للدستور , مبارك , الى , الرئيس , تفويض , يعلن , سليمان , سلطاته , عمر , نائبه , وفقاً

الرئيس مبارك يعلن تفويض سلطاته الى نائبه عمر سليمان وفقاً للدستور

أعلن الرئيس حسني مبارك في كلمته التي وجهها الى الامة مساء اليوم عن تفويض سلطاته الى نائبه عمر سليمان.


ووجه الرئيس حسني مبارك الخميس كلمة إلى الأمة أكد فيها أن دماء الشهداء والجرحى لن تضيع هدرا.

وفيما يلي نص كلمة الرئيس مبارك

"بسم الله الرحمن الرحيم الأخوة المواطنون، الأبناء شباب مصر وشاباتها اتوجه بحديث اليوم لشباب مصر بميدان التحرير وعلى اتساع ارضها، اتوجه اليكم جميعا بحديث من القلب حديث الأب لأبنائه وبناته أقول لكم انني اعتز بكم رمزا لجيل مصري جديد.
"يدعوا إلى التغيير للأفضل ويتمسك به ويحلم بالمستقبل ويصنعه، أقول لكم قبل كل شيء أن دماء شهداء وجرحاكم لن تضيع هدرا، وأؤكد أنني لن أتهاون في معاقبة المتسببين عنها بكل الشدة والحسم، وسأحاسب الذين أجرموا في حق شبابنا بأقصى ما تقرره أحكام القانون من عقوبات رادعة".

وأقول لعائلات هؤلاء الضحايا الأبرياء إنني تألمت كل الألم من أجلهم مثلما تألمتم وأوجع قلبي كما أوجع قلوبكم.

"أقول لكم إن استجابتي لصوتكم ورسالتكم ومطالبكم هو التزام لا رجعة فيه وانني عازم كل العزم على الوفاء بما تعهدت به بكل الجدية والصدق وحريص كل الحرص على تنفيذه دون ارتداد أو عودة للوراء.

"إن هذا الالتزام ينطلق من اقتناع أكيد بصدق ونقاء نواياكم وتحرككم وأن مطالبكم هي مطالب عادلة ومشروعة، فالأخطاء واردة في أي نظام سياسي وفي أي دولة ولكن المهم هو الاعتراف بها وتصحيحها في أسرع وقت ومحاسبة مرتكبيها".

وأقول لكم إنني كرئيس للجمهورية لا أجد حرجا أو غضاضة أبدا في الاستماع لشباب بلادي والتجاوب معه لكن الحرج كل الحرج والعيب كل العيب وما لم ولن أقبله أبدا أن استمع لإملاءات أجنبية تأتي من الخارج أيا كانت مصدرها وايا كانت ذرائعها أو مبرراتها.




الأبناء شباب مصر الأخوة المواطنون لقد أعلنت بعبارات لا تحتمل الجدل أو التأويل عدم ترشيحي للانتخابات الرئاسية المقبلة مكتفيا بما قدمته من عطاء للوطن لأكثر من 60 عاما في سنوات الحرب والسلام، أعلنت تمسكي بذلك وأعلنت تمسكا مماثلا وبذات القدر بالمضي في النهوض بمسئوليتي في حماية الدستور ومصالح الشعب حتى يتم تسليم السلطة والمسئولية لمن يختاره الناخبون في شهر سبتمبر المقبل في انتخابات حرة ونزيهة توفر لها ضمانات الحرية والنزاهة ذلك هو القسم الذي أقسمته أمام الله والوطن وسوف أحافظ عليه حتى نبلغ بمصر وشعبها بر الأمان".

"لقد طرحت رؤية محددة للخروج من الأزمة الراهنة ولتحقيق ما دعا إليه الشباب والمواطنون بما يحترم الشرعية الدستورية ولا يقوضها وعلى نحو يحقق استقرار مجتمعنا ومطالب أبنائه ويطرح في ذات الوقت إطارا متفقا عليه للانتقال السلمي للسلطة من خلال حوار مسئول بين كافة قوى المجتمع وبأقصى قدر من الصدق والشفافية".

