عتاب_ لكل التيفاوية

**ملكة بحجابى** · 2010-09-19, 10:32 PM

بسم الله الرحمن الرحيم

انا لا اعلم اذا كان لي حق العتاب عليكم احبائي في منتدى تيفا أم لا لاني بصراحة لي عتاب عليكم وانا أقصد بكلامي الأعضاء أصحاب المشاركات الكثيرة والفعالة &&& من غير لف ودوران كتير هدخل في الموضوع
ماسمعتوش عن سب السيدة عائشة؟؟
أكيد سمعتوا........لكن فيه حد عمل موضوع وقال ياجماعة عايزين مشاركات للدفاع عن حبيبة رسول الله _صلى الله عليه وسلم_ مفيش غير عيون الحب نقل حلقة للشيخ محمد حسان واالله أعلم ان كان حد فينا حملها ولا عدا ع الموضوع كده وخلاص
***الخلاصة***
احنا أقل حاجة نقدر نعملها ان أحنا نقدم مشاركات باللي نعرفه ونقدر ندافع به عن حبيبة رسول الله_صلى الله عليه وسلم_

** وأخيرا ....... أسفة ع الاطالة واعتذر لو حد زعل من كلامي

ujhf_ g;g hgjdth,dm

**MafiawwY** · 2010-09-19, 11:21 PM

حسبنا الله ونعم الوكيل على كل من سب الرسول وامهات المؤمنين والصحابه وما نقول إلا اللهم رد كيدهم فى نحرهم وانصرنا عليهم نصر عزيز مقتدر واللهم اكفينيهم بما شئت وكيف شئت,,
اللهم يا رب نسألك ان ترينا في هؤلاء الشيعة عجائب قدرتك اللهم عليكم بهم اللهم يتم أطفالهم وسود ووجوههم أنزل غضبك عليهم انزل سخطك عليهم وعلي هذا الكافر اللهم أعمي بصره اللهم أقطع يداه شل قدمية ياارب أمين..

اعذرينا اختي قد يكون البعض لا يعلم بالامر لان الخبر تقريبا من 3 ايام, وانا لم اعرف هذا الخبر الا من خلال موضوعك هذا وأكيد هيكون فيه وقفه ومحاكمه والموضوع مش هيعدي طبعاً لازم هيكون فيه محاكمه لهذا الفاسد...

**ملكة بحجابى** · 2010-09-19, 11:33 PM

اعذرينا اختي قد يكون البعض لا يعلم بالامر لان الخبر تقريبا من 3 ايام

انا اسفة لو كان كلامي ضايقك لكن منتدى تيفا معروف عنه السبق في كل شئ

**كده تمام أوى** · 2010-09-20, 12:58 PM

السيدة عائشة أحب النساء إلى قلب الرسول
تأثرنا بحياتها , ومازلنا نتذكر ذكائها وحيائها

لكن ,,, تبقى كلمة

كل يوم بنسمع زى الحاجات دى
اللى بتكرهنا كل يوم فى أعداء الإسلام
وده طبعا فى إطار الحملة اللى موجودة دلوقتى فى دول الغرب لتعليم الإسلام

لا تجادل الأحمق , فقد يصعب التفريق بينكم

ندخل نرد فى الموضوع
هنقول ايه
الله يحرقهم أو يلعنهم
هما كده كده ملعونين
طيب نعمل ايه

كل لما نسمع زى الأفعال دى
الواحد دمه بيتحرق
بس مكتف مش قادر يعمل حاجة
لا أنا وزير ولا سفير ولا حتى رئيس
أنا واحد من الناس
نعمل مظاهرة جوه بلدنا
اذا كان مش عارفين ناخد منهم وعود بإنتخابات نزيهة

انتى عاوزة تغيرى ألف ولا ألفين فى المنتدى
احنا 80 مليون صوت مكتوم
مش عارفين أعداء الإسلام دول بره ولا جوه
موضوع زى ده ممكن يوصل ل 6000 رد بعدد أعضاء المنتدى
بس يبقى رد وخلاص
كلام مكتوب
يمكن واحد ياخد رد اللى قبله ويكتبه تانى

التغيير لازم يبدأ من الرعاة بتوعنا
عشان كده بنهرب
مكتوب علينا هنا اننا نتعب ومنلاقيش حد يقدر تعبنا
الكليات بره فى الشارع
عشان اتعلمنا غلط

معلش انا طولت فى الرد وخرجت من الموضوع
لكن جوانا مليون صوت مكتوم
نفسنا نتكلم
نفسنا نقول نفسنا نصرخ
بس محدش هيسمعنا

