بسم الله الرحمن الرحيم
اولا كل سنه وانتم طيبين بمناسبه شهر رمضان الكريم
شهر رمضان
يعنى شهر التسامح
يعنى شهر الربانيات
شهر القراءن الكريم
المهم
رغم انى هتاخر عن الشغل النهارده بس قلت لازم انزل الموضوع ده ومحدش يزعل منى الموضوع هيبقى مغلق لانى متوقع لو كان مفتوح هيحصل فيه ايه
المهم
امبارح جت الاخبار عن تعرض بعثه الاهلى لالقاء الحجاره
انا عارف ان بعض الناس فى مصر كانت مستنيه حاجه زى كده علشان تخرج اللى جواها
ردا على اللى حصل فى القاهره
بس فى نقطه صغيره عايز اوضحها
فى اى بلد فى العالم
عمركم ما هتلاقوا الناس كلها حلوه او الناس كلها وحشه
مستحيل تخلى الناس كلها كويسه
لازم يكون في ايد قذره فى كل مجتمع
الجزائر تعرضت للقذف من بعض الناس فى مصر اللى التعصب اعماها
بعثه الاهلى نفس الكلام فى الجزائر
وانا شايف رد فعل بعثه الاهلى كويس
الناس سجلت الحادث ومراقب المباره سجلها وبعدها طلع رئيس النادى الاهلى وقال يا جماعه دا حادث فردى اكيد والاستقبال كان جميل من الاخوه الجزائريين
ودا اللى عقلى يتقبله
ان اكيد حادث فردى
لان مستحيل اخوانا فى الجزائر هتسيطر على تصرفات كل الناس
ولا المطلوب ان اتوبيس الاهلى يمشى فى مواكب زى مواكب الرؤساء والحرس على طول الطريق يمين وشمال
لازم نكون منطقيين
الموضوع مش عايزينه يولع لان فى ناس فى مصر مستنياه يولع علشان تخرج القذاره اللى جواها بالايذاء
لان زى ما فى متعصبينهناك
فى متعصبين هنا
كفايه الالتراس
ومش عايزين مصيبه اكبرفى العلاقه بين البلدين واحنا فى شهر رمضان فاكرين
شهر رمضان
يعنى الناس اللى مولعاها فى مواقع كوره تهدى شويه علشان ميبقاش فى كارثه
وافتكروا ان لسه فى متشين تانيين
واحد فى القاهره وواحد هناك فى الجزائر
فى النهايه
اتمنى ان الناس متتلككش
ومتكنش مستنيه الفتفوته علشان تهيص فى الهيصه وتولعها
واتمنى اننا نفتكر اننا فى شهر رمضان
شهر الموده والرحمه
وياريت نكبر مخنا شويه على الحاجات اللى ياما حصلت زمان ومحدش اتكلم لانه عادى وطبيعى وجود متعصبين فى كل مكان
لكن دلوقتى
اما النفوس اتغيرت
اما ان فى ناس فى مصلحتهم ان العلاقات بين المسلمين تبوظ
وكل سنه وانتم طيبين
hg',fi [j tn hglu',fi
الطوبه جت فى المعطوبه
العرض العادي
