برنامج90 دقيقة يفضح فبركة هالة سرحان

قنبلة من العيار الثقيل يفجرها برنامج "90 دقيقة" الذي يبث عبر قناة المحور ويقدمه الإعلامي معتز الدمرداش ومي الشربيني.

يتناول برنامج 90 دقيقة مساء السبت الحلقة المثيرة التي بثتها قناة روتانا سينما حول فتيات الليل والتي أثارت ضجة كبيرة والتى نوهت قناة روتانا عنها منذ شهور حتي وافقت الرقابة علي عرضها.

يستضيف البرنامج ثلاثة من ضيفات حلقة هالة سرحان حيث يظهرن علي حقيقتهن ويكشفن تفاصيل مثيرة حول الحلقة الساخنة والمثيرة للجدل , حيث سيؤكدن ان حلقة هالة سرحان كلها تمثيل وفبركة وأنهن يعملن كفتيات برامج يتم إحضارهن للمشاركة في البرامج المختلفة كضيوف كما ان هالة سرحان قامت بالاتفاق معهن مقابل 400 جنيه مع التعهد بعد اظهار حقيقتهن وعمل مونتاج لأصواتهن.

وقام معدي البرنامج بتحفيظهن الكلام الذي قمن بترديده وبالفعل تم تسجيل الحلقة الا ان التداعيات التي حدثت لم تكن متوقعة اذ تعترف الفتاة الأولي ان خطيبها تعرف علي صوتها وقام بفسخ الخطبة بينما تعترف الثانية ان زوجها قام بتطليقها ولم يقتنع بالأسباب التي بررتها له اما الفتاة الثالثة فتؤكد انها معرضة للقتل من جانب أهلها في الصعيد لما سببته لهم من فضيحة .

وقد لجأت الفتيات الثلاثة الى هالة سرحان من اجل إنقاذهن وبالفعل تعهدت لهن بتوفير فرص عمل وتم تحديد موعد لهن الا انه عندما ذهبن للاستفسار حول الوظيفة الجديدة فوجئن بأمن القناة يطردهن ويرفض صعودهن للإعلامية هالة سرحان فقامت الفتيات الثلاثة بالاتصال بهالة سرحان الا أنها ردت بغلظة شديدة وهددتهن في حال حضورهن مرة أخري فستقوم بإذاعة الحلقة بدون مونتاج وإظهارهن علي حقيقتهن قائلة لهن " القانون لا يحمي المغفلين".

---

fvkhl[90 ]rdrm dtqp tfv;m ihgm svphk

الله يخربيت قلة الضمير والفبركه اللى منتشره فى الدنيا كلها

الصراحة يا اميرة هما فى الاول وفى الاخر غلطانين جدا جدا

لان ما فيش واحدة محترمة تتكلم بالاسلوب والطريقة دة

حتى لو كانو حاطين فى اعتبارهم ان مفيش حد هيعرفهم

وشكرا ليكى حضورك هذا الموضوع

المشاركة الأصلية كتبت بواسطة قمر الليالى

الصراحة يا اميرة هما فى الاول وفى الاخر غلطانين جدا جدا

لان ما فيش واحدة محترمة تتكلم بالاسلوب والطريقة دة

حتى لو كانو حاطين فى اعتبارهم ان مفيش حد هيعرفهم

وشكرا ليكى حضورك هذا الموضوع

تمام يا قمر وانا معاكى فى كل اللى قلتيه
بس مش دى اهم حاجة
انا اللى عايزة اقوله شوفوا ازاى الاعلامية الكبيرة
اللى كان ناقص يعملولها تمثال ازاى ضميرها سمحلها بكده
انها تستغل احتياج بنات فى سن بناتها للفلوس
وتضغط عليهم علشان تفبرك موضوع مش حقيقي وتعمل شهرة ومجد لنفسها
مش مهم باى وسيلة بالكدب والغش والخداع
بالمتاجرة فى سمعة بنات مصر ومش مهم كل ده
المهم ان الست هانم تحقق شهرتها ومجدها على حساب سمعتنا وسمعة كل بنات مصر
المهم رصيدها فى البنك يزيد ببرامج تشبه المصريين وتسوء سمعتهم
والوسيلة هى استغلال بنات صغيرين طايشين ومحتاجين للمال
والضغط عليهم ووعدهم بوعود كاذبة علشان يقولوا كده


