قصه فى ليله الدخله بس عايز اعرف لو كنتم مكان العروسه تعملو ايه؟؟؟؟؟؟؟؟؟؟؟؟؟

قصه واقعيه حصلت في ليلة الدخله / شاب راح يخطب وحده وتمت

الموافقة على الخطبة ومن ثم الزواج


المهم

ايه بقى اللي حصل ليلة الدخلة بعد ما دخل صاحبنا شقته مع مراته وإذا بموبايله يرن ويقوم صاحبنا يرد على الموبايل

ويدور الحوار التالي:

الزوج : ألووووو.

المتصل : السلام عليكم ورحمة الله وبركاته .

كيف حالك يا (فلان) و ألف ألف مبروك .

الزوج : وعليكم السلام وفينكم يا أندال ما حضرتوش الفرح يا معفنين.


المتصل : والله تعطلت بينا العربيه في الطريق واحنا جايين عندكم ووصلنا وسألنا عنك قالوا انك روحت مع المدام.وذلوقتى احنا راجعين بيتنا.((طبعاً البيت يبعد حوالي 300كم ))


الزوج : المهم تعشيتوا .

المتصل : لا والله.


الزوج : كم عددكم؟


المتصل : عشرة.

الزوج : أقولكم انتوا متعشيين عندى النهارده


المتصل : يا ابن الحلال انته فى ليله الدخله


الزوج : يبنى اخلص أنا أنتظركم مع السلامه.

وقفل الخط.


الزوجه المسكينه مش مصدقه اللي عمله جوزها ليلة الدخلة

ثم قال يا فلانه أنا رايح السوق وراجع.

===((افتكرته بيجيب عشاء جاهز))

بعد ربع ساعه رجع الزوج ومعه أغراض العشاء .


قالت الزوجه ايه دا .

(البيه جايب الحاجات بتاعت الاكل على اساس انها تطبخها)


قال ياله همتك الناس على وصول


في أثناء الحوار.


الباب يخبط .


قال هم وصلوا يالله شدى حيلك.


وراح يستقبلهم.


المهم المسكينه في المطبخ تقطع البصل و الطماطم

بفستان الزفاف وعيونها تدمع

وتقول في نفسها

( بكره ارجع بيت ابويا من الفجر وأطلب الطلاق)

المسكينه عملت العشاء وتعشوا المعازيم


وكله روح بيته


المسكينه متضايقه .


و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟


أن زوجها يخش عليها ويرمي لها بــ(50000)خمسين ألف جنيه


قال هذا حقك


قالت مش فاهمه


قال الرهان اللي بيني وبين زملاي العشرة على كل واحد
(5000 جنيه) بأنك تطبخين ليلة الدخلة


موقفك ايه بقه يا عروسه لو انتى مكانها

---

rwi tn gdgi hg]ogi fs uhd. huvt g, ;kjl l;hk hguv,si julg, hdi?????????????

عارف المشكلة انى متضايقة من فكرة الرهان

لو القصة فى انة ضايف زمايلة كان ممكن اعديها

بس يتراهن علية

اسفة امة وابوة واللى نفضوة

هأخد الخمسين الف واقوله تصبح على خير
وودع هواك وانساه وانسانى

ههههههههههه
انتى تماااااااام
انا معاكى فى ان فكرة الرهان غلط
بس الست من واجبها طاعة زوجها فى اى حاجة
ما دامت بعيدة عن المعصية
وذلك لحديث الرسول عليه الصلاة والسلام
كان بيقول فيه ان الست
لو كان ربنا امرها تسجد لحد من البشر هيبقى جوزها
يعنى كناية عن الطاعة مادامت فى غير المعصية
وبعدين الراجل كانت نيته خير يعنى ومبسوط بيها
بدليل انه ادالها الفلوس فى الاخر
ده راجل عشرة على عشرة ومفيش زيه

انا معاكى يا برنسيس بس المفروض ان الراجل ده يبقى عنده حساسيه شويه يعنى مهما كان المفروض ان المراه تطيع زوجها لازم الزوج يراعى كمان فى القصه دى باين انه بعد كده مش هيهمه احساسها يعنى هيعذبها فى حياتها بعد كده

