رسالة من طفل الى بابا مبارك

الى ابى الحبيب مبارك
هذه رساله من طفل صغير الى بابا مبارك
طبعا هو بابانا كلنا

شوفوا الطفل وهو بيكلم بابا مبارك
بصراحه طفل زى العسل
دمه خفيف اووووى

تسمحلى اقولك يا بابا؟


بابا انا تعبان اوى........لأ مش سنانى دى ودانى...!!!!!
أيوه ودانى اصلى سمعت كتير عن حاجات حلوه هتحصل لنا وماحصلش منها حاجه
هقولك على شوية حاجات منهاواخواتى هنا يمكن يحبوا يزودوا عليها شويه حاجات
تانية يمكن اكون انا نسيتها.......
بابا مش عايزك تزعل منى علشان فتحتلك قلبى



(1)
بابا....مصر فى السياسة والاقتصاد وحتى فى الرياضه بقت فى الحضيض.....
بقينى فى اخر القايمه يابابا صدقنى



(2)
الدول اللىكان محدش بيسمع عنها خالص بقت احسن مننا بكتير اوى يعنى دول زى الهند ....الفلبين......حتى تايلاند عندهم أيدز وبردوا بيشتغلوا وبيصدروا كمان
انت نمت يابابا؟.....لسه صاحى .........طيب أكمل



(3)
بتشوف قناه الجزيره والعربيه ودبى يابابا....شوف هما وصلوا وبقوا ايه واحنا بقينا ايه
الاعلام بتاعنا بصراحه بقى زباله يابابا.......تفتكر ده من ايه؟؟؟؟



(4)
المصريين اللى عايشين بره محدش بيسأل فيهم خالص يابابا....تصور لو حد مات منهم....
السفاره مبترضاش تبعت جثته الا لو الناس لمت من بعضها ودفعوا المعلوم........
ده غير ان سفاراتنا بتعاملهم بطريقة أخر جليطة ....وقلة حيا بصراحه



(5)
أحنا مابنزرعش قمح ليه يابابا؟؟؟... أنا عارف انك بتحب الكنتلوب علشان طعمة احلى......
مش مهم



(6)
بابا بيقولوا ان اسرائيل ممكن ترجع تحتلنا تانى علشان المعاهده اللى عمو انور مضى عليها دى.....مينفعش تلغيها يابابا وندخل جيش مصر فى سين



(7)
هو ليه عمو عمرو خالد وانكل يوسف القرضاوى ملهمش برامج فى التليفزيون يابابا؟؟؟..
ليه كل البرامج بيطلع فيها رويى ونانسى ودينا....؟؟؟.....
طب عمو طنطاوى مابيزعلش لما يشوف الحاجات دى؟؟؟



(8)
فى اشاعة بتقول ان عدد الجراد اللى هاجم مصر 7 مليون جراده يعنى نفس عدد شعب مصر وأن عمو كمال الشاذلى هوه اللى بعتهم علشان يقولوا نعم لمبارك.........
صحيح انهم كتبوا ليك مبايعة على ورق الشجر يابابا؟؟؟



(9)
بابا....... وزير الزراعة الجديد ده باين عليه فقر وقدمه نحس......أوعى تفرط فيه يابابا
لأنه بقى أملنا الوحيد



(10)
بابا....... انت صحيح ناوى تجدد تانى فى 2011؟؟؟



بابااااااااااااا............سيب شعرررررررررررررى يابابا...........مين الناس دول ياباباااااااااا


هما واخدنى ورايحين فين يابابااااااااااااا


يابااااااااااابااااااااااااا


باباااااااااااااا

---

vshgm lk 'tg hgn fhfh lfhv;

ربنا معااااااااااااااك لسه حاجات كتير مش قال لبابا عليها

ممكن يبقي يكتبها في وصيته

شكرا علي الموضوع الجامد دا

اه اه فعلا ربنا معاه

ويفكر يقول له على كل الاحتيجات

كلها

فعلا من طفل الى اب كحلم اتعاظ

تسلم امير

دمتم بكل خير

خالد

موضوع رائع شكراااااااااا لك

حتى الأطفال هو ما بيخليش حد ولا إيه

لا تنسوا يا شباب تجيبوا لأخوكم عيش وحلاوة

بس رسالة جميلة جدا يا أخى امير الحب

رسالة جميلة اوى
حتى الاطفال مش
سايبنهم فى حالهم