شاملة , sony , على , xperia , هاتف , نظرة

نظرة شاملة على هاتف Sony Xperia S

بسم الله
ــــــــ

1 جيجا رام,,,
1.5 جيجا بروسيسور ثنائى النواة,
32 جيجا مساحة تخزينية,
12 ميجابيكسل كاميرا خلفية,
720 بيكسل تسجيل فيديو من الكاميرا الأمامية

إمكانيات تخض..


بنتكلم عن آخر عمل لسونى (وليس سونى إريكسون) ..

Sony Xperia S




قطعة فنية بمعنى الكلمة ,, جمع بين أناقة التصميم وسرعة الأداء وكم الميزات
وحيث إن مفيش نقطة معينة نبدأ منها فهنسيب سونى تتكلم من خلال عرض الفيديو الخاص بيها

ومن على قناة تيفانت الخاصة




الإكسبريا إس هو الرائد حالياً لدى سونى, يختص بتصميم مميز عن غيره استهلك من المصممين مجهود عظيم لجعل الجزء قرب السفلى (شفاف كلياً) مع نقش أيقونات الأزرار بداخله باللون الأبيض



الجانب السىء الوحيد من هذه الإضافة أنه ليس بإمكانك الضغط على الأزرار البيضاء بداخل المنطقة الشفافة حيث أنها ليست أزراراً على الإطلاق ولكن مجرد "أيقونات"

الأزرار الحقيقة تقع أعلى الجزء الشفاف على هيئة "نقاط مضيئة" تكاد تكون غير ملحوظة إلى إذا تمت الإشارة إليها



الشاشة

أكبر ضربة قدمتها سونى فى الإكسبريا إس هى الشاشة كبيرة الحجم (4.3 بوصة) والغنية جداً جداً جداً بالألوان والوضوح بسبب الدقة العالية (1280x720)

الشاشة LED-Backlit LCD من نوع capacitive

والإجابة هى 10 أصابع ...
ده عدد الـMultitouch المسموح به فى نفس الوقت وإن كنت ترغب فى هاتف يسمح بعدد أكبر فعليك أولاً شراء بضعة أصابع لليد وأعدك أن سونى ستفكر فى إضافة هذا العدد لجهازها القادم وأن شبكة تيفا ستكون الأولى فى إلقاء نظرة تفحصية (على الهاتف وليس الأصابع)

ملخص إمكانيات الشاشة

تتميز ب342 ppi وهى اكبر كثافة بيكسلات على شاشة هاتف
زجاج مضاد للخدش لحماية ال16 مليون لون اللى جوا



الكاميرا


ماذا تتوقع ؟

الكاميرا بقوة 12.1 ميجا بيكسل لإلتقاط لقطات "كريستالية" وتسجيل فيديو بدقة 1080 بعدد 30 إطار فى الثانية الواحدة

الكاميرا مزودة بـفلاش LED وهو النقطة السيئة الوحيدة المرتبطة بالكاميرا يعنى ولا double LED ولا Xenon وده اللى كان يليق فعلاً على هاتف بالمواصفات المذكورة

الصور تلتقط بدقة 4000x3000 بيكسل

ده كان بالنسبة للمواصفات ..
أما المميزات

تكنولوجيا Exmor R لإلتقاط الصور فى الإضاءة الضعيفة
Geo-Tagging
Touch Focus للتركيز على أجزاء معينة قبل إلتقاط الصورة
إكتشاف الوجوه والإبتسامات
3D sweep panorama أى إلتقاط عدد كبير من الصور فى كل الإتجاهات ثم جمعهم فى صورة واحدة
مانع للإهتزاز لإلتقاط صور ثابتة واضحة وغير ضبابية
continuous autofocus لإعادة ضبط البؤرة أثناء تصوير الفيديو مع قرب الأجسام وبعدها عن العدسة (هذه الميزة قد لا تتواجد فى بعض الكاميرات واليوم تراها فى هاتف ذكى)
video stabilization تثبيت الصورة أثناء تصوير فيديو + فلاش

الكاميرا الأمامية تأتى بدقة 1.3 ميجا بيكسل
وعلى الرغم من تلك الدقة المتدنية فالكاميرا بمقدورها تسجيل فيديو بدقة 720 بيكسل بعدد 30 إطار فى الثانية وعمل محادثات صورية بنفس الجودة