"طرحت هذه الرؤية ملتزما بمسئوليتي في الخروج بالوطن من هذه الأوقات العصيبة وأتابع المضي في تحقيقها أولا بأول بل ساعة بساعة متطلعا لدعم ومساندة كل حريص على مصر وشعبها كي ننجح في تحويلها لواقع ملموس وفق توافق وطني عريض ومتسع القاعدة تسهر على ضمان تنفيذه قواتنا المسلحة الباسلة".
"لقد بدأنا بالفعل حوارا وطنيا بناء يضم شباب مصر الذين قادوا الدعوة إلى التغيير، وكافة القوى السياسية ولقد أسفر هذا الحوار عن توافق مبدئي في الآراء والمواقف يضع أقدامنا على بداية الطريق الصحيح للخروج من الأزمة ويتعين مواصلته للانتقال به من الخطوط العريضة لما تم الاتفاق عليه إلى خريطة طريق واضحة وبجدول زمني محدد تمضي يوما بعد يوم على طريق الانتقال السلمي للسلطة من الآن وحتى سبتمبر المقبل".

"إن هذا الحوار الوطني قد تلاقى حول تشكيل لجنة دستورية تتولى دراسة التعديلات المطلوبة في الدستور وما تقتضيه من تعديلات تشريعية، كما تلاقى حول تشكيل لجنة للمتابعة تتولى متابعة التنفيذ الأمين لما تعهدت به أمام الشعب".

"ولقد حرصت على أن يأتي تشكيل كلتا اللجنتين من الشخصيات المصرية المشهود لها بالاستقلال والتجرد ومن فقهاء القانون الدستوري ورجال القضاء".

"وفضلا عن ذلك فإنني إزاء ما فقدناه من شهداء من أبناء مصر في أحداث مأساوية حزينة أوجعت قلوبنا وهزت ضمير الوطن، أصدرت تعليماتي بسرعة الانتهاء من التحقيقات حول أحداث الأسبوع الماضي وإحالة نتائجها على الفور إلى النائب العام ليتخذ بشأنها ما يلزم من إجراءات قانونية رادعة".




وأوضح الرئيس حسني مبارك في كلمته التي وجهها الى الامة انه يعي تماما خطورة المفترق الصعب الحالي، وقال انه اقتناعا من جانبي بأن مصر تجتاز لحظة فارقة في تاريخها وتفرض علينا جميعا تغليب المصلحة العليا للوطن وأن نضع مصر أولا و فوق أي اعتبار وكل اعتبار آخر، فقد رأيت تفويض "نائب رئيس الجمهورية" في اختصاصات رئيس الجمهورية على النحو الذي يحدده الدستور.




"ولقد تلقيت بالأمس التقرير الأول بالتعديلات الدستورية ذات الأولوية المقترحة من اللجنة التي شكلتها من رجال القضاء وفقهاء القانون لدراسة التعديلات الدستورية والتشريعية المطلوبة, وإنني تجاوبا مع ما تضمنه تقرير اللجنة من مقترحات ومقتضى الصلاحيات المخولة لرئيس الجمهورية وفقا للمادة 189 من الدستور, فقد تقدمت اليوم بطلب تعديل 6 مواد دستورية هي المواد 76, 77, 88, 93, 189 فضلا عن إلغاء المادة 179 من الدستور مع تأكيد الاستعداد للتقدم في وقت لاحق بطلب تعديل المواد التي تنتهي هذه اللجنة الدستورية وفق ما تراه من الدواعي والمبررات".

"تستهدف هذه التعديلات ذات الأولوية تيسير شروط الترشيح لرئاسة الجمهورية واعتماد عدد محدد لمدد الرئاسة تحقيقا لتداول السلطة وتعزيز ضوابط الإشراف على الانتخابات ضمانا لحريتها ونزاهتها".

"كما تؤكد اختصاص القضاء وحده بالفصل في صحة وعضوية أعضاء البرلمان وتعدل شروط وإجراءات طلب تعديل الدستور".

"أما الاقتراح بإلغاء المادة 179 من الدستور فإنه يستهدف تحقيق التوازن المطلوب بين حماية الوطن من مخاطر الإرهاب وضمان احترام الحقوق والحريات المدنية للمواطنين بما يفتح الباب أمام إيقاف العمل بقانون الطواريء فور استعادة الهدوء والاستقرار وتوافر الظروف المواتية لرفع حالة الطواريء".




وقال الرئيس من مقر الرئاسة بمصر الجديدة ان المواد التي طلب تعديلها من الدستور هي المواد 76 و 77 و 88 و 93 و 179 و 189 فضلا عن الغاء المادة 179 من الدستور.




