ابن , ادم؟!!!!!

ابن ادم؟!!!!!

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

احدى رباعيات صلاح جاهين

---

hfk h]l?!!!!!

::

::

::

شكراً لقلمك الجميل ,, النابض حسناً حسنائي ..
شكراً .. بعبق الريحان .. كوني بخير ..

||

تسلم ويسلم مرورك العطر سمو الاحساس

رووووووووعة يا أحب حبيب
سلمت يداك الذهبيتان
ومجهودك المميز

ياريت نعرف فعلا اننا من تراب ولأصل التراب سنعود ونحترم انفسنا قبل ان نطلب من الغير ان يحترمنا

صلااح جاهين ... اكثر من رائع
التراب .. منه واليه نعود

تسلم يااحب حبيب على هذا الطرح الرائع

شرفت بمرورك يا حبيبة أبوها ويا غريبة فى دنيا عجيبة

ألف شكر على مروركوا

نورتونى وأسعدتونى