الذاكرة


مزود بذاكرة داخلية 32 جيجابايت ولا يمكن إضافة كارت كمساحة تخزينية
رام بحجم 1 جيجا كاملة



مواصفات أخرى

نظام التشغيل هو Android 2.3 وبالإمكان التحديث لنظام Android 4 بعد ذلك
أبعاد الهاتف هى 128x64x10.6 ميلليمتر
الوزن 144 جرام
الشريحة Qualcomm MSM8260 Snapdragon
المعالج ثنائى النواة بسرعة واحد ونصف جيجاهرتز (كمبيوترى القديم كان 900 ميجا )
معالج الرسوميات adreno 220
المستشعرات Accelerometer , Gyro , Proxmity , Compass
متصفح الإنترنت HTML5 يدعم Adobe Flash
الراديو Stereo FM يدعم RDS
الجى بى إس .. يدعم A-GPS و Glonass
الألوان أبيض وأسود
يدعم SIM Card صغيرة فقط (Micro)
TV Launcher
مخرج HDMI
مخرج 3.5 mm لسماعة الرأس
ميكروفون خاص بإلتقاط الضوضاء وحذفها
عارض مستندات
TrackID Music Recognition لتوفير معلومات تفصيلية عن الموسيقى بمجرد تقريب الميكروفون لمصدر الصوت
Youtube , Calender, Google Talk,
أوامر صوتية
Predictive Text

البطارية تدوم 450 ساعة فى وضع 2G وتدوم 420 ساعة فى وضع 3G
تدوم 7.5 ساعة أثناء التحدث فى وضع 2G وتدوم 8.5 ساعة أثناء التحدث فى وضع 3G
تدوم 25 ساعة أثناء عرض موسيقى

الهاتف تم ترشيحه كأفضل الأجهزة فى معرض CES 2012 من CNET
نظرة ثلاثية الأبعاد https://www.gsmarena.com/sony_xperia_s-3d-spin-4369.php

كنتم مع..

---

k/vm ahlgm ugn ihjt Sony Xperia S sony xperia

ما شاء الله

مواصفات عالية جدا والاجمل كمان الشكل

صراحة عاجبنى اكتر من الجالاكسى إس تو ولكن فيه بعض الملاحظات طبعا كان المفروض تكون فيه بالنسبة لهاتف بالمواصفات الجبارة دى

وعلى فكرة خاصية TrackID Music Recognition فيه برنامج اصلا موجود فى الماركت بيعمل كدا لكل اجهزة الاندرويد اسمه Download89509
ياريت تقولى هل الشاشة LED-Backlit LCD أفضل ولا الـ Super amoled ?

بارك الله فيك على الموضوع والله شغل متعوب عليه,,

منوّر يا باشمهندس

بالنسبة للشاشة أنا ماليش تجارب مع الأنواع المختلفة عشان احكم
وكل الناس بتقول إن الموضوع مش بيفرق كتير يعنى كلهم بيعملوا آداء كويس جداً
غير إن ماحدش هيشترى موبايل أو تابلت والموضوع ده هيفرق معاه دايماً هيركز على مواصفات الجهاز نفسه ,,

بالمناسبة كل التعليقات اللى اتقالت على إكسبيريا إس شكرت في الشاشة جداً وبيقولوا إن لازم يكون الجهاز قدامك عشان تشوف الروعة

موبايل جباااااار !!

تسلم يا عبدو

طيب ياعبده بم تنصح واحد هيشترى .. هل جالاكسى اس 2 ولا اكسبيريا اس ؟؟

طيب ياعبده بم تنصح واحد هيشترى .. هل جالاكسى اس 2 ولا اكسبيريا اس ؟؟

استعنا عالشقا بالله ..

