بيعمولها

ولا عندهم حاجه عادى؟

موضوع فعلا يا اميرة يحتاج الى نقاش

وكل ما تيجى تكلم واحدة وتقولها لية تقولك بجرد اشمعنة انا مجربش

اصل مفيش فرق بين البنت والولد بس مش انا طبعا الى بقول الكلام دة دة الى بيشربم بس

وفى الاخر اقول ربنا يهيهم ويهدينا جميعا

800000000000% سفه مش اكتر

دى بنات ضعيفة مجرد بتروج للى بتعمله بحجج واهية

قال مساواة قال

ده البنات دلوقتى اللى بيتقال عليهم محترمين فى قمــــــــــــة التحرر

ولا دى افكار واردة لينا من الغرب اقتبسناها بوازع من التفكير الرجعى المتاصل فى دمغتنا

شيشة ؟؟

لا ده كمان بقت ظاهرة فى المولات الكبيرة الشيك (المفترض) ..

وفعلا فعلا اذا لم تستح فاصنع ما شئت

والبنت باللى بتعمله ده بتكسر اجمل حاجة فيها وهيا حياءها وانوثتها

وده كله علشان ايه مش فاهمة

يا اختى ما يروحو يقعدوا جنب امهاتهم يعملولهم صباعين محشي

طب خدوا المفاجاة دى بقى
انا هسال سؤال وعايزة كل اللى ردوا يجاوبوا
ايه الفرق بين الولد المدخن والبنت المدخنة
هو حرام للاتنين ولا للبنت بس
هو بيدمر صحة الاتنين ولا البنت بس
يعنى المفروض اننا نتكلم عن التدخين ككل مش تدخين البنت بس
لان الاتنين واحد

التربيـــــــــــــة أولا و أخيـــــــــــرا

السلام عليكم
طب ما فى رجاله تكون مع مرتاتهم ويشربو شيشه هو ومراته وكتير شوفت الحاكيه دى تقول ايه بقى على الراجل الى معاها
ربنا يهديهم وينور طريقم