!!؟ , ..... , لماذا , البعض , بعضنا , جيب

لماذا لا يحب بعضنا البعض ..... !!؟

اخذني الفضول لدخول موقع دردشة مشهور طالما سمعت عنه و ما ان دخلته حتى بدات اقرا سيلا من الشتائم بين الاعضاء .. كل يشتم بلد الآخر و ينهش عرض الآخر بلا رحمة !! مفردات تصعب على العين احتمالها و تخلف في نفس القارئ غصة قد يستمر اثرها طويلا!!

تركت تلك الغرفة المشئومة و ذهبت لغرفة تانية و اذا هي نسخة من الاولى
...
حاولت ان اعرف سبب الخلاف الرئيسي .. فلم افلح !!

الا اني توصلت لفكرة قد تكون غير واضحة ..

اننا فعلا و صدقا

لا نحب بعضنا البعض !!

تلك الحقيقة المؤلمة جعلتني ارى حلم الوحدة العربية سخيفا و مضحكا قياسا بتلك الشتائم و الالقاب و العنصرية التي اصبح المعظم على وعي منها و يألفها و قد لا يأنفها .. و جعلتني ايضا لا الوم الحكومات التي تعيش في كوكب آخر لا ينتمي لكوكبنا !

كيف تولد كل هذا الكم من الحقد و الغل فينا و لماذا و كيف نقضي عليه

كيف يستخدمون الالفاظ النابية و التشبيهات اللا منطقية و يغفلون عن كلام رسولنا الكريم؟

(ما من شيء أثقل في ميزان المؤمن يوم القيامة من حسن الخلق)

و اين نحن من حسن الخلق و ان كنا ضمنا الخفاء هل نتبجح ؟؟؟

خرجت و انا حزين جدا و حمدت الله عز و جل انه لم نصل لتقنية صواريخ نت او نووي نت و الا لانفجر المكااان بنا !!

ملاحظة: عذرا على الاطالة و الكلام ليس للتعميم ابدا مع كامل الاحترام

لماذا لا يحب بعضنا البعض؟

---

glh`h gh dpf fuqkh hgfuq >>>>> !!? [df

كلام صح لا نحب بعضنا البعض والسبب ؟؟

لا نجد الأحترام بيننا ولا نجد الحب في قلوبينا

ولا نجد كلام جميل يستحقه الأنسان

وانا بردو دخلت قبل كده شات لقيت واحد مصري وواحد جزائري

بيشتمو في البلاد فا احترم الناس يحترموك وقدرهم يقدروكـ

وعندك حق في كل كلمه يا فارس احنا بنحقد على بعض وبنغل من بعض كتير

فا نضع وقت لتصافي االقلوب او تسامح القلوب في الشهر الكريم

وانا باقولك يلا الحق سامح اللي انتا مزعله منك احنا في شهر كريم واستغفر ذنوبك

ورمضان شهر الأستغفار والتسامح وشهر تصافي قلوب المسلمين بين بعض

فا احنا نسامح بعض في الشهر الكريم عشان ربنا يرزقنا الفردوس الأعلى من الجنه

ولا يوجد فرق بين مشرف او عضو او مدير كلهم بيحبو المنتدى

وشكرا يا فارس على موضوعكـ ويايت مشركتي دي تكون وضحت للأعضاء

تقبل مروريـ الطيب

انت لما بتقع فى مشكلة مش بتحس إن مفيش حد فاهمك غير انت ؟

ومشكلة ورا مشكلة ده بيخليك لا تثق إلا فى رأيك الشخصى حتى لو كان الغير صح وانت غلط

لأنك عارف نفسك لكن ماتعرفش غيرك

بمعنى إن مشاعرك انت وحدك اللى تعرفها وانت وحدك اللى بتحس بيها

فلما بتغلط فى حد بتبقى مقتنع إن انت برضه صح وانك ماقلتش حاجة غلط (لأن مشاعر البنى آدم بطبيعتها ترفض كل ما هو سىء)

يعنى مثلاً الدول اللى بتحارب بعضها

قادة الطرفين مقتنعين بإنهم بيعملوا الصح على الرغم من تصرفاتهم اللى بتدل على النقيض

من الآخر الناس اللى بيشتموا بعض على الشات أو فى مواقع تانية مش مقتنعين إن هما كده بيغلطوا

هما مقتنعين بإن الطرف التانى هو اللى غلطان لأن انت تعرف مشاعرك (اللى بطبيعتها متقنعة بوجه الخير) لكن ماتعرفش غيرك

وبرضه لأسباب تانية كتير جداً ماينفعش نسيبها (ده حتى تاثير الحرارة هيفرق)

زى إن بعضهم مقتنع إن الإنترنت هو مملكة اللا ممنوع فمفيش عيب من إنك تشتم

أو لأن كل واحد بيشوف بلده بتتشتم هيدخل يشتم فى اللى بيشتم حتى من غير إنه يعرف السبب