وأكد الرئيس حسني مبارك على الاستعداد للتقدم في وعد لا حق بطلب تعديل للمواد التي تنتهي اليها اللجنة الدستورية المشكلة وفق ما تراه من الدواعي والمبررات.

وأوضح ان هذه التعديلات ذات الاولوية تيسر شروط الترشح لرئاسة الجمهورية واعتماد عدد محدد للرئاسة تحقيقا لتداول السلطة وتعزيز ضوابط الاشراف على الانتخابات ضمانا لحريتها ونزاهتها.. كما تؤكد اختصاص القضاء وحده بالفصل في صحة عضوية أعضاء البرلمان وتعدل شروط واجراءات طلب تعديل الدستور.

---

hgvzds lfhv; dugk jt,dq sg'hji hgn khzfi ulv sgdlhk ,trhW gg]sj,v

ياريتها فوضها لحد عدل
التفويض قد يعنى انه من حق الرئيس اعاده سلطاته لنفسه فى اى وقت
واحنا ياما اتخدعنا واتكذب علينا لسه برضو هنصدق

اولا السلام عليكم
ياجدعان حد يفهمنى حاجه؟؟؟
الرئيس قال وبمنتهى الصراحه انه مش هيترشح تانى
لا هو ولا ابنه
عايزين ايه ؟؟؟ عايزنها تولع!!!!

الثورة نادت بحاجات تم تنفيذها

حكومه واتغيرت اينعم مش كلها بس ع الاقل حسينا بتغيرات
ورئيس الوزراء قال ان اللى موجودين ادامهم فرصه لو مااثبتوش جدارتهم هيمشوا
نصبر شويه

مجلس شعب وهيتنظر فى الطعون والمجلس مطعون فيه باكتر من 1527طعن يعنى تقريبا تلات اربع الاعضاء مطعون فيهم
مافرقتش عن الحل كتير قوى يعنى ومش حياة وموت مادام الطعون هيتاخد بيها ولا هو تعنت والسلام؟؟؟

اختيار نائب بنادى بيها بقاتلنا 30 سنه وجاب النائب جابه متاخر جابه بدرى المهم جابه وللعلم عمر سليمان ان من اتر الاسماء التى يناشد بها الناس لتتولى مهام نائب الرئيس

تنحى والراجل اعلنها صريحه هيفوض صلاحياته للنائب يعنى وجوده شرفى والنائب هو اللى هيحكم البلد واظن الل لاحظ فى خطاب النائب لغه رؤساء البلاد التى تحدث بها

محاكمه فاسدين واتخذت بالفعل اجراءات تؤكد نيته التعامل مع الفاسدين ايا كانت مواقعهم واحجامهم حبيب العادلىو رشيد والمغربى وجرانه وغيرهم
واحمد عز ....... مش ده ياناس اللى لشعب بقاله سنين عايز يحاكمه اهو هيتحاكم نستنى باه نشوف اللى هيحصل

تعديل دستور عدل 5 مواد وهيلغى ماده هتفتح الباب امام الغاء الطوارئ
بقالنا سنين بنحلم بالغاء الطوارئ
ولما غيره بقى وحش ومش كفايه

زياده اجور رئيس الوزراء زود الاجور ب15%اول مرة تحصل ياجدعان

برضه لا مش عاجب صح المفروض الزياده توصل 200%

الاقتصاد على وشك ينهار قناة السويس شبه قافله البورصه واتوقف تداولها والدولار كان قرب يوصل 6 جنيه
بالعقل مستنسن ايه تانى يحصل؟؟؟

الوقتى الشباب بتوع الميدان بيقولك عمر سليمان راخل لا؟؟؟
طب لا ليه ؟؟؟؟ مش فاهمه؟؟؟
ماهو من يومين كان كويس !!!!
بس مادام هيمسك يبقى لا ولاو خلاص من غير تفاهم

انا مش بقلل من حجم الثورة بالعكس يسلم الشباب المصري الرائع اللى حقق اللى ماحدش كان يحلم بيه
واللى قام بثورة رائعه تكتب فى التاريخ
والله يرحم كل الشهداء اللى روت دمائهم ارض مصر واللى هيكتبوا بدمهم وانفاسهم تاريخ جديد لبلدهم وعصر حريه وديمقراطيه
واللى يقول غير كده استحاله يكون مصرى

