للحوار , المحترم , دعوة

دعوة للحوار المحترم

بداية. سلام لله عليكم ورحمته وبركاته

اولا الكل عارف اننا بنمر بمرحله صعبه جدا وياعالم هنخرج منها امتى؟؟؟
ويمكن مانخرجش منها خالص
100 دولة قبلناعملوا ثورات شعبيه ولحد دلوقتى ماخرجوش من الارتباك اللى وصلوله
ربنا يستر ع البلد دى

ثانيا الموضوع اسمه دعوه للحوار المحترم
يعنى ياريت اللى حابب يوضح لنا رايه يقوله باحترام وف نفس الوقت يحترم الرى اللى بيخالفه
وياريت مانمشيش ع موضه التخوين والعماله اللى ماشيه ف البلد اليومين دول كانها فيروس
اى حد مش موافق ع رايي يبقى خاين وعميل وله اجنده خارجيه

ثالثا ... انا الحمد لله مش تبع حزب وطنى ولا تبع اخوان ولا حتى تبع شباب الثورة
بس انا مصريه فخورة للى شباب البلد قدر يعمله
وفخورة ان كرامه المصرى رجعت تانى
وفخورة ان العالم كله بيتعلم مننا
بس انا برضه حزينه
حزينه ع الناس اللى ماتت
وحزينه ع الظباط اللى ماتوا واللى لحد دلوقت ماحدش جاب سيرتهم
رغم انهم برضه شهداء ثورة يعنى ماهماش صهاينه ولا امريكان
اكيد كل واحد فيهم له عيلته اللى حزنت عليه
وله انه اللى فقدت فلذة بدها
ومنهم اللى له عيال اتيتموا
ومراته اترملت
وابوه ضهرة اتحنى لحد ماخلاه ظابط
فجاه كده يروح منه
وحتى ماحدش يعزى فيه
ولما يفكروا يكرموا الشهداء ماحدش يفتكر شهداء الشرطه
مافيش صورة لظابط واحد من اللى فقدوا حياتهم ف النصب التذكارى
ولا فيش اى قناة فكرت تواسى اهلهم
وحزينه اكتر واكتر ع كرامة الرئيس السابق
((محمد حسنى مبارك))
وهو رئيس سابق وليس مخلوع لانه اعلن تنحيه وليس هناك من خلعه
حزينه ع كرامةالقائد الاعلى للقوات المسلحه
اللى هى بتحمى الشعب الوقتى
وحزينه ع 30 سنه قضاهم الرئيس السابق ف البلد
وفجاه تحولوا لحياة قاتمه سوداء
ولم تتذكروا ذكرى حسنه للرجل
وحولتموه الى عميل وخائن وموالى
حزينه ع 62 سنه من الخدمه العسكريه قضاها
يخدم تراب بلده
وف الاخر يطلع بالصورة دى
طاغيه وظالم

رابعا ... انا عندى صور وحاجات شفتها بعينى
هسال ضمير كل مواطن مصرى ان كان يرضاها ولا لا؟؟؟؟
1_صورة حملها الشعب المغربى تقريبا
وردت فى تقرير لقناة الجزيرة رايته بعينى عن فرحه الشعب المغربى
بتنحى (( مبارك ))


دى صورة للرئيس السابق وعلى جبينه نجمة داوود
فى اشارة صريحه لكونه من عملاء الصهيونيه؟؟؟
ترضاها يابن بلدى؟؟؟
ترضاها للرجل اللى اتولدت وعشت واتعلمت ف عهده؟؟
ترضاها ان شعب عربى يتهم رئيسك انه صهيونى
انت عارف انهم ده بيتهموك انت انك صهيونى
ماسمعتش بيت الشعر
((اذا كان رب البيت بالدف ضارب **فشيمة اهل البيت كلهم الرقص ))
فمابالك لو رئيس الجمهوريه خاين وعميل يبقى الشعب صهيونى 100%

