انا حيران ساعدونى يا اخوانى

انا شاب عمرى تجاوز 20 سنة
مشكلتي اني اتعرفت علي بنت محترمة جدآ قبل 4 شهور وانا بحبها جدا وهيا بتحبني بس المشكلة عمري ما قلتلها بحبك ولا هيا قالت من كتر الخجل
اعمل ايه وارفع الخجل من قلبي وقلبها علي علم اني قلت انشاء الله كمان اربع شهور وهخطبها او اقل علي حسب الظروف يا ريت اى حل اكسر فيها الخجل

ارجو بدون تجريح

---

hkh pdvhk shu],kn dh ho,hkn

نصيحتى للشاب الحيران انه لو متمكن من نفسه وضامن نفسه من انه هيقدر يسعدها وكمان ضامن حالته الماديه
وحاسس انه خلاص ممكن يتقدم ليها
يا خد الثقه فى نفسه
وينتهز اى فرصه سانحه
ويعبرلها عن مشاعره
طبعا هى وشها هيحمر من الخجل فى اول مره
بعد كده ينتهز فرصه تانيه
ويعبر برده عن مشاعره
ويقولها انا عايز اتقدملك
ويشوف ردها ايه
لو وافقت يبقى خير وبركه
ماوافقتش يبقى انت عملت اللى عليك

أولا إزاى يا أخى اتعرفت على بنت ... إذا كنت انت اتعرفت عليها وهى كمان اتعرفت عليك وبدأ كلام بينكم

يبقى ازاى تكون البنت دى محترمة جدا ..... دى حاجة

طيب لو اتعرفت عليها بمعنى انك شوفتها عجبك شكلها .. أخلاقها .. إلتزامها وانت قادر على الخطوبة والتقدم ومفيش مشاكل عند الأهل .. فيجب أن تتقدم لأهلها و لا توجه لها كلمة مثل ( بحبك ) فهذا خطأ كبير جدا

وإذا كنت خايف من سنك وإن أنت مش أد المسئولية .. فأنا أنصحك بترك هذا الموضوع برمته حتى تكبر وتتخرج وبعدين تتقدم لها ............ هذه نصيحة من أخ يحبك حتى لا تتورط فيما يغضب الله عز و جل

انا من رايى انك لو شايف ان هى دى البنت المناسبه ليك فعلا وحاسس انك عاوزها تشاركك حياتك
ومستعد انك تتقدملها فانصحك انك تمهدلها حبك واحده واحده مش على طول وخللى فتره الخطوبه انكوا تتاكدوا انكم مناسبين لبعض او لا
وبعدين كتر الاحراج ده ممكن يضيعها منك. وخلال الاربع شهور دى خاللى العلاقه ما بينكم تبقى فى النور
يعنى تكلم اخوها او مامتها وتلمحللهم بالموضوع وتعرفهم انك جاد
واتشجع وفاتحها فى الموضوع مش تتاخر اكتر من كده
ويارب يوفقك

بصراحه الاخوه قالو اللى انا عايز اقوله

بس الحل فايدك انت ربنا معاك

اخي الحيران كل كلام الاعضاء جميل جدا
بس الحل في ايدك
انت بتحبها اثبت انك بتحبها انك تتطلب ايدها من أهله
او قولها انك معجب بيه وانك عايزه تخطبها انت داخل البيت من بابه
وده يكفي انك تكون وثق في نفسك
انت شكلك انسان كويس وبتحبها
واظن ديه ثقه كفايه انك تقولها وتتوكل علي الله
ربنا يوفقك ومفيش حاجه اسمها خجل ده بس ده حياء او قله من الثقه وانت واخد الموضوع جد
يبقي ربنا يوفقك وتوكل علي الله وقول يارب

اولا... كنت عايزة اوضح حاجه ان مش معني ان بنت تكلم ولد انها مش

محترمه ممكن يكونوا بيكلموا في اي مواضيع كويسه ومحترمه زي ما

احنا بنتناقش هنا في مواضيع جاده ومفيده والواضح من كلامه انهم مش

اتكلموا خالص في موضوع الاعجاب دا بدليل انه مش عارف يقولها علي

مشاعره...

تاني حاجه ... دا رايي هقولهولك وربنا معاك يارب ويوفقك

بجد بلاش تتكلم معاها في اي حاجه دلوقتي ولا تقولها علي

مشاعرك ومدام فاضل اربع شهور ان شاء الله بس ممكن تصبر شويه

وبعدين تروح تتقدم علي طول وان شاء الله ربنا يوفقك معاها لان

ممكن تقولها دلوقتي وتعترف لها بمشاعرك وبعيد الشر يحصل اي مانع

ومش ينفع ترتبطوا ببعض وتعلقها بيك وتتعلق بيها وتنجرحوا انتم

الاتنين في النهايه وبجد الجرح صعب اوي فبجد احسن شئ انك تصبر

وصدقني لو ليك نصيب فيها هتاخدها ان شاء الله وهتبقي من

نصيبك بأذن الله حتي لو حصل ايه

واتمنالك التوفيق ان شاء الله في كل حاجه

اتمني اني مكنش ضايقتك بكلامي

ايناس

المشاركة الأصلية كتبت بواسطة ايناس

اولا... كنت عايزة اوضح حاجه ان مش معني ان بنت تكلم ولد انها مش

محترمه ممكن يكونوا بيكلموا في اي مواضيع كويسه ومحترمه زي ما

احنا بنتناقش هنا في مواضيع جاده ومفيده والواضح من كلامه انهم مش

اتكلموا خالص في موضوع الاعجاب دا بدليل انه مش عارف يقولها علي

مشاعره...

تاني حاجه ... دا رايي هقولهولك وربنا معاك يارب ويوفقك

بجد بلاش تتكلم معاها في اي حاجه دلوقتي ولا تقولها علي

مشاعرك ومدام فاضل اربع شهور ان شاء الله بس ممكن تصبر شويه

وبعدين تروح تتقدم علي طول وان شاء الله ربنا يوفقك معاها لان

ممكن تقولها دلوقتي وتعترف لها بمشاعرك وبعيد الشر يحصل اي مانع

ومش ينفع ترتبطوا ببعض وتعلقها بيك وتتعلق بيها وتنجرحوا انتم

الاتنين في النهايه وبجد الجرح صعب اوي فبجد احسن شئ انك تصبر

وصدقني لو ليك نصيب فيها هتاخدها ان شاء الله وهتبقي من

نصيبك بأذن الله حتي لو حصل ايه

واتمنالك التوفيق ان شاء الله في كل حاجه

اتمني اني مكنش ضايقتك بكلامي

ايناس

انا مع راى ايناس فى كل اللى قالته

انا مع رأى الاستاذ islamy
انا بقول تأجل كلمة بحبك دى شوية وتقولها الاول بصى يا ... انا عاوز اجى اقابل بابا ان شاء الله وشوف ردها
ولو الحكاية بقت السطه ابسط ياعم روح اخطبها وابقى قولها بحبك وكل حاجه بس ما تنساش زى ما قال islamy ياريت ما تعملش حاجه تغضب ربنا