انا بس عايزة اوجه نداء للمصريين الفخورين بالست هالة وبيدافعوا عنها
روحوا شوفوا المصريين المغتربين بيتعاملوا ازاى وبيتهانوا ازاى
وبيتعرضوا للسب فى سمعتهم وشرفهم
شوفوا اخواتنا فى الدول العربية بيقولوا علينا ايه
شوفوا راى باقى العرب فى المصريين ايه
والبركة فى البرامج اللى من عينة برامج الدكتورة العظيمة

مش قادرة اقول غير حسبى الله ونعم الوكيل

يا أميرة انا عاوزه اقولك انو احنا واقصد بكلامي العرب منكذبش ونقول ما فيش بنات الليل لأ و في كل بلد عربي في بنات الليل بس عشان الفبركه واللعب بشرف بنات زي دول ده حرام وعيب كبير على وحده زي الدكتورة هاله اللي ما تستاهلش تكون دكتورة بس احنا عارفين بنات مصر واخلاق بنات مصر وادبهم وعمر حاجه زي ديه ما حاتأثر فينا ولا تقلل من حبنا للمصريين وشكرا جزيلا عالموضوع يا أميرة

عزيزتى ساندرا

انا فاهمة كل كلامك ومقتنعة بيه
بس انا مش بتكلم عن بنات مصر اللى الناس مش شيفاهم ولا تعرف حقيقتهم
انا بتكلم عن واقع حالى ملموس
ظاهرة بنات الليل موجودة فعلا فى كل البلاد
بس بتبقى فيه برامج هادفة لحل المشكلات دى
بيبقوا الضيوف ناس مختصين وشخصيات محترمة
وفى اخر الحلقة تطرح بعض الحلول للمشكلة
وبكده الناس بتحل مشاكلها فى مكان محترم
ومن غير ما يعمموا المشكلة ويدوا الناس فكرة ان كل اهل البلد دى كده
على عكس اللى عملته الدكتورة المحترمة
ضيوفها كانوا شخصيات اغلبها زى ايناس الدغيدى ويسرا .....الخ
او بعض رجال الدين اللى كانوا بيبقوا فى غير الموضع اللائق بيهم
وكانوا بيتعاملوا بمنتهى قلة الذوق والاحترام
والمكان طبعا كان اقرب الى كباريه منه الى ستوديو
مجرد بنات وشباب جايين يسقفوا ويرقصوا
وفى الاخر كل اللى بتطلع من الحلقة بيه ان مصر فيها مشكلة خطيرة
وهى ان بناتها والعياذ بالله عاهرات من غير اى حل للمشكلة طبعا
بس هليلة وهيصة على الفاضى
فرقعة علشان تجيب فلوس وشهرة
طب فين الضمير الاعلامى وشرف المهنة
لا حول ولا قوة الا بالله العلى العظيم

ربنا ينتقم منها الظالمه بنت الظالمة ...
المفترية بنت المفترية ...
حتى ولو كانت مظلومة فهيا بتقديم حاجات زى الزفت برضوا .. واعذرونى فى الالفاظ

كلنا عارفين ان هاله دي كل مواضيعها عن الجنس والدعارة والسفاله

وان هي سافلة وأكتر واحده بتسخر من الدين لما تجيب مخرجه أفلام الدعارة ايناس الدغيدي تفتي في الدينولولا قنوات جوزها ماكانش حد عرف عنها حاجة

يا جماعه انا بس عايز اضيف حاجه صغيره
ان النفس آماره بالسوء
يعنى لما بنت على قد حالها تشوف
واحده فى التليفزيون بتقول (انا من شغلتى كبنت ليل باقبض 10 الاف دولار فى الشهر)
تخيلو ممكن تفكر فى ايه
فى ان الانحراف ده هو الوسيله اللى بتجيب فلوس والعياذ بالله
يعنى المفروض يبقى فى تقنى فى اعداد وتقديم النوع ده من البرنامج
ويا جماعه كمان ربنا امر بالستر على عبيده
يعنى المفروض ان المشاكل دى تتحل داخليا من غير فضح فى الاعلام
يعنى من الاخر اللى عملته هاله سرحان سواء فبركه او مش فبركه
يعتبر خطا

السلام عليكم ورحمه الله وبركاته


اولا احب اشكر اميره علي الموضوع الجميل ده
ويا اميره انا مش معترفه اصلا بهاله ديه تكون مذيعه سواء من ناحيه الاسئله وسواء من طريقه لبسه وكمان اسلوابه رخم مووووووت