بس برضه هيفضل حسنى مبارك بعد 1000000 سنه هو حسنى مبارك قائد الضربه الجويه الاولى فى حرب اكتوبر
وهيفضل هو اللى رفع علم مصر فوق طابا وهيفضل هو رئيس مصر السابق لمده 30 سنه
مش معقول ال30 سنه كلها خراب ودمار وكبت ومش معقول برضه كلها بمبى وحريه
معاكم انه اخطا وانه صبر ع الفاسدين بس ياجماعه كل بنى ادم خطاء مين فينا مابيغلطش
وع اد المسئوليه ماهى كبيرة كان خطاه كبير
ف الاول والاخر يفضل رمز مصر اللى ابناؤه مااحترمهوش وقاله عليه خاين وعميل فبالتالى الكل غلط ف حقه لان عياله غلطوا فيه
الاول والاخر هيفضل هو حسنى اللى حكمنا 30 سنه ع الاقل افتكروله حاجه واحده كويسه عملها وماحدش يقولى ماعملش.... لا عمل بس احنا كده بننكر لجميل

عارفين لو هتفتكروله البنت اللى كانت هتسقط عشان موضوع التعبير ولولاه ولولا تدخله كانت سقطت هتحسوا انه كان اب ساعتها وانه خاف ع مصلحه البنت دى
باه بالزمه اللى خاف ع مستقبل طفله مش هيخاف ع مستقبل بلد ويبيعه؟؟
عارفين لو تفتكروله انه هو اللى خرج سماء عبد الفتاح بتاعة حركه 6 ابريل من المعتقل بتاع ماامها ناشدته وبعد ماخرجت بقرار جمهورى طالعه الوقتى تقول عليه خاين وعميل
لو مش خايف ع مصلحتها وع مستقبلها خرجها ليه؟؟؟؟ واذاى هيضحى ببلد وهو ماضحاش ببنت من بنات شعبه
عارفين لو تفتكروله محاولة الاغتيال فى اديس ابابا لما شاف الموت هناك واذاى انتم او ابائكم زعلتوا ويمكن ايدتوه
هتحسوا انكم بالظبط زى عياله وانه فعلا اب لكل مصرى
عاررفين لو تفتكروا 62 سنه من الخدمه العسكريه لتراب البلد دى هتعرفوا انه رمز ماينفعش يتهان

اللى فيكم بيتفرج ع قنوات عربيه او اجنبيه هيعرف يعنى ايه الناس دى شماتنه فينا ونفسها انه يهرب ويبقى لاجئ سياسى ويخبط ع بيبان الدول على ما يلاقى دوله تستقبله لانه ببساطه مطرود من شعبه

لانه طول ال30 سنه ماسمعناش انه طاطا راسه لاى دوله عربيه او اجنبيه وانه كان رافض التدخل باى شكل ف السياده المصريه
لو كان ماعملش حاجه عدله غير ده كانت كفايه علينا قوى

انا هسيبلكم انتم الحكم ترضوا ان ابوكم مهما عمل فيكم تقولوه احنا مش عايزينك ف البيت خالص
ولا هتفتكروله لحظات حلوة وتشفعوله

اه هنغير ف البلد واه هيتعدل حالها بس لا مش هتغلط ف حق رموزها ومحمد حسنى مبارك واحد من رموزها

silver_shadow

سؤال دستورى

مجلس الشعب علشان يشيلوا حد لازم موافقه 2\3 من الاعضاء

طب لو جه حكم ان 3\4 المجلس باطل هيحصل ايه !!!!!!!

هل هيصوت العضو على انه يسقط نفسه !!!

