رسالة هامة لكل أعضاء شبكة تيفا

بسم الله الرحمن الرحيم

بعد الحمد لله والصلاة والسلام على نبينا محمد (صلى الله عليه وسلم)

أنا اتكلمت فى الموضوع ده كتير ويظهر ان مفيش حد أعارنى اهتمامه

أنا عايز أقول حاجة لكل الأعضاء ومش عايز حد يزعل منى

أنا أسف إن بلاقى معظم أعضاء المنتدى بيضعوا صور أو كلام لا يليق بهم

فمنكم من يضع صور ممثلين أو مغنيين أو ............................

يا شبابنا إحنا عاوزين يكون كلامنا كلام عملى مش حبر على ورق

إحنا عايزين ننصر حبيبنا المصطفى عليه الصلاة والسلام

عايزين نعلى بهممنا شوية

عايزين نبقى مسلمين بجد وإن أخطأنا كلنا بنخطأ بس نتوب

عايزين نعين بعض الخير

واحد هيقلى يعنى الصورة البسيطة دى معناها إن أنا مش مسلم

الصورة دى معناها إن أنت مش منتمى لدينى

معناها إن أنت منتمى أو منتمية لمنى زكى أو love أو مطرب ما أو شىء من هذا القبيل

فين معنى الإسلام جواك ..... فينك من دينك

أرجو إن أنا ما كنش أزعجت حد بهذا الكلام

إحنا عايزين نتغير ... وأرجو إن إحنا بعد الرسالة دى ألاقى صور جميلة وكلام طيب

عشان يكون منتدانا منتدى إسلامى دين ودنيا جميل تطغى عليه روح الإسلام

وأخيرا إنى أحبكم جميعا فى الله

والسلام عليكم ورحمة الله وبركاته

---

vshgm ihlm g;g Huqhx af;m jdth

مش عارف ليه كل ما اتكلم فى الموضوع ده كل الشباب يهربوا منه

طب حد يقول لى ايه السبب

حد يفهمنى يا اخوانا

أحب أعرف إيه السبب عشان لو أخطأت فى حاجة أصلحها

والله ياخ اسلامي كلامك صحيح ليس فيه اي شئ من الغلط

وبدعو معاك الاخوة الاعضاء ممكن نحط اي صور ياجماعه تدل علي اسلامنا او اي شئ نؤمن بيه

ممكن مثلا نحط صور لطبيعه الخالق التي تدل علي قدره ربنا سبحانه وتعالي

ممكن نحط اي صورة بتعبر عن رساله مؤمنين بيها

ممكن اي عبارات دعاء او تسبيح ناخد بيها حسنات ان شاء الله لان الكل هيرددها ان شاء الله لما يقرا تعليقك او موضوعك

وشكرا اخ اسلامي علي التنبيه

وجزاك الله كل خير

شكراً يا أخ إسلامي فعلاً الموضوع محتاج النظر فيه وبإذن الله الأعضاء هايتفاعلوا مع الموضوع وهايتبعوا النصيحة وانا أولهم ... بإذن الله ربنا يقدم اللي فيه الخير ... شكراً على الإفادة سلاموووووووووووز

جزاكم الله خيرا على الرد الجميل اخت ايناس و اخت ايما واتسن

وعقبال باقى أعضاء المنتدى الرد على هذا الموضوع

ملحوظة للأخت ايما
لسه فاضل صورة منى زكى ولا إيه
وايه حكاية سلاموووووووووووووز دى

حاااااااااضر يا عمو إسلامي أديني غيرت منى زكي
وكمان بدل سلامووووووووووووووووووووز
السلام عليكم ورحمة الله وبركاته..
هههههههههههههههههههههههه
شكراً على النصيحة يا أخي الغالي ....
بس أوللي إيه رأيك في التوقيع الجديد؟؟؟؟

والله الموضوع جمييييييييييييل جدا يا اسلامي

والموضوع فوق الجميييييل وانا معاك في الفكره

وان شاء الله كل حاجه تكون تماما والمنتدي يكون اسلامي ان شاء الله

والله برده المنتدي فيه مواضيع اسلاميه حلوه قووووووووي وبنستفيد بيها قوووووي

وفي ناس كتييير في المنتدي بيهتم بالمنتدي الاسلامي

زي فجر الاسلام والبرنسيسه وانا ساعات بحط مواضيع دينيه

يعني الموضيع مش خاصه بالصور او اي حاجه

وربنا يهدي احنا طبعا اي حد بيتمني الهدايه من ربنا

وجزاك الله كل خير ويجعله من ميزان حسانتك

بصراحه يا استاذ اسلامي كلامكجميل جدا ويريت الكل يقراه

وانا معاك و الاخوة الاعضاء ممكن نضع مواضيع ياجماعه للافاده اكتر

زنعرف اكتر ونستفاد منها طبع

ممكن مثلا نحط صور لطبيعه الخالق التي

تدل علي قدره ربنا سبحانه وتعالي

ممكن نحط اي صورة بتعبر عن رساله مؤمنين بيها

جزالك الهل كل خير ان شاء الله

اشطه
مع تحياتى
mido

والله يا اخ اسلامى كلامك معقول وبيدعو للخير وفعلا حاجه كويسه اول منحط دعاء او صوره لجمال