اما بخصوص موضوع الحلقه (بنات الليل )
انا اقول فعلا البنات غلطانين قوي ازاي بنت محترمه تقول حاجه زي كده علي نفسه

اما بخصوص المذيعه الفاشله الذي يقال عنها انها دكتوره وده طبعا مش باين عليه
هي طبعا مذيعه لا تستحق هذا اللقب لانه فهمه الحياه خطأ وفهمه انه بتشتري الناس بالفلوس ازاي يعني تكون مذيعه ديه تستحق ضرب النار بجد
وبعدين هاله سرحان ديه انسانه مريضه بجد
ومش عندي تعليق للحلقات الزباله بتاعته وفي الاخر يقول الاعلام مش عارفه ايه
ياريت يشيلوا اللي زي ديه عشان الدنيا تعمر

عندي ملحوظه
ازاي يا اميره بنات الليل يطلعوا في برنامج ويقولوا احنا بنات ليل
وبعدين معظم البنات لبسه حجاب طب ازاي ولا هو هبل

ولما سألوه عملت شويه البرئه
وقالت انا هسيب جمهوري يحكم علي الموضوع وانا عارفه ان الشعب المصري عادل والريس عادل ايه اللي دخل الريس في الموضوع وبعدين الشعب المصري عادل في ايه في الهيل

انا اسفه لو كنت طولت عليكم

انا بقول ان بعض الظن اثم يعنى انا مثلا مش متاكد من حقيقه الموضوع ده لان فى وراه حجات اكتر

تخص ظباط ما يعنى اعتقد ان البنات اجبرو على انهم يقولو انهم بنات ضيوف واخدو 400جنيه واتحفظو

الكلام والخ يعنى د\لوقتى الموضوع لسه متحددش فيه ولسه عايم وانا عن نفسى مش عارف اذا فعلا

هاله سرحان فبركت البرنامج ولا مظلومه الله اعلم

السلا م عليكم ورحمه الله وبركاته

يجماعه دى والله امراه شيطانيه فى وحده مثلمه

تخاذاربع او ثلاث بنات تغريهم انهم هيطلعو فى التلفزيون

ويقولو اللى قالوه ده علشان الفلوس تفتكرى الفلوس تقلب

الحال الى حال وغير كدا دى كدا بتحرض البنات

او الفتيات على الاستمرار فى هذه القضيه

وثانى قضيه فضيحه الفتيات المصريه بين الشعوب

امال الغلابه بقى يعملو ايه كمان كام يوم هنسمع

ان فى كام فتاه غلطو بنفس القضيه علشان الفلوس

الله هم ارحمن واحرقها يارب

الله هم اهدى شباب المسلمين

اشكرك جدا يا اميره على القضيه الساخنه دى

مع تحياتى
vip

بصراحة ياجماعة ردودكم كلها صح وعجباني وبصراحة انا مش بقتنع ببرنامجها خالص ومش اعتقد ان حد بيستفاد منه في حاجة لان مواضيعها اصلا الواحد ينكسف من نفسه ويحتقر نفسه جدا وهو بيتفرج عليها وبصراحة البنات دول لو كانوا مظلومين فعلا وعملوا كدا عشان الفلوس فهما يستهلوا اللي حصل لان مفيش واحدة محترمة تقول علي نفسها كدا حتي لو وصلت انها تمد اديها للناس من كتر الفقر والمفروض فعلا ان المسائل دي تتناقش بطريقة لائقة يعني يقولوا المشكلة ويحاولوا يحطولها حلول مش يفرجوا الدنيا عليناكدا "ربنا يهدي الجميع "

الله يخدك يا هاله

انتى واللى زيك

ومخرج البرنامج كمان

وكل اللى لهم اى صفه بالبرنامج ده


يعنى لمواخذه فى كلامى


خلى كلامنا واقعى شويه


لان ده فعلا موضوع جامد من نوعه


يعنى عشان انها عايزه تعمل نفسها يا ما هنا ويا ما هناك


تعمل كده فى ثلاث بنات ربنا يتولاهم بقا


بعد اللى عملته فيهم هاله سرحان


فضحتهم بس نرجع ونقول هم اللى فضحم نفسهم بايدهم


يعنى عشان فلوس

ارمى نفسى فى التهلكه



دا ربنا بيقول


( ولا تؤدى بايديكم الى التهلكه)


بس بعد كده


لهم ربنا بقا

امال الغلابه بقى يعملو ايه كمان كام يوم هنسمع

فعلا يا احمد الغلابه تعمل ايه ؟؟


دمتم بخير


خالد