والنتيجة

شوية بنى أدمين بيشتموا بعض ونصهم تقريباً مايعرفش أساساً هما كانوا بيتكلموا عن ايه

المشاركة الأصلية كتبت بواسطة عبدالرحمن م

انت لما بتقع فى مشكلة مش بتحس إن مفيش حد فاهمك غير انت ؟

ومشكلة ورا مشكلة ده بيخليك لا تثق إلا فى رأيك الشخصى حتى لو كان الغير صح وانت غلط

لأنك عارف نفسك لكن ماتعرفش غيرك

بمعنى إن مشاعرك انت وحدك اللى تعرفها وانت وحدك اللى بتحس بيها

فلما بتغلط فى حد بتبقى مقتنع إن انت برضه صح وانك ماقلتش حاجة غلط (لأن مشاعر البنى آدم بطبيعتها ترفض كل ما هو سىء)

يعنى مثلاً الدول اللى بتحارب بعضها

قادة الطرفين مقتنعين بإنهم بيعملوا الصح على الرغم من تصرفاتهم اللى بتدل على النقيض

من الآخر الناس اللى بيشتموا بعض على الشات أو فى مواقع تانية مش مقتنعين إن هما كده بيغلطوا

هما مقتنعين بإن الطرف التانى هو اللى غلطان لأن انت تعرف مشاعرك (اللى بطبيعتها متقنعة بوجه الخير) لكن ماتعرفش غيرك

وبرضه لأسباب تانية كتير جداً ماينفعش نسيبها (ده حتى تاثير الحرارة هيفرق)

زى إن بعضهم مقتنع إن الإنترنت هو مملكة اللا ممنوع فمفيش عيب من إنك تشتم

أو لأن كل واحد بيشوف بلده بتتشتم هيدخل يشتم فى اللى بيشتم حتى من غير إنه يعرف السبب

والنتيجة

شوية بنى أدمين بيشتموا بعض ونصهم تقريباً مايعرفش أساساً هما كانوا بيتكلموا عن ايه

كلام صح يا عبدالرحمن

هو اما الواحد بيتخانق التاني بيرمي اللوم على التاني حتى لو كان هو المظلوم

والله في الزمن ده يا بخت اللي عنده صاحب عشان الكرامه خلصت من قلوب

الناس انا نفسي نرجع زي ايام زمان كان الناس عندهم كرامه مش انهرضى تدي

التاكسي فلوس يشوفها مزورا ولا لا والله كلامك عاجبني يا عبدالرحمن م

لكن الأنسان ميسواش حاجه من دون احترامه وابتسم في وجه اخوكـ االمسلم

ولكم تحياتي

اننا لانحب بعضنا البعض حيث لم نجد احترام لبعضنا
لم نجد جو ملائم للحب
لم نجد قلوب صافيه لبعضنا
فالبعض يحمل تجاه الاخر مشاعر مخيفه من الغل والغيره
مش عارفه دا سببه ايه
الحياه والدنيا دي هي اللي خلت الانسان بقي كدا بحكم ظروفها
ولا ليه مش بنحب بعض
اصبح الكره بين الناس حاجه لا تطاق

زمان اوى جربت التجربه اللى فوق دى

بس لانه كان زمان اوى فمكنش لسه فى مصر والجزائر

كان ساعتها مصر والسعوديه

واحد سعودى بيتكلم ان القواعد الامريكيه مغرقه سيناء

والمصرى يرد عليه انه جاهل ومفيش قواعد وان السعوديه هيا اللى فيها قواعد

الكلام ده كان على حرب العراق او الانتفاضه الفلسطينيه

واحد من السببين دول كان السبب فى الخناقه

يعنى لما حصلت كارثه فى العالم الاسلامى العرب بدل ما يفكروا يحلوها ازاى

سابوا التفكير فى الحل وانشغلوا بالقاء التهم كل الى الاخر

ناس هتقول ان ده حصاد ما زرع الغرب من عملاء فى الميديا اللى محت الشخصيه العربيه

قنوات زى الجزيره اللى همها تكريه كل واحد فى التانى

انا شايف ان حتى لو معايا خبر او معلومه هتبعث الفتنه فلازم اخفيها

لكن هما شغلهم على الفتنه بين الاقطار العربيه

ساعتها كان مفيش برامج على الفطيره الا واتهامات بين الدول العربيه

وممثل الدوله دى يقول للتانى انت خاين وعميل ودولتك خاينه وعميله

وهكذا

والنتيجه

اننا فى 2010

مبقاش فى دوله عربيه بتحب التانيه على مستوى الشعوب

زمان كنت بحب الشعب السورى والسودانى جدا رغم انى مكنتش اعرف حد فيهم خالص

الحب ده متحولش لكره الحمد لله لكن على الاقل اقدر اقول انه خفت واختفى من قلبى

السبب مجهول بالنسبه ليا معلوم للمتابع للميديا اللى حوالين المواطن العربى