الطبيعه زى ما بعض ما مكتوب فى بعض الردود لاكن مش معنى انى احط صوره فلان انى منتمى لفلان

ومش معنىانى محطش صوره دينيه ابقى مش مسلم وانتمائى لغير الاسلام ومش معنى انى احط

صوره لكذا ابقى بره الاسلام وابقى مش منتمى ليه انا فى فكرى الخاص ان التدين فى القلوب وليس

فى الصور فى الصلاه وفى المعامله والنيه وليس فى الصور اطلاقا بس اكيد طبعا مش وحش اننا نحط

صوره دينه او دعاء او حديث نبوى لانه يعتبر اجر مفتوح لكل من يقراه .وفى ملحوظه حابب اقلك عليها

الاستاذ عمرو خالد انا من اشد المعجبين لطرحه فى مواضيعه واقناعه وتحبيبه لنا فى دين الاسلام ولاكن

فى حاجه احنا تايهين عنها هل انت منتمى لدين الاسلام ام منتمى لشخصيه عمرو خالد ذاتها

وعلى فكره انا مكنتش عاوز اقول راى لعدم فهمى بالخطا انى بهاجم لمجرد الهجوم لا والله انا برد بكل

صدق وبالى يملبه عليه ضميرى

أنا مبسوط جدا إن الشباب تفاعلوا مع الموضوع

بس فى تعليق صغير لأخى كريم

مش معنى إن أنت حاطط صورة تامر حسنى مثلا فى كل مكان مش دى معناها إنك بتحب تامر حسنى ومعنى إنك بتحب تامر حسنى مش دى معناها إنك بتحبه كمطرب ومعنى إنك بتحبه كمطرب مش دى معناها إنك بتحب أغانيه ومعنى إنك ..................................... أكمل ولا كده كفاية

ومن ناحيتى برضه أنا مش حاطط عمرو خالد عشان منتمى لشخصيته ما حدش قال كده

بس هو صورة جميلة للمسلم الملتزم والمحب للخير

وعلى العموم أنا بقوووول ليكو كلكم جزاكم الله خيرا كثيرا

وأدعوا لنا بالهداية بإذنه

لا يا اخى الحكايه مش حكايه صوره

تامر ولا شرين الدين مش بالصور

او كدا اهم حاجه اللى فقلبك ايه

والحمد لله ربنا يعلم واشكرك

جدا على مواضيعك الجميله

شكرا لك

أنا مش فاهم إيه حكاية اللى فى قلبك دى

أنا آسف على القسوة فى الكلام

بس أنا حكيتلك الحكاية بدايتها صورة بتعبر عن إيه فى الآخر

وكمان أنا لا أتكلم عن الصورة بمعناها الضيق اللى انت فاهمه

يظهر إن حضرتك لسه لم تصلك الفكرة .. أو لسه مش مقتنع باللى بقوله

ورغم كده أنت برضه أخى فى الله .. مش عايزك تزعل

مش معنى إن أنت حاطط صورة تامر حسنى مثلا فى كل مكان مش دى معناها إنك بتحب تامر حسنى ومعنى إنك بتحب تامر حسنى مش دى معناها إنك بتحبه كمطرب ومعنى إنك بتحبه كمطرب مش دى معناها إنك بتحب أغانيه ومعنى إنك ..................................... أكمل ولا كده كفاية

انا حولت افهم بس معرفتش ارجو التنسيق فى الكلام وتوضيحه

وكمان لو قصدك ان الكلام ده تعليق على كلامى فكلامى كان تعليق على نقطه الانتماء ومفيش داعى ان احنا ندى الموضوع اكبر من قدره فى التعليق لان من الاكيد ان اخونا اسلامى مكنش يقصد بالكلام الى كتبه ان الى حاتط صوره غير اسلاميه يبقى بره الاسلام او مش منتمى ليه

كلامك كله صح والله يا اخ اسلامي وده المفروض نعمل بيه كلنا بس الشيطان شاطر واحنا ممكن نخلي نفسنا اشطر منه بالتمسك بالدين وجزاك الله خيرا علي موضوعك

اسراء

جزاكى الله خيرا يا أخت إسراء .. بس عشان كلامنا يكون عملى أعتقد تغيرى صورة الأخ اللى أنتى حطاها صورة شخصية ..... معلش أنا رخم شوية

وبالنسبة لكريم يتحدى الملل عشان يفهمنى لازم نكلم بعض وجه لوجه


وده إيميلى لو عايز تسجله وتكلمنى

islamy_84@yahoo.com

يااااااااااااا اخوانا مش عايزين الموضوع ده يموت فى قلوبنا

دى بداية فقط عشان يكون منتدى جميل ومفيد

و البقية تأتى بإذن رب العالمين

أرجو مشاركة جميع الأعضاء