فتحى سرور نفسه هيعمل ايه لو جاله حكم ضده هيصوت ازاى وهو رئيس المجلس


نسيبنا من نقطه الدستور

بخصوص المرتبات

الناس بطلت ينضحك عليها بالعلاوات الرمزيه

انتى تعرفى ال 15 % دى كبيرها كام

200 جنيه زياده

دا كبيرها

ممكن توصل ل 30 جنيه على فكره

وزيادات الرئيس السابقه خير دليل

مجلس الوزراء فين اللى اتغير

قولى عدلنا فى 5 حقائب وزرايه

الوزير المزور موجود

والوزيره اللى بتبوس الايد موجوده

والوزير اللى بيهدر المال العام وبيصدر لاسرائيل موجود

دا كفايه ان حسن يونس موجود صاحب فضيحه بكتل وبجسكو


اما عن المحاكمه والكلام ده

طب اضحك ولا اعمل ايه

القرار نازل بالتحفظ على اموال الاشخاص فقط وليس زويهم

فى فضيحه اكبر من كده

ا ب سرقه انك تكتب جل ممتلكاتك باسماء قرايبك

ثانيا ده مش جديد البلاغات متقدمه من زمان كل اللى حصل انها اتفتحت ومع ذلك ممكن تطلع فشنك ومفيش ادله وكلها كلام مرسل والنتيجه ان محدش يتقبض عليه ويبقى الشعب شربها

عمر سليمان خسر كتير بقبوله منصب النائب وتصريحاته اللى زى ما الناس بتقول حولته الى عمر سليمان عواد نسبه الى سليمان عواد المتحدث باسم الرئاسه !!!! موجود وكانه غير موجود فى القرارات

نقطه التنحى يمكن للرئيس العوده فى اى وقت يريده ( يعنى ما انفضاض المولد )

بخصوص الفرجه على القنوات

انا عايز واحد يقلى ما نتيجه الفرجه على التليفزيون المصرى

العته المغولى

الهبل المستعصى

هى دى قنوات

قنوات اتفضحت اعلاميا

دا حتى احدى القنوات المصريه عملت فضيحه اعلاميه بانهم جابوا البت الصحفيه اللى قالتلك امريكا والموساد وكنتاكى و50 الف دولار وفى الاخر طلعت شغاله تحت سمير رجب اللى طردها من الجرنان وزمايلاها هزؤها !!

يبقى اصدق اى اعلام


الرمز اللى اتكلمتى عنه على عينى وراسى ولكن

فى وقت لازم تنزلى من على الفرس وتتركى الفرصه لغيرك

واوعى ينضحك عليكى بانه مكنش ناوى يترشح كده كده

الكلام ده تم بعد ثوره الشباب لكن صدقينى قبل الثوره كان هيقلك عدت شابا اكثر من ذى قبل زى 2005 كده

سؤال دستورى

مجلس الشعب علشان يشيلوا حد لازم موافقه 2\3 من الاعضاء

طب لو جه حكم ان 3\4 المجلس باطل هيحصل ايه !!!!!!!

هل هيصوت العضو على انه يسقط نفسه !!!

فتحى سرور نفسه هيعمل ايه لو جاله حكم ضده هيصوت ازاى وهو رئيس المجلس


نسيبنا من نقطه الدستور

بخصوص المرتبات

الناس بطلت ينضحك عليها بالعلاوات الرمزيه

انتى تعرفى ال 15 % دى كبيرها كام

200 جنيه زياده

دا كبيرها

ممكن توصل ل 30 جنيه على فكره

وزيادات الرئيس السابقه خير دليل

مجلس الوزراء فين اللى اتغير

قولى عدلنا فى 5 حقائب وزرايه

الوزير المزور موجود

والوزيره اللى بتبوس الايد موجوده

والوزير اللى بيهدر المال العام وبيصدر لاسرائيل موجود

دا كفايه ان حسن يونس موجود صاحب فضيحه بكتل وبجسكو


اما عن المحاكمه والكلام ده

طب اضحك ولا اعمل ايه

القرار نازل بالتحفظ على اموال الاشخاص فقط وليس زويهم

فى فضيحه اكبر من كده

ا ب سرقه انك تكتب جل ممتلكاتك باسماء قرايبك

ثانيا ده مش جديد البلاغات متقدمه من زمان كل اللى حصل انها اتفتحت ومع ذلك ممكن تطلع فشنك ومفيش ادله وكلها كلام مرسل والنتيجه ان محدش يتقبض عليه ويبقى الشعب شربها

عمر سليمان خسر كتير بقبوله منصب النائب وتصريحاته اللى زى ما الناس بتقول حولته الى عمر سليمان عواد نسبه الى سليمان عواد المتحدث باسم الرئاسه !!!! موجود وكانه غير موجود فى القرارات

نقطه التنحى يمكن للرئيس العوده فى اى وقت يريده ( يعنى ما انفضاض المولد )

بخصوص الفرجه على القنوات

انا عايز واحد يقلى ما نتيجه الفرجه على التليفزيون المصرى

العته المغولى

الهبل المستعصى

هى دى قنوات

قنوات اتفضحت اعلاميا

دا حتى احدى القنوات المصريه عملت فضيحه اعلاميه بانهم جابوا البت الصحفيه اللى قالتلك امريكا والموساد وكنتاكى و50 الف دولار وفى الاخر طلعت شغاله تحت سمير رجب اللى طردها من الجرنان وزمايلاها هزؤها !!