نبدأ بتاريخ الإعلان

الجالاكسى تم الإعلان عنه فى فبراير 2011 يعنى من عام كامل
الإكسبيريا تم الإعلان عنه فى يناير 2012 يعنى من شهر واحد
---------------------------------------------
الإكسبيريا أحدث



ثانياً الشاشة

الجالاكسى Super Amoled Capacitive Touchscreen
الإكسبيريا LED-backlit LCD Capacitive Touchscreen
---------------------------------------------
حسب تفضيلاتك لكن بالنسبالى مفيش أى فرق


الدقة

الجالاكسى 480x800 بيكسل موزعين على شاشة 4.3 بوصة بكثافة 217ppi
الإكسبيريا 720x1280 بيكسل موزعين على شاشة 4.3 بوصة بكثافة 342ppi
---------------------------------------------
الإكسبيريا أفضل طبعاً لأن الدقة HD (أنا شاشة الكمبيوتر عندى 1366x768 )

نظام النغمات

الجالاكسى vibration, MP3, Wav
الإكسبيريا Vibration, MP3 ولا يوجد wav
--------------------------------------------
لو هتفرق معاك الخاصية المفقودة يبقى خليك مع الجالاكسى


المساحة التخزينية

الجالاكسى بذاكرة 16 جيجا أو ذاكرة 32 جيجا مع إمكانية الزيادة بكارت micro يصل حجمه 32 جيجا (أقصى مساحة يمكن الوصول إليها 64 جيجا)
الإكسبيريا ذاكرته 32 جيجا غير قابلين للزيادة (أقصى مساحة يمكن الوصول إليها 32 جيجا)
-------------------------------------------
الجالاكسى يتفوق على الإكسبيريا (بغض النظر إن 32 جيجا كافيين جداً جداً جداً ولا تحتاج للزيادة)


البلوتوث

الجالاكسى v3
الإكسبيريا v2.1
--------------------------------------------
الجالاكسى افضل


توصيل الUSB

الجالاكسى يدعم وصلة مايكرو v2.0 ويدعم الـUSB on the GO
الإكسبيرا يدعم وصلة مايكرو v2.0 ولا يدعم الـUSB on the GO
--------------------------------------------
الجالاكسى أفضل


الكاميرا الخلفية

الجالاكسى كاميرا 8 ميجابيكسل مدعمة بـ autofocus, LED flash, GEO-Tagging, Touch Focus, Face & smile detection, Image stabilization
تسجيل الفيديو بدقة 1080 بعدد 30 إطار

الإكسبيريا كاميرا 12 ميجابيكسل مدعمة بـ autofocus, LED flash, GEO-tagging, Touch focus, face & smile detection, 3d sweep panorama, image stabilization
تسجيل الفيديو بدقة 1080 بعدد 30 إطار مع وجود continuous autofocus, video light, video stabilizer
--------------------------------------------
الإكسبيريا أفضل فى قوة الكاميرا (12 ميجا فى مقابل 8) ويزيد عن الجالاكسى بخاصية sweep panorama + مميزات تسجيل فيديو لا غنى عنها


الكاميرا الأمامية

الجالاكسى 2 ميجابيكسل
الإكسبيريا 1.3 ميجا بإمكانها تسجيل فيديو بدقة 720 بعدد 30 إطار
-------------------------------------------
الإكسبيريا أفضل


المعالج

الجالاكسى معالج ثنائى النواة 1.2 جيجاهرتز + معالج رسومى Mali-400MP
الإكسبيريا معالج ثنائى النواة 1.5 جيجاهرتز + معالج رسومى Adreno 220
--------------------------------------------
الإكسبيريا يتفوق طبعاً بسرعة المعالج + المعالج الرسومى يعطى ضعف سرعة الجالاكسى (Download53151)


المتصفح

الجالاكسى يدعم HTML, Adobe Flash
الإكسبيريا يدعم HTML5, Adobe Flash


نظام التشغيل على كلا الجهازين Android v2.3 ويمكن تحديثه إلى v4.0 قريباً


من غير تفكير والله يا بشمهندس الإكسبيريا إس أفضل وأجمل وأحدث
والحاجات اللى بينقص فيها عن الجالاكسى عيب تخليك تغير رأيك

+

تصميم الجالاكسى لا يمكن يكون فنى ولا مميز زى الإكسبيريا

على فكرة ياعبده مقتنع ان الاكسبيريا افضل وبصراحة مكنتش اعرفه قبل موضوعك ده .. بس قلت اشوف رأى الخبراء

ونشوف لو موجود فى السعودية بإذن الله نجيبه وربنا يوفق .. لأنه تقريبا نفس السعر على ما اعتقد

ماشى ياعم

انت فى السعودية اليومين دول ولا ايه ؟

آيون ياكنج .. بقالى ييجى شهرين اهوه ,,