2_تقرير ايضا ع قناة الجزيرة
تخرج المذيعه لتقول والبسمه ملء فمها
رحيل مبارك رساله لكل حاكم ان لا يوالى امريكا
يعنى مبارك عميل امريكا
طب حتى فى مثل بيقول
(( كان بيتك بالقزاز ماتحدفش الناس بالطوب))
يعنى ماشاء الله قطر مطبعه مع اسرائيل تطبيع كامل وحنب الجزيره فى 35 قاعده عسكريه امريكيه
باه مبارك هو اللى موالى لامريكا

3_يرضيكم قناة المناركل الل حصل لحزب الله
انا شوفت بعينى كل المتصلين بيها بعد اعلان التنحى
بيباركوا للسيد حسن نصر الله راعى الثورة ف الدول العربيه
ع انتصار الثورة ف مصر؟؟؟

4_برضه شفت بعينى تقرير ع قناة عربيه لاحتفالات شعب عربى
برحيل مبارك وهما رافعين له صورة وحواليها الجزم
ده يرضى مصري حر؟؟؟؟

اللوم مش ع الشعوب دى او القنوات دى
العيب من اهل البيت
مننا احنا المصريين اللى هنا الرئيس ودمرنا تاريخه
وشوهنا صورته
ونسنا ان ارحموا عزيز قوم ذل
خامسا ... حاليا الرئيس السابق بين يدى الله
لا احد يعلم حاله هو مع الله
لا احد يعلم ان كان حيا ام ميتا
كفايه باه نهزا فيه ونضيع تاريخه اكتر من كده
كل مايجوز لنا هو الدعاء له بالرحمه ان كان فارق الحياة وبالشفاء العاجل ان كان على قيد الحياة
اللهم ارزقه التوبه عاجلا غير اجلا وارزقه قول لشهاده عند لقائك


سادسا ... يشهد الله على انى كنت صادقه ف كل كلمه كتبتها ومافيش اى كلمه كتبتها الا بناء على رؤيا عينى
ودلوقتى عايزه اعرف رايكم ياشعب مصر المحترم

---

]u,m ggp,hv hglpjvl

دعوة انا اسف ياريس اللى طالع الجمعه الجايه خير دليل على كلامى

بصراحة موضوعك جميل جدا
وانا فعلا بحترم الراجل دا
اللي حارب عشانا في حرب 73 مش يستاهل كدا مننا
وانا اؤيد الرئيس محمد حسني مبارك
ويارب الايام اللي جاية تعدي علي خير ونرجع مصر زي الاول

اولا/ عود حميد لتيفا نت ياسيلفر .

ثانيا/ بشكرك على موضوعك المتكامل اللى كتبتيه بصدق واخلاص.

ثالثا/ ورأيى ان هو فعلا يستاهل التكريم علشان حرب اكتوبر 73 وكمان موقفه فى حرب الخليج
هناك اخطاء حدثت فى فترة حكمه ولكن وارد جدا فى اى نظام سياسى فى العالم (ولا داعى للناس اللى بتقارن بأيام الصحابه لان الموازين والوضع متغير تمااااااااااااماااااااااااااااااا) مش بدافع ولا ببرر عن اخطاء الرئيس السابق ولكن خلينا نفتكر الحلو اللى عمله .

رابعا/ برجو من اى شخص مصرى انه سواء كان مع او ضد الرئيس لا داعى
للاهانه فى شخصه بكلمات سيئه ..

وأخيرا/ سبب نكسة الرئيس السابق مجموعه الفساد اللى كانوا حوله وعلى رأسهم جمال مبارك ...
(وسبب كره الناس للرئيس السابق اكتر خاصة ما حدث فى ثورة 25 يناير من ان ناس ماتت وانفلات امنى
وموقعه الجمل زى ما بيسموها ..) ولكن عفا الله عما سلف خلاص هو راح لحاله ربنا يشفيه ويعافيه ويتجاوز عن سيئاته هو وامة محمد يااااااااااااااااااااارب ..

اعذرينى على الاطاله