يبقى اصدق اى اعلام


الرمز اللى اتكلمتى عنه على عينى وراسى ولكن

فى وقت لازم تنزلى من على الفرس وتتركى الفرصه لغيرك

واوعى ينضحك عليكى بانه مكنش ناوى يترشح كده كده

الكلام ده تم بعد ثوره الشباب لكن صدقينى قبل الثوره كان هيقلك عدت شابا اكثر من ذى قبل زى 2005 كده

الله ينور عليك يا محمد
دا اللى جوايا ومن صدمتى امبارح مش عارفة اطلعه

نفسى الناس تفهم ان التفويض غير التنحى
معنى انه يفوض سلطاته فهو يفوض سلطاته فما عدا تعديل الدستور وحل مجلس الشعب
يعنى الخطاب الاول مفيش فرق بينه وبين الخطاب التانى

علاوة الى انه يستطيع ان يسترد سلطاته فى اى وقت
الان فى ازمة ثقة بين الشعب والنظام فالشعب اصبح لا يصدق وعود انما يريد خطوات عملية وفعلية

صحيح زي ماقالت فجر ان التفويض غير التنحي
التفويض هوا تفويض شخص في القيام ببعض اختصاصات الرئيس او سلطاتة
ويستطيع الرئيس استرداد هذة االسلطات او يقلل منها كيفما يشاء

متفقه معاكى جدا ياسيلفر شادو
لحد امتى وقف الحال الموجود فى البلد دا
لحد امتى انهيار الاقتصاد وضرب السياحه وعدم الاستقرار
لحد امتى العمال اللى شغلها باليوميه هيفضل حالها واقف علشان خاطر اللى بيحصل دا
البلد هتتحول لفوضى ان كانت فعلا مبقتش فوضى,,,,
البلد عمرها ما هتتغير من يوم وليله والبلد هتبقى فلة شمعه منورة من يوم وليله برضو
ارحموا من فى الارض يرحمكم من فى السماء وارحموا عزيز قوم ذل
كنت عايزينه يتنحى وهو فوض مكانه النائب والجيش ضمن عدم رجوعه تانى
يعنى يعتبر دا خطاب النهايه للرئيس ..
اللواء عمر سليمان كان ناس كتير عايزاه الوقت خلاص مبقتوش عايزينه
ضيعوا مصر مننا وسيبوها للمخاطر الخارجيه اللى بتزيد واحنا مش حاسيين
بتقولوا الاعلام ما لجنه الحكماء ضمنت تغيير الاعلام واعلنت فى بيان انه يتغير ويكون اعلام حر ,,
ياريت الوضع يهدى وربنا يحمى مصر من كل سوء وشر ..

ياجماعة انتم سؤاء متفقين او مختلفين
فالرئيس اتنحي وخلاص

كشف اسباب تاخر خطاب مبارك بالامس
الناحية الصحية للرئيس مبارك تتدهور ويتعرض للاغما...ء مرتين اثناء تسجيل خطابة أمس ، وأنتقل في طائرة الرئاسة مع أسرته متوجها إلى مدينة شرم الشيخ لقضاء أيامه الأخيرة ومنها لالمانيه

وأكدت مصادر أن تدهور حالة مبارك... الصحية، جعلت الأطباء يزيدون من جرعات العلاج الكيماوي والحيوي الذي يتناوله لعلاج السرطان ، وقد اص...يب بنوبتي اغماء خلال القائه بيانه المسجل، الذي أذاعه التلفزيون المصري مساء أمس الخميس، وقامت إدارة الإعلام بمؤسسة الرئاسة بعمل "مونتاج" على الخطاب المسجل.

اقسم بربي انك مازالت وستظل ف قلبــــــــــــي يا مبارك