الشكوى مذله لغير رب السما العالي،،،بشكي وأهون على قلبي المجـروح
لي قلب مرتاح من هوى الحب خالي،،،لين شاف طرفها وتابعه وين مايروح
حبيتها وحبي لهـا بلحظـة ظلالـي،،،وشيدت من لهفتي وسط قلبي صروح
لوسمعت اسمها أو بلحظه طرا لـي،،،أفز بمجلسي كني مفـارق الـروح
قالت من ضيم الايام يا(...) لا تبالي،،،ماينهدم حبٍ عالي فوق الهام مسفوح
ويا (....)انت اللي بهالدنيا صفالـي،،،ونت اللي لك الخافق بسراره يبـوح
وبيوم تغير الحال من حـالٍ لحالـي،،،والموت ما يعرف من يقول مسموح
خذت محبوبتي الاقدار وخلتني لحالي،،،الله يسامح الاقـدار ويـن ماتـروح
القدرمكتوب من الله و مابه جدالـي،،،بس القدر يومها هدم أمال وطمـوح
حبنا اللي كان هو مضرب الامثالـي،،،صار فرقا تنحكي في جد ومـزوح
غابت عن عيني وصورتها بخيالـي،،،وسري لها خافي بس القلب مفضوح
ماتت والموت ما يحترم أي غالـي،،،وصوتي من كثر البكا صار مبحوح
صرت أذكرها وأحاكـي الأطلالـي،،،ولامن وصلت قبرها أتخيله مفتـوح
رحت أبكيها عند القبريوم وتهيأ لـي،،،تناديني ما بالبكا يا(....) مصلـوح
هذا القدر مكتوب لنا يابن الحلالـي،،،أنا بقبري ونت بدنياك عطرن تفوح
صرت أهوجـس وناديهـا تعالـي،،،تكفين وارحمي من قلبه عليك مذبوح
ذرفت الدمع كثره عالخـد شلالـي،،،والقبر كنه يأشر لي وقتهـا ويلـوح
يقـول لـك يومـن مثلهـا بـالـي،،،ولك يومن مثلها مكتوب في اللـوح
وسلاااااااااااااااامتكم
lJhjj ,hgl,j lhdpjvl yhgd
مـاتت والموت مايحترم غالي
العرض العادي