والله وجهتين نظر تمام



الاولى ان الست تحافظ على كرامتها وبلاها الفلوس والجواز لانه اتراهن عليها


والتانيه ان الزوج كان ممكن بيختبر مراته


ومش اى اختبار كمان



فانا رايئ ان الموضوع لو كان اختبار ليها يبقى مبروك عليها ال 50 الف جنيه


لكن لو هوا رهان صرف يبقى بكره الصبح تخلعه


ولا بكره الصبح ايه



تسيبله البيت دلوقتى وتخلعه


المهم مش عايز حد يتأثر بوجهه نظرى لما يرد


كل واحد او واحده يقول اللى مقتنع بيه

المشكله في الرهان وعارفيين هو مش عنده دم

وانا هعمل التالي اوكي

1-هخد الفلوس
2-وابدأ العقاب علي طريقتي الخاصه ومش هخالف كلام ربنا
3-وهعمل دور الطيبه لاحد ما يقول حقك عليه
4-وانا هفكر بقي لو كنت ارجع علي العقاب والتعذيب ولا لاء
5-وبعد ما اقرفه ارفع قضيه واخد كل حقوقي من نفقه ومؤخر وخلافه
6-واقعد في البلكونه واتفرج علي السما واكل لب واتفرج علي التليفزيون وابقي فرحنا كده قوي


ايه رايكم
شكراااااااااااااااااااااااا يا مندوز الموضوع جميل جدا

وال بيقولوا البنات مش مفتريه

يجوا يشوفوا

ههههههههههه

حلوة يتخلع دى دة هيبقة خسارة فى مروحاى للمحكمة عشان أخلعه

دة عايز يتخلع من جذور رقبته

مش عارفة أنا ممكن لو مكان العروسة يجرا لى حاجة من الصدمة

دة هدم إحساس جميل كان بينهم

أزاى مثلا دى أهم حاجة المفروض فى الارتباط من أيام الخطوبة يبقم صرحة فى كل حاجة

غير كدة يتراهن مع أصحابه على الإنسانة اللى ارتبط بيها

دة عيب عليه قلل منها امامه وأمام نفسها وأمام أصحابه

منه لله بجد
كسر نفسها اللهى تتكسر رقبته

غير بقة لو هو حس إنه غلط فيها ويكفر عن اللى عمله وهى تقبل طالما هو حي بالذنب

بس النوعية دى لو مأمول فيها إنها تحس كان حس من الأول على إن كدة غلط

منا قلت يا توتا ممكن انه كان بيختبرها ويشوفها هتتصرف ازاى


والرهان ده كان بهظار يعنى



بس اوك


ده رايك


ها


حد تانى عنده رايئ


العروسه تعمل ايه


يعنى توتا شكلها قررت هتخليه نايم وتروح المطبخ تجيب ساطور وتخلص

ههههههههههههههه

لا لا لا

يامندوووووووز

مش كدة أنا يعنى قصدى خلاص يقعدول يتفهموا مع بعض

هو طبعاً غلط

بس طالما هو اتجوزها يبقة شايفها دى الانسانة اللى هتسعده وتتقى ربنا فيه

وبينهم حب كمان

لكن هو أخطأ وغلط ومفيش إنسان مش بيغلط اهو يعتذر ليها مع نفسهم

وكمان أدام أصحابه

اعتقد دة هيوكن محرج

لكن هو لو كان بيتحرج أصلاً كان حافظ على شعور مراته

اهو يعنى حرام نفشكل الجوازة عشان حاجة زى دى ويكون ما بينهم حب

اهو يعتذر أدام نفس الناس ويرد لها اعتبرها وكرامتها

طيب اقرى ردى انا والطيب واميره تانى

بصراحه الموضوع معتش عايز

كلام اميره والطيب قالو اللى هيتقال


بس من راى لو هو نيته اختبار


يبقى يابخته برامته بتهيقلى اللى زيها قليل الوقتى



انا اطاعت جوزها وعملت الاكل


بس لو كان رهان بينه وبين اصحابه يبقى



اكيد انت عرفين بقى يبقى ايه؟؟؟؟


واشكرك جدا يا مندوووووز موضوع جميل جدا