تعرفى أن اغلب الوفيات فى مصر اكتئاب

لعلمك ان اللى بيقول الكلام ده اغبية
عاوزين بس يستفزوا المسلمين
لو قرأنا فى التاريخ هنلاقى
ان معظم الغرب دول منهم اللى اسلم لما قرأ حياة الصالحين

النهاردة شفت فى التلفزيون
واحد اتجوز واحدة
وبيقنعها انها تدخل ديانته
ودلوقتى بتاخد محاضرات
لا إسلام ولا مسيحية ولا يهودية ولا حتى بتاعت الهنود دول
ديانة اول مرة اسمع عنها فى حياتى

وبعدين فيه هنا فى مصر ناس مبتصليش ولا تعرف يعنى ايه مسجد
ومكتوب فى البطاقة مسلم
كنت مرة فى الساحل
شفت اشكال ما يعلم بيها الا ربنا
مصريين مش أجانب

وكمان اللى سب مسلم كويتى
احنا بنهزأ نفسنا قدام العالم

**Muhamed** · 2010-09-20, 10:01 PM

الامر نشره فيه ضرر اكثر من نفعه

وللاسف أخذ على الشيخ صفوت حجازى انه جاب لقطات من الحقير اللى اسمه ياسر وفيها بذاءات على احد امهات المؤمنين وبكده يبقى وقع فى اللى كان بيقع فيه الناس زمان فى موضوع الصور المسيئه ان لما نيجى نرد عليه ننشر الصور وتحتها حسبى الله ونعم الوكيل

للاسف الحلقه اللى اتذاعت جابوا لقطات لياسر ده وهوا بيتكلم وجابوا شرحله لكلامه وبعدها الشيخ صفوت رد عليه ووصل لانه قال لو شفته هقتله

كل ده كويس

بس انتشار الموضوع شايفه سلبى اكتر منه ايجابى

السيده عائشه لن يضيرها عواء الكلاب

طبعا اللى شاف الكلام هيلاقيه كلام ملوش معنى غير انه كلام عبيط

بس دا للناس الفاهمه

للاسف بعض الشباب الصغيرين وما اكثرهم فى المنتدى ميفضلش انهم يعرفوا اساسا الكلام اللى اتقال لان دلوقتى لما هبحث على النت هلاقى للاسف مواقع ناشره كلامه الحقير

طبعا كونه شيعى الموضوع اصبح واضح واصبح واضح ليه اتكلم عن السيده عائشه فقط

وفى نقطه عايز اوضحها ايه الفرق بينه وبين الشيعه اللى بيقللوا من قيمه الصحابه الكبار كابوبكر وعمر

انا شايف اننا مكناش نهتم بالكلام الفارغ ده وكان الافضل الاهتمام بامور اخرى خاصه بدينا وتطبيق منهجه

بدل ما كل واحد الشيطان وازه علشان الشهره يطلع يغلط فى حاجه فى الاسلام واحنا من رده الفعل " المبالغ فيها" بنشهر اللى بيعمل كده

وفى نقطه برضه اوضحها

ودى وجهه نظر خاصه تناقشت فيها مع احد زملائى

وهى ان القتل لامثال هؤلاء كان واجب فى عصور اخرى كانت الدوله الاسلاميه فيها غير ذلك وكان من يفعل ذلك داخل حدودها

اما العصر الحالى فلا الدوله الاسلاميه كما كانت وقتما ظهرت الفتو

ولا من يقولها يعيش فى عالمنا الاسلامى

**فجر الاسلام** · 2010-09-21, 04:10 PM

انا معرفش الصراحة ايه الموضوع دا
لان عامة لو فى حاجة مثلا بيكون فيها اساءة لصحابة او لاهل البيت مش بشوفها لانى بكون عارفة انها من الشيعة واعتقد اليوتيوب مليان ومحبش انى شوفها

**عبدالرحمن م** · 2010-09-21, 05:06 PM

أولاً أعتذر لغيابى اليومين اللى فاتوا واللى جايين بسبب الدراسة

أفضل رد للناس دول هو إنك ماتردش من الأساس

لإن شىء معروف بإنك لو رديت على واحد بيستفزك يبقى انت كده خسرت حتى لو هتغلبه فى النقاش بعد كده

إمبارح حرقوا المصحف وزمان سبوا الرسول والنهارده السيدة عائشة وبكرة هيكون فيه إهانات أكتر واكتر

مفيش حاجة ممكن تتعمل وما اتعملتش

لكن لو غيران على دينك امسكه بايديك وسنانك وانسى اللى بيشتموك لأن نفسهم مش هينقطع لكن غضبك ممكن يقتلك