اقولكوا حاجة ..... انا رايح انام

كتاكيتى الحلوين

كتكوتاتى الحلوات





قعدت قدام الكمبيوتر وقررت اكتب موضوع جديد

قعدت افكر وافكر اكتب ايه ...؟ ايه ده ؟ ايه الافكار خلصت ..؟ معقول مش لاقى حاجة اتكلم فيها ..؟

استعذت بالله من الشيطان الرجيم .. وبدأت اركز

ايوة ايوة ... لاقيتها

اكلمكوا عن القضية الفلسطينية .. والانتهاكات الاسرائيلية اللى بتحصل كل يوم .. والذل اللى بيلاقيه اخوانا الفلسطينين واحنا ولا على بالنا ...
يوووووه ..
بس الموضوع ده اتكلم فى ناس كتير ولسة بيتكلم عنه ناس اكتر ... وانا عايز اتكلم عن حاجة جديدة


خلاص .. خلاص

هاكلمكوا عن التعديلات الدستورية فى مصر , واللى اتًرمخت عشان خاطر سيدنا الرئيس , مع تخلي القضاء عن الإشراف علي الانتخابات في المادة ٨٨ من الدستور


لا يا عم بلاش الموضوع .. اصل بينى وبينكوا الواحد مقلق والعملية مش طالبة بهدلة ... قول ورايا يابنى ( التعديلات فى الدستور ... خلت شكله بقى امور )

طب اكلمكوا عن ايه ..؟ اكلمكوا عن ايه ؟
اه هاكلمكوا عن الحال فى العراق ... والوضع المحزن هناك ... والفتن بين السنة والشيعة ,
بجد الصورة هناك مؤلمة جدا ... ايوة فيه مقاومة وفدائين ... بس للاسف فيه كمان فتن بين السنة والشيعة ... ده الواحد كل يوم بيسمع عن مقتل الكثير من اهل السنة على ايدى الشيعة , فبدلا من الوقوف امام الطغاة المحتلون جنبا بجنب نقتل بعضنا البعض وكله فى الاخر بيصب فى مصلحة ماما امريكا ....

لا يا عم انا مش هاقدر اتكلم عن الحاكية دى ... بجد الواحد بيحس بمرارة كبيرة وهو بيتكلم عن اللى بيحصل هناك ...


اقولكوا .. انا هاكلمكوا عن الفن والسينما
ده يا راجل كنت قاعد قدام التليفزيون امبارح وعمال اقلب بين القنوات لاقيتلك فيلم هايبدأ على قناة السينما اسمه اوقات فراغ .. قولت خلاص اسمعه واهو اسلى وقت فراغى ... وبعد كده عينك ماتشوف الا النور ... يا نهار ابيض .. ايه اللى بيحصل قدامى ده ... الفاظ خارجة .. وتصرفات خارجة عن حدود الادب
بجد منتهى السفالة والبوظان ... ويقولك قال ده احنا بنتكلم باسم الشباب ومشاكلهم ... بالعكس اللى انا شوفته بيعلم الشباب الصياعة والضياعة والنوم على الرصيف زى مابيقوله ..
بجد ماقدرتش اكمل الفيلم ...
( بينى وبينكم ..اصل خالو كان قاعد معايا ) ..

ولانى ماشوفتش الا ربع ساعة من الفيلم فا مش هاقدر اديكوا صورة كاملة عنه .. ولا اكلم فيه اكتر من كده ..

طب اكلمكوا عن ايه ؟ اكلمكوا عن ايه ..؟

يوووووووووه ...

انا زهقت .... والله مانا متكلم عن حاجة

انا رايح انام ...

يمكن لما اصحى ابقى اكلمكوا عن الحلم اللى حلمته


تصبحوا علي خير

---

hr,g;,h ph[m >>>>> hkh vhdp hkhl

هههههههههههههههههههههه
والله احسنلك بردو
اصل لو اكلمت مش هتخلص من مشاكل المجتمع
ميرسى ليك

هههههههههههههههههههههه


لما تصحى قووولي
بس إنتا كده أتكلمت فى مواضيع كتيرة


تممااااااااااااااااااااااااام

روح يا شيخ وتعالى بسرعة

تصبح على خير يا محمد

بس قبل ما تنام شوف فى استقبال فى انهى مستشفى



علشان


انــــــــاااا



مش هقدر

امسك

نفســــــــــــــــــــــى

يعنى بعد كل دة ميطلعش فى حاجة

وانا مستنية ييجى فى الاخر موضوع مهم

اللة يسامحك

الهى يحرق دمك

ههههههههههههههه

روح نام يا ابنى احسن

يعنى بعد كل دة ميطلعش فى حاجة

وانا مستنية ييجى فى الاخر موضوع مهم

اللة يسامحك

الهى يحرق دمك

انته فين يا محمد طمنا عليك

انا شايف الناس نازلة دعا عليك

يا ترى ايه الخسائر الى عندك

نانيسهههههههههههههههههههههه
والله احسنلك بردو
اصل لو اكلمت مش هتخلص من مشاكل المجتمع
ميرسى ليك

ربنا يخليك يا نانيس يا رافعه معنوياتي دايما

محمد إبراهيمهههههههههههههههههههههه


لما تصحى قووولي
بس إنتا كده أتكلمت فى مواضيع كتيرة


تممااااااااااااااااااااااااام

صباح الخير

اي خدمه بس كنا عاوزين نتكلم في شوية مواضيع كده بس كل ماجي اتكلم في حاجه تطلعلي حاجه قلت كده مش هاينفع نعمل اي حاجه لما ادخل انام احسن

عاشق الجنة

روح يا شيخ وتعالى بسرعة

تصبح على خير يا محمد

بس قبل ما تنام شوف فى استقبال فى انهى مستشفى



علشان


انــــــــاااا



مش هقدر

امسك

نفســــــــــــــــــــــى

وانت من اهله يا احمد


بس قولي الاول المسدسات دي كلها محاك ترخيص ليها

قمر الليالىيعنى بعد كل دة ميطلعش فى حاجة

وانا مستنية ييجى فى الاخر موضوع مهم

اللة يسامحك

ليه بس يا قمر الليالي ما احنا اتكلمنا في شوية مواضيع قبل ما ادخل انام

بس اهم حاجه رضاكم عني

la princesse

الهى يحرق دمك

انا مش هاتكلم الا في وجود المحامي بتاعي

GoldeN BoY !!ههههههههههههههه

روح نام يا ابنى احسن

خير الكلام ما قل ودل

انته فين يا محمد طمنا عليك

انا شايف الناس نازلة دعا عليك

يا ترى ايه الخسائر الى عندك

حتي الان الخسائر بسيطه جدا فقط جاري البحث عن دكتور نفساني

رايح تنام ايه يابني قوم كدا صحصح معانا مش ينفع تنام في المواضيع دي عايزين كلنا

نقوم نتكلم نطلع اللي جوانا لو كلنا نمنا مين هيتكلم

عايزين نتكلم ونعمل اللي احنا نقدر عليه يمكن حد مننا يقدر يوصل صوتنا لحد

ولو تعبنا من الكلام ممكن تبقي تحكي لينا علي فيلم عربي احسن من النوم

يالا سمعنا صوتك

مرسي يا ايناس لمرورك بس ابقي صحيني بقي